عشقى وغرامك

الفصل ٢٤

بعد فترة وصلت العربية
فهد وهو جوة العربية :ليث انزل من العربية وتعال شيل العيال
فهد بهزار :وانا الفلبينية اللى ابوك جايبهالك
فهد بغيظ :ماتخلص يالا انا هشيل لين لانها مش هتقدر تطلع سلالم
ليث :عشان لين وبس ،ونزل واخد منة العيال وروح شالت ابنها اما فهد شال لين وطلع بيها لاقى الكل متجمع فى اوضتة
فهد بهزار :مش عارف لية انا حاسس انكوا ناويين تبلطوا هنا
اميمة بغيظ :اخلص ياحيوان نزل البت عشان ترتاح
ليث من وراهم :اخلص يابنى انا مش متعود اشيل بالاتنين
فهد وهو يضع لين على السرير :ياحيوان قول اللة اكبر هتحسدلى العيال
ليث وهو يضع الطفلين فى السرير المخصص لهم وقبل جبين لين :حاسب على كلامك ياعم دول ولاد اختى ومستحيل احسدهم
الجد بلوم :عيب يافهد اللى بتقولوا دا اولا هو مش هيحسد عيالة دول عيالة هو كمان وياريت بعد كدة تحافظوا على لسانكوا دلوقتي بقى عندكوا اولاد لازم يلاقوا الاحترام بينكوا
فهد بأسف :متزعلش ياليث واللة انا بهزر وانت عارف انو بهزر معاك وجدك معاة حق لازم اراعى بعد كدة لسانى عشان ولادنا
ليث بهزار:اية ياعم القفل دا عموما انا مبزعلش منك ياكبير وعارف انك بتهزر
لين وهيا بتشد ليث عشان يقعد جمبها :بصوا بقى ياجماعة انا قررت انو انا هسمى الولد وفهد هو اللى هيسمى بنتة واتمنى يافهد انك تقبل ،وبصت ل ليث:انا هسمى ابنى ليث على اسم اخويا كان طول عمرى بحلم انو يكون ليا اخ اكبر منى وبابا كان دايما يقولى يمكن ربنا يعوضك بزوج يكون ليكى الاخ والصديق والحبيب مكنتش بقتنع اوى بس فعلا لقيت الاكتر من كدة فى فهد وبعدها جالى ليث الاخ العنيد اة كنا بنمرمط فى بعض الاول بسبب لسانى ولسانة بس مع الوقت اكتشفنا انو ملناش غير بعض حتى لو كنا انولدنا فى ظروف مختلفة عن بعض فأنا هسمى ابنى ليث واتمنى انو يكون شبهك
ليث بدون مقدمات احتضنها وفضل يمسح على شعرها
الجد بفرحة :ربنا يخليكوا لبعض
ليث وهو يبتعد عن لين :يارب ،بس بردوا يالين من حق فهد هو اللى يسمى ابنة ومتخديش افكار من دماغك انا عجبنى كلامك وكفاية انو خطف قلبى
فهد مقاطعا وهو يجلس من الجهة التانية واضعا يدة على كتفها بحيث لين تبقى محاصرة بين ليث وفهد :بس انا كنت هسميه ليث فهى فكرت صح والولد الجاى ان شاء الله هيكون عزيز انتوا غاليين عندى
ليث بضحك:حبيبى ياابو الفهود دلوقتي بقى اتلم وشيل ايدك من على اختى
فهد بغيظ :نعم ياروح طنط اظبط كدة وبعدين انت قاعد جمبها كدة لية
لين بغيظ :لا والنبى مش وقتكوا خالص انا مرهقة وتعبانة فارحمونى وبطلوا دوشة زعقلهم ياجدو بيتعبونى
الجد بعصبية مصطنعة :حاضر ياقلبى قوم يالا منك لية انتو لازقين فيها لية
فهد بغيرة :جدى لين قلبى انا وبس مش قلب حد تانى
ليث بسخرية :عاابو شكلك انت وهيا يالا ياجماعة خلوهم يرتاحوا ونخلص من محنهم دا
