عشقى وغرامك

الفصل ١٥

بعد مافهد خلص شغلة دخل علية ليث من غير استئذان
فهد بغضب :على فكرة الباب معمول للاستإذان
ليث :لا واللة تصدق انك بارد ومعندكش مسؤولية
فهد بهدوء :اخلص ياليث عاوز اية
ليث وحكالة على اللى روح قالتهولوا
فهد زعل جدا :واللة ياليث مش عارف العيب منى ولا منها ولا من الظروف ولا من حياتنا
ليث :العيب من شغلك اللى خلاك قاسى فى طباعك
فهد :تعبان ياليث انا بحبها بس خايف تكسر قلبى ساعتها مش هسامحها وهدمرها وادمر نفسى
ليث بتنهيدة :افصل شوية بين شغلك وحياتك حرام عليك انت بتظلمها انت مش شايف حالها اللى اتبدل
فهد بغيرة :وانت مالك ومال حالها خليك فى حالك
ليث بضحك :بطل يابنى الغيرة دى لين زى اختى ومستحيل ابصلها وانت عارف بعشقى لروح
فهد :طب يالا خلينا نروح ،انا تعبت
ليث :طيب ،بس صحيح انا حجزت للسفر وحضرت كل حاجة ل بكرة خدت اجازة
فهد بتنهيدة :اة اخدت ليث انا مبحبش السواقة الطويلة هات عربية واحدة تكفينا كلنا بسواق
ليث :خلاص تمام هظبط الدنيا لما نروح ،ومشيوا
************************************
اما فى البيت
وصل عزيز وطبعا عرف اللى حصل فطلع ل ليان لاقاها منهارة من العياط فرمى حاجتة على الكنبة وراح اخدها فى حضنة
عزيز مهدئا لها :مين اللى اتجرأ وزعل وردتى
ليان وهى تشدعلى احتضانة :انا انانية ياعزيز الغلط غلطى انا كنت شايفة حالتها ومفكرتش ولا مرة اسألها مالك او اية اللى مضايقك انا وصلتها انها تكرهنى
عزيز :خلاص ياحبيبتى كل حاجه بينكوا هتتحل ومظنش ان لين بتكرهك انا شوفتها يوم عيد ميلادك
ازاى كانت متحمسة وبتحضرلك وبتلف عشان التحضيرات مفيش واحدة بتكره اختها وكلامها هتلاقيه بس من عصبيتها ودا بيحصل مع اى حد فينا لما بيتعصب
ليان بدموع :يعنى هيا مش بتكرهنى
عزيز :لاء ياليان مستحيل تكون بتكرهك
ليان :بس انا فعلا اهملتها ياعزيز من يوم لما جينا واهملت وصية ماما لما وصتنى انو افضل جمبها على طول
عزيز :لا كان نفذيها بصى على اللى جاى مش اللى فات وابدأوا من تانى ،بس وحياتى بلاش الدموع دى
ليان سكتت وفى سرها كانت بتحمد ربنا على عزيز وعلى حبة وحنانة عليها وبتدعى انو متكونش لين كرهها
عزيز بإبتسامة :وردتى الا صحيح انتى مفتكرتيش انا اعرفك ازاى
ليان بعدت عنة وضربت بإيديها جبهتها :تصدق نسيت احنا تقريبا بقالنا شهر مع بعض ومع كدة نسيت اسألك خالص
عزيز بهزار :الزهايمر بدأ معاكى بدرى ياوردتى
ليان بإبتسامة :رخم هتقولى بقى اعرفك ازاى
عزيز بحب :بعشق ابتسامتك ،عموما انا جيت عندك الشركة مرة لصديق ليا وهناك قابلتك لما كنت خارج من عندة خبط فيكى والقهوة وقعت علية وعليكى وكنت ناوى اهزقك بس لما شفت عيونك الحلوين وقفت ساكت فأنتى فكرتينى بعاكسك وضربتينى بالقلم ومشيتى😂😂
ليان بصدمة :هو انت بس شكلك مختلف خالص وانت افتكرتنى ازاى
عزيز بضحك :لما ركزت على وشك افتكرتك ،بس مصدوم انك معرفتنيش
