عشقى وغرامك

الفصل الثانى (لقاء غريب)

فى شقة من شقق مدينة القاهرة
استيقظ رجل فى سن ال٤٠ من عمرة وادى فرضة ودخل يصحى بناتة،دخل اوضة ليان
امجد :ليان حبيبتى اصحى يالا هتتأخرى على الشركة
ليان بنوم :صباح الخير يابابا
امجد :صباح الورد على عيونك ياقمر
ليان وهى بتقوم :ايوا بقى على الروقان
امجد :يالا ياحبيبتى قومى ،وانا هروح اصحى ام لسان طويل 😹😹
ليان بضحك :متقولش قدامها كدة احسن تزعل 😹
امجد :هقول اية ربنا يهديها ،خرج
************************************
فى اوضة لين
دخل امجد لاقى لين صاحية وبتصلى ،فااستنى على ماخلصت
لين وهى بتقوم :صباح الخير يابابا
امجد :صباح الورد ياقلبى
لين بهزار:دا من امتى دا يابوب
امجد وهو بضربها على دماغها :طول عمرى ياجزمة مع انك مغلبانى بس ربنا يعلم انك حتة من قلبى
ليان بضحك وهى بتدخل :بتخونى يابوب ومع مين مع اختى لالا قلبى الصغير لا يتحمل
لين :اية يابت بطلى النفسنة دى شويه 😹😹
امجد :لين كلمى اختك بإحترام مهما كان دى اكبر منك
ليان :لايابابا كبيرة اية مليش انا فى الجو الكئيب دا انا بحبها تهزر معايا اصلا
لين بضحك :حبيبى ياابو صلاح😹😹
امجد :انا مش هخلص منكوا يالا روحوا اجهزوا على مااشوف البت وردة جهزت الفطار ولا لسة ،خرج
لين بضحك :يالا يابت من غير مطرود عشان البس
ليان :طالعة ياختى من غير ماتزوقى ،خرجت
************************************
فى الصالة
ليان خرجت لامجد :هى لين لسة مخلصتش
امجد :دا على اساس انك متعرفيش اختك بتتأكد من مظهرها ١٠٠مرة قبل ما تخرج
ليان :انا هموت من الجوع وهتأخر بالمنظر دا
لين جت :براحة شوية اية بقولك ياليان افرد شعرى ولاالمة  ولا ارفعة
ليان:اصوت ولا اجيب ناس تصوت كل دا ولسة مخلصتيش افردية ياختى بيبقى حلو وهو سايب
امجد بغيظ :دا انتوا اللى سايبين خلصونى عاوز افطر عشان اروح الجامعة هتأخر
لين قعدت :اهو يابوب يالا نفطر انا كدة جهزت
وقعدوا يفطروا لحد ما خلصوا
وردة :تحبوا حاجة تانية
امجد :لا يابنتى احنا كدة خلصنا تسلم ايدك
لين :هجيب شنطتى واجى ،جريت
ليان :يارب على التأخير
لين رجعت :امال هما راحو فين يا وردة
وردة :نزلوا يستنوكى تحت
لين :تمام ولسة هتمشى
وردة :استاذة لين ممكن لما ترجعى اتكلم معاكى شوية
لين بإبتسامة :من غير استاذة بس ،خلاص تمام هرجع بدرى عشانك
وردة :ربنا يسترك وميشمتش فيكى حد ويفرح قلبك
لين بإبتسامة  :حبيبتى ياوردة ،يالا باى ،نزلت
************************************
نزلت لين ولاقت ابوها مشى وركبت مع ليان وراحت كل واحدة لشركة
عند لين
دخلت لين الشركة تحت نظرات اعجاب البعض وحقد الاخرين ولكن هى لايهمها فهى واثقة من نفسها ،دخلت لمكتبها وجت السكرتيرة
السكرتيرة :انسة لين دى اوراق التصاميم الجديدة مدام مها قالتلى ابعتهالك عشان الموافقة والتعديلات
لين بجدية :تمام فى حاجه تانية
السكرتيرة :عند حضرتك اجتماع مع مدام مها  بعد نص ساعة وعندك اجتماع مع المصممين الساعة ١١وعندك اجتماع مع الفوتوجرافرز الساعة ١٢ونص وكدة خلاص
لين :تمام ممكن تعمليلى حصر لاخر الصيحات والعروض اللى نزلت ومطلوب منك تسلمية بكرة ان شاء الله
السكرتيرة :طب ماانا ممكن اخلصهم النهاردة
لين :لا اشتغلى على مهلك اليوم النهاردة متعب وانا مش مستعجلة عليهم فبلاش اضغط عليكى
