عشقى وغرامك

الفصل ١٦

فى بداية اليوم الجديد وخاصة قبل صلاة الفجر
ابتدا كل واحد من الشباب يصحى حبيبتة وابتدوا يجهزوا وصلوا الفجر ونزلوا اتجمعوا قصاد العربية
ليث :كدا كلنا اتجمعنا بص يافهد خد مراتك واقعدوا على الكنبة اللى ورا وعزيز ومراتة على الكنبة اللى قبلها وانا وروح هنقعد على الكنبة الاولانية
عزيز :انت جايب العربية كبيرة كدا لية ياليث وبعدين معرفتش تستنضف عربية اشيك من كدة
ليث:انا جايبها كبيرة عشان ناخد راحتها وبعدين العربية اللى مش عجباك دى انا مقفلهالكوا بستاير عشان البنات تاخد راحتها وفى شبابيك للهوا 😂😂
فهد بضحك :طول عمرك ناصح ،بس ستاير جوة عربية ازاى
ليث بضحك :هى مش ستاير قوى هى قطعة قماش بتتلزق بأسكوتش على الكنبة اللى قبل الكنبة والناحية التانية فى السقف انا عارف انكوا منمتوش كويس فقولت يمكن تساعد ان البنات تاخد راحتها بس نتلم كدة ياحلوين لان الصوت هيتسمع😂😂
فهد :اخلص ياض منك لية خلونا نركب اتأخرنا ،يالا يالين ،ابتدا الكل يحط الشنط فى شنطة العربية وطبعا بماان محدش كان نايم كويس فلزقوا الاسكوتشات بحيث تكون كل كنبة منفصلة عن اللى قدامها وفتحوا الشبابيك للهوا
(بصوا بصراحة معرفش ان كان فى عربيات كدة ولالا بس تخيلوا 😂😂)
روح وليث ناموا علطول وكمان ليان وعزيز اما عند فهد كان ابتدا ينام على نفسة اما لين كانت بتتحرك بعدم راحة
فهد شدها وحطها على رجلة زى الاطفال هامسا :نامى بقى
لين بنفس الهمس :مينفعش يافهد رجلك هتوجعك ومش هتعرف تنام
فهد بحنان :لما انتى تنامى وترتاحى انا هكون نمت
لين بهمس :هتعبك
فهد بإبتسامة :تعبك راحة ممكن بقى تسكتى انا تعبت من كتر الهمس اللى بنا دا😂😂
لين بإبتسامة حضنتة ونامت وهى على رجلة وهو فضل يربت على ظهرها لحد مانامت وبعد فترة قصيرة هو كمان نام.
بعد مرور اكتر من ٣ساعات منذ خروجهم من البيت اتصل السائق على تليفون ليث فصحى ،رد
السائق :ليث بية احنا خلاص قربنا نوصل على الموقع اللى ادتهولى
ليث بنوم :اية دا احنا لحقنا
السائق :اصلى كنت سايق بسرعة واخدت طريق مختصر
ليث :غريبة ومقبلناش ولا كمين ،عموما احنا فين دلوقتي
السائق :لا لان الوقت دا مبيبقاش فية حد ،ودلوقتى احنا فى شرم وفاضلنا بتاع ربع ساعة ونوصل
ليث:خلاص تمام سلام ،قفل
ليث :روحى حبيبتي اصحى
روح بنوم :امم ياليث
ليث بحرج:قومى صحى باقى البنات
روح قامت وفضلت تنادي على ليان ولين بصوت عالي نسبيا
عزيز وهو بيشيل اسكوتش القماش :عاوزة اية يامزعجة
روح بضيق :بقى انا مزعجة يازيزو ماشى
ليث وهو بيضربها على دراعها :اتلمى ياروحى
عزيز بضحك :غيور اوى
ليث بهزار :طب شوف اللى جمبك هتولع فيك
عزيز بحب :بطل توقع بنا هى عارفه انو مفيش غيرها فى قلبى
ليث بضحك :طب صحوا خم النوم اللى ورا دول
ليان قعدت تنادى على لين ولما لين حست عليها حاولت تصحى فهد بس معرفتش فقامت من على رجلة وقعدت جمبة وشالت الاسكوتش
لين بنوم :صحيت ياليان بلاش صوت عالى
روح :صباحو عسل ياليو
لين :صباح الورد
