عشقى وغرامك

الفصل الحادى عشر

ليث:طب يالا وخرجوا وفهد لاقى لين قاعدة معاهم ومبدلة هدومها لبنطلون رياضى وتيشرت بأكمام طويلة وكان راضى عن لبسها بس حسها طفلة
سماح بصوت عالى :يالا يافهد انت وليث عشان الاكل اتحط
ليث :حاضر ياماما ،يالا يافهد ،ولسة كانوا هيمشوا لاقوا لين بتحاول تقف وامجد بيسندها ف فهد راحلهم :هاتها ياعمى انا هسندها
امجد بإستغراب:غريبة انت مسألتش مالها رجلها
لين بسرعة :اصل يابابا انا لما وقعت على رجلي كان فهد فى الاوضة فعرف انو انا واقعة على رجلى ماهو قالى عشان ارتاح فعشان كدة منزلتش معاة
امجد :اة فهمت طب خد ايديها يافهد وهاتها عشان تاكل وحاسب على رجليها
فهد وهو بياخد ايدها من امجد:حاضر ياعمى ،اسبقنا انت وانا هاجى معاها بالراحة عشان رجليها
امجد :خلاص تمام ،ومشى
فهد مسك ايدها وحاوطها من كتفها عشان متقعش :لية كدبتى يالين ومقولتلهمش انو انا اللى وقعتك
لين بشراسة :لانى انا اللى هندمك على اللى عملتوا ومش محتاجة حد ياخدلى حقى وزقت ايدة من على كتفها وسحبت ايديها وسندت على الكرسى وابتدت تتحرك خطوات بسيطة
فهد بهمس لنفسة :اعمل اية فيكى طولة لسانك بستفزنى بس بردوا فضل وراكى حتى لو رفضتى ،واتحرك ناحيتها وفجأة حست لين بإنها ترتفع فى الهواء
فهد وهو حاملها:خدى حقك منى زى ماانتى عاوزة بس مقدرش اشوفك تعبانة واسيبك
لين :ابعد عنى وسيبنى
فهد بهيام:مقدرش ،ممكن بقى تبطلى حركة عشان متقعيش ،اخدها ودخلوا لاقوا الكل متجمع على التربيزة وبصين لهم بإستغراب
فهد وهو بينزلها على الكرسى اللى هتقعد علية :اية ياجماعة نظرة الاستغراب دى هيا مقدرتش تمشى فشلتها
الجد بخبث:محدش طلب تبريرك يابن زيدان ،اقعد
فهد وهو بيقعد جمب لين :عادى ياجدى توضيح مش اكتر ،اة صحيح ياجدى من بكرة هنزل الشغل عشان معرفتش اخد اجازة
الجد :ربنا يعينك يافهد ،وانت ياليث وانت ياعزيز
عزيز :انا كمان ياجدى هنزل من بكرة
ليث:وانا كمان السكرتير مش قادر على الملفات فهضطر انزل عشان اظبط الدنيا فى المكتب
الجد :ربنا يعينكوا ياشباب
امجد:الا صحيح ياشباب انتوا بتشتغلوا اية
فهد :انا وكيل نيابة ياعمى وليث محامى كبير هنا وعزيز دكتور فى كلية روح زيك ياعمى 
امجد :ما شاء الله عليكوا ياشباب فعلا ترفعوا الرأس
زيدان :اة طبعا هما مش احفاد الشرقاوى ،وانتى يالين انتى وليان كدة كدة روح بنتى عارفها😂😂
ليان :انا خريجة السن وبشتغل مترجمة لشركة انترناشونال
زيدان :ما شاء اللة عليكى يابنتى وانتى يالين
لين :انا خريجة تصميم ازياء وبشتغل مصممة رئيسية فى شركة صاحبتى
روح بمقاطعة :اى يابنتى انتى كدة بتظلمى نفسك داانتى احسن مصممة فى العالم دا كل الشركات بتسعى انها تضمك ليهم وكفاية تصاميمك اللى مغرقة العالم كلة مش مصر بس تعرف يابابا دى اخدت البطولة العالمية للتيكوندوا ٤مرات دا غير طبعا انشطتها الخاصة و الخيرية الداعمة للمصممين
