لمن شافها قلبو قرب يقيف و بقا واقف و م مستوعب شى ..
نون من غير تحس مشت عليهو و حضنتو و بقت تبكى و ماسكه فيهو ..
راشد كان ح يضعف بس ف اخر لحظه اتذكر كل حاجه و كل العملتو طوالى بعده منو و وقف يعاين ليها ..
_عارفه انى غلطه و عارفه انى بستاهل ده كلو بس ..
=بس ف حاجه انتى امكن م عارفاها !... انتى م بتستاهلى و لا ربع الحب القدمتو ليك ..
من حقك تعيشى سعيده و انا شايف انو احسن تشوفى سعادتك لو مع ماهر بس م اظن!!
ماف زول ح يقدم ليكى ال أنا قدمتو !...
_راشد اسمعنى ..
=دموعك بقت م بتأثر فينى حسي .. احنا انتهينا ..
انتى حاليا بس " ام ولدى " ..
راشد طلع طوالى و كان زهجان شديد و نون دخلت الغرفه و بقت تبكى زياده ...
ف نص قعدته دى ماهر ضرب ..
بقت تعاين ف التلفون و قلبها واجعه كيف قدر ماهر يسيبه طول الفتره دى!!!
م ردت عليهو و دخلت استحمت و طلعت لقت لسه ماهر بضرب طوالى ردت و صوتها مخنووق شدييد ..
_نعم؟!..يادووب تتذكر!!!يادووب تقرر تسأل عني؟!..سبتنى ف اكتر وقت كنت محتاجه ليك فيهو .. حسي جاي علشان تعمل شنو!!؟
=نون .. انا عملتا كده عشان اخليكى تفكرى ...
_افكر ب شنو ي ماهر؟!..انت وعدتنى انك م تسيبنى وين وعودك دى؟!..لمن كلهم وقفو يعاينو لى بقرف وين كنتا؟!..جاوبنى ي ماهر!
=انا مستحيل اتخلى عنك و حسي مستعد اعوضك عن كل شى ٫ خلينا نسافر ..
انا حسي مستعد أعقد عليكى و نمشى ..
نهرب من كل الناس ي نون ..
نون سكتت مسافه بعديين بقت تبكى ..
_اهرب ليه و مع منو؟!..مع الزول الخانى؟!..و لا مع الزول الدمر حياتى و خلانى اخسر ولدى ال ف بطنى !...
و لا الزول الانسحب لمن كل الناس وقفت ضدى!!!
=نون..
_نون قلبها اتكسر و روحها اتكسرت و انت وين!!!
ويين ي ماهر ورينى؟!..
=و الله انا عملتا ..
_خلاص .. امكن قصتنا م اتكتبت ليها نهايه سعييده ..
=نون م تقولى كده
_امكن انت بس مصيرك تكون ف قلبي و توجعنى و بس ..
نون قفلت الخط و ماهر لسه بتكلم و بقا م فاهم حاجه!!
من غير يحس مشا ليها ف بيت اهلها و ابوها فتح ليهو الباب ..
ماهر سلم عليهو و طلب يتكلم معاهو و فعلا قعدو ف الصاله و ماهر حكه ليهو اى شى ..
ابو نون كان ساكت و بس بعاين لماهر لمن م ماهر قال ..
