عشقى وغرامك

الفصل الرابع (قرار)

وصل الجد مع زيدان وطة ودخلوا لاقوا الكل فى انتظارهم
الجد :سلام عليكم
الكل :وعليكم السلام ورحمة الله وبركاته
فهد وليث وعزيز جريوا على جدهم وابوهم يبوسوا ايديهم :حمدللة على السلامة
الجد :اللة يسلمكوا يارجالة ،يالا خلونا ندخل ،دخلوا قعدوا مع بعض
سماح :عملت اية ياحاج وافقوا اوعى تقول رفضوا
الجد بتنهيدة :قولنا لامجد وطبعا رفض فى البداية بس بعدين وافق وقال هيتكلم مع بناتة النهاردة
اميمة :طب هيقتنعوا ولا ايه دا لو رفضوا الخيارين مش بعيد يقتلوهم ويقتلوا ولادنا
الجد بضيق :اعمل اية فى اللى كان السبب
عزيز بتسرع:يعنى اعمل ايه ياجدى اسيبوا لما يأذيها وانا مش ندمان ولو رجع الوقت تانى هعملها واقتلوا تانى روح اختى الصغيرة
ليث:ياجدى عزيز مغلطش انا لو مكانة اكيد كنت ولعت فية اما عزيز رحموا بالقتل
الجد :فاهم ياليث عشان كده مسلمتهمش عزيز يقتلوة واستحملت المشاكل اللى جت من ورا الموضوع دا
طة :امجد قال هيحاول يقنع البنات بولاد اعمامها لانة طبيعى هيأمن على البنات معانا مش مع الغرب
سماح :هما قد بعض ولا ايه
زيدان :لا ليان اكبر من لين بسنتين ولين من سن روح
الجد :وانا وولادى قررنا انو ليان هتكون من نصيب عزيز ولين من نصيب فهد وروح طبعا نصيبها معروف
عزيز :طب وحضرتك قررت بناء على اية ياجدى
الجد :يعنى مش عجبك قرارى
عزيز :لا مقصدش عاجبنى طبعا بس اكيد فى سبب انك تختارنا لبعض
طة :ليان هادية وخجولة محتاجة معاملة بسيطة والانسب هيكون عزيز لان فهد عصبى شوية
سماح :طب والتانية ياعمى
الجد :لين هى طيبة وقلبها رقيق بس عنيدة وبتتخبى وراء قناع الجرأة والشجاعة والبرود فمحتاجة راجل يقف قصادها ودا طبعا مش تقليل منك ياعزيز بس انت طيب وبتحب الضحك والهزار وهى محتاجة حد يشد عليها بس بردوا يافهد متشدش اوعى عشان متكرهش وجودك
اميمة :طب ياعمى اتفقتوا على اية تاني
الجد :ولا حاجة اديهم الصور يازيدان
زيدان وهو بيدى الصور :دى ليان ودى لين
سماح :ورينى كدة ،وبعد فترة انصدمت لما شافت لين
عزيز بهزار :اية ياماما ليكون شوفتى عفريت
سماح وهى بتديلة الصور :لامفيش ليان خطيبتك المستقبلية اهى
عزيز:ورينى كدة بس قمورة اوى
الجد :اتلم يابن طة
عزيز بهزار :الة مش هتبقى مراتى ولا اية
طة :اتلم ياعزيز ها عجبتك ،موافق
عزيز :صراحة ابقى غبى لورفضت انت بتقول خجولة وهادية وجميلة يمكن المشكلة دى كلة حصلت عشان تكون من نصيبى
طة :وانت يافهد اية رايك
فهد بلامبالاة :مش فارقة انا مشفتهاش اصلا
سماح :معلش يافهد نسيت اديك الصورة من المفاجأة
فهد وهو بياخد الصورة واتعصب لما شافها :لا دى بالذات مستحيل تكون على اسمى
الكل اتفاجئ من ردة فعلة
الجد :قصدك اية يافهد انت تعرفها
فهد بضيق :لا بس شفتها من التليفزيون باين عليها انسانة مستهترة ومغرورة بتحب شغلها زيادة عن اللزوم سفرياتها الكتير مجال شغلها وطبعا مننساش لبسها كلها عيوب
سماح بحنان :بس متنساش انها متربية برة مصر فهى متعودة على كدة
روح بإندفاع :طب واللة دى حبابة جدا كنت كل مااشوفها فى التليفزيون كنت بدعى ان ترتبط بواحدة زيها
