عشقى وغرامك

الفصل ٢١

بعد فترة فى اوضة فهد
استيقظت لين لاقت فهد لسة نايم وهى فى حضنة رفعت نفسها قليلا حتى تبقى امام وجهة ومسكت جزء من شعرهاوابتدت تضايقوا بية وهى مبسوطة مع ملامح انزعاجة لحد مافاق لاقى ابتسامتها المحبة لقلبة
فهد وهو يحتضنها لية:بعشق ابتسامتك
لين :ابتسامتى بتيجى طول ماانت جمبى يافهد
فهد بحنان :بتحبينى اوى كدة
لين :اكتر ماتتخيل ،بس ممكن اسألك سؤال
فهد وهو يقبل وجنتها :اسألى
لين بتردد :لاخلاص خلينا نقوم
فهد :لين احنا مش اتفقنا منخبيش على بعض حاجه
لين بزعل :فهد هو انت حابب تخلف منى ولالا انت عمرك ماكلمتنى فى الموضوع دا
فهد وهو يقوم ويجلسها على قدمة :انتى حبا اية يالين انا مش عاوز اجبرك على حاجه
لين بضيق :بس انا مش مجبورة على حاجة انا عاوزة اطفال شبهك ولما مكلمتنيش فى الموضوع دا قولت انك مش عايز تخلف منى
فهد بضحك :صدقتينى بقى لما قولتلك ان دماغك متركبة شمال وشدها لية انا عاوز اطفال كتير بس حاولى ميبقوش حلوين زيك عشان ساعتها هدوخ وانا بلم الناس من وراكو ومكلمتكيش فى الموضوع دا عشان عارف انك لايصة بسبب اهتمامك بالعائلة وليا وبشغلك عشان كده مكنتش عاوز ازود الحمل عليكى وعلى شغلك
لين بحب :بس قولتلك قبل كدة انو انت بس العالم بتاعى وولادنا كمان ،واكملت بفزع:نهار اسود الغداء المفروض كنت اعملوا زمان ماما وطنط سماح هيولعوا فيا ،وزقتوا وقامت جرى تلبس
فهد بضحك :يالا يهبلة كنا قاعدين برومانسية وانتى تفكيرك فى الاكل
لين وهى تقبل وجنتة :ابقى خلى الهبلة تنفعك يافهود ،خرجت
فهد بضحك :حبيبة قلبى هبلة بس بحبها، وقام يلبس
************************************
نزلت لين لاقت الاغلبية متجمعين فى المطبخ
لين بخجل :حلوة التجميعة دى
اميمة بضيق مصطنع :بصوا بقى عقابا ليكوا انتوا الثلاثة هتعملوا الغدا
روح بصدمة :بس دا خلاص فاضل ساعة ونص وبابا وعمى يجوا مش هنلحق
سماح بمرح :وعاوزين سفرة تشرف مش اى كلام ياهانم منك ليها
ليان :لا كدة ظلم مش هنلحق ياماما
اميمة :اللى عندنا قولناة عشان تبقوا تهربوا من الشغل بالاضافة للبيت عاوز يترتب
عزيز وليث دخل :دا اية التجميعة دى
سماح :مراتتكوا معاقبين عشان يبقوا يطلعوا وراكوا ويسيبوا شغل البيت ،لين اللى هتبقى مسئولة عن عمايل الاكل بس والباقى ينسق مع نفسة
ليث:طب ماتيجبوا واحده تعمل دا كلة
سماح:لا مبندخلش حد غريب البيت والثلاثة معاقبين
عاوز تساعدهم اتفضل مش عاوز غور على برة
ليث بضحك :ياقاسى ياااللى عمرك ماجبتلى جزمة على مقاسى😂😂
سماح بضحك :بطل يابن الهبلة بدل مااخلى الشبشب ينزل على قفاك اللى عندى قولتوا شوفوا بقى دلوقتي هتعملوا اية لانى انا واميمة هنريح شوية فى اوضتى ولما تخلصوا نادوا علينا ،خرجوا
روح بدموع:لا كدة حرام
