نم بين حنايا قلبي

٨

تاني يوم صحيت ممن الصباح و ضربتا ل ماهر قلتا ليهو استناني نهايه الشارع بمشى معاك ..

  فعلا ده الحصل سلمتا عليهو و اتحركنا و الطريق كلو بنتونس و نضحك ..

  ف مكان تاني ف نفس الوقت :

  كان قاعد شاب عمرو كم و عشرين خاتي يدو ف راسو و ملامح الزهج ظاهره عليهو و فجأه بقا بصرخ ..

_ياخ انا قلتا ليكى م تدخلى ف الموضوع ده .. انتى ليه م قادره تفهمي !! الموضوع ده م بسيط كده ..

=ياخ عليك الله خلينا م محتاجين مساعده زول احنا .. يعني ح نموت برانا؟!..

_م ح نموت بس داك حقنا و لازم نطالب بحقنا فهمتي؟!..

=انا م دايره حق من الراجل داك ياخ😭و بقت تبكي

_انتى لو م عايزه انا عايز و مستحيل اخليهو يرتاح يوم ف حياتو .. و ماهر ده مصيرى ألقاهو !...

  احنا وصلنا الجامعه و كل زول مشا محاضرتو .. غير عن باقى الأيام كنت حاسه انو ف شى غريب ح يحصل و قلبي كان واجعني شديييد ٫ ضربتا لأمي و ابوي و كانو كويسين و راشد كويس و يوسف ف البيت بلعب و ماهر ف المحاضره ..

  م عارفه بس متأكده ف شى ح يحصل !..

  ماهر بعد طلع من المحاضره ضرب لى انا كنتا قاعده ف الكافتريا براي ..

_الحلو مالو قاعد براهو؟!..

=و لا شى

_نون ف شنو

=اتذكرتا انو مفروض انتهى من موضوع رشا ده و طوالى جات ف بالى الفكره .. عايزه افتش تلفونك؟!..

_كيف يعني؟!..

=كده بس دايره افتشو

_نون من متين احنا بنعمل كده

=من الليله!..و لو لقيت ال ف بالى صح اعتبر انو انا و انتا انتهينا!..

_اتوتر شديد و بده يعرق و بقا ساكت و ظاهر ف ملامحو انو م عارف يتصرف

=مالك؟!..

_نون دي تصرفات شفع و احنا ناس واعين!انتى عارفه اني بحبك و انو حركات زي دي ماف داعي ليها ..

  بنتكلم كده نسمه جات قاطعتنا و انقذت الموقف و بكده ماهر مشا طوالى اول م وصل العربيه مسح رقم رشا بعد حظرا و مسح اي شي و بقا خايف اني امسكو او أعرف اي شى عن المووضوع ..

   رشا ف البيت بقت م قادره تقعد و م قادره تقرى و لا قادره تعمل اى شى ..

  بقت تجيها افكار كعبه و مرات بتفكر تعمل حاجات ح تضرها و تضر الحوليها ..

   راشد ف البورت طلع من المكتب و كان ماشى ع الفندق بس فجأه سمع صوت ناداهو .. و الصوت م كان غريب!!
  اتلفت و اتخلع لمن شاف ناصر ..