عشقى وغرامك

الفصل الخامس (اول لقاء)

بعد ما انتهى الليل فى زعل البعض وهدوء البعض الاخر اجى الصباح حامل معة بعض النسمات الجديدة.
فى الصعيد
الكل نزل عشان الفطار
الجد :عقبال الباقى الغايبين
طة :ان شاء الله عن قريب الكل يتجمع
الجد :يارب واشوفكوا كلكوا قدامى
ليث:انا هسافر النهاردة على مصر ياجدى
الجد :لية يابنى
ليث :عندى قضية والموكل بتاعى هناك وفى دليل جديد معاة وخايف انو يجى هنا يشكك حد فية
طة :هى الفضية عن اية يابنى
ليث :عن قضية قتل
زيدان :ربنا يوفقك يابنى ،بس هتروح لحالك
ليث :مش عارف عزيز ،فهد ماتيجوا معايا على الاقل تونسونى بدل مااروح وارجع لحالى
عزيز :واللة انا فاضى موريش حاجة النهاردة فممكن اجى معاك
ليث:طب وانت يافهد
فهد :مواريش حاجه بس هقضى اليوم نوم
الجد :بلاش كسل روح معاهم فك عن نفسك
روح :وانا ياجدو
فهد :لا ياروح خليكى هنا
روح :قولهم ياجدو انا مبطلعش برة البلد خالص ،ليث يشوف موكلة واحنا نروح نتفسح ،عشان خاطرى يافهد
الجد :خلاص يافهد خدها معاك بقالها كتير مضغوطة فى كليتها
فهد :القرار قرار ليث احنا رايحين معاة يعنى هو يوافق او يرفض
ليث :مش مشكله يافهد على الاقل لما تخرج معانا احسن ماتخرج من ورانا
روح بغيظ :ليث اى تخرج من ورانا دى انا من امتى عملتها
ليث بمشاكسة :ومتقدريش اصلا تعمليها
روح :بص يابابا رخامتة انا غيرت رايي مش عوزاة
ليث :نعم ياروح امك هى لعبة عاوزاها او مش عوزاها
اميمة :يااهبل انت كدة مبتغلطش فيها بتغلط فيا انا
ليث:اسف ياخالتى بس بنتك اللى عصبتنى
الجد :خلصنا بقى بطل تضايقها وهى متعصبكش ،عموما روحى ياروح البسى خليكوا تروحى معاهم 
روح بفرحة :حاضر ،طلعت على اوضتها
الجد :بلاش اسلوب العند ياليث اخرتة وحشة
ليث:وانا كنت عملت ايه
الجد وهو بيفطر :انت ادرى ،اجهزوا عشان تروحوا وترجعوا بدرى
روح :انا جاهزة يالا يافهد ،عاوزاك تفسحنى وتلففنى كتير
فهد :انتى تؤمورى ياروحى
ليث بهمس لفهد:لم روحك يابن عمى دى روحى انا
فهد بخبث:لالا ماهو انت لسة متجوزتهاش وغير كدة انا حبيبها الاول
ليث بغيظ:فهد روح طول عمرها روحى من وهيا صغيرة فااحترم نفسك لانى غيرتى وحشة
فهد بإبتسامة :طب يالا هتتأخر على ميعادك
ليث بغيظ :بارد ومستفز ربنا يعينها اللى هتبقى معاك
فهد وتغيرت معالم وجهه :طب يالا احسنلك
وبعد فترة جهزوا وركبوا عربيتهم فى طريقهم للقاهرة.