فهد :انا مش موافق ياجدى
الجد :يعنى عاوز تضحى ببنت عمك للغريب وطبعا كلنا عارفين انهم مش هينسوا موت ولدهم وهيطلعوا عليها هو دا اللى اتربيت علية انك تتخلى عن حد محتاج لك
فهد :ياجدى افهمنى انا عصبى ومبحبش اللى يعاندنى ويعصبنى ودى كل حاجه فيها معصبانى مش هنقدر نعيش مع بعض دقيقة واحدة
زيدان :خلاص فهد جدك امر والبنت مش وحشة كدة احنا شفناها واتعاملت معانا وشفنا احترامها وطريقة تعاملها الحلوة
الجد :كفايه يازيدان ،بص يافهد الراجل هو اكتر واحد يحتوى مراتة ويخليها تنفذ اللى يعوزوا بس مش بالغصب بالحب انا قولت اللى عاوزوا ومش هغصب عليك بس حكم ضميرك وان الانسان مش بيبان من مظهره بيبان من اللى جواة
فهد :انا اسف ياجدى انت معاك حق وانا موافق مهما كان هى بنت عمى ومستحيل اسيبها تتمرمط على ايد حد
الجد :عاقل يافهد بس انا واثق انو هيجى اليوم اللى تقولى فية انو دا احسن خيار فى حياتك
فهد :ان شاء الله
زيدان :وانتى اية رايك يااميمة
اميمة:والله انا شايفة انو البت قمر وتتحب بسرعة
زيدان بضحك :انتى هتقوليلى دى بكاشة بتدخل على القلب من غير استئذان
اميمة :ربنا يهديلكوا الحال يافهد
وقعدوا يتكلموا شوية لحد ماغلبهم النوم وطلع كل واحد على غرفتة وفضل عزيز وفهد يفكروا فى الموضوع وماسكين صور لين وليان
************************************
فى القاهرة
امجد :ينفع كدة ياليان اختك لسة مجتش وتليفونها مقفول
ليان :معلش يابابا الغايب حجتة معاة
امجد بضيق :غايب اية الساعة ١١
ليان :معلش يابابا انا كلمت ياسو وقالت انةكان عندهم اجتماعات كتيرة فى الشركة وخلصوا وهى زمانها على وصول
امجد :تيجى بالسلامة هتفضلوا مجننى كدة
ليان :معلش يابابا المفروض تكون اتعودت على تأخيرنا
امجد :مش بإيدى ياليان بقلق عليكوا اوى
فى الوقت دا دخلت لين :بجد اسفة يابابا بس غصب عنى
امجد :لا واللة وتليفونك مقفول لية
لين :الفون فصل شحن ومن انشغالى نسيت اشحنة
امجد بضيق :١٠٠مرة اقولك بطلى لعب فى التليفون وخدى باور يكون مشحون معاكى
لين وهى بتحضنة :خلاص المسامح كريم ،قلبك ابيض ياحاج
امجد :هتموتينى من عمايلك يالين
لين :بعد الشر عنك يابابا ،يجعل يومى قبل يومك
امجد :متقوليش كدة ياحبيبتى انتى لسة الحياة قدامك انتى واختك انما انا عجزت خلاص
ليان :فشر داانت سيد الشباب دا احنا بنفكر نجوزك
امجد:اتعلمتى البكاشة منها ياليان ،عموما بطلوا بقى عشان عاوز اكلمكوا فى موضوع
لين بقلق:طب الموضوع دا مهم لدرجة انة ميستناش لبكرة
امجد :اة مهم وفية حياة او موت
ليان:تمام اتفضل يابابا
امجد حكالهم كل اللى حصل واللى جدهم قالوا ولاحظ تغير وشهم ولما خلص كلام هبت البنتين بعصبية

لين :يابابا هو فى طار والقرف دا لسة موجود
امجد بعصبية :اعمل اية يعنى ماهو لو موفقناش على الاتفاق هخسركوا وتموتوا قدامى 😡
ليان :يعنى تضحى بينا احنا مالنا اذا كان اتنين من قتلوا بعض وبعدين احنا منعرفش حد خالص فى بلدك ومتربين هنا