لين :انا عن نفسي مش بعرف اعمل اكل
فى نفس الوقت جية فهد:ليث عزيز انتوا واقفين كدة لية
عزيز بضيق :اصل مراتتنا متعاقبين عشان شغلاناهم عن امى وامك
فهد بص على لين لاقاها مضايقة :طب هتعملوا اية دلوقتي
ليث بهمس :هما شارطين ان لين تعمل الاكل وهيا مش بتعرف تطبخ
لين بضيق :طب اطلعوا برة كلكوا خلونى اشوف هعمل اية
فهد :يالا ياليان انتى وروح شوفوا الباقى هتعملوا فية اية وانت ياعزيز انت وليث اخرجوا وبعد فترة خرج الكل ماعدا فهد
فهد وهو يجثى امامها ممسكا يد لين:اميرتى لية الزعل دا كلة انا هساعدك
لين :خلاص يافهد انا هتصرف اصلا مينفعش تدخل تشتغل فى المطبخ
فهد وهو يقبل باطن يدها :قولت هساعدك مبحبش اشوفك كدة يالا قومى يابت بطلى لكاعة
لين بإبتسامة :بجد يابختى بيك
فهد بضحك :طب بطلى بدل ماتحسدى نفسك ،دلوقتى انتى بتعرفى تعملى اية
لين بخجل :ولا حاجه بعرف اعمل حلويات بس
فهد بإبتسامة :طب تعالى اعلمك معاكى احسن شيف وهعلمك بطريقة تحبيها
لين بإبتسامة :اصلا المكان اللى انت بتبقى فية بحبوا عشانك
فهد بخبث :طب تعالى ياقطتى هتحبى تعليمى اوى
وابتدوا يجهزوا الاكل مع بعض تحت ضحكاتهم وهزارهم ومغازلات فهد الجريئة.
اما عند روح وليان اتفقوا انهم يساعدوا بعض عشان يخلصوا بسرعة وعزيز وليث بيرزلوا عليهم
وبعد فترة جية زيدان وطة وامجد لاقوا روح وليان يبدوا عليهم الانهاك وعزيز وليث راحوا هما يجيببوا الاكل من لين وفهد ويحطوة على السفرة
طة بضحك:شكلهم مسخرة اوى
زيدان :شكل سماح واميمة قلبوا عليهم
امجد :بس حلو الشباب بيساعدوهم هيفتكروا اوى الايام دى وهتبقى ذكريات حياتهم
طة :فعلا اول مرة احس انو عرفنا نربى الراجل اللى يكون سند لمراتة مش يعمل سى السيد عليها
الجد نزل هو سماح واميمة ولاقوا كل حاجه جاهزة وانبسطوا جدا وتم الغداء فى جو اسرى وعائلى بالاضافة للضحك والهزار وبعد الغداء فضلوا قاعدين مع بعض لميعاد النوم وكل واحد اخد حبيبتة ونام بسبب ارهاقهم لليوم
************************************عدى بعد اليوم دا حوالى ٤شهور كمان فى الفترة دى كانت روح فى الشهر ٨وكانت مطلعة عين ليث بجنانها
اما ليان فى الفترة دى راحت كشفت هيا وعزيز وعرفوا انو مفيش اى مانع لحملها بس تأخيرها طبيعي ودا خلالها اهدى من قبل وهيا وعزيز زى العادة اوقات ضحك وهزار واوقات خناق
اما لين بحياتها بقت اهدى شوية مع فهد وخاصة ان فهد بيحاول انو يبقى احسن مايكون معاها وحبهم كل يوم بيزيد اما طباع فهد مع الوقت اختفت والكل لاحظ ان فهد اختلف كليا ولين طبعا قدرت تنسق بين شغلها وفهد وعائلتها طبعا فى الاول كان موضوع الخلفة شاغلها بس طبعا هديت لما عرفت حالة ليان وانوا تأخير حملها طبيعى ولين طول فترة ال٤شهور دى كانت دايما بتحلم بكوابيس وقلبها مقبوط وبقت فى حالة هيستريا لدرجة انو فهد بقى دايما قلقان عليها
