صحيت مخلووعه كانت الساعه 7 صباحا ٫ اتذكرتا انو ماهر م برد علي طوالى مسكتا تلفوني عشان اضرب ليهو لقيتو مرسل ..
" انا كويس م تقلقى علي .."
ضربتا ليهو برضو م رده هنا خلاص قلتا اكيد هو حاصل معاهو حاجه ...
لبسته سريع و من غير اصبح ع زول زاتو طلعتا و لقيت نفسي ماشه ع بيتو ..
م عارفه من وين جاتني الشجاعه دي بس م كنتا حاسه ب شي غير اني بخبت الباب و هو جا فتح و لمن شافني اتخلع ..
_نون!!
=ماهر انت كويس؟!..
_انتى مجنونه ي بت لو زول شافك و انتى جايه ح تعملى شنو؟!..
=من غير احس حضنتو و بقيت ببكي .. قلقلتا عليك شديد اول مره تعمل كده😭
_ماهر دخلني جوه براحه و قفل الباب و انا لسه ماسكه فيهو و هو بتبسم .. لو عارف انك ح تعملى كده كان كل يوم خليتك تقلقى ..
=انا م بهظر معاك .. ي ماهر م قدرتا انوم زي الناس و ..
_قاطعنى و قرب مني شديد و انا قلبي بقا بضرب بصوره م طبيعيه .. امبارح حصلت معاي مشكله بسيطه مع شباب طايشين كده و حليت المشكله و لمن انتى بتضربي كنت ف القسم عشان كده م رديت .. رجعتا متأخر و نمتا طوالى ..
=طيب كان ترسل رساله قبل تنوم
_رسلتها اول م صحيت .. بس حقك علي حسي رأيك شنو اعوضك السهر
=كيف
_باسنى و بعدين مسكني من يدي قوي و ختاها محل قلبو .. بأني احبك الليله اكتر من باقي الأيام❤️
=تعويض لكن .. و بقيت بضحك
_ح البس و نطلع نمشي الجامعه طيب
=طيب!..
قعدتا اتفرج ف البيت و دخلتا المطبخ عملتا ليهو الشاى و طلعتو الصاله ..
هو نزل و لقاني قاعده مستنياهو ..
_عملتي لي الشاي كمان ٫ متين اصحه كل يوم و اصبح بوشك الحلو ده ي حلوه
=بتتسهل ان شااء لله قريب ..
شرب الشاي و بعدين طلعنا .. هو طلع قبل و لمن لقا الشارع فاضي ناداني و مشينا طوالى ..
ف الوقت ده كان ف واحد مراقب المنظر ..
_نون بتعمل شنو ف بيت الراجل ده!!!!...
ركز وعاين ليها مسافة لقاها فعلا دي نون وبعد العربية اتحركت دخل البيت وبنده بأعلي صوتو ي امي …ي أمي
=في شنو بسم الله ي ولد مالك من الصباح
-نون وين!؟
=ماعارفة تكون جوة بتجهز لجامعتا
-انتي متاكدة!؟
=انت عايز منها شنو
-عايز اسالا من حاجة شوفيها لي