ليان بضحك :تصدق انك كنت وش السعد عليا كنت راحة انى اقدم على تدريب وقبل مااخبط فيك كنت اترفضت ولما شفتك رجعوا اتصلوا بيا عشان ابدا من تانى يوم
عزيز بهزار:انا طول عمرى وش السعد تعالى بقى انتى مش قولتى هتعوضينى
ليان بإبتسامة :بطل قلة ادب انا هقوم اشوف لين واصالحها
عزيز :روحى بس مش هتنازل عن التعويض وجدك اصلا كان عاوزنى
ليان بهزار:ولما جدك عايزك عمال ترغى لية ،وباستة من وجنتة ،وخرجت
عزيز بضحك :مش عارف لية حاسس ان البت دى معتبرانى ابن اختها ،ونزل هو كمان
************************************
فى المكتب
كان الجد وامجد قاعدين مستنيين فهد فجأة الباب خبط ودخلت لين
كان امجد قاعد على الكرسي اما لين جثت امامة ومسكت يدة
لين بدموع:اسفة يابابا واللة مااقصد انت عارف غلاوتك عندى انت وليان
امجد :وانا مش زعلان منك يالين داانتى قلبى ،انا زعلان من نفسى ان انا سبب تعاستك
لين بصدق :لاتعاسة ولاحاجة انا بس وحشنى شغلى والخروج والسهر وسفرياتى وحشتنى ايامى عشان كدة كانت نفسيتى تعبانة
الجد بهزار :وانا شفاف ولا اية يابنت امجد
لين بمرح:لا طبعا دا انت الخير و البركة وانا فعلا اسفة ياجدو بس حياتى عمرها ماكانت مملة كدة
الجد :تصدقى مأخدتش بالى انتى فعلا حياتك كلها حركة اما من ساعة ماجيتى وانتى مش بتتحركى فأكيد مليتى
امجد بحنان :لين لو عوزانى ارجعك لحياتك وتسيبى فهد انا مستعد اواجة كل حاجه بس ترجعلك ضحكتك
لين وهى بتقعد على المكتب وجمبها كرسى امجد وكرسى الجد :لايابابا انا مش عاوزة اسيب فهد فهد طيب ويتحب هو غبى شوية وطباعة زفت بس انا بحبة ومستحيل اتخلى عنة حتى لو مبيحبنيش
امجد بغيرة :وحياة امك انا بس اللى اتحب
الجد بضحك :اخرس انت هى هتفضل لازقالك طول عمرها ،بصى يالين طالما بتحبية حافظى على جوزك
لين بضيق :بس هو مبيحبنيش ياجدو وللاسف مهما حاولت معاة كل محاولاتى هتضيع على الارض
امجد :الست الناصحة هى الى تقدر تحتوى جوزها ،بس غريب انك تحبى فهد انتى كنتى دايما بتدورى على نصفك الثانى فى اى بلد بتروحية
لين :قولتلك يابابا انو فهد يستاهل انو اسلملوا قلبى اة بيضايقنى بس هو الوحيد اللى قدر يسرق قلبى
امجد بهزار :انا كدة هغير انتى ليا انا بس
لين بضحك :انت حبيبى ومفيش حد يقدر ياخد حبى ليك
امجد بإبتسامة :بس جية اللى سرق قلبك كلة
فى الوقت دا دخلت ليان
ليان بتمثيل :لا مستحيل اة ياقلبى ابويا واختى وجدى خيانة وانت ياجدو سايبهم كدة وقافلين الباب عليكوا
امجد بضحك :اللى غيران مننا يعمل زيينا
ليان بضحك :ينفع كدة يالين سرقتيهم منى
لين بضحك :وهخطفك انتى كمان من الواد زيزو
ليان بضحك :براحتك ياقلبى وانا اقدر اقول لا
لين بصدق :اسفة ياليان مكنتش اقصد اللى قولتوا بس كنت مضايقة شوية
ليان :وانا مش زعلانة منك لانى عارفة انو فعلا قصرت معاكى واهملتك
الجد :خلاص بقى اللى فات فات المهم اللى جاى ولين عرفت غلطها واعتذرت
