نم بين حنايا قلبي

٦

نمته و صحيت الصداع كان ح يفجر راسى .. بلعتا لى حبه بندول و طلعتا اشرب الشاى مع ام راشد ..

  اتونستا معاها شويه بعدين لاحظتا لرشا بتتظبط و طالعه ..

_ماشه وين؟!..
=ماشه لوحده صحبتى نقرى سوا ..
_اها ..(سكته منها لكن قلبي نهائ م كان مريحنى ..)

   طلعتا بيتي فوق كنتا عايزه انزل هدوم ليوسف ..

  عاينته بالشباك لقيت ماهر نزل و دور عربيتو و اتحرك و مواعيد المحاضرات لسه و م من عوايدو يطلع بدرى كده ..

  طوالى عرفتا انو ح يكون عايز يشوف رشا ٫ نزلتا تحت سريع و شلتا تلفونى ضربتا ليهو و انا ف الغرفه ..

_صباح الخير حبيبي
=صبااحي بيك يادوب بقا خير و الله⁦❤️⁩
_وين انتا؟!..
=طلعتا ..و سكت
_طلعتا وين؟!..
=عندى شغل بنتهى منو سريع و بمشى الجامعه
_اها .. خساره كنتا عايزه اشوفك و نفطر سوا
=بجد؟!..
_اى .. و نمشي الجامعه سوا لكن خلاص م دام مشغول
=لالا م مشغول .. انا أسيب الدنيا كلها عشانك ي نون
_خلاص نتقابل ف () بعد نص ساعه كده!
=من عيونى .. هو انا لاقى اشوفك وين!!!

   قفلتا منو و طلعتا لى لبسه لبستها و قبل اطلع رشا جات داخله الغرفه بتبكى ..

_رشا!!!مالك .. طبعا لمن شفتا بتبكى اتأكدتا انو كان ح تشوفو ..

=ماف شى😭

_ي بت انتى بتبكى كيف ماف شي يعني!وريني ..

=ماف شى ي نون .. بس عشان امتحاناتى قربت و خايفه ..

_اها .. ي زوله م تشيلى هم كلو بتسهل و لو ف شى تانى و عايزه تحكى انا قاعده ..عاينتا ليها مسافه بعدين طلعتا و خليت يووسف نايم ..

  مشيت المطعم لقيت ماهر قاعد و مبسوط ..
  سلمته عليهو و قعدتا ..

_م مصدق انك جيتى

=اشتقتا ليك عشان كده!

_ياخ و الله انا وصلتا هنا كيف م عارف ٫ نون انتى كيف بتلخبطى مشاعرى كده! .. بتعملى شنو عشان تخلى حالتى كده

=مسكتا يدو .. ماهر انا بحبك و انت عارف ٫ بس الظروف الأحنا فيها هيا الخلتنا ف الحاله دى ..

  ادينى وقت و كلو ح يتسهل ٫ انت بس اصبر و م تعمل حاجه .. ممكن؟!..

_حاضر .. انتى تأمرى

  قعدنا اتونسنا و ضحكنا بعدين طلعنا عشان نمشي الجامعه ..

  مشينا الباركن كان وره المطعم و كان فاضي ..

  فتحته الباب عايزه اركب لقيت ماهر قفلو و حضنى شديييد ..

_ماهر ده شنو احنا ف الشارع

=م قادر ي نون .. خلينى اشبع منك شويه بس ..

  فضل حاضنى زى خمسه دقايق و انا قلبي كان بنبض شديد زى كأنو دى اول مره زول يحضنى .. بدون احس استسلمت مابقدر اقاومو .. حرفيا لما يقرب علي انا بدون احس بنسي الدنيا كلها .. حتي لو مسك يدي ساي انا بطمن … كمية الامان البحسها معاه ماف راجل ف الدنيا قادر يحسسني بيها .. بعد مسافة سمعت حركة زحيت منو بسرعة كانو بنات اتنين صغار يبدو انهم بنات ثانوي ماركز معهم مسكني من يدي وضغط،علي شديد وهمس لي