زيدان بضحك :طالما غيران متعمل زيهم
ليث بكوميديا :ياريتنى عارف كل مااقرب من روحى يطلعى المنيل ابنى ويقعد يعيط ويمسك فى امة
الكل ضحك علية ،فهد بإبتسامة :هعمل معاك حركة جدعنة هاتوا واستمتع انت وروح انا كدة كدة فاضى وواخد اجازة لمدة شهر كمان عشان اريح لين
ليث بضحك :يسلملى الحونين فوريرة هروح اجيبهولك ،خرج بسرعة
طة :يابنى مروان هيتعبك ولين محتاجة راحة انا هخدوا اقعد بية انا وسماح
فهد :ياعمى مش مشكلة مسيرة يردهالى ومتقلقش انا هقعد بالثلاثة ولين هتنام وترتاح
طة :بس يابنى انت كمان لسة طالع من المستشفى ملحقتش تاخد نفسك
فهد :خلاص ياعمى متقلقش انا كويس وراحتى جمبهم وكمان انا ملحقتش اتعرف على مروان هيا كام مرة اللى شوفتوا فيها
زيدان :خلاص ياطة سيبوا ولما يزهق يبقى يجبهوملنا تحت ،يالا خلينا ننزل قبل مالين تطردنا😂😂
لين بسرعة وتعب :لا واللة ياعمى انا مبسوطة وانتوا جمبى كدة بس حسا بتعب فى بطنى وكدة
اميمة بإبتسامة :دا عادى ياحبيبتى من اثر الولادة وبيقعد كام يوم وبيروح بمجرد ماتتغذى كويس
زيدان بضحك وهزار :لا اجمدى كدة يالينو احنا عاوزين احفاد كتير والعائلة تكبر
لين بضحك :لية ياعمى شايفنى أرنبة ولحد دلوقتي كفاية ولادى
طة بضحك :طب الولد وسميتوة البت الغلبانة مش ناويين تسموها
لين بإرهاق :البنوتة من حق فهد انا سميت ابنة يبقى هو اللى هيسمى بنتة
فهد بفرحة من كلمة ابنة وبنتة :انا قررت هسميها مليكة
الجد :مش غريب الاسم
فهد :يعنى بس جاى من ملكة وهى هتكون ملكة
الجد بإبتسامة :ربنا يفرحكوا بيهم ويتربوا فى عزكوا،نزل الكل
ليث جية بسرعة :خد مروان قعدوا عندك سنة مش عاوزوا ،وسابة لفهد ومشى
فهد وهو بيقفل الباب وشايل مروان اللى بيعيط :واللة مجنون متزعلش ياحبيبى هعرفك على اخواتك ليث ومليكة
لين :تعالى ياروحى ابوك دا وحش
فهد وهو بيقعد جمبها راح مروان رمى نفسه ل لين ولين اخدتوا فى حضنها وابتدت تهدية
فهد :شكلوا مش بيحبنى
لين بإبتسامة :هو ميعرفكش انت مشفتهوش غير مرتين او تلاتة انما هو كان معايا طول فترة غيابك وكان بيكبر يوم عن يوم قدامى عشان كده هو يعرفنى انما انت مستغربك بي
فهد :يمكن ،بس كفاية انو كان مونسك طول غيابى
لين بتعب :فهد قرب لى شوية
فهد بإستغراب :اشمعنى بس عموما اهو
لين فجأة قبلتة وابتعدت ،فهد بمكر :شكل وحشتك ايامنا طب ماتظبطى كدة لانى ماسك نفسي بالعافية
لين بمرح:براحتى على فكرة جوزى حبيبي واعمل فية اللى انا عوزاة
فهد بخبث :طب تعالى بقى ،ولم يدع لها فرصة للاعتراض حيث قام بأسر شفتيها فى قبلة عميقة.رقيقة ليبتعد قليلا ليراها مغمضة العينين ووجنتيها تكاد تنفجر من الحمرة ليثيرة ذلك المشهد اكثر ليعود ويعانق شفتيها مرة..مرات عدة بقبل معبرة عن عشقة لها حتى شعر بحاجتها للهواء فإبتعد عنها حتى لايتمادى معها وهى فى هذة الحالة