ليث :هو فهد مش راضي يصحى ولا ايه
لين :اة حاولت اصحية كتير بس مرضاش
عزيز بضحك :لسة متعلمتيش يالين فهد مبيحبش حد يصحية بيحب يصحى بمزاجة
ليث :بس دلوقتي مينفعش لانوا خلاص على وصول
ليان :بالسرعة دى
ليث :اة على الاقل نلحق اليوم من اولة وطبعا مفيش نوم دلوقتي خالص ،يالا صحوا فهد
ومع محاولات كتيرة صحى فهد وضهرة ورجلية واجعينة
ليث:اى ياعم فهد كل دا نوم
فهد بتعب :اخرس خالص انا ضهرى ورجلى شادين عليا
عزيز :معلش هتلاقيها من النومة مكنش لازم تنام بضمير اوى،العربية وقفت
ليث:اهلا بيكم ياشباب يالا خلونا ننزل ،نزل الكل
لين بهمس لفهد :هات الشنط يافهد انا هشيلهم انت تعبان
فهد بغضب :لية مش راجل ولا اية لين لو سمحت انا تعبان ومش قادر لك خالص
لين بهمس سمعة فهد:مغرور وغبى انا مش عوزاة يتعب بزيادة وهو بيتعصب عليا،دخلوا كلهم الاوتيل وليث وزع كروت الاوض وكانوا كلهم فى نفس الدور بس فى اوض مختلفة
ليث وهما فى الممر :بصوا بقى هنحط الشنط وننزل نفطر مع بعض تمام
فهد بتعب :ليث روحوا انتوا انا تعبان ومش قادر اقف اصلا خدوا لين معاكوا
عزيز :بس
فهد مقاطعا :مبسش انا فعلا تعبان جدا ،خدوا لين معاكوا وخلوا بالكوا منها ،سابهم ودخل
عزيز :طب يالا انتى يالين تعالى معانا
لين :لا ياعزيز مش هينفع اسيبوا لوحدوا انزلوا انتوا ويمكن على الغدا ولا حاجه يكون ارتاح شوية وننزل مع بعض
ليث :خلاص تمام
لين :يالا سلام ودخلت الاوضة لاقت فهد نايم وباين علية الارهاق والتعب
لين وهى بتقعد جمبة :فهد انت كويس
فهد :تعبان اوى ومش حاسس بجسمى ،منزلتيش معاهم لية
لين بحنان:مينفعش اسيبك ،بص قوم ادخل خد شاور سخن ،تعالى
فهد بتعب :خليها بعدين بجد مش قادر
لين :طب بص استنى وراحت تملى البانيو بمياة دافية ،ورجعت اخدت هدوم لية وحطتهالوا جوة ورجعت لفهد.
لين :قوم يافهد اتسند عليا وادخل انا مليت البانيو
فهد وهو بيتسند عليها:علطول تاعبك كدة
لين :بطل يافهد انت مش تاعبنى ولا حاجه لو انا مساندتكش مين اللى هيسندك ،قعدتوا على البانيو
فهد بحرج:لين ممكن تساعدينى انو اقلع التيشرت
لين بإبتسامة :حاضر ،ساعدتة :محتاج حاجه تانية
فهد :لا انا هعرف اكمل تسلمى
لين خرجت وطلبت الريسيبشن انو يجبولها فطار وكريم للعظام ،وبعد فترة جية اللى طلبتوا واخدتوا
فهد خرج من الحمام فلين راحت سندتة :معرفتش البس التيشرت بردوا مش عارف اكتافى متشنجين لية
لين :طب نام على بطنك انا جبت كريم هدلكلك ضهرك
فهد :ملهوش لازوم هى الماية السخنة فكتوا عن الاول
لين وهى بتحط ايديها على فمة: انت متعب كدة لية يافهد هو انت حالف لتطلع عينى اهدى بقى وريحنى
فهد مسك يدهاالموضوعة على فمة وقبلها :حاضر مش هتعبك هاتى الكريم ،نام على بطنة
لين ابتدت تحط لية الكريم على ضهرة وكتفة :كدة خلصت شفت موجعتكش اهو يالا قوم
فهد وهو بيتعدل :تسلم ايدك يالين بجد ارتحت
لين بإبتسامة :ورجلك محتاجة كريم
فهد بحنان :حتى لو وجعانى مستحيل اخليكى تنزلى لرجل. ،عموما هى الماية السخنة فكتها.
