عشقى وغرامك

الفصل الثالث (نقاش)

رجع البنات وقعدوا كلهم على تربيزة السفرة وابتدوا يتكلموا مع بعض وهما بياكلوا
لين بإبتسامة :البيت منور بيكوا ياجماعة
الجد :منور بيكوا يابتى ،بس شكلك بكاشة زى ماابوكى بيقول
لين بتمثيل :ينفع كدة مسوء سمعتى دايما
امجد :دى يابابا مصيبة حياتى عملالى مشاكل طول عمرها
زيدان :لية كدة دا باين عليها طيوبة خالص
لين بإبتسامة :حبيبى ياعمو واخيرا لاقيت حد ينصفنى
امجد بضحك :اة يازيدان انا نسيت اقولك ان البت دى واخدة كتير من طباعك
الجد بضحك :يعنى كان عندنا نسخة واحدة دلوقتي بقوا اتنين
وردة جت عليهم :لين سكرتيرة استاذ هادى اتصلت وقالتلى  ابلغك بميعادك
لين وهى بتقوم :انا خلاص اصلا خلصت
امجد بضيق :لين خلصى اكلك الاول ،مينفعش كدة
لين :معلش يابابا انا واخدة الميعاد بقالى شهر ونص لانة محترف وجدولة مشغول ،انا اسفة ياجماعة فعلا بس انا مشغولة الفترة دى شويه
طة :عادى يابنتى دا شغل ،اتفضلى احنا اصلا هنخلص ونروح البلد
لين بزعل :يعنى هتروحوا خلاص
الجد :اة احنا كدة هنتأخر فى الرجوع اكيد هنتقابل كتير مجتش من المرة دى
لين بإبتسامة :اكيد طبعا ولو انتوا مجيتوش ،انا اللى اجيلك مخصوص تعويض عن النهاردة
الجد :ان شاء الله دلوقتي روحى شوفى وراكى اية
لين :تمام توصلوا بالسلامة ،خرجت
امجد بضيق :متزعلوش منها بس هى شغلها فى المرتبة الأولى من حياتها
زيدان :لامفيش زعل و لا حاجة ،ربنا يوفقها
الجد :هى بتشتغل اية
ليان :هى مصممة ازياء شغالة فى شركة انترناشونال للملابس
الجد :وانتى يابتى شغالة بردوا ولا اية
ليان :انا مترجمة لغات بشتغل فى شركة ومواقع خارجية
امجد بضيق :حياتهم الاتنين عبارة عن شغل وسفر
الجد بغموض :ربنا يهدى،وبهمس :هاتلى صورتين للبنات عشان ولاد اخوك يشوفوهم
امجد بهمس :حاضر
ليان :الحمد للة ،تحبوا تشربوا ايه بقى
الجد :لا يابنتى تشكرى احنا يدوبك نلحق نعاود البلد
امجد :طب ماتباتوا هنا ياابوى
الجد :لاماينفعش نسيب البيت وخاصة فى فترة المشاكل دى
امجد :ان شاء الله تنحل على خير
الجد :يالا ياطة انت وزيدان خلونا نعاود البلد
فى غصون فترة قصيرة كانوا جهزوا ونزلوا بعد ماودعوا الكل
************************************
فى البلد بعد رجوع فهد وليث
اميمة :اعملكوا الوكل ياولادى
فهد :لا الحمد للة اكلنا برة ،امال فين روح
اميمة :روح قاعدة قدام التليفزيون جوة بتتفرج على الناس اللى بتمشى والناس بتصورهم
ليث بغيظ :قصدك رجعت تتفرج على الزبالة دول تانى ،اروح اجبها من شعرها يعنى
فهد بعصبية خفيفة :في اية ياليث هواية وبتتفرج عليها بطل تشد عليها هى لسة مش على ذمتك
ليث :انا مش عارف هى اية اللى عاجبها فى عروض الازياء دى