السكرتيرة بإبتسامة :تمام عن اذنك
لين وهى بتبص فى التصاميم :اتفضلى
السكرتيرة خرجت لمكتبها واحدة من اللى شغالين معاها
:يالهوى على غرورها خنيقة اوى
السكرتيرة :بالعكس دى حبابة ومش مغرورة خالص
:انتى مشوفتيش بتشخط وتنطر ازاى
السكرتيرة :ماهو لازم تشخط وتنطر عشان الشغل عمرك شوفتيها بتزعق لحد من غير سبب
:وانتى ماحموقالها لية بلا نيلة ،مشيت
السكرتيرة :ربنا يهديكى وتشيلى انسة لين من دماغك
************************************
فى مكان تانى فى احد مناطق الصعيد داخل قسم شرطة
فهد بعصبية :انطق قتلتها لية
المجرم :كنت رايح عشان اسرق البيت فهى طلعت فى وشى وكانت هتصرخ فقتلتها
فهد :سجل انة فى يوم /.....الموافق /......الساعة /.....قد تم اخذ اقوال المتهم وهى كالاتى وسيتم حبسة على ذمة التحقيق ،امضى على اقوالك يالا 
فهد :ياعسكرى تعال خد المتهم
بعد مالكل خرج دخل ليث على فهد
فهد :غريبة اية جابك
ليث :طب قول ازيك حتى
فهد بنرفزة :اخلص ياليث انا مش فاضى ورايا اشغال
ليث :هنعمل اية فى المصيبة اللى احنا فيها
فهد :هو مش جدك لاقى الحل انا عن نفسى هسلمك اختى لانى واثق فيك
ليث :ياعم سيبك من روح انت عارف انى شاريها من زمان وكنت مستنى تخلص تعليمها ،انا قصدى على البنتين التانيين
فهد بضيق:مش عارف جدك وابوى وعمى سافروا مصر النهاردة عشان يكلموا عمك ومستنين راية
ليث :طب افرض البنات رفضوا
فهد :هما مجبورين معندهومش الا خيارين ليتجوزونا ليتجوزوا ولاد الشرقاوى والله اعلم
ليث :بس ازاى هيقدروا يعيشوا هنا انا سمعت انهم كانوا متربين برة مصر
فهد :معرفش المهم تنحل المشكلة اللى احنا فيها وميروحش فيها عزيز
ليث بغضب :يستاهل وعزيز اتصرف صح واحد وبيبص لروح بت عمة ومرات اخوة المستقبلية يبقى اكيد لازما يموت
فهد :كان ممكن تتحل بطريقة تانية غير انو يقتلوا عموما ربنا يسهل ،امشى بقى خلينا اشوف شغلى
ليث :ماشى ياخويا انا كمان مشغول سلام،خرج
************************************
فى بيت امجد رن جرس الباب وراحت وردة تفتح ولاقت قدامها ناس بجلاليب وباين عليهم انهم مش من هنا
وردة :حضراتكوا عاوزين حاجه
زيدان :هى دى شقة امجد نعمان الشريف
وردة بإستغراب :اة مين حضراتكوا
الجد :احنا اهلة ،دخلينا تعبنا من المشوار
وردة :اسفة بس انا اية اللى يثبتلى انكوا اهلة
الجد :يعنى معتصدقناش
وردة :العفو بس استاذ امجد سايبلى بيتة امانة ومينفعش ادخل اى حد كدة
الجد بإعجاب :هو دا الصح يابنتى ،وريها ياطة بطاقتك
طة وهو بيديلها البطاقة :اهى اظن كدة اتاكدتى
وردة وهى بتدخلهم :اة طبعا اتفضلوا واتفضل بطاقتك
الجد :هو امجد هيتأخر
وردة :لا زمانة على وصول النهاردة بيرجع بدرى عن العادة ،تحبوا تشربوا ايه
زيدان :قهوة لو سمحتى بس زيادة
وردة :تمام وراحت تعملهم القهوة وكلمت امجد تبلغة بوجودهم وهو قالها ترحب بوجودهم لحد ماتيجى
************************************
عند ليان فى الشركة
كانت ليان فى اجتماع مع وفد ايطالى كانت طبعا المترجمة وقضت يومها فى الاجتماعات والترجمة
************************************
بعد فترة رجع امجد البيت وسلم على ابوة واخواتة
امجد :وحشتنى اوى يابوى
الجد بتنهيدة :وانت كمان كنت مستنيك انت ومرتك وعيالك بس طبعا عندك اشتغل وخلاك تقاطع ابوك