زيدان بضحك :داانتى حافظاها ياروح
لين بهزار :فعلا ياعمو دا انا نفسى معرفش دا كلة عن نفسي 
روح بفخر :اة طبعا ياحلوة دا انا اكبر معجبة ليكى
لين بإبتسامة :حبيبتي تسلميلى
روح :تعرفى يالين الوحيدة اللي اتمنتها لفهد هيا انتى مع انة كان مستحيل انكوا تتقابلوا بس شوفى الصدفة حلمى اتحقق وبقيتى مراتة
لين بصت لفهد اللى بياكل ومتجاهل الكلام وبعدين بصت فى طبق اكلها
الجد مغيرا الموضوع :اة يابنات صحيح النهاردة فى احتفال لجوازكم فجهزوا نفسكوا بعد الغداء وانا قولت لسماح واميمة على اللى مفروض عليكوا وانتوا طبعا ياشباب عارفين اللى المفروض عليكوا
ليث :اة طبعا ياجدى ماتقلقش كل حاجه تمام
لين بفضول :الا صحيح ياجدو انتوا مش بتتكلموا صعيدى زى ماكنت متوقعة
الجد :احنا بينا وبين بعض بنتكلم عادى انما لو قدام حد غريب بنتكلم شبة صعيدى لانى احنا مش صعايدة احنا بلد قريبة من الصعيد فمأخدناش كل عوايدهم واة هتلاقى معظم الستات اللى هيجو النهاردة لغتهم شبة صعيدية عشان متستغربيش
لين :اة فهمت ،وابتدت تاكل هى وكل اللى على السفرة تحت هزار عزيز وضحك الكل عليه وبعد ماخلصوا اكل دخل كل راجل لاوضتة يجهز نفسة وسماح واميمة اخدوا البنات يعرفوهم على اللى هيحصل ويدوهم هدوم للاحتفال
___________________________
فى اوضة سماح
سماح :بصوا بقى يابنات انا ومرات عمكوا اميمة جبناكوا هنا عشان نعرفكوا شوية حاجات وخاصة لين وليان بما انهم ميعرفوش حاجه عن عوايد البلد هنا
اميمة مكملة:بصوا يابنات الحفلة بتكون بعد العشاء بتيجى ستات بلد عشان يباركلكوا وطبعا فى اغانى ورقص وكل اللى بتشفوة فى الاحتفالات بس الاهم لازم انتوا الثلاثة تكونوا على اكمل وجة
لين بفضول :لية ياماما
روح بضيق :لان الستات بتحب النم فهيجوا طبعا شوفوا هما عاملين ازاى والكلام دا
اميمة :صح ياروح بس مهما حصل متطولوش لسانكوا عشان دول ضيوف عندنا
سماح مكملة :وطبعا احتفال الرجالة برة والستات فى البيت يعنى هنكون منفصلين فهمتوا يابنات
البنات :فهمنا
اميمة :دلوقتي هنطلعلكوا لبس تاخدوة وتجهزوا فى اوضكوا ،انا عارفه ان ممكن اللبس ميعجبكوش بس عدوها النهاردة وبعدين نبقى نتكلم
سماح وهى جايبة ٣فساتين :اهم يابنات نقوا بقى مع بعض منهم والبسوهم وعدوها النهاردة لان مينفعش ونزلوا بكاجول وطبعا عايزاكوا قمر النهاردة
ليان :طب ياماما انتوا لحقتواتجهزوا اللبس دا امتى
سماح بحنان :كنا مفصلينوا من فترة لمراتات ولادنا وكنا جايبين حاجات كمان بس على مانخلص من دوشة النهاردة وندهالكوا
روح :تمام ياماما ،انا اخترت هاخد دا
ليان :لين شوفى هتاخدى اية وانا هاخد التانى
لين بهزار :لا نقى انتى الاول انا كدة كدة حلوة فى اى حاجه
روح بهزار :يالهوى على الغرور
لين وهى بتضربها فى دراعها :بس ياجزمة ،ليان اخترت ملابسها ولين اختارت اللى فاضل