************************************
فى نفس الوقت فى القاهرة
امجد :يالا يابنات ااص بقى اتأخرتوا على الشغل
ليان بنوم :صباح الخير ياحبيبى
امجد :صباح النور ياقلبى يالا صحى لين وانا هنزل عشان هتأخر على المحاضرة وانتى صحيها وانزلوا مع بعض
ليان :حاضر توصل بالسلامة
امجد :اللة يسلمك ،يلا سلام ،خرج راح شغلة
ليان :يالا يالو اصحى بقى اتأخرنا على الشغل
لين بنوم :صباح الخير
ليان :صباحو ورد يالا بقى قومى
لين :بابا صحى ولا اية
ليان :اة من بدرى وراح على الجامعة يالا قومى البسى ،على ماالبس انا كمان
لين وهى بتقوم:حاضر ،دخلت تلبس
بعد فترة قصيرة خرجوا الاتنين وهما جاهزين
فى العربية
لين :ليان انا والبنات هنخرج نتغدى برة ماتيجى تتغدى معانا
ليان وهى بتسوق: مابلاش انا انتى عارفة انو احنا مش اصحاب اوى وبسترخم وجودى
لين :واللة هما بيحبوكى وعلطول بيقولولى انو تخرجى معانا
ليان :يمكن ،عموما خلاص تمام شوفوا هتتغدوا فين وابقى بلغينى انا اصلا معنديش شغل كتير النهاردة
لين :احنا هنروح نتمشى فى المول بعد مانخلص اجتماع تعاليلنا على الساعة ١٢ونص كدة هنتغدى فى المطعم اللى هناك
ليان وهى بتوقف العربية  :خلاص تمام وانا بردوا هكون خلصت شغل هبقى هناك ١٢ونص بالظبط
لين :اوك يالا سلام ،نزلت
************************************
فى العربية عند ليث
روح :هو لسة فاضل كتير
ليث :لا فاضل تقريبا ساعة
روح :طب احنا هنروح فين
ليث :انا هقابل العميل فى مول....تقريبا نص ساعة واخلص معاة ممكن نتغدى هناك ونرجع
روح بزعل :يعنى المشوار دا كلة عشان نتغدى
ليث بحنان :عاوزة اية ياروحى وانا اعملوا
فهد وهو بيضربة فى كتفة :اتلم يالا مش قاعد انا كيس جوافة
ليث :تصدق انك بارد صحيح
فهد بتجاهل لليث :عاوزة اية ياروح وانا اعملهولك
روح :طالما ليث عندة اجتماع فممكن احنا نلف فى المول وكمان اشترى هدوم جديدة
فهد :انتى تؤمورى ،خلاص ياليث انت اطلع شوف العميل بتاعك وانا وروح وعزيز نلف شوية ولما تخلص تيجى معانا
ليث :تمام ماشى
وقعدوا يتكلموا شوية لحد ما وصلوا
بعد فترة دخل كلا منهم
روح بإعجاب :واو المكان جميل اوى ياجماعة ولا شايفين الناس هنا عاملين ازاى
ليث :مش للدرجادى يعنى ياروح مكان عادى زى اى مكان دا غير ان المكان هنا غالى جدا فى كل حاجه لانة غالبا ماركات ومستورد
روح :لا المكان تحفة انا اول مرة اجى منطقة شبة دى
فهد :واديكى جيتى اهوة ،وان شاء الله تتبسطى معانا ياحبيبتى
ليث بعد ما خلص مع عميلة فى التليفون :لسة فاضل ساعة على ماتيجى شكل هلف معاكوا لحد الميعاد وانزل المطعم اقابلة
عزيز :خلاص تمام
فى الوقت دا باب الاسانسير انفتح ودخلوا وقبل انغلاق الاسانسير دخلت ٣بنات ايضا وانغلق باب الاسانسير
فضل الشباب من غير كلام اماالبنات فضلوا يتكلموا مع بعض
ياسو بضحك  :بس منظرك تحفة الصراحة يوم لما تقعى تقعى على صعيدى
لين بضيق :ياسو بطلى بقى انتى شايفة انو على اخرى اصلا
مها :يابنتى مش مستاهلة الزعل دا كلة
ياسو بمقاطعة :لا مستاهلة يامها حياتها هتبقى جحيم انتى مبتشوفيش الصعايدة اللى بيطلعوا فى الافلام والمسلسلات
