نم بين حنايا قلبي

١٩

ماهر مشا ع العنوان الكتبو منذر و فعلا لمن وصل ضرب ل منذر و منذر طلع ليهو بره ..

  كانو ساكتين و بعاينو ل بعض و ماف زول قال حاجه ل فتره طويله ..

  بعد مسافه ماهر من غير يحس مشا ع منذر و حضنو قوي ..

_مهما حصل و مهما كان حاصل انت برضو اخوي و انا طول عمري بحلم يكون عندي اخ و اخت !!

  منذر سكت مسافه بعدين من غير يحس دموعو نزلت ..

=انت م عندك ذنب ب الحصل انا بجد آسف ع اي شى عملتو انا!!

  ماهر ابتسم ليهو ..

_م مشكله لكن وريني اختي !..

  منذر دخل ماهر البيت و كان بيت صغير و حالتو صعبه شديد ٫ ماهر كان بعاين للبيت و قلبو بتقطع ..

  اول م دخلو منار كانت لابسه توب و قاعده ف طرف السرير ..

  ماهر اول م شافها م عرف نفسو يبكي و لا يضحك و لا يعمل شنو ..

  منار قامت من مكانها و حضنتو و بقت تبكي و ف اللحظه دي كلهم بقو يبكو !!...

-بعد مسافه جابت ليو موية مسكا قال ليها اقعدي جنبي ونادا منذر قعدو جنبو وبقا يعتذر منهم ..

_انا حسي معاكم و ح اصلح الحصل ده كلو ٫ و كل حقوقكم ح ترجع ليكم ..

  قعدو مسافه و ماهر كان بسألم عن تعليمهم و اي حاجه و قرر يساعدم و يطلعم من الهما فيهو ..

  ف الوقت ده تلفونو كان بضرب كتير ..
  بعد المكالمات كترت رده كان رقم غريب من المستشفى قالو ليهو انو ابوهو اتوفى !.... 💔

   رامي رجع البيت لقا رشا قاعده ف زاويه ف الغرفه و بتبكي برضو ..

_البكا ده ح يفيدك ب شنو حسي؟!..امشي صلي ليك ركعتين و توبي ل ربك .. احنا م ح نعمل ليك شى لكن ف الاخره قايله ماف عذاب؟!..

  رشا سمعت كلامو و دخلت اتوضت و طلعت صلت ليها ركعتين و بقت تبكي و تستغفر ..

=ي رب اغفر لي .. ي رب اغفر لى و خليك معاي ي الله ..😭

   نون كانت بترسل ل راشد بس راشد كان قرارو نهائ و مستحيل يرجع ليها و ف النهايه رده ع رسايله ب رساله وحده ..

" نون .. انا و انتى عارفين اننا م ح نقدر نكمل تاني !!..
  انا م بقدر اغفر ليك العملتيهو و انتى م ح تقدرى تغفرى ل نفسك اصلا !...
   انا بجد بقيت بقرف منك و لو سمحتى وقعي الاوراق و خلينا نخلص الموضوع ده ..
  و بالنسبه للناس ف أنا ح اقول سبب الطلاق انو كان ف بيناتنا مشاكل!!!
  حتى اهلى م ح اوريهم الحقيقه !..
  انا بحترم فكرة انك ف النهايه ام ولدي .. و بالنسبه ل يوسف ح اخليهو معاكي و بجى باخذو وقت عايز طبعا عشان يقعد معاي شويه ..
  يوسف م عندو دخل بالمشاكل ده و لازم ننتبهه ع كل تصرف عشان م يأثر عليهو ..
  ربنا يهديكي و يسعدك و ي ريت تقدري تحافظي ع ولدك و م تفرطى فيهو زي م عملتى معاي !!.."