اميمة :يارب تفضلوا حنينين على بعض كدة ،يالا يابت منك ليها كل واحدة تروح اوضتها تجهز
البنات بضحك :حاضر ،خرجوا كانت روح وليان مسندين لين لحد باب الاوضة
لين بضحك :ياجدعان واللة انا متشلتش دى خبطة صغيرة واقدر امشى عادى بس مضغطش عليها كتير
روح:عادى بقى يالينو يالا هنسيبك ونمشى ،ومشيت هيا وليان لاوضهم
لين بصت على الباب واتنهدت ودخلت الاوضة لاقت فهد نايم على السرير ومغمض عينية
لين لنفسها :هو مش المفروض يجهز نايم لية دا ،كانت هتصحية بس رجعت قالت لنفسها :هو اكيد تعبان طول الطريق سايق ومرتاحش ادخل اخد شاور والبس يكون هو ارتاح شوية واطلع اصحية دا احسن حل ،واخدت هدومها ودخلت تاخد شاور وبعد فترة قصيرة خرجت رتبت هدومها فى الدولاب ومكياجها وحاجاتها رتبتهم على التسريحة ورتبت شنطها وابتدت تجهز نفسها وتسرح شعرها ولما جهزت خالص راحت تصحى فهد
لين :فهد ،يافهد ،اوف انت نومك تقيل كدة لية ،بس تصدق قمور وانت نايم..اية اللى انا بقولة دا وقربت جمب ودنة وصرخت ففهد قام مفزوع
فهد بخضة :اية فى اية
لين ببرود :مش المفروض تجهز ولا ايه
فهد انبهر بجمالها :سبحان اللة انتى بجد فعلا قمر
لين اتكسفت وابتدت خدودها تتلون بحمرة جعلتها مغرية
فهد بحنان :طب هو انا مش قولتلك مكياج لا ولاانتى بتعاندينى بلاش يالين تخلى اسوأ مافيا يطلعلك واللة انا شخص طيب بس مبحبش اللى يقف قصادى
لين بصدمة من حنانة المفاجئ :هااا انا حطا خفيف ومامتك اللى قالتلى اجهز نفسى
فهد بإبتسامة :بصى واللة انتى مش محتاجة حاجة انتى قمر اصلا والفستان دا زادك جمال يعنى انا هاين عليا اخبيكى فهدخل اخد شاور على ماتمسحى اللى فى وشك دا واة اربطى شعرك اخاف تنحسدى
لين :طيب روح اجهز عشان اتأخرت
فهد :طيب طلعيلى هدوم
لين بتفكير :جلبية صح
فهد :شطورة طلعتى بتلقطيها بسرعة بس اسمها عباءة مش جلبية ،طلعيلى واحدة واكويها ،دخل
لين بتزمر:اوف ميكونش مفكر انى الفلبينية اللى جبوهالوا ،اما نشوف يااستاذ فهد هنطلعلك اية ،وابتدت تدور لحد مالاقت عباءة حلوة دية وابتدت ترتيبها وكوتها وفردتها على السرير(لين وفهد نايم كانت ابتدت تكتشف الاوضة عشان رتبت حاجاتها فعرفت اماكن كل حاجه فى الاوضة)
************************************
فى نفس الوقت عند روح دخلت لاقت ليث بيخرج من الحمام
ليث:تعالى ياروحى
روح بكسوف :لا خليك براحتك ياليث وانا هروح اوضتى اجهز
ليث وهو بيشدها لحضنة :لا انتى ملكيش اوضة غير دى اجهزى قدامى
روح :طب ابعد بقى عشان منتأخرش
ليث :لا ،ورفعها لحضنة  دافنا وجهة بين ثنايا عنقها مستنشقا عطرها الذى يخطف انفاسة...ثم قبلها برقة على عنقها  صاعدا بقبلاتة الى وجهها هامسا :بحبك
روح هامسة بخجل :وانا بعشقك من زمان
احتضنها اكثر يود ان يخترق عظامها وابتدا يقبلها على وجنتاها ورقبتها الا ان حملها ليبدأو معا اولى لحظات عشقهم الابدى
************************************
فى نفس الوقت عند ليان
