Be My Valentine

Be My Valentine 20

ပြီးခဲ့တဲ့ နှစ်ပတ်တုန်းက ဒရာဂို အိမ်ကို ပြန်ရောက်လာခဲ့ပြီး ထိုနေ့မှာပဲ အမေ့ကို
အဖြစ်အပျက်အားလုံးကို ပွင့်ပွင့်လင်းလင်း
သူပြောပြခဲ့တယ်၊ ပြီးတော့ သူ့ရွေးချယ်ခဲ့တဲ့ အရာအားလုံးအတွက်ကိုလည်း စိတ်မကောင်းမဖြစ်ဖို့နဲ့
သူရဲ့ ရပ်တည်မှု၊ဖြစ်တည်မှုကို လက်ခံပေးဖို့ရောပါ အမေ့ထံကို ဖွင့်ဟပြောဆိုခဲ့သည်။။

ဒရာဂို့အမေ မစ်စစ်မာလ်ဖွိုင်းမှာ သူမအ‌နေနဲ့
သားဖြစိသူပြောလာသည်တို့ကို သိပ်ပြီး သဘောမကျပေမဲ့လို့ သားပြောသမျှကို ချွင်းချက်မရှိအားလုံးကို လက်ခံပေးခဲ့သည်၊ ဘာလို့လဲဆိုတော့ ဒရာဂိုဟာ သူမရဲ့ တစ်ဦးတည်းသောသား တော်ယုံနဲ့ခံစားချက်ထုတ်မပြတတ်တဲ့ကလေးလည်းဖြစ်တာမို့ အခုလိုထိ ဖွင့်ထုတ်ပြောဆိုလာပြီ ဆိုကတည်းကသူမသိသည်
ဒီကလေးကဆုံးဖြတ်ချက် အခိုင်အမာချထားပြီးသားဆိုတာကို‌ပေါ့၊ နောက်ပြီး သူမသားရဲ့ အဆင်ပြေပျော်ရွှင်နေတဲ့ မျက်နှာလေးကိုပဲ သူမမြင်ချင်တယ်
အမြဲတမ်းအဖေဖြစ်သူရဲ့ လောင်းရိပ်အောက်မှာ ငုံ့ခံခဲ့ရပြီး ဘယ်တော့မှ ပြုံးရယ်တယ်ဆိုတာ သိပ်မရှိတဲ့ ကလေး အခု ပေါ်တာ့ရဲ့ အကြောင်းကိုပြောချိန် ဝင်းပနေတဲ့ သားဖြစ်သူရဲ့ မျက်နှာကိုကြည့်ပြီး ဘာတွေပဲ ဖြစ်ပါစေ သူမရဲ့ သားပျော်မယ်ဆို သူမဘာကိုမှမစဉ်းစားပဲ လက်ခံပေးမှာဖြစ်သည် ထို့ကြောင့် သားဖြစ်သူကို သားသာ စိတ်ချမ်းသာပြီး ပျော်ရွင်မယ်ဆို ဒီအမေက သားဖြစ်သူရဲ့ ဘက်မှာ အပြည့်အဝရပ်တည်တယ် ဟု ပြောဆိုလိုက်သည်။

အမေ့ရဲ့ သူ့အပေါ်သဘောထားကို ကြားသိရပြီးနောက် ဒရာဂို ဝမ်းပမ်းတသာဖြစ်ပြီး အမေ့ကို
ဖက်ကာ နမ်းလိုက်ပြီး ကျေးဇူးတင်ကြောင်း ပြောလိုက်သည်။

ဒရာဂို အိမ်ပြန်ရောက်ပြီး နောက်တစ်ရက်ကစလို့ သူသတင်းတွေရှာတယ်၊စုံစမ်းတယ် သို့သော် ထိုစာရွက်ထဲက မှော်နက်ဂိုဏ်းဆိုတာနဲ့ ပတ်သတ်တာ ဘာမှအစရှာမရ‌ပေ။
အဖေမရှိတော့တာရယ် အမေကလည်း အရင်ကအဖွဲ့‌တွေနဲ့ အဆက်အသွယ် အတော်များများ
ဖြတ်ပစ်တာရယ်နဲ့ သူမှာသတင်းနှိုက်စရာ လူများများစားစားမရှိတော့ပေ အဲ့တော့စုံစမ်းရသမျှကလည်း
ဟိုလိုလို ဒီလိုလိုနဲ့သာ ပြီးသွားတာဖြစ်သည်။