နောက်တနေ့ မနက် ဟယ်ရီတို့ သုံးယောက် စားသောက်ခန်းမကိုလာတော့ လမ်းတစ်လျှောက်လုံး တချို့ တချို့က ကွက်ကြည့် ကွက်ကြည့်နဲ့မို့ သုံးယောက်သား အထူးအဆန်းဖြစ်နေရာ ခန်းမဆောင်ထဲဝင်တော့ ပိုဆိုးလို့လာပေသည်။ သူတို့သုံးယောက်ဝင်လာတာနှင့် ရှိသမျှလူအားလုံးက စားသောက်လက်စကိုရပ်လိုက်ကြပြီး အားလုံးဝိုင်းကြည့်လာကြကာ တိုးတိုးတမျိုး ကျယ်ကျယ်တဖုံ ပြောဆိုနေကြတာမို့ ဟာမီဝန်းလည်း အနားမှာရှိတဲ့ daily prophet တစ်စောင်ကို ယူကာကြည့်လိုက်တော့ ခေါင်းစီးပိုင်းမှာ ဟယ်ရီနဲ့ဒရာဂိုရဲ့ မနေ့က ဟော့ဂ်မိတ်ကို အလည်သွားတုန်းက နှစ်ယောက်သား နမ်းနေတဲ့ပုံနဲ့အတူ သူတို့နှစ်ယောက်ရဲ့ အတိတ်အကြောင်းအရာတချို့ကို ပျစ်ပျစ်နှစ်နှစ်ကို ဝေဖန်ရေးသားထားသည်ကို အတိုင်းသားတွေ့လိုက်ရလေသည်။
Rất tiếc! Hình ảnh này không tuân theo hướng dẫn nội dung. Để tiếp tục đăng tải, vui lòng xóa hoặc tải lên một hình ảnh khác.
ဟယ်ရီလည်း တစ်စောင်ကို ကောက်ယူကာ ဖတ်ကြည့်လိုက်တော့ ရေးသားထားတဲ့ သူတို့နှစ်ယောက်အကြောင်းတွေထဲမှာမှ ဒရာဂို့အတိတ်အကြောင်းရာပိုင်းက ဆိုးဆိုးရွားရွားနဲ့ ထိုးထိုးနှက်နှက်နှင့်မို့ ဟယ်ရီလည်း စိတ်တိုသွားရလေသည်။
အခုလည်းပဲ ဒရာဂိုဟာ သူ့အပေါ် မကောင်းတဲ့အကြံအစည်နဲ့ ချဉ်းကပ်တာ၊ အမှောင်သခင်ကြီးအတွက် လက်စားချေဖို့အတွက်စီစဉ်နေတာ၊ သူ့ အဖေကို အက်ဇ်ကာဗန် မှာ အကျဥ်းချထားတာကနေလွတ်ဖို့ အခွင့်အလမ်းရှာနေတာ စသည့်ဖြင့် မျိုးစုံသောဝေဖန်ချက်တွေ နှင့်အတူ ဒရာဂိုက အတိတ်တုန်းက ဘယ်လိုလူမျိုး ပါဆိုပြီး သတင်းရော အတင်းပါ ချဲ့ချဲ့ကားကား ရေးသားထားတာတွေရော ပါလာတာမို့ လက်ရှိမှာ လူတိုင်းက သူ့ထက် ဒရာဂိုကို ပိုပြီးအဆိုးမြင်နေကြမှာ အသေအချာပင်။
BẠN ĐANG ĐỌC
Be My Valentine
Fanfictionအဆုံးသတ်တိုက်ပွဲ ပြီးနောက်ပိုင်းကာလ၌ အခြေခံထားသည့် Drarry fanfiction လေးတစ်ပုဒ်ပါ.. Valentine Day မတိုင်ခင် ရက်အနည်းငယ်အတွင်းမှာ အနှစ်နှစ် အလလ မျိုသိပ်ထားခဲ့တဲ့ အချစ်တွေ နှစ်ဦးနှစ်ဖက်လုံး ပွင့်ပေါ်လာခဲ့သောအခါ.. Could you Be My Valentine Potter..??? ...
