نم بين حنايا قلبي

١٥

ماهر حبه نون لدرجه م عاديه بذات انو نون اول بت ف حياتو و اول بت يحبها عشان كده م كان بقبل نهائ بمجرد التفكير انو يخسرها ..

  كان عارف انو البعمل فيهو غلط و انها متزوجه بس كمان م قدر يوقف الحب ده و قرر لأول مره يخاطر و هو م كان زول بقبل الخساره ..

  نون قعدت مع ماهر لمن نام و فضلت ماسكه تلفونو و بتعاين للرسايل بأستغراب ..

  اتذكرت فجأه انو ولد عمها شغال ف الشرطه و انو بقدر يعرف ده رقم منو ..

  شالت الرقم و ضربت ل ولد عمها و فهمتو انو ده واحد مضايقه و راشد م قادر يحدد مكانو ..

  و فعلا بعد اقل من نص ساعه ولد عمها رسل ليها تفاصيلو و فضلت قاعده تفكر لو تورى ماهر و لا لا!...

  عند رشا :

صحت من النوم و كانت بتبكي بطريقه م عاديه ٫ دخل عليها رامي و هو مخلووع !!

_رشا ف شنو؟!..انتى كويسه؟!..قعد جمبها و بقا بحاول يتكلم معاها بس هيا كانت بتبكي بطريقه هستيريه !!

  رامي ضرب ل نون و قال ليها انو رشا م طبيعيه و م عارف يتصرف معاها !..

  نون اتخلعت طلعت ورقه و كتبت ل ماهر عنوان منذر و طلعت طوالى مشت على هناك ...

  _رشا!!و بقيت بعاين ليها مخلوعه ٫ وشها م ظاهر من الدموع و شعرها منكوش و خاته يدها ف بطنها

  رامي عاين لي و كان عايز يبكي معاها .. اول مره يشوف رشا كده ..

=رشا مالا ي نون!!!م حصل شفتها كده!!!

_مشيت قعدتا جمبها و بقيت بحاول اهدى فيها .. رشا احنا جمبك .. ورينا مالك و الحاصل شنو؟!..م تخافى ماف زول ح يعمل ليكي حاجه ..

  رشا بقت تبكي زياده و تصرخ ..

=انا كنت بحبو😭انا م عملتا شى غير اني حبيتو هو دمر لي حياتي و الله دمر حياتي بس ..

_اول م سمعتا كلامها ده قلبي بقا بضرب سريع و بقيت مصدومه و بعاين ليها ..

=انا م كنتا قاصده ي رامي .. انا مشيت ليهو هو .. هو .. و بقت تقطع ف الكلام ..

  رامي هنا جاط شديد و بقا بصرخ ..

_حصل شنو ي رشا !..بتتكلمي عن شنو انتى انطقي ..

=انا نزلتا ليكم راسكم الارض .. اعفو لى ..و بقت تبكي زياده ..

  اول م سمعتا كلامها ده قمتا من جمبها و حسيت نفسي م قادره اخذ نفسي زي الناس .. بقيت بتذكر لمن مشيت ل ماهر و الدم و النعال الشفتو ..

  للحظه اتمنيت ده كلو يكون صدفه بس لا !!

  كلام رشا وقع علي زي الصاقعه ..

_ماهر .. ماهر .. انا غلطه مع ماهر ..

رامي ضربا كف انا حسيت بيهو .. جيت عايزة امسكو لزاني لما وقعت وبقا يصرخ فيها .. دي اخرة الدلع .. دا السبب الكنت بشاكل فيهو امو .. ولسة بضرب فيها وجراها من يدها وبقا ماشي بيها برة،، جمعت قوتي وقمت مسكتها وجريتا دخلتا الغرفة وقفلت عليها تاني رفع يدو عايز يضربني قلت ليهو .. انا م مرتك تمام وماتتعامل معاها كدا حتي لو غلطت