فهد بهدوء :هواية عندها وعشان اعرفك يوم لما الاقى اختى بتغلط هقتلها ومش هستنى رايك
ليث:ابقى فكر كدة هى صحيح غايظانى بس مااستغناش عنها
اميمة :ربنا يفرح قلبك ياحبيبى ،براحة عليها شوية
ليث :انتى تؤمرى ،امال امك فين
اميمة بضحك :امك قاعدة جمب روح وعزيز معاهم بيتفرجوا على التليفزيون
ليث :طب الاحقها من امى ولا من روح
فهد بضحك :انت اللى تاعب حالك تعال ندخلهم
دخلوا الكل لاقوا روح وسماح مندمجين وعزيز قاعد يلعب فى تليفونة
ليث بزعيق:افشتكوا بتعملوا اية
سماح بخضة :يالا ياجزمة كدة تخضنا
ليث:اعملكوا اية ماانتوا مندمجين اوى كانت الاول ست روح دلوقتي بقيتى انتى كمان ياامى
عزيز بهزار :والله انا قولتلكوا البت روح متنفعش غير ليا احنا الاتنين دمنا خفيف مش زيك ياليث
ليث بعصبية :عزيز انا معحبش الهزار دا
سماح وروح :بس بقى خلونا نسمع
فهد بضحك :بتسمعوا اية
روح بشغف :دى مسابقة لعرض ازياء بين اقوى ٦منافسين واللى هيكسب هينزل موديل تصميمة فى مصر وبرة مصر وطبعا الحاجات دى ماركة متقسمة ل١٠موديلات ٢من كل نوع وطبعا النماذج دى تجريبية يعنى مش كل الموديلات
فهد بدهشة :اية الشغف دا اول مرة اعرف ان حبك كبير للحاجات دى
روح:عادى يافهد اهى هواية ،اسكت بقى عشان المتسابق التانى هيطلع بتصاميمة
سماح :الملكة هتطلع يابت ياروح
روح:لا النهاردة تقريبا لا
ليث :مين الملكة دى
روح :دى ملكة الازياء درست في فرنسا وكل الشركات بتتمنى وجودها معاهم ايام لما كانت طالبة هزمت ٢من اشهر مصممين الازياء وبعدها قضتها سفر حول العالم قضت ٤شهور متنقلة بين الصين واليابان وكوريا واتعلمت اساسيات الازياء واتعلمت فنون القتال واخدت بطولات كتير وبعدها استقرت فى لبنان فترة قصيرة لحد مافى الاخر نزلت عاشت فى مصر واشتغلت فى شركة انترناشونال لصاحبتها

فهد بضحك :دا كلة اى يابنتى خفى شوية ،داانا اخوكى اهوة ومتعرفيش دا كلة
سماح بإعجاب :بصراحة بنوتة شياكة وجمال وقوة دا فى مرة حاول واحد يتطاول عليها مسخرتة فى نصف الحفلة ومااهتمتش بحد
ليث بسخرية :للدرجادى
روح :واكتر بصراحة جريئة جدا ومبتخافش من حد ومرحة لاقصى حدود
ليث بغيظ :لاتكونى حبا تبقى شبهها
روح :ياريت مكرهش طموحة وشجاعة وناجحة في حياتها
ليث ببرود:كل دا ملهوش لازمة الست ملهاش الا بيتها وجوزها وعيالها واللى بتتكلمى عليها دى شغلها ناجح بس واضح من كلامك ان حياتها الخاصة فاشلة
سماح :اسكت بقى ياليث خلينا نسمع وانتى متروديش علية
الكل سكت وتابعوا الحدث لحد ماجية ميعاد اعلان الفائز وكانت شركة مها وطلب المذيع من المسئولين انهم يطلعوا للمنصة وطلعت ياسو ولين
المذيع :دلوقتي احب اهنيكى على فوزكوا
ياسو :شكرا جدا وطبعا مقدرش انكر انو دا مجهود لين