دخلت ليان الاوضة لقت عزيز قاعد مستنيه
ليان بحرج :معلش ياعزيز دخلت من غير مااخبط كنت مفكرة انك مش هنا
عزيز بضحك :طب بطلى عبط دى اوضتك زيي يعنى تخشى وقت ماتحبى وزى ماتحبى
ليان :عزيز بصراحة انا خايفة من احتفال بليل دا  ومش متعودة على الاختلاط مع حد
عزيز بإبتسامة شدها لتجلس على قدمية :وانا مش عاوزك تختلطى بحد غيرى
ليان بحرج:طب انت مقعدنى كدة لية اوعى
عزيز وهو يحتضنها اكتر:لا احنا اتفقنا انو هتحبينى وانا وعدت نفسى انو مش هقربلك الا ماانتى تحبينى بس ميمنعش وجود لحظات جميلة بنا وانا عاوز كل لحظة بنا تبقى احلى مافى حياتنا
ليان بحنان :تعرف ياعزيز انك طيب اوى وانا بجد مبسوطة انوا انت دخلت حياتى
عزيز وهو يقبل وجنتها :طب تعالى بقى عشان اساعدك وانتى بتجهزى
ليان :وانت مش هتتأخر
عزيز :لا انا اصلا خدت شاور قبل ماتيجى على ماتخدى الشاور بتاعك اكون لبست واساعدك ،يالا
ليان وهى بتقوم من على رجلة :حاضر ،واخدت هدومها ومشيت
************************************
فى غرفة ليث
كانت روح تتوسط صدر ليث وهى تشعر بالخجل
ليث بجرائة :واخيرا ياروحى بقيتى ملكى
روح بخجل :بطل ياليث مكنتش اعرف انك قليل الادب كدة
ليث بمشاكسة :على فكرة انتى لسة مشوفتيش حاجة دا انا مراعى حتى انو المفروض نجهز وننزل
روح بكسوف :خلاص ياليث هات بقى قميصك اللى مرمى جمبك دا عشان اقوم اجهز
ليث بضحك :قومى انتى هاتية
روح بدلال مصطنع :وحياتى ياليثى هاتوا بقى
ليث بإبتسامة :على فكرة الحركات دى مش عليا هجيبوا بس بشرط تدينى مقابل
روح وهى تقبلة من خدة :اهو هات بقى
ليث بسخرية :بتبوسى ابن اختك ،وفى لحظة التقط شفتيها فى قبلة عميقة دامت للحظات فإبتعد عنها وهو يعطيها القميص
ليث بهيام :قومى ياروح اجهزة لاحسن لو فضلتى لا انا ولاانتى هنطلع من هنا
روح ارتدت القميص ودخلت الحمام جرى عشان تجهز وخرجت وابتدا ليث يجهز نفسة ويساعد روح فى تجهيز نفسها وبعد ماجهزوا الاتنين
روح بإبتسامة :اية رايك ياليث
ليث بإبتسامة :زى العادة قمر ياروحى ،واكمل بخبث بس دارى العلامات اللى على رقبتك دى
روح بصت فى المرايا :نهارك اسود ياليث اية اللى انت عملتهولى دا
ليث بحب وهو يحتضنها :دى علامات ملكية انو انتى ليا وبس ،وفردلها شعرها بحيث انها تدارى رقبتها
روح بكسوف :بردوا باينة ياليث ،بص انا هروح للين هيا ليها فى المكياج واكيد هتتصرف
ليث بضحك :محتاجة مساعدة ياروحى
روح بضيق مصطنع لا ياخويا تشكر كفاية اللى عملتوا ،خرجت
ليث:مجنونة بس حبيبتى وطفلتى ،اما انزل اقعد معاهم تحت
*********************************
البارت خلص ياحلوين
اية رايكم ❤
بجد مش عارفة اقول اية للناس اللي دايما دعمانى دى بجد انا بحبكم جدا وبقيتوا حاجه اساسية فى حياتى😘❤
الناس اللي بتقرا ومش بتعمل فوت او كومنت ياريت ياجماعة تدعمونى الرواية لسة جديدة فعشان توصل لناس كتير🌹❤