فهد بحب :وحشانى اوى يالينو تعرفى كان نفسي اكون معاكى فى فترة حملك مش اسبوعين بس
لين وهى تضع راسها على كتفة :وانا بس تتعوض المرة الجاية
فهد بجدية :بس انا مش عاوز مرة جاية انا كنت هموت من فكرة انك ممكن تسيبينى كنت بصحى مفزوع بليل اطمن عليكى فكفاية علينا مليكة وليث وصراحة انتى سيبتى شغلك ونجاحك عشانى وعشان ولادى ودا لوحدوا مضايقنى لانى واثق انو انتى حاسة بالنقص لانة كان كل حياتك
لين :اسمهم ولادنا يافهد مش ولادك وان كان على شغلى فأنتو بقيتوا حياتى مش هما وكلمت ايمن ومها وقولتلهم وقت مايحتجونى فى التصاميم هيلاقونى انما دلوقتي انا حياتى مقتصرة على جوزى وولادى وبس وانو اعرف اربيهم دا اهم عندى من اى حاجه
فهد وهو يقبل جبينها :يسلملى العاقل ،هو مروان باصص ليا كدة لية
لين بضحك :الاطفال لما بتبقى متعودة على حد وتلاقى الحد دا بيكلم شخص معين فبيطمنوا للشخص دا يعنى قولوا دلوقتي تعالى هيجيلك من غير مايعيط لانى اتعاملت معاك حلو قدام ودا بيسمى ذاكرة الطفل
فهد لمروان :مروان تعالى ياحلو ،مروان راحلة وهو بيضحك
لين بإبتسامة :شفت اهو اطمن من ناحيتك وجالك
فهد وهو يداعب مروان :جميل اوى تعرفى ان مروان اول طفل اشيلوا فى حياتى اما التانيين كانوا ولادى
لين بحنان :ربنا يخليك ليهم يافهدى ،واحاطت ذراعة وهو فضل يلاعب مروان لحد ماناموا كلهم لين ومروان ناموا فى حضنة وهو نايم
************************************
اما عند العائلة كانت اميمة وسماح بيحضروا الاكل للعشاء والباقى راحوا يشوفوا اشغالهم
وليان وعزيز وامجد رجعوا وليان طول اليوم متكلمتش مع عزيز وهو كان هيتجنن من تجاهلها لية
وامجد طلع يرتاح لحد العشاء
اما عند روح وليث
روح وهى تضع يدها فى جنبها :نعم ياروح طنط فى عميلة تكلم المحامى بتاعها وتقولوا الكلام الزفت اللي انا سمعتوا دا
ليث بغيظ:روح اتلمى ولمى لسانك يعنى انا باعت مروان لفهد عشان نقضى وقت حلو وانتى قلبهالى نكد كدة
روح بدموع :انت بتخونى ياليث وانا مش عاوزة اعيش معاك وهروح لاخويا ،خرجت ورزعت الباب وراها
ليث بغيظ:مجنونة طب واللة ماانا رايح الا مااهدى
************************************
اما عند عزيز فبعد دخولهم غرفتهم
عزيز بعصبية :ممكن بقى افهم فية اية اية الاسلوب الجديد اللى بتعاملينى بية دا
ليان ببرود :على اساس انك متعرفش
عزيز بهدوء مصطنع :اتكلمى عدل ياليان من امتى وانتى بتكلمينى كدة
ليان بدموع :لما تبقى خاين ومقضيها يبقى من حقى اعاملك زى ماانا عاوزة لما الاقى واحدة بتحضنك قدامى يبقى اية انت لية بتجرحنى كدة
عزيز بزعل :دا على اساس انك مشفتنيش وانا ببعد عنها وبعدين انا من امتى كنت خاين انا ربنا يعلم انو مفيش فى قلبى ولا فى عينى الا انتى
ليان بجمود :مش مصدقاك ياعزيز ،وطلقنى ،خرجت ورزعت الباب