لين :طب انا هطلع بقى اساعدهم برة ،يالا ياليان
الجد :ابعتولى الشباب لو لاقيتوهم برة
ليان ولين :حاضر ياجدو ،خرجوا
************************************
فى نفس الوقت كان عزيز ساحب فهد وليث لوراء البيت
فهد بغضب :انت شادد حمار وراك انت ساحبنى كدة لية
عزيز بهزار :انت ومفهوميتك
ليث بضحك :اتجنب فهد يازيزو لاحسن روحوا فى مناخيرة وممكن يعلم عليك
فهد :انا مش فاضى الهبل دا اوعى ،كان هيمشى
عزيز بإبتسامة :حتى لو كنت هتكلم على لين
فهد بغضب :عزيز مبحبش حد يجيب سيرة مراتى ولااسمها على لسانة
عزيز :ياعم اهدى معايا حاجه هتجننك انت قافش عليا كدة لية
ليث بفضول :اهدى كدة يافهد اما نشوف كلامة
فهد ببرود:اخلص ياعزيز
عزيز حكالة على اللى سمعة وطبعا سجل كلامها من غير ماحد يشوفوا
فهد بتسرع:اخلص وشغل التسجيل
عزيز شغلة وسمعوا كلامها
فهد بضيق :بقى انا غبى وطباعى زفت
ليث بضحك :ياعم انت سيبت كل كلامها وجاى تركز فى الكلمتين دول
عزيز بضحك هو الاخر :وصراحة هى مغلطتش فى وصفك
فهد بغضب :اخرس انت وهو بدل ماانكد عليكوا
ليث بهدوء:بس المفروض انك تكون مبسوط على الاقل عرفت مشاعرها نحيتك ولما كانت بتبعد عنك اكيد كانت خايفة لتكسر قلبها وترفضوا
فهد بإبتسامة :يالا ندخل وشكرا ياعزيز ،دخلوا
ليان كانت بتتكلم فى التليفون وشافتهم وهما دخلين:عزيز جدو عاوزكوا فى المكتب
عزيز :طيب ،ودخلوا كلهم بس امجد كان مشى
الجد :اقعدوا ياشباب
فهد بهدوء :حضرتك كنت عاوزنا ياجدى
الجد من غير مقدمات :طلق لين يافهد
فهد بغضب :نعم مستحيل لين ليا ومش هطلقها
الجد بخبث :الراجل بيسعد مراتة على قد مايقدر بس اللى انا شايفوا العكس تجاهلك وحزنها
فهد بغضب :بردوا مراتى ومش هسيبوا ولو فكرتوا تجبرونى على كدة هاخدها وهنختفى من حياتكوا ومش هخليكوا تسمعوا عنها
الجد :واللة عال بتعلى صوتك عليا يابن زيدان
فهد بهدوء :مش القصد ياجدى بس انت مش سامع بتقول اية انا مقدرش اسيبها
الجد :ولما انت بتحبها ياحيوان لية بتزعلها
فهد بضيق :اية حيوان دى ياجدى
الجد :حافظ على مراتك يافهد انت اللى فى ايدك تخليها حنينة عليك وبردوا العكس وطباعك دى تخليها فى شغلك مع المجرمين اما مراتك غير معاملتك معاها عشان ميجيش فى يوم تستبدلك بحد تانى خليك صريح معاها وحنين وجدع الست لما بتعمل كل اللى فى قدرتها عشان تغير جوزها وبتفشل انها تلاقى الاهتمام بتدور على حد تانى يديها الاهتمام دا
فهد بغضب :قصدك انها ممكن تخونى
الجد :عاوز الصراحة هى بتحبك فوق ماانت تتخيل مع انك متستاهلش وانها مستحملة طباعك الزفت معناها انها اتخطت الحب ولين طيبة كل اللى بقولهولك انك متجبرهاش انها تسيبك وتطلق منك وغيرك يقدرها
فهد وهو يقبل جبين جدة :فهمت ياجدى وان شاء الله هصلح الوضع بنا وسفرية بكرة هتقربنا من بعض
الجد :ربنا يصلح حالكوا ياولادى يالا عشان زمان الغدا ،خرجوا لاقوا الكل متجمع على السفرة ماعدا لين
الجد:امال فين لين
