عشقى وغرامك

عشق بلا حدود

هاقد مر شهر على وجود الجميع فى منزل العائلة وقد حدثت العديد من التغيرات فى هذا الشهر
ف ليث اصبح يعمل مع مروان كظابط فى المخابرات وقد اظهر نشاطة وحيويتة منذ اول يوم فى شغلة واصبح هو ومروان دائمى الانشغال والسفر للقاهرة
اما مليكة فقد تخلت عن حلم العارضة والممثلة فمنذ اللحظة التى حاول الشابان الاعتداء عليها فإدركت انها لاتستطيع حماية نفسها اذا واجهت هذة المشكلة فى المستقبل فقررت التخلى عن هذا المجال وابتعدت عنة واصبحت صديقة مقربة لرنا واصبحوا دائمى الخروج مع بعض اما رنا فقدمت ورقها فى الجامعة للحصول على اخر سنة لها تحت مساعدة مليكة وكانت الاثنتين دائمى الاشتياق لمروان وليث فرنا اصبحت مقربة من ليث واحبتة ومع كل إجازة لة كان يجلب لها الكثير من الهدايا واثناء سفرة يكون دائم الاتصال بها والسهر معها على التليفون اما مليكة فمنذ اخر خناقة بينها وبين مروان وهو يتجاهلها وهيا قررت ان تتجاهلة،حتى اتى اليوم وهو موعد اجازة الشباب ورجوعهم الى البلد
اما باقى العائلة فلم يجد جديد فى حياتهم سوا عشقهم الذى يزداد
***********************************
فى غرفة البنات كانوا يتحدثون بملل منتظرين
رنا بمرح :لما انتى بتحبية كدة لازم تقفليها فى وشة دا كل مايشوفك عينية بتتملى غضب
مليكة بتذكر :ماهو انا اعمل اية ساعتها كنت مضايقة انو بيقرب منى زيادة عن اللزوم
رنا :هو اة مكنش ينفع يقرب منك كدة بس سكينة الحب كانت سرقاة وقرب منك بالغلط ..وبهزار..وماكنتش بوسة يعنى 😂😂
مليكة وهيا تضربها بالمخدة : يعنى لو ليث اللى كان عملها مكنتيش هتعملى نفس اللى وعملتوا
رنا بضحك :الصراحة كنت هشرشحة بس ياجاحدة تلطشية بالقلم
مليكة بتذكر :الصراحة كان القلم جامد شوية
فلاش بااااااك
مروان بعد ماخلص تدريب مع ليث ذهب ليرى مليكتة لدى يعرف مشاعرة ولكنة لم يجدها مع العائلة فجلس هو وليث قليلا
ليث :امال مليكة راحت فين
فهد :راحت اوضتها ترتاح شويه
مروان :طب انا هقوم انا كمان ارتاح لانى فعلا ارهقت اوى ولما الغداء يجهز ابقوا نادونى
عزيز :طب اطلع ارتاحلك شوية كدة كدة ماحنش هنعمل حاجه
مروان :تمام عن أذنكوا ،رحل لغرفة مليكة وفتحها وجد انها تقف امام البلكونة بشرود
مروان بهيام :مليكة
مليكة بعد انا افاقت من شرودها :هااا انت ازاى تدخل الاوضة كدة
مروان بهدوء :عادى يامليكة
مليكة :لا مش عادى انت مفكرنى من البنات الرخيصة اللى تعرفهم
مروان بغضب :نعم ياختى انتى غير اى حد وبعدين انا معرفش اى واحدة غيرك
مليكة فجأة رفعت يدها وضربتة بالقلم بشدة :انا مش واحدة من حريمك عشان تقربلى كدة وتبوسنى كمان من بعد النهاردة متقربش منى تانى فاهم
مروان بغضب :انتى قد اللى عملتية دا
مليكة وقد ابتدت دموعها فى النزول :قدها لانى لاول مرة احس نفسي رخيصة كدا انت متفرقش عن الاتنين اللى انقذتنى منهم كلكوا طمعانين فيا
مروان وهو ممسك ذقنها بيدة :يعنى بتشبهينى بيهم لمستى وكلامى وكل حاجه فيا انتى ليا وكل حاجه فيكى ملكى لانى بحبك بس انا اللى غلطان بوستك لانى كنت خايف من ضياعك منى كانت مشاعرى مسيطرة عليا بس عاوزنى ابعد هبعد ومش هقرب منك ،تركها ورحل خابطا الباب خلفة بشدة