عزيز بعصبية :فى داهية طب واللة ماانا اللى مصالحك المرادى وهقطعلك لسانك على كلمة طلقنى دى
************************************
اما عند فهد فإستيقظوا على صوت تخبيط جامد على الباب
لين بفزع :افتح يافهد شوف فى اية
فهد بقلق راح فتح الباب لاقى روح وليان بيعيطوا
فهد بقلق:مالكوا يابنات فى اية
روح وليان :انا هطلق
لين وفهد بصدمة :هااا
لين بهدوء :تعالى ياليان انتى وروح جمبى هنا واتكلموا بالعقل
ليان بدموع وهيا تحتضنها :عزيز بيخونى يالين
روح اترمت فى حضنها هيا كمان:وانا ليث بيخونى
لين وهيا تربت عليهم الاتنين رطب اهدوا كدا وفهمونى ،الاتنين قعدوا يعيطوا
فهد بهدوء :طب فهمونا براحة كدة
روح بدموع :الخاين الاقى على تليفونة مسجات زبالة ويقولى فى الاخر دى عميلة
فهد :على فكره انتى غلطانة تفتحى تليفونة لية
روح بغيظ :يعنى دا اللى ربنا قدرك علية
فهد بغضب :اسمعينى للاخر ،انتى غلطتى فى كدة ،وغلطتى لما قولتى علية خاين شفتى رسايل منة ليها بيكلمها فى التليفون بيتأخر فى ميعادة مقصر من ناحيتك فى اى حاجه من دي
روح بكسوف :لا ملاحظتش اى حاجه من دي بالعكس
فهد :كدة ومشكلتك اتحلت والمفروض تصالحى جوزك ،وانتى ياليان عارف انو مش من حقى ادخل بس زيك زى روح ولو فى حاجه انا اول واحد هقفلك
ليان بدموع :عارفه انت زى اخويا عزيز من فترة لاحظت على التيشرت بتاعة اثار روج وبرفان حريمى وبعدها لاقيت انسيال حريمى فى جيبة والنهاردة واحنا جايين ل لين قابلتنا واحدة وسلمت عليه وباستة
فهد بعقل :طب مصارحتيش عزيز لية بااللى انتى حساة
ليان :مفيش راجل فى الحالة دى بيقبل انو يقول الحقيقة
فهد :ليان مشكلتك انتى وروح قلة الثقة اقل حاجه بتوديكوا وتجيبكوا لاحظى معاملة عزيز معاكى وانتى هتعرفى بيخونك ولا لا دلوقتي انا هجيبهم الاتنين ومش عاوز اسمع صوت واحدة فيكوا لحد ماكل حاجه توضح ،اتصل عليهم وبعد فترة قصيرة جم وفهد قفل الباب
عزيز بغضب :انت جايبنا لية يافهد
ليث مكملا بنفس الغضب :فهد احنا قررنا لو عاوزين يتطلقوا نطلقهم ونرتاح بقى من الموال دا
فهد بزعيق :اخرص ياحيوان منك لية انا سمعت البنات ودلوقتى نهدى عشان تسمعوا ونحل الموضوع بالنسبة ليك ياليث انا فهمت روح غلطها بس انت كمان غلطان المفروض لما يبقى عندك عميلة زبالة لتلغى قضيتها من عندك لاما تمسح الرسايل و الحاجات اللى تتبعتلك تحظرها
ليث :واللة يافهد انا ماكان فى نيتى انو احتفظ بحاجة شبة كدا وانت عارف انو مبهتمش بالرسائل ومش بفتحها انا اش عرفنى انها ممكن تبعت حاجه شبة كدا ولو انا بخونها لية هجيبلك مروان عشان اقضى وقت انا وهيا لوحدنا
فهد بإبتسامة :سامعة ياروح ياك نعقل شوية
روح بدموع :انتوا لية مش حاسين بيا لما الاقى جوزى اللى بحبة فى رسايل زى دى على تليفونة المفروض كنت اعمل اية ولو انا اللى فى نفس الموقف انا بقولك اهو ان ليث مكنش هيسمعنى
فهد بزعيق :روح خلاصنا بقى