امجد :هيقتلكوا انا عاوز اشيلكوا من المشكلة دى عندنا فى اتفاقات الطار لاما نجوز ولاد العائلتين من بعض لاما الصلح العام ودا بيحصل اذا كان مفيش حد يتجوز فى العائلتين وعلى حظكوا النحس العائلة مفهاش غيركوا وروح بت عمكوا
لين بعصبية :يابابا اللى بتقولوا مش منطقى يعنى لاما نترمى لناس منعرفهاش لنترمى لولاد اعمامنا
امجد :انا قولت اللى عندى ،ابويا اقترح الحل دا عشان يخلصكوا على الاقل ولاد اعماكوا اهون وعمرهم ماهيأزوكوا
ليان :لا واللة ولما هما مش هيأذوا قتلوا اللى مات دا ازاى
امجد بغضب:واحد وكان بيدافع على شرف بت عمة واختة
لين :لابرافو اصل احنا عايشين فى غابة طول عمرها معروفة ان البنات بتلاقى شوية زبالة يضيقوها اية الجديد
امجد :لين احترمى نفسك ولاانتى عشان اتعودتى على جو الناس اللى تمشى تريل عليكى ولا شغلك اللى مشوة سمعتك
لين بصدمة :انا يابابا ،وبدموع:انت اكتر واحد عارف انو عمرى مااتجاوزت حدودى مع حد واللى كان بيقرب ناحيتى بديلة بالجزمة ،عموما اللى تشوفوة ماهو طالما انت بتفكر كدة مستبعدهاش من اللى برة
وسابتهم ودخلت غرفتها
ليان :لية كدا يابابا
امجد :واللة مااقصد هى عصبتنى ومدرتش بنفسى
ليان :خلاص يابابا ادخل صالحها زمانها قالباها مناحةجوة
امجد :خلاص هدخلها بس خليكى على الباب عشان لو احتجتك تصالحينا على بعض
ليان :حاضر ،دخل امجد للين ولاقاها منهارة من العياط
امجد : محدش يستاهل دموعك لانهم غاليين اوى
لين غيرت وجهها للناحية التانية
امجد وهو بيقعد جمبها :زى ماانتى من لما كنتى طفلة كبرياؤك بيوجعك لما حد بيشوفك بتعيطى
لين بدموع :يعنى حضرتك عارف انكوا بتزعلونى كتير
امجد:انا مقدرش ازعلك يااميرتى بس واللة طلعت منى غصب لما نرفزتينى ،انا اسف
لين بإبتسامة :مفيش حاجه تستاهل انك تتأسف يابابا ،وكفاية عندى انك جتلى وانا زعلانة
امجد :يعنى كدة خلاص صالحتينى
لين :انا مقدرش ازعل منك يابابا وعارفة انو انا اللى عصبتك
امجد :ربنا يخليكى ليا ،هتفضلى طفلة بتزعلى بسرعة وبتتراضى بسرعة
لين :يعنى مش وحشة يعنى
امجد :على الرغم انك مجننانى بس ربنا يعلم انك انتى بالذات روحى اللى مقدرش اعيش من غيرها
ليان بتمثيل :بقى هى روحك وان اى ياحاج
امجد بضحك :دا انا نسيت انك واقفة برة عموما يستى انتوا الاتنين غاليين جدا بس لين اخر العنقود هى حتة تانية خالص عندى
ليان :ماشى ماشى عموما انا وحضرتك هنام هنا النهاردة ودا غصب عنها
لين :بابا اة انتى لا
ليان :ياجزمة ابقى شوفى مين اللى هيدارى على مصايبك
لين :ان بقول تنامى احسن
وفضلوا يضحكوا
امجد :ربنا يخليكوا ليا وميحرمنيش من ضحكتكوا ابدا
:يارب يابابا وتفضل جمبنا كدة علطول
امجد:طب وبالنسبة للموضوع اللى كنا بنتكلم فية
ليان بتنهيدة :اللى حضرتك تشوفوا يابابا اكيد انت عارف مصلحتنا
امجد :تسلميلى ياعاقلة وانتى يالين
لين بتنهيدة :اللى حضرتك تشوفوا يابابا
امجد :يسلملى بناتى المطيعين ،عموما انا واثق انو محدش يقدر يأذيكوا من عائلتى
وبعد فترة ناموا الثلاثة فى اوضة لين
************************************
البارت خلص  فين التعليقات والاعجاب ياحلوين🌹🌹
اية رايكم ؟