باااااااااااك
رنا :صراحة الكلام اللي انتى قولتية يجرح اوى
مليكة :يمكن ،وفجأة سمعوا صوت سيارة تدخل الفيلا فذهبوا سريعا للبلكونة لكى يروهم
رنا بغمزة لمليكة :كل اجازة بيحلوو اكتر
مليكة بهيام :عاوزة الصراحة هما الاتنين اصلا مزز
رنا بغيرة :خليكى فى مروان بتاعك مالكيش دعوة بليث
مليكة بخبث :اللة اللة على الناس اللى بتغير
رنا :كدة ماشى ،وظلوا يجروا وراء بعض فى الغرفة
***********************************
فى الاسفل دخل ليث ومروان ورحبوا بأميمة وسماح
ليث :امال فين الباقى
اميمة :جدك زيدان وطة فى شغلهم وابوك واعمامك خرجوا لشغلهم وامهاتكوا خرجوا يجيبوا شوية حاجات من برة
مروان بضحك:وسيبينكوا لوحدكوا ،طب جدو فين
سماح :جدكوا فى اوضة المكتب مستنى ضيوف لية ادخلوا سلموا علية
ليث :تمام ،بس والنبى خلوا الخدامة تحت الشنط دى فى الاوضة
اميمة :حاضر ياحبيبى ،روحوا سلموا على جدكم
***********************************
فى المكتب دخل ليث ومروان وسلموا علية والجد فرح بوجودهم
ليث :وحشتنا اوى ياجدو
الجد بإبتسامة :بكاش زى امك لما انا واحشكوا اتأخرتوا الاجازة دى لية
مروان :والله ياجدو اشغال وتدريبات حاجة كدة خنقة
الجد :ربنا يعينكوا ياشباب ،بس بتوحشونى اوى وبيعز عليا غيبيتكوا دى نفسى افرح بيكوا مش ناويين ترتبطوا ولا هتفضلوا كدة شغلكوا درجة اولى فى حياتكوا
فى نفس الوقت دخلت اميمة قائلة :الضيوف وصلوا ياحاج
الجد وهو يقوم من مكانة :طب دخليهم يااميمة ،ودخلوا الضيوف وابتدوا يرحبوا ببعض
************************************
فى المطبخ
دخلت رنا ومليكة لاقوا سماح بتعمل صوانى ضيافة
مليكة بهزار:اوعوا يكون دا كلة عشان ليث ومروان
اميمة اتت من الخارج :لا ياختى فى ضيوف عند جدك فالضيافة ليهم
سماح :يالا يارنا انتى ومليكة شيلوا الصوانى دخلوها
رنا بتذمر :مابلاش احنا وخلى الخدامة تدخلهم
اميمة :الخدامة راحت تجيب حاجات من برة ،واحنا هنحضر الغداء ولا تحضروة انتوا واحنا نخرج
مليكة بتسرع:لالا نشيل صوانى الضيافة احسن يالا يارنا
سماح بضحك :ربنا يعين اللى هياخدكوا ستات بيوت فاشلين
رنا بغرور مصطنع :كفايه انو احنا معاهم هيبوسوا ايديهم وش وضهر
اميمة بضحك :طب يالا يامغرورة هانم ،هنتأخر على الضيوف شيلوا يالا
مليكة :ادينا هنشيل اهو اما نشوف اخرتها ،حملوا الضيافة وخرجوا
************************************
فى داخل غرفة المكتب كان هناك ضيف صديق الجد اتى مع اولادة للزيارة
الجد :يااهلا وسهلا بيكوا ياحج سالم،البيت نور
سالم بإبتسامة :البيت منور بأهلة دا ياولاد رفيق عمرى انا وهو كنا دايما مع بعض ،اعرفك بولادى دا احمد ،ودا محمد
الجد :ولادك بقوا شباب انا متوقعتش يكونوا كبروا كدة
سالم بضحك :بقوا رجالة وبندورلهم على عرايس زينة تشيل اساميهم
مروان بهمس ل ليث :انا قلبى واجعنى حاسس انو فية مصيبة
ليث بنفس الهمس: عاوز الصراحة انا كمان مش مرتاح
الجد :دول اولاد احفادى مروان وليث طبعا انت عارف احفادى
سالم بهزار :ايوا بقى يارجل ياعجوز شفت اولاد احفادك
الجد بضحك :دا انت اللى عجوز انا لسة شباب
فى نفس الوقت دخلت مليكة ورنا لتضعا الضيافة وكان سيهما بالرحيل لولا كلمات صديق جدهم