ليث بضيق :متزعقلهاش يافهد هيا معاها حق لو انا اللى مكنها كنت قتلتها اما هيا قضتها زعيق بس
فهد بضحك :ابو شكلك انت وهيا يالا خدها بقى قبل مامروان يصحى واتصالحوا مع بعض
ليث بخبث:حاضر وانا روح تهون عليا هصالحها بضمير متقلقش،وشالها وخرج
عزيز بضيق :فهد انا مستعجل وعاوز امشى
فهد :مش لما تعرف ليان زعلانة منك لية
عزيز بضيق :اتحايلت عليها وفى الاخر تطلب الطلاق لا خليها مع نفسها بقى
فهد :بص رد فعلها طبيعى انا لما لين شافتنى فى المستشفى ببتسم مجاملة لممرضة فضحتونى ولمت عليا المستشفى
عزيز :ودا كلة عشان واحدة سلمت عليا وانا بعدتها عنى قدامها وتنكر بقى
فهد :بس. ياعزيز وحكالة اللى ليان قالتة
عزيز بجمود :حتى لو المفروض تتكلم معايا تقولى انا لاقيت كذا او فى كذا مش تتجاهلنى
فهد :خلاص بقى ياعم عزيز ادى الصورة وضحت قدامك
عزيز بضيق :ليان روحى لاوضتنا عاوز اكلم فهد
ليان بدموع خرجت جرى
لين بإرهاق :عزيز انا عارفة انو ليان غلطانة بس الغلط مش عليها بس وانا مردتش اتكلم قصادها عشان متقولش بشجعها بس تعرف لو انا مكانها كنت قتلت فهد لانى بحبة واكيد الروج مش هيجى لوحدة على القميص لازما واحدة تقرب منة وحتى البرفان والانسيال انا واثقة انك مستحيل تخونها بس متنساش انها حامل والهرومونات عندها مضروبة فمتسمحش لحاجة تأثر بينكوا هيا بتحبك و الحاجات اللي شافتها مش طبيعية
عزيز :واللة يالين الموضوع مش زى ماانتى فاهمة
لين :عارفه ومش مستنية تبرير منك مراتك اللى مستنياك توضحلها وعلى فكرة دا مش شك فيك بس الست الحامل ثقتها في نفسها بتقل فبتخاف على اللى بتحبة انو يروح منها روح صالحها بقى
عزيز :طيب ،خرج
فهد وهو يغلق الباب :بقى عاوزة تموتينى ياقطتى
لين بشراسة :اية بتفكر تخونى ولااية
فهد وهو يدغدغها :لا طبعا انا مليش غيرك
لين بضحك :طب بس بقى انا بغير
فهد وهو يحتضنها :بحبك يامجنونتى
************************************
اما عند ليان فدخل عزيز وهو متردد فى مصالحتها فهى معها حق هو حتى لايدرى كيف انت هذة الاشياء على ملابسة وكإمراة طبيعية لابد عليها ان تغار
ليان عند رؤيتها لعزيز احتضنتة :اسفة واللة ياعزيز ماكان قصدى انا بحبك وغيرتى مجنونة واثقة فيك بس خايفة لاحسن فى يوم تسيبنى بسبب شكلى اللى اتغير من بعد الحمل
عزيز وهو يحملها وهى داخل احضانة ذهب وجلس على السرير واجلسها على قدمية دافنا وجهة فى عنقها
ليان بدموع :صالحتنى ولا لسة
عزيز وهو يقبل جبينها:للاسف مش بقدر اخد منك موقف بس عاوزك تعرفى انك دلوقتي احلى من قبل الحمل وعمرى ماابص لواحدة غيرك لانك ببساطة ملكتى قلبى
ليان بفرحة :انا بحبك اوى ومحظوظة بيك
عزيز بخبث :بس دا ميمنعش انو فية عقاب
ليان وهيا تلف يدها على رقبتة :وانا كلى ملكك
عزيز بضحك :لا كان تعالى اما اعاقبك