المذيع :طبعا منقدرش ننسى المبدعة كل سنة بتبهيرينا بتصاميم جديدة صراحة مش عارف اقولك اي
لين بإبتسامة :ولا حاجه صراحة دا مش مجهودى بس انا معايا ١٤من المصممين تبع الشركة وكلنا متعاونين مع بعض
المذيع :حابب اسألك سؤال انتى حياتك العملية فوق ممتازة اما حياتك الخاصة هادية الى حدا ما معقول مفيش ارتباط ياسو فاجأتنا بارتباطها ولا اية ياياسو
ياسو :عادى صراحة انا ارتبطت بشكل مفاجئ وطبعا اعلنت
المذيع :وانتى يالين  مفيش حب جديد 
لين بهزار :وهو كان فى قديم ،عموما لا انا حياتى الخاصة هادية وصراحة انا بأمن انو قدرى مكتوب فمش هيحصل لازيادة ولا نقصان فيها فمش مستعجلة 😹😹
المذيع :تمام ،احب اقولكوا مبروك وابهرونا بتصاميمكوا الجديدة ،وكدة هننهى البرنامج
وخلص البرنامج
فهد :من دورك دول ياروح صح
روح :اة بس كانوا بيجمعوا السنتين فى سنة عشان كدة خلصوا دراسة بدرى
عزيز :صراحة قمامير بس ياسو دى تحسيها من لبسها انها واخدة حريتها زيادة عن اللزوم
ليث بسخرية :دا على اساس انو التانية احسن
عزيز :لاحرام عليك التانية لبسها غير الاولى دى كأنها مش لابسة حاجه
ليث :والله دول ناس فاضية لاليهم حاكم ولارابط
وفضلوا يتكلموا مع بعض وبعدها كل واحد طلع اوضتة
************************************
فى العربية قبل وصول الصعيد بمسافة قصيرة
زيدان :مالك ياابوى ساكت لية
الجد بتنهيدة :هقول اية ان اللى خفت منة لاقيتة
طة :قصدك يعنى عشان طبيعة عيش البنات
الجد :كل حاجه ياطة لبسهم عيشتهم شغلهم كل حاجه البنات مطبعا نفس طباع امهم الاجنبية واخوك واضح ان مديهم حرية زيادة عن اللازم
زيدان :يمكن ياابوى بس بلاش نظلمهم البنات مشفناش منهم اى تصرف وحش
الجد بتنهيدة :بس مش هيعرفوا يتعودوا على طباعنا وعيشتنا
طة :يمكن الصغيرة هى اللى كدة اما الكبيرة هادية فهتتعود بسرعة
الجد :اهو انا مش خايف الا من لين وكلام اخوك انها جريئة ولسانها متبرى منها محتاجة واحد طاقتة واسعة عشان يتحملها  وفى نفس الوقت يشد عليها
زيدان :فهد هيكون الانسب ليها ياابوى
الجد :فهد شديد وطباعة صعبة اة بيتحمل بس طباعة صعبة ،وعزيز مش هينفع لانة لين وبيحب الضحك فمش هيقدر عليها كنت هقول ليث هو الوسط بينهم بس عارف انة بيحب روح فبجد محتار
طة :انا شايف ياابوى ان فهد الانسب لان عزيز مش هينفع هتستهيفوا اما فهد هيقدر يوقفها عند حدها
الجد :وانت اى رايك يازيدان
زيدان :انا كمان نفس الراى فهد الانسب
الجد :خلاص وانا موافق على رايكوا،اما اشوف راى ولادكوا  ،يالا خلونا ننزل وصلنا والسواق سابنا نتكلم ونزل
طة وزيدان :حاضر ونزلوا من العربية ودخلوا البيت

************************************
توقعاتكوا ؟
اى رايكم؟
فين الدعم عشان باقى البارت