سالم بإعجاب :ما شاء اللة بناتكوا اية فى الجمال
الجد :احنا عيلتنا كلها حلوة
سالم :وانا اقدر اقول حاجة ،انا جاى وعشمان فيك انو نحول صداقتنا تبقى نسب
الجد بإستغراب :مش فاهم تقصد مين انا حفيداتى متجوزين
سالم وهو يشير للبنات :قصدى بنات احفادك وانت عارف تربيتى وتربية عيالى واتمنى بناتك يشرفونا فى عيلتنا
اما مليكة ورنا فخجلا وخرجتا سريعا اما الجد فكان صامتا ينظر بإتجاة ليث ومروان بغموض
اما مروان وليث فكان الغيظ يتأكلهم ويودان قتل هذان الشبان
سالم :انا جاى النهاردة اطلب ايد بناتكوا لولادى هما شافوهم من كام يوم وحاكولى على ادبهم واخلاقهم وانا فعلا شفت دا لما جتلكوا النهاردة
الجد بتنهيدة :طب على الاقل ادينا فرصة اسأل البنات واهاليهم
سالم :معاك كل الوقت بس عاوز اسمع خبر حلو منيكوا
مروان هب فجأة :معلش ياحاج طلبك مرفوض البنات مرتبطين
احمد وقد تخلى عن صمتة :احنا سألنا وقالو لنا انهم مش مرتبطين
ليث بغضب :ماقلك مرتبطين ولا البعيد مابيفهمش
سالم :هو احنا جايين نتهان اهنية ولا اية
الجد بحرج :لا هما ميقصدوش
مروان بغضب :لانقصد لما شوية عيال يجوا يتقدموا لمراتى ومرات اخويا يبقى لازم نغلط فيهم
سالم بغضب :انتوا الكلام معاكوا معدتش نافع عن اذنكوا يالا ياولد ،واخد اولادة وخرجوا من البيت كلة
الجد بغضب:ممكن تفهمونى اية قلة القيمة اللى عملتوها دلوقتي دى
مروان :انا عاوز اتجوز مليكة ومش هسمح انها تكون لواحد غيرى
الجد بخبث :وانا مش موافق مش على مزاجكوا الكلام
ليث بضيق :ياجدو عشان خاطرنا كلمهم لنا
الجد :ولما انت ياحيوان منك لية عاوزين ترتبطوا بيهم كنتوا مخروسين لية
ليث :انا كنت مستنى اما استقر انت عارف انو انا لسة مستلم وظيفة جديدة
مروان :وانا مليكة معاندانى فكنت عاوز اربيها شوية
الجد بغيظ:مش بقول حيوانات طب ملمحتوش لاهاليهم لية
ليث بغيظ:دا بأمارة انو عمى عزيز مدينى وش دا كل مايشوفنى معاها يركبوا ١٠٠عفريت
مروان مكملا:حتى عمى فهد كل مايشوفنى قريب من مليكة يمرمطنى
الجد بضحك :بيغيروا على بناتهم ،عموما انا هكلمهم بس لو بنت منهم اشتكت منكوا هولع فيكوا
ليث ومروان احتضنوا جدهم :ربنا يخليك لينا ياجدو
الجد بإبتسامة :ويخليكوا ليا يامجانين
بعد عدة ايام وافق عزيز وفهد على مضض واجبار بسبب خطة الجد والشباب وتم عقد قرانهم اما الشباب فلم يتحدثوا مع البنات منذ هذا اليوم اما البنات فكانوا يتوعدون لهم بسبب تجاهلهم وخطتهم الخرقاء مثلهم
فى غرفة ليث
طلع ليث وفى يدة رنا لغرفتة فهما قد جهزوا كل شئ بحيث يكون ليث ومروان فى غرفتين منفصلين
ليث بإبتسامة :مبروك يارينو
رنا بضيق مصطنع :دا على اساس انو كان ليا راى فى ام الجوازة دى
ليث اختفت ابتسامته :انتى مش موافقة
رنا بتمثيل:لا انا بس مرضتش ازعلهم ووافقت
ليث ببرودوضيق خفى:طيب
رنا بتمثيل :هو اية اللى طيب هتطلقنى امتى
ليث ببرود :انسى انتى ليا لحد موتى ،واخد ثيابة ودخل الحمام لتبديل ثيابة
رنا بصدمة:يخربيتك اية كتلة البرود دى دا انت مفكرتش تقولى كلمة حلوة بس بردوا لازم اثبت على موقفى لحد ماأربيك وواللة ماانا مستنياك ،وابدلت ثيابها ونامت