************************************
بعد فترة دامت ٧سنين ومازال العشق مستمرا بين الجميع فى نهار يوم من الايام كان الكل يجلس بأريحية فجأة دخل عزيز وهو يحمل ليث الصغير من ملابسة
عزيز بغيظ:فهد ينفع اللى ابنك بيعملوا دا
فهد بقلق وهو ينزل ابنة من عزيز الغاضب :عمل اية بس ياعزيز انت شايلة كدة لية
عزيز بغضب:الحيوان بيبوس بنتى اموتة واخلص منة ومن وقلة أدبة
الجد بضحك :دا انا قولت فية مصيبة
ليث الصغير بغضب طفولى:بص بقى يازيزو رنا ملكى انا وانا بحبها وهتجوزها غصب عنك فبلاش الاوفر اللى انت فية دا
عزيز بغيظ:شايف الواد وقلة ادبة
فهد بغضب مصطنع :ليث اتلم انت جايب قلة الادب دى منين
ليث:بابى لو سمحت انت عارف ان مامى ورنا اهم اتنين فى حياتى بلاش تقف لى فيها
فهد بصدمة :انت يالا جبت الكلام دا منين
مليكة بغرور طفولى:جابوا من مروان يابابى اصل مروان كان عاوز يبوسنى انا كمان وضربتوا بالقلم
عزيز بضيق :اة ياوكستى السوداء وانتى مبتخليش بالك منها لية ياحيلتها فعلا صدق اللى قال بنت لين قوية ومفترية ولسانك مترين
لين بغيظ من وراة :بتقول حاجه ياعزيز
عزيز بخوف مصطنع :ها ولا حاجه يالين
ليث الصغير :ايوا كدا يامامى قوليلوا بقى انو انا هتجوز رنا
عزيز بهمس لفهد :ماتلم ابنك ياعم
فهد بهمس :انت عاوز الواد وامة يعلموا عليا وانام عندك النهاردة
عزيز :لا طبعا هو انا عارف استفرد ب ليان لما تجيلى تقعد على قلبى بلا نيلة هيا كلها خلفة مهببة
لين وهى تجلس بجوار فهد :اية الهدوء دا ياجماعة فين الباقى
اميمة :ليث مع روح عند الدكتور وليان راحت معاهم  وسماح طلعت ترتاح شوية وابوكى واعمامك فى شغلهم زى العادة
لين :يجوا بالسلامة ،وانتى ياملوكتى مفيش حاجه لمامى
مليكة بزعل وغيظ طفولى:لامفيش انتوا كلكوا اصلا مبتفتكروش حاجه ،طلعت لاوضتها هيا ورنا حيث كانت رنا و مليكة ف اوضة واحدة اما مروان وليث فى اوضة تانية مع بعض دخلت مليكة الاوضة واتفاجأت من كم الهدايا والزينة اللى فيها وفى تورتة فى نص الاوضة
مليكة بدموع :ياحبيبتى يامامى يعنى منستيش
لين وهيا تحملها :وانا اقدر بردوا ياقلب مامى ،كل سنة وانتى طيبة يااميرتى
مليكة وهى تحتضنها:وانتى طيبة يااحلى مامى
العائلة جت بعد وقت قليل واحتفلوا بعيد ميلاد ليث ومليكة وفجأة وقعت لين اغمى عليها
فهد بقلق :لين فوقى ياحبيبتى مالك
مليكة وليث قاعدين يعيطوا مليكة بعياط:هيا تعبت بسببنا لانها تعبت على ماتعملنا عيد ميلادي
فهد وهو يقبل مليكة وليث :لا طبعا مفيش حاجه ،عزيز خلى بالك منهم وانا هشيل لين واوديها لاوضتها ،حملها وخرج لاوضتهم وباقى العائلة لحقتهم
مليكة وهيا تترك يد عزيز :انا هروح عند مامى وسابتوا وجريت
اما ليث كان ماسك ايد عزيز وبيعيط
عزيز بتنهيدة وحملة لية :فى راجل بيعيط ماانت كنت عاملى سبع الرجال
ليث وهو يشدد من احتضانة :مش بحب اشوف مامى تعبانة