لين:معاها حق ،ناس منعرفهاش ،متحكمين ،دا غير حاجات تانية كتير
ياسو :انتى جوازك منة اجبارى صح
لين :اة لاهو لاحد من العائلة التانية ،لاقولى حل بقى
مها :لين طب ماتسلمى ،على فكرة الافلام والمسلسلات ممكن تكون مسوءة سمعتهم زى ماهى مسوءة سمعة مصممين الازياء
لين :ممكن يامها بس لو بصينا فى مجالنا هنلاقى ان معظم الاشاعات صح
ياسو :طب واللى يجبلكوا الحل
لين ،مها :قولى يافيلسوفة
ياسو :مع انكو متستهلوش ،بصى ياستى انا اسمع انو الصعيدى لما بيحب بيعمل المستحيل طبعا هيكون فى شد بينكوا فى اول ايام عشان تتجاوزيها ممكن تحطيلوا مهدات او مخدر خفيف هيكون هادى معاكى وتقدرى تمثلى انك اعجبتى فية وتخلية يحبك
كان يقف خلفهم فهد وعزيز وليث وروح والعصبية ارتسمت على وجه فهد وكان عزيز وليث ماسكينة عشان ميقتلهمش

لين :لا طبعا ياياسو انا مستحيل اعمل كدة هو اة انا مخنوقة من الموقف بس مهما وصلت لايمكن اوصل للمستوى دا دى اسمها خيانة وغدر فى حقة ،وغير كدة انا عمرى مااعملها فى اعدائى اعملها فى قريبى
مها :انتى صح متسمعيش كلامها الغدر وحش والخيانة مش بس مع واحد او واحدة لا بالمواقف كمان انتى كدة جدعة
ياسو :ماشى ياست مبادئ ،شوفى بقى هتتصرفى ازاى لما يديكى بالجزمة ولايجى اول يوم يطلب يشوف شرفك شوفى هتتصرفى ازاى
لين بخوف :مظنش انها تحصل متوصلش للدرجادى
مها :بطلى بقى ياياسو انتى كدة بتخوفيها اللى يحصل يحصل بقى هى هتعمل اية متقدموش الشر يمكن يطلع خير وكويس مش زى ماانتوا مفكرين
ياسو :انا مش بخوفك يالين بس لازم تحطى كل التفكير قدامك انتى مثلا عندية ومش هتسمحى بحاجة تحصل غصب عنك اما ليان اختك بسكوتة ومش بتعرف تقول لا
لين بضيق  :يمكن مش عارفه خلاص قفلوا على الموضوع دا انا كل مابيتفتح بيتحرق دمى وخلاص ،وبالمناسبة ليان هتتغدا معانا
مها :بجد هنتبسط مع بعض ،طب هتيجى على امتى
لين :على ١٢ونص هتكون فى المطعم فوق فخلونا نستغل الساعة دى فى اللف عاوزة اشترى زينة وهدايا لليان عيد ميلادها بكرة واحنا بنحتفل بية بعد الساعة ١٢ وهاخد بكرة اجازة عشان اكون معاها انا وبابا
ياسو:اللة عليكى طب مانعملها احتفال وخلاص
لين :هى مابتحبش الزحمة ولا الاختلاط عشان كده كل سنة بنحتفل فى البيت على عكسى طبعا
مها بضحك :انتى هتقوليلى دا احتفال ميلادك بيبقى اسطورة كل سنة ،بس هى مش هتشك فى الاكياس
لين :لا انا قايلالها انو هشترى هدوم ،وبعدين انتوا مش ملاحظين انو بقالنا كتير فى الاسانسير
ياسو بضحك :اقولك الصراحة اصل الاسانسير كان عطلان وانا عارفة انو عندك فوبيا فشغلاناكى فى الكلام
لين بخضة :قولتلكوا نطلع على السلم وانتوا اللى اصريتوا
مها بضحك :خلاص يابنتى الاسانسير وقف اصلا يلا نطلع ،سابقتهم بالخروج
لين بضحك :تصدقوا انكوا اندال ،استنونى ،خرجت
روح :يالا يافهد خلينا نطلع
ليث :اهدى يافهد بلاش العصبية دى
فهد وهو بيخرج :نتكلم بعدين ،يالا
وخرج الكل وابتدوا يقفوا فى المحلات والبنات مستمرين فى شراء اللازم وروح مستمرة فى اللف والشراء واستأذن منهم ليث عشان يقابل عميلة وبعد فترة لحقوة وبعد فترة راحت البنات على نفس المطعم عشان يقابلوا ليان ويتغدوا مع بعض