اما هو خرج بعد فترة فوجدها نائمة فذهب لتقبيل جبينها واخذها داخل احضانة وظل يتأملها وهو يكاد يموت من الفرحة
************************************
اما فى غرفة مروان بعد ان طلعوا لغرفتة
مليكة بغضب :هتطلقنى امتى
مروان :يافتاح ياعليم يابنتى لمى نفسك بدل ماارد وردى مش هيعجبك
مليكة دبت قدمها بالارض واخدت ثيابها ودخلت لتبديلهم اما مروان فظل يضحك عليها وعلى طفولتها قائلا :واللة لاجننك زى ماجننتينى الشهر اللى فات بقى انا احسن ظابط في المخابرات توصلينى انو انط على اوضتك بليل زى الحرامية والله لاطلعوا عليكى ،وأبدل ثيابة وجلس منتظر خروجها حتى خرجت واتجهت للسرير لتستلقى علية
اما مروان فإبتسم ابتسامة جانبية واستلقى هو الاخر وشدها داخل احضانة فوجد مقاومة منها
مروان بخبث :اتهدى يامليكة لاحسن اخليهالك ليلة جواز وانا هموت واعمل كدة
مليكة بغيظ :قليل الادب
مروان بإبتسامة :تحبى اوريكى قلة ادبى ،نامى بقى احسنلك
مليكة اغمضت عينيها متصنعة اما هو فقد اغراة منظرها فإختطف قبلة من ثغرها قائلا :تصبحى على خير ياملاكى وزاد من ضمها لة وغفا الاثنين.
************************************
فى الصباح
استيقظت رنا فوجدت ثقل عليها ففتحت عيونها وجدت ليث نائم فوقها دافن وجهه فى تجويف عنقها  فإبتسمت وابتدت تمرر يدها داخل خصلات شعرة محدثة نفسها
:يخربيتك يامليكة كان لازم اسمع كلامك وانو نتقل عليهم ونتجاهلهم زى ماكانوا بيعملوا طب انا اسيطر ازاى وهو نايم كدة وكيوت....لالا احمدى كدة خليهم يتربوا شوية ويتخلوا عن برودهم دا ،ولم تكن تدرى بذلك الماكر المستيقظ فهو لم يذق طعم النوم منذ الامس ولكنة اصطنع النوم عندما وجدها تتململ فى نومتها فدفعتة بخفة لينام بإعتدال وقبلة وجنتية ،وذهبت للحمام لكى تجهز
ليث وهو يفتح عيونة ويضع يدة خلف رأسه:ماشى يامليكة الكلب بتقلبى البت عليا اما وريتكوا النجوم فى عز الضهر مبقاش انا ليث بس الاهم دلوقتي انو أربى اللى معايا عشان تبقى تسمع لكلام اى حد
خرجت رنا فإصطدمت بليث الذى كان على وشك دق الباب
رنا بتردد :صباح الخير
ليث نظر لها من اعلاها لاسفلها وتجاهلها ودخل لدى يجهز محاولا كبت ضحكتة من نظرتها المليئة بالغضب
رنا وهيا تدب الارض بقدمها :بارد يالهوى متجوزة كتلة برود
************************************
عند مروان فكان العكس تمام
فهو استيقظ ووجد مليكة تنام فوقة وتحيطة بيدها وقدمها دافنة وجهها فى تجويف عنقة وشعرها مفرود على صدرة كم عشق هذة اللحظة وكم تمنى ان تكون بجوارة دائما ولكنها دائما ماتتخذ العند قناعا لها
مروان هامسا :مليكتى حبيبتى اصحى ياقمر
مليكة بنوم :رنا سبينى انام بقى
مروان وهو يمرر يدة بشعرها :اصحى ياحبيبتى بقى
مليكة ابتدت فى الاستيقاظ ورفعت رأسها وجدت عينان تفيضان بالعشق
مليكة بتوتر من قربة:صباح الخير يامروان
مروان وهو يضمها ويرفعها له:صباح الورد يامليكتى
مليكة وهيا تحاول النهوض :ممكن تحاسب شوية عشان اقوم
مروان بغزل :مبسوط كدة تعرفى انك حورية عشقى ليك فاق الحدود بتمنى وجودك فى حضنى كدة بطلى عند يامليكة انا روحى فيكى ومبحبش احس نفسي تقيل عليكى انا مبحبش العند يامليكة خفى منة ياحبيبتى وانتى هترتاحى فى وجودنا مع بعض
مليكة بغيظ :يعنى عاوزنى اكون خاضعة ليك