عزيز بإبتسامة :طب تعال نطمن عليها واخدوا ومشيوا
************************************
عند لين كانت ابتدت تفوق
لين بإرهاق :اية اللى حصل
فهد بحنان :اغمى عليكى ياحبيبتى ،انتى كويسة دلوقتي
لين :اة ،مليكة جت قعدت جمب لين وحضنتها اما عزيز كان داخل مع ليث فليث سابة وجرى قعد الناحية التانية جمب لين وزق فهد
فهد بغيظ :شوفوا الحيوان طب اعمل فية اية دا
لين بحب :معلش يافهد هو اتخض عليا بس
فهد بغيظ :لا الواد دا وقفلى على الوحدة ومبيحبش يشوفنا مع بعض
ليث بطفولة:مامتى حبيبتي وانت هتاخدها منى
فهد بغيظ :شايف ياجدى الواد هيجلطنى
الجد بضحك :كما تدين تدان على فكرة دا شبهك سواء فى الشكل او فى الطباع انت كنت واقف لابوك على الواحدة
اميمة جت فى نفس الوقت مع الدكتورة وهيا ابتدت تكشف على لين
مليكة ببراءة :هيا مامى مالها
الدكتورة بإبتسامة :انبسطوا مامى هتجبلكوا بيبى جديد
ليث بفرحة :يعنى انا هيبقى عندى اخ
مليكة بعند :لا انا عاوزة اخت
الدكتورة بضحك :ايا يكن المفروض تحبوة وتهتموا بية ،مبروك يامدام لين المرة اللي فاتت عدت المرادى لازم تلتزمى اكتر بالتعليمات عشان صحتك وصحة البيبى ،انا هكتبلك الادوية وطبعا التعليمات معروفة اهمها الراحة والتغذية والنفسية
اميمة بفرحة :متقلقيش عليها يادكتورة احنا كلنا معاها
الدكتورة :طبعا هاتيجى زى المرة اللي فاتت عشان المتابعة دلوقتي انا هستأذن وادى ورقة الادوية ،عن اذنكوا ،خرجت
الكل بفرحة :مبروك يالينو هيبقى عندنا بيبى جديد فى العائلة
لين :فهد مبسوط
فهد بحنان وهو يقبل جبينها :اكيد طبعا ياقلب الفهد بس الفرحة جت صدمتنى
وطبعا الكل جية وعرف بالموضوع وفرحوا ل لين جدا وللصدفة كانت ليان وروح حوامل فى نفس الوقت فالجد قرر انو يوزع اضحيات بسبب فرحتة للبنات وطبعا لم تخلو حياة البنات من مشاكسات الشباب (ايا كانت حياتنا حلوة او وحشة بدات صح او حتى بدات غلط مسيرها تتحسن عشان الحياة تتعاش لاهتكون دايما فرح ولادايما حزن بل مزيج بينهم بس الاهم انو اقدر اخلى حياتى حلوة وتكون مستمتعة بيها ممكن نضحى بحاجة بنحبها بس اكيد هنحصل على الافضل ودى نصيحة بلاش نضيع حياتنا فى جو الاكتئاب والنفسية حاولوا تخلقوا كل يوم بفرحة عارفة انو النفسية و الحاجات دى مش بمزاجنا بس حاولوا تحطوا مزاجكوا ونفسيكوا فى كفة والعالم كلة فى كفة تانية ودا كان هدفى من الرواية ان كل واحدة من البطلات اتجبرت على حاجه بس موقفوش حياتهم عليها بالعكس طوروا فى حياتهم وعلى فكرة انا هدفى من قصة الاجبار دى مش شرط تكون فى الارتباط او الجواز لاممكن تبقى فى الدراسة كلية معينة شغل معين مسئولية معينة الاهم انو نبرز نفسنا فى الحاجه اللى هنتحط فيها مهما كانت )
************\**********************
تمت بحمد الله
اية رايكم
ياريت التفاعل عشان الرواية لسة جديدة ❤❤