وطبعا العائلة لاحظت حالة لين والكل وصف قلقها بإنة حب زايد لفهد
************************************
وفى يوم من الأيام كان فهد وعزيز وليث برة مع بعض واتأخروا عن المعتاد
لين بقلق :واللة كدة ماطبيعى احنا الساعة عدت١٢بليل واتأخروا اوى
اميمة مهدئة:يابنتى الغايب حجتة معاة سيبك من القلق دا
الجد بقلق:هيا معاها حق تليفوناتهم مقفولة من بعد الشهر
امجد :ياجماعة متقلقوش ان شاء اللة خير
روح بصريخ:اة اة مش قادرة الحقونى
الكل اتجمع حواليها :مالك ياروح
روح بتعب :شكلى بولد مش قادرة
ليان :هو مش المفروض لسة قدامها شهر
سماح بقلق :عادى يابنتى ممكن تكون ولادة مبكرة بتحصل
الجد :طب يالا ننقلها على المستشفى
وبعد فترة نقلوها على المستشفى واكدت لهم الدكتورة انها بتولد فعلا ودخلوها على اوضة العمليات وفضل الكل مستنى قدام العمليات اما لين وليان راحو يجربوا ماية لاقوا الدكتور واقف جمب ٣مرضى فمهتمتش لين وسمعت الظابط وهو بيقول اسم فهد وعزيز وليث فراحت تتأكد لاقت فعلا ان اللى نايمين على التروالى هما
لين بدموع:فهد انت هنا لية قوم يافهد
ليان بدموع :عزيز اية اللى جرا كان معاكى حق لما قلقتى عليهم يالين
الظابط :انتوا تعرفوا الحالات دى
لين بدموع :اة انا مرات واحد فيهم والتانيين اخواتى
الدكتور :تمام كدة ياحضرة الظابط كدة تقدر تملى بياناتهم وانا هدخلهم على العمليات
لين وهى تمسك ايد فهد:انتوا واخدينو على فين قوم يافهد روح معايا انت عارف انو مبحبش المستشفيات
الدكتور امرا الممرضين :خودوهم دلوقتي حالتهم خطر يالا
وفعلا نفذوا الممرضين واخدوا الشباب ولين املت الظابط والاستقبال ببياناتهم وراحت هيا وليان يقفوا قدام العمليات
************************************
اما فى مكان تانى
جابر:بجد ياجدى مش مصدق انو خلصنا منهم
سليم :صراحة زهقت من الانتظار عشان كدة قررت انو اسحبهم لمكان بعيد واخلص عليهم
جابر :واخيرا انا ميشغلنيش غير مرات الفهد من يوم ماشوفتها وغايظنى وجودها مع فهد
سليم بخبث:دلوقتي الجو خلالك ،بس اللى هيفرحنى اكتر اسمع خبر موت ولاد الشرقاوى
جابر :الاصحيح ياجدى انت مقولتش لية لاحمد
سليم :احمد كان هيفضحنا انت مش عارف دماغة وقلبة الرهيف
جابر :معاك حق الاهم دلوقتي انو مرات الفهد هتكون ليا
***************************"********
البارت خلص
اية رايكم؟
صراحة ياجماعة  عارفة انو البارت صغير بس انا وعدت ناس انو هنزل النهاردة بس ان شاء البارت الجاى يتعوض❤❤
ياريت ياجماعة الكل يتفاعل عشان الرواية لسة جديدة عشان توصل الاكبر عدد ❤❤
الناس اللى بتسأل الرواية فضلها قد اية هيا قدامها بارتين او تلاتة وانهيها