مروان بحنان :لا يامليكة عاوزك تكونى حبيبتى يعنى تعقلى شوية تعرفى امتى تكون تعبان امتى اكون فرحان والعكس عاوزك تعقلى وتشيلى مسؤلية بس مع كدة هتفضلى طفلتى المدللة
مليكة :سيبنى افكر يامروان انا من بعد تجاهلك لمدة شهر من حقى اشك فى تصرفاتك
مروان وهو يقبل وجنتها :حاضر بس افتكرى انك انتى اللى بعدتينى عنك ،يالا قومى اجهزى عشان ننزل
************************************
فى الاسفل
كان الكل متجمع حتى نزل الشباب فهد شد بنتة لتجلس بجوارة وعزيز عمل نفس اللى عملوا فهد وبقى الشابان جالسان بغيظ بجوار جدهما
الجد بهمس للشباب :اهدوا كدة انا جوزتهالكوا غصب عنهم فشوية كدة على مايهدوا
لين :الا ياليث انتوا واخدين اجازة اد اية
ليث بغيظ من عمة :اسبوعين وبعدها هنرجع تانى
ليان بذكاء:طب خلاص قدامكوا فرصة روحوا شهر عسل قبل ماتطحنوا فى الشغل
فهد وعزيز بفزع:لا مش مستاهله
مروان بإبتسامة :حلو الاقتراح دا انا موافق
ليث :وانا موافق وممكن نحجز من النهاردة
فهد وعزيز بغضب :لا يعنى لا
لين بغيظ :والله يافهد اما سيبت البت تروح مع جوزها مش هقعدلك هنا دقيقه واحدة
ليان :وانا كمان انتوا محسسنى انو رامينهم مع رجالة غرب دول متجوزين ولما انتوا مش موافقين كدة وافقتوا من الاول لية
فهد :حاسبى على كلامك يالين اية مش هقعدلك فيها دى ،وبعدين مااحنا وافقنا عشان تعب جدو
عزيز :ماشى ياست ليان عاوزة تمشى امشى بنتى مش هتقعد معاة لوحدها
الجد بتمثيل التعب :اة كفاية مش قادر
فهد وعزيز بفزع:مالك ياجدو اية تعبك
الجد بتعب مصطنع :فهد انت وعزيز الشباب هيروحوا شهر عسل ولاانتوا مش فاكرين انكوا روحتوا قبل كدة وعمامكوا ممانعوش
فهد وعزيز على مضض:طيب انا موافق
مروان بفرح :خلاص انا هحجز من على النت دلوقتي ونسافر بكرة
سماح :هتروحوا ازاى
ليث :هنروح بأتوبيس سياحى متقلقيش
اميمة :طب اطلعوا حضروا شنطكوا بقى عشان ميسرقكوش الوقت
ليث وهو بيشد ايد رنا من جمب ابوها:ماشى ،طلعوا
مروان شد ايد مليكة من جمب ابوها :معلش ياعمى مضطر اخدها ،طلعوا
فهد بغيظ :شفتوا ابن اللذينة
ليث بضحك :بطل يالا تغلط فى ابنى انا ساكتلك من الصبح
عزيز بغيظ :نعمل فيهم اية اهو سحبوا البنات وراهم
************************************
فى غرفة مروان
مليكة :ارتاح يامروان وانا هحضر الشنط
مروان :توء قولتلك حياتنا مشاركة وزى ماانتى هتتنازلى عشان ترضينى انا كمان لازم اتنازل عشان ارضيكى
مليكة بإبتسامة :بس انا موافقتش اصلا انو اتنازل
مروان وهو يختطف قبلة من ثغرها :قلبى بيقولى انك هتوافقى وبعدين انا بعمل اللى عليا عشان اكون زوج مثالى
مليكة :دا بأمارة الخطة اللى عملتوها مع جدك عشان تكتب الكتاب بسرعة من غير فرح
مروان بصدمة :انتى عرفتى 
مليكة بشراسة :اة ومن اول يوم سمعناكوا انا ورنا
مروان :اة عشان كدة سايقين العوج علينا
مليكة ادارت وجهها وابتدت فى تخريج الثياب فوجدت انها تحمل فجأة ووضعها على قدمة محاصرا لها قائلا :مكنتش قادر ابعد عنك وكنت ناوى احضرلك مفاجأة تغنيكى عن حكاية انو معملناش فرح دى ودا وعد منى ،وقبل جبينها ،وتركها جالسة على السرير وذهب لتحضير الثياب هو اما مليكة كانت مصدومة من حنيتة الزائدة.
