Be My Valentine

Be My Valentine 19

မိမိရုံးခန်းကနေ စောစောနကမှတင် ထွက်သွားသောဟယ်ရီတို့ သုံးယောက်က ယခုအခါ ပြန်လာခဲ့ကြပြီး ဒီတခါမှာတော့ ဂျင်းနီပါ လိုက်ပါလာခဲ့မို့ ပရော်ဖက်ဆာ မက်ဂွန်နာဂေါမှာ အံ့ဩသွားရပြီးနောက် သူမကစပြီး ရွန့်ကိုကြည့်လိုက်ကာ
'ကဲ....ဆိုကြပါဦး..ဘာအ‌‌ဖြေများရလာသလဲ...' ဟုမေးလေရာ

ရွန်မှ ' ဂျင်းနီ ပရော်ဖက်ဆာ့ ကို အကြောင်းစုံအားလုံးရှင်းပြလိုက်' လို့ ပြောလေသည်။

ဂျင်းနီ ခဏတာ ငြိမ်သက်နေပြီးမှ
' ပရော်ဖက်ဆာ ကျွန်မ အရင်ဆုံးတောင်းပန်ပါရစေ၊ တကယ်တော့ ဒီမှော်နက် အသင်း ဖွဲ့စည်းထားတယ်ဆိုတဲ့ စာရင်းမှာ ဒရာဂို မာလ်ဖွိုင်းရဲ့ နာမည်မပါ, ပါဘူး။ သူ့ကို ပုဂ္ဂိုလ်ရေးဆိုင်ရာ မုန်းတီးလို့ကျွန်မ ဘာသာ လက်ရေးအတုလုပ်ပြီး ထပ်ထည့်ထားခဲ့တာပါ။ အဲ့ဒါကြောင့် သူ့မှာ ဘာအပြစ်မှမရှိပါဘူး။ နောက်ပြီးတော့ daily prophet စာစောင်ကိစ္စလဲပဲ ကျွန်မလုပ်ခဲ့တာပါ။ အားလုံး ကျွန်မအပြစ်တွေချည်းပါပဲ ပရော်ဖက်ဆာ
အတ္တကြီးပြီး အသိဉာဏ်မဲ့ လုပ်ခဲ့တဲ့ လုပ်ရပ်တွေအတွက် ကျွန်မ ပရော်ဖက်ဆာ့ထံမှ ပေးလာမယ့်အပြစ်ကို ကျေ‌ကျေနပ်နပ် ခံယူပါ့မယ်' လို့ဂျင်းနီမျက်နှာညှိုးငယ်စွာ ခေါင်းငုံ့ပြီး ပြောဆိုလိုက်တယ်။

'အိုး...ဂျင်းနီရယ် ဘာကြောင့်များအခုလိုတွေ လုပ်ရတာလဲ..ဒါဟာ ကျောင်းစည်းကမ်းကို တိုက်ရိုက်ချိုးဖောက်တာ မဟုတ်ပေမဲ့ လူတစ်ဖက်သားကို နစ်နာစေတဲ့ ပြစ်မှုအပြင် ဝန်ကြီးဌာနရဲ့ လက်မှတ်အလွဲသုံးစားလုပ်တဲ့ အမှုပါမြောက်‌စေတယ် အဲ့ဒါကိုသိရဲ့လား.ဂျင်းနီ'..လို့
ပရော်ဖက်ဆာက ပြောလိုက်တော့ ဟယ်ရီကနေ

'ပရော်ဖက်ဆာ ကျွန်တော် ဝင်ပြောပါရစေ၊
ဂျင်းနီ ကိုယ်တိုင် ဝန်ခံပြီးပြီ ဆိုတော့
ကာယကံရှင်တွေ ဖြစ်တဲ့ ကျွန်တော်ကိုယ်တိုင်က
ခွင့်လွတ်ပေးပါတယ်၊ နောက်ပြီး အခုကိစ္စမှာ
ဘယ်သူမှမသိတာကြောင့် ဒီတိုင်းပဲ အေးအေးဆေးဆေးနဲ့ ပဲ အားလုံးကိုပြီးဆုံးသွားချင်ပါတယ် ရနိုင်မလား ပရော်ဖက်ဆာ ကျေးဇူးပြုပြီး' ဟု ဝင်ပြောလိုက်တော့ပရော်ဖက်ဆာမှ