لين :طب يالا عشان تفطر ،جابت الاكل :انا اكلك
فهد بهزار :ياخوفى من الدلع دا كلة
لين بإبتسامة :على فكرة انت ظالمنى وواخد فكرة وحشة عنى
فهد :بالعكس على الرغم انو مزعلك دايما وقت مابحتاجك بتساعدينى قبل ما اطلب
لين بإبتسامة :طب يالا نفطر لانى هموت وانام
فهد بضحك :وقال بيقولوا عليا خم نوم شكلهم ماشافوكيش ،وابتدوا يفطروا تحت ضحك وهزار ولاول مرة
فهد :لين ممكن اطلب منك طلب
لين بقلق:فى حاجه تعباك تانى
فهد :لا مش حبا تتكلمى انا وعدتك انو هنتكلم كتير مع بعض
لين :على فكرة انا مطلبتش تنفذ وعدك دلوقتي انت تعبان ونتكلم بعدين وانا كمان عاوزة انام
فهد :طب تعالى نامى فى حضنى
لين بهزار :ماانت مبتستحملش وبتقوم متكسح
فهد بغيظ :خفة يابت وشدها لية وناموا
************************************
عند عزيز وليث والبنات
عزيز :انا كدة الحمد لله ،هنعمل اية بعد كدة ياليث
ليث :صراحة كنت حاطط خطط كتير بس مينفعش ننفذها وفهد ولين مش معانا
ليان :اة فعلا الجو مش هيبقى حلو من غيرهم
روح :فعلا عشان كده خلونا نستنى فهد ولين ونطلع نريح دلوقتي ونقضى الليل معاهم
ليث :خلاص تمام،حاسب وكل واحد دخل لاوضتة مع مراتة
عند ليث
روح بتنهيدة :واخيرا هنام
ليث :نعم ياروح طنط وانا جايبك هنا تتخمدى
روح وهى تضربة فى كتفة :اية تتخمدى دى ماتحسن ملافظك ياخويا
ليث :اخويا لاياماما انا جوزك حبيبك تعالى وانا هثبتلك وشدة لية 🙈🙈
اما عند عزيز
عزيز بخبث :لولى هو انتى عوضتينى امبارح
ليان بضحك: تصدق انك قليل الادب ومبتشبعش
عزيز :حد يشبع منك ياقمرى
ليان بحرج :بطل بقى يازيزو
عزيز :قلب زيزو وروحة بحبك اوى ياوردتى
ليان بحب :وانا بعشقك
عزيز بضحك :بس مع كدة مش هتنازل عن حقى وشدها لحضنة وابتدا يقبلها
************************************
اما فى البلد
كان الكل صحى وقاعدين بيفطروا
الجد:تصدقوا البيت فاضى من غيرهم
زيدان:فعلا البيت هادى اوى ولا كأنهم ماشيين من زمان
طة :اية ياجماعة دى ايامهم خليهم ياخدوا راحتهم ويعيشوا ايامهم
امجد :صراحة انا وحشونى البنات جدا كنت بكرة دايما سفرهم عشان بيبعدوا عنى
اميمة:البنات بتدى روح للبيت عن الشباب
سماح :ياجماعة متكبروهاش ساعة كدة ونتصل بيهم
الجد :انتوا عرفتوا وصلوا ولا لا
اميمة :لا لسة متصلوش شوية واحنا اللى نتصل بيهم
طة بضحك :طب سيبوا العيال تتبسط ببعض دا شهر عسل حتى بلاش جو المكالمات الزايدة دى
سماح :مش بنطمن عليهم ولا اية
طة بحب :اطمنى اطمنى مش هيحصل حاجه
اميمة :بس على اللة فهد يصلح علاقتوا ب لين
الجد :متقلقيش انا كلمتوا امبارح
زيدان :على اللة يحترم نفسه ويقدر يكسبها
الجد :ربنا يهديلهم الحال ويريح قلبهم
امجد :انا مش قادر هتصل بيهم
طة بهزار:شكل امجد مبيعرفش يقعد من غيرهم
امجد بإبتسامة :انت بتقول فيها مع انى بكرة السفر بس كنت بضطر اسافر معاهم عشان مبقاش لوحدى
سماح :ربنا يخليهوملك ياابو لين
امجد :يارب ويخليلك عيالك ،وابتدا يتصل عليهم
************************************
البارت خلص❤
اية رايكم ؟
فين التفاعل ياجماعة تفاعل البارت اللى فات ضعيف اوى😔😔
ياريت اللى بيقرأ البارت يعمل فوت او كومنت عشان الرواية جديدة وعلى فكره انا عمرى مااتكلمت عل الدعم فى اى حاجه بعملها بس البارت بيعدى ٦٠٠قارئ فياريت تتفاعلوا عشان توصل لقراء اكتر❤❤❤