عشقى وغرامك

الفصل ٢٣

وصل فهد بمساعدة ليث وعزيز لاوضة لين لاقى اميمة موجودة ولين نايمة
اميمة بدموع :حبيبي يافهد واخيرا صحيت ،وحضنتة
فهد بهزار :خلاص بقى يعنى انا مغبتش كتير
اميمة :لا وانت الصادق غبت كتير وكتير اوى
فهد وهو بيقعد جمب لين :اتغيرت اوى ياماما باين عليها التعب
اميمة بزعل :تعبت اوى يافهد وكانت محتجاك اوى
ليث :غريبة هيا لسة مصحيتش لية
اميمة بدموع :النسبة مابتقلش ياليث حتى الدكتورة كانت حطا امل انهم ينزلوا بسبب اجهادها بس منزلوش
فهد بزعل:طب والعمل اية
اميمة :الدكتورة زمانها جاية ونشوف هتقول اية بس انت يافهد تعبان قوم ارتاح فى اوضتك
فهد بتعب بسيط :راحتى معاها وعاوزها اول ما تصحى تشوفنى جمبها يالا ياليث انت وعزيز روحوا ارتاحوا وخدوا ماما معاكوا
اميمة :مينفعش يافهد لين بتحتاج حاجات ومحتاجة رعاية وخدمة
فهد :جوزها جمبها ياماما وانا قادر انو اخدمها واراعيها
ليث:بس انت تعبان يافهد ومحتاج راحة
فهد :ياجماعة ريحونى جوزها صحى وانا اولى براعايتها وشكرا ليكوا على اهتمامكوا بيها
عزيز :انت عبيط يابنى لو مهتمناش بيها هنهتم بمين ،واكمل بخبث:ياجدعان الواد عاوز يقضى جو مع المزة بتاعتة فبيهويكوا عشان متقطعوش علية
ليث بضحك :تصدق انك ناصح يازيزو ،طب يالا ياماما
اميمة بإبتسامة :بطل يالا منك لية محدش يضايق فهد
فهد بضحك :تسلميلى ياماما ،بس عشان دماغك يالا انت وهو متبقاش شمال انا عارف انو ماما تعبت طول ال٥شهور مع لين وانا صحيت فأنا ههتم بيها انا مش سافل زيك ياض منك لية
ليث بضحك :طب عينى فى عينك كدة مش ناوى تعمل حاجه
فهد :يالا غور من هنا افوقلك بس وهطلعوا على نفخكوا ،يالا ياماما روحى ارتاحى ولما ترتاحوا ابقوا تعالوا وشكرا على اهتمامك بيها
اميمة بضيق :تصدق انك غبى زى ما قالت دى بنتى ياحيوان على اللة ولادك مايخدوش نفس غباؤك
فهد بضيق :اية ياماما الاحراج دا ،وبعدين هيا حامل فى ولد ولا بنت
اميمة بإبتسامة :بنوتة وولد مراتك حامل فى توأم
فهد بزعل :كنت بحلم بأطفال كتيرة وانا ابقى جمبها
واشوفهم وهما بيكبروا جواها مش تفضل هيا شايلة همى وهم ولادنا
اميمة :متزعلش كدة يافهد لعلة خير على الاقل عرفت هى بتحبك قد اية بجد انا عن نفسى اول مرة اشوف واحدة بتحب جوزها كدة
فهد ابتسم وبص ل لين اما ليث اخد عزيز واميمة روحوا وبعد فترة قصيرة جت الدكتورة
الدكتورة بعصبية :حضرتك مين
فهد :انا جوزها يادكتورة
الدكتورة:اة فهمت ،وابتدت فى الكشف على لين
فهد بقلق :خير يادكتورة هيا ملامحها مرهقة كدة لية
الدكتورة :للاسف انا بقالى ٥شهور بحذر فيها وكانت نسبة الخطر ممكن تقل بس طبعا بتضرب كلامى فى الحائط وكانت بتقوم وتتحرك وكدة عشان تروحلك وطبعا هيا كانت محتاجة فترة راحة ومحدش قدر عليها
فهد بحزن مما سمعة:طب والعمل اية دلوقتي
الدكتورة :العمل عمل ربنا النسبة مقلتش بس على الاقل تشد عليها الفترة دى بالقواعد اللى انا حطهالها لحد ميعاد ولادتها انت صحيت ودى ممكن تكون خطوة ايجابية ليها