اميمة بضحك :اصل مزاجها راق فقررت تعمل لنا كيكة شكولاتة فهى هتحطها فى الفرن وتيجى
الجد بخبث :قوم استعجل مراتك يافهد
فهد وفهم مقصد جدة:حاضر ،دخلها لاقاها مدياة ضهرها وبتحط الصينية فى الفرن ،فهد احتضنها من ظهرها هامسا:وحشتينى ،ولفها لية
فهد :وحشتينى يامجننانى
لين بصدمة:دا انا
فهد بضحك :فى غيرنا يالين بتقطعى لحظاتنا دايما
لين بطفولة :سبحان مغير الاحوال انا قولت شيزوفرنيا
فهد بإبتسامة :مستعد يكون عندى شيزوفرنيا بس اشوف ضحكتك
لين بتلعثم :فهد الغدا وهما بيستنونا
فهد وهو يضع جبينة على جبينها :بكرة هنسافر مع بعض لاهتقوليلى غدا ولاعشايالا يامجننانى ،وشد ايدها وخرجوا سوا يتغدوا تحت مشاكسة فهد الغير معهودة مع لين ولكن بخفاء
الكل خلص غداء وقعدوا مع بعض لحد ماجية الليل وكانت الساعة متأخرة ولين طلعتلهم الكيك والكل اعجب بيها جدا
ليث بإرهاق :انا كدة كفاية عليا وانت يافهد انت وعزيز قوموا ناموا عشان هنسافر بعد الفجر
طة :بس مش كدة بدرى هتسوقوا ازاى
ليث:عشان بس نلحق نقضى نصف النهار هناك بدل مانروح على النوم وخلاص وبعدين انا متفق على عربية بسواق
زيدان :ايوا كدة احسن عشان السواقة متتعبكوش
الجد :طب يالا اطلعوا ارتاحولكوا شوية قبل السفر
اخد كل شاب مراتة وطلعوا لاوضهم
************************************
عند ليث
ليث :ها ياروحى جهزتى كل حاجه هنعوزها
روح :اة وجهزتلك هدومك كمان
ليث:حبيبي ياناس مبسوط انو شايفك فرحانة
روح :طبعا مبسوطة واخيرا هخرج وطبعا فرحتى دى كلها بسببك
ليث:ربنا يقدرنى وافرحك كمان وكمان ،يالا بقى خلينا نرتاح شويه
************************************
اما عند عزيز
عزيز :يالا ياليان جهزى الحاجات اللى هتلزمك وانا هطلع حاجتى عشان نجهزها
ليان بضحك :مش لازما جهزت الحاجات بتاعتنا قبل مانتغدى
عزيز :وردتى الحلوة طب دلوقتي عوضينى عن الصبح
ليان بضحك :تصدق انك قليل الادب يالا ننام هنصحى بدرى
عزيز بخبث وهو يحملها :لا ماهو انتى هتعوضينى يعنى هتعوضين تعالى بقى
************************************
اما عند فهد
فهد :تحبى اساعدك يالين
لين:لاعادى مش لازم انا هظبط هدومى وهدومك
بس مكنش ليها لازمة السفرية دى
فهد بحنان :لاليها لازمة كفاية انو هرجع اشوف ابتسامتك الحلوة
لين بهدوء :من امتى الحنية دى
فهد :طول عمرى يالين وعد منى هنتكلم ونتفاهم واصافيكى بس بلاش القساوة دى
لين :قساوة دا على اساس انى انا اللى قولتلك نتجاهل بعض
فهد:لو سمحتى يالين قولتلك هنتكلم ونتفاهم فبلاش نفتح فى القديم ووعد منى الاسبوع اللى هنسافروا
هخليهولك جنة ،ممكن بقى نجهز حاجاتنا وانا هساعدك
لين:طيب ،ابتدوا يجهزوا الحاجات اللى لازمنهم
************************************
البارت خلص
اية رايكم ؟
حلو اوى تفاعل البارت اللى فات اثبتوا على كدة بقى😂😂
ياريت ياجماعة اللى مش متفاعل يتفاعل عشان الرواية لسة جديدة ❤❤