امجد بحزن :خفت لحسن تطردنى زى ما حصل زمان
زيدان :اية لازمتوا جو الحزن دا ماهو رجعنا اتلمينا من تانى
امجد :فعلا ملوش لازمة نفتح فى القديم ،بس بجد نورتونى واتبسطت بوجودكوا
الجد :امجد اسمع الكلمتين اللى هقولهم عشان نلحق نعاود البلد
امجد :خير ياابوى
الجد وحكالة مشكلتهم وازاى شيخ البلد انو ينهى طار العائلتين والحل اللى اتفقوا علية
امجد بعصبية :لاطبعا انا مستحيل اضحى ببناتى
طة :اقعد بس واسمع الكلام للأخر
امجد :اسمع اية انو بناتى يتحملوا حاجات ملهومش ذنب فيها
الجد بعصبية :ماقولنا اهدى بقى انا قولتلك قرارهم بس فى حل انو بناتك يتجوزوا ولاد اعمامهم ويتلغى الشرط
امجد :انا اسف يابوى بس مش هقدر ارمى بناتى لا لدول ولا لدول
طة :اخص عليك ياامجد مين قال هترميهم دول بناتنا وولاد اعمامهم اكتر ناس هيحافظوا عليهم انت مش واثق فى تربيتنا لاولادنا ولا اية
امجد :لا العفو ياطة انا مقصدش وهما اكيد رجالة من ضهر رجالة بس افهمونى انا بناتى معودهم على الحرية وعمرى ماحبستهم فى اطار العادات
زيدان :هنعمل اية يعنى ياخوى دا وضع واتفرض علينا وعليهم
الجد:اسمع ياامجد انا قولتلك الحلين وانت اختار بس متنساش زمان لما عمتك اتحطت فى نفس الموقف ورفضت اتقتلت يعنى مفيش مجال للرفض
امجد بضيق :خلاص انا هختار ولاد اعمامهم على الاقل هكون واثق ومطمن منهم
زيدان :طب والبنات
امجد :انا هقنعهم ،ولاد اعمامهم مستحيل يأذوهم انما التانين مينضمنوش
الجد :ان شاء الله خير ،الجواز هينكتب اهنية بعيد عن مشاكل الصعيد ،بس بلغ بناتك فى الاول
امجد :ان شاء الله ،فى الوقت دا رجعت ليان
ليان :سلاموا عليكم 
:وعليكم السلام ورحمة الله وبركاته
ليان باستغراب :مين دول يابابا
امجد :دول اهلى ياليان تعالى سلمى
ليان بغباء :اهلك مين
امجد :ليان مش وقت غباء تعالى سلمى
ليان سلمت علي الكل بهدوء واستغراب
لين بضحك دخلت :بابا انا جعانة
امجد بضحك :تعالى يامصيبة حياتى
لين بخجل :كدة تحرجنى يابابا قدام الضيوف 
امجد :من امتى الكسوف دا ،تعالى سلمى
لين سلمت على الكل
امجد :احب اعرفكوا بناتى ليان ولين ودول اهلى يابنات ابويا واخواتى
البنات :اهلا وسهلا
الجد :اهلا بيكوا يابنات
لين :بابا انا جعانة
امجد بضيق :ارحمينى بتاكلى كتير وياريتة بيبان الا اللى بيشوفك بيقولوا واكلين اكلك
لين بتمثيل :اخص عليك باصص لى فى الاكل ،يرضيك كدة ياجدو
الجد بضحك :لا طبعا ميرضنيش تعالى عندى وانا اكلك كل اللى تعوزية
لين بغباء :اجى فين
الجد:قصدى عندنا فى الصعيد مش حبا تيجى عندنا ولا ايه
لين :لا طبعا ان شاء الله اجى دا كفاية وجودك فى المكان طبعا
امجد بضحك :دى بكاشة العائلة وام لسانين ،يالا روحوا غيروا هدمكوا واغسلوا ايدكوا وتعالوا عشان الاكل
لين :انا هخرج تانى فهغسل ايدى بس
ودخلوا البنات يغسلوا ايديهم
الجد :حبابة اوى لين على عكس ليان
امجد :لا ليان حبابة بردوا بس لين اجتماعية وجريئة اما ليان هادية وخجولة
زيدان :ربنا يخليهوملك ،وتفرح بيهم
امجد :يارب ،ابوى خلى لين تتزوج اكتر واحد شخصيتة قوية لان لين جريئة وعنيدة عاوزة حد يقدر يحكمها على عكس ليان
الجد :لاحظت خلاص فاتحهم فى الموضوع وملكش دعوة بالباقى
امجد:خلاص تمام يالا اتفضلوا على الغداء