************************************
اما عند ليث فكان البرود هو سيد الموقف
رنا بغضب :ليث انا بقالى ساعة بنادى عليك
ليث ببرود :عاوزة اية
رنا وهيا تمسكة من ياقة قميصة :عوزاك تجاوبنى انت لية خليت جدك يكذب معاكوا ويمثل انو عيان
ليث تجاهلها بحرفية وذهب بإتجاة خزانتة ليخرج ثيابة اما رنا فجلست على الاريكة بحزن فلم يتحمل ليث حزنها فشدها بإتجاة المراية
ليث وهو يشير عليها فى المرأة :عاوزة تعرفى لية..عشان الجنية اللى خطفت قلبى من اول نظرة عشان مستحملتش تبعد عنى وتروح لغيرى بس طبعا بغباؤها يوم جوازنا تقولى انا مجبورة عاوزانى اعمل اية اضحك واهزر وانا موجوع من كلامك ،ولا افرح ان مراتى تسمع كلام ست مليكة وال اية بتتقل عليا مبصطيش انى دى احلى ايام حياتنا والمفروض منضيعهاش اديكى نكدتى علينا اول ايام حياتنا ضمنتى انو اعيش لبكرة عشان تصالحينى او تراضينى بلاش دا كلة ضمنتى ايامنا الجاية تبقى بريموا عشان كدة حبيتى تنكدى علينا اول ايامنا،وذهب لتحضير شنطتة دون اى كلام اما رنا فهى اخطئت فعلاقة مليكة بمروان ليست كعلاقتها هيا بليث ف ليث كان دائما مهتم بها ودائم الكلام معها فلما ارادت ان تقلد مليكة  ،فإبتدت تجهز شنطتها هيا الاخرى وهيا تخطط لمصالحة ليث.
************************************
البارت خلص
اية رايكم 🌹🌹
صراحة مقدرتش اخر تعليقى بس حبيت اوضحوا فى نهاية البارت
رنا غلطت لما اتبعت اسلوب مليكة ودا مش غلط من مليكة الغلط ان رنا مفهمتش انو كل علاقة او تصرف يختلف من حد للتانى يعنى ممكن يكون صح بالنسبة لواحدة وغلط لحد تانى ودا اللى كلنا بننساة انو اللى ينفعنى مش شرط ينفع غيرى والعكس ودا مش بس فى العلاقات ممكن فى اللبس او الطرح او الميك اب او اى حاجه فى حياتنا يعنى مثلا انا كانت عجبانى موضة التيشرتات اللى بتدخل فى البناطيل ومرتحتش الا اما جبتها بس لما جربت انو البسها مرتحتش محستش نفسى فيها على الرغم انو كتير بيلبسها وبتبقى تحفة علية فكلامى مش بس للعلاقات وكدة دا بتنطبق على كل حاجه فى حياتنا يعنى ممكن لفة الطرحة التقليدية عليكى احسن بكتير من لفة اخر موضة فبلاش تمشوا وراء اللى بيتقال او بيتنفذ امشوا وراء اللى يريحكوا ويخلى ضميركوا مرتاح ❤❤

انا استجدعت اهو ونزلت البارت مع ان الاقتباس مجابش للنسبة المحددة بس انا بحبكوا وطالما خلصت كتابة البارت انزلة ومش شرط استنى نسبة التصويت ❤😘💜
بس البارت دا انا تعبت فية فعاوزة اعلى نسبة تصويت يعنى مش ٨٠بس😂😂