قمر ليالي النقيب ||باللهجة العراقيه||

: Part 1:

اشعـر بالوحـدةة.. رغم وجود هؤلاء البشر حولي.. ضائعه انا.. متشتته.. طفلة صغيره.. لم احتضن امي.. لم أقبل ابي.. لم اشعر بدفئ حنانهما.. لم استمع الي اسمي منهما.. لم افرح مثل الاخرون.. انـا لم اصمت.. كـلاا للصمت.. نعـم للانتقام ...

بارت 1
صلو على النبي، ❤️

#قمر_ليالي_النقيب
شهـد الدليمـيي.. 🖤
.....................................................

ضوضاء وصوت البنات وهم يجهزون الريوگ.. گعدت بتملل.. وصفنت.. مثل صفنت كُل يوم.. راح اسوي هيج وهيج وهيج..يجي يوم واسوي هيج.. يجي يوم واحجي هيج.. نفضت الافكار المتعبه من راسي.. وتوجهت للحمام (اكرمكم الله).. غسلت وفرشت اسناني.. رفعت شعري.. تقدمت للمطبخ.. التفتو عليـهه البنات..

ريم.. هلو.. صباحو..
.. يسعدو.. گعدت واتلفت علي حركاتهم واللي ديجهزون الريوگ والجهـالل يگمزون.. تريگنا وكلمـنن التفت على شغلها.. كانت عطله.. ف ماعدنا مدارس.. والجو حار .. والدار جبيـر بالگوا يبرد .. بعـد كم يوم عيـد الاضحى.. والاطفال مكيفين بالملابس المتصدقين بيها الناس.. اشوف فرحتهم.. ومالهم احد.. افرح.. نقطـةة ضعفي هم الاطفال.. كلعاده ومثل كليوم.. عركات بين البنات اللي متخلص.. واكيـد رأس العركـةة الشفيـة ريام.. اويلي عليها...

ريام..انتي هي يلا مو بس احنا نشتغل كفي رداناتج ويانه....
مينا.. اا ااي صار هسه..
ريام.. يلا لج كومي غسلي ملابس الجهال هواي ماكدرلهن..
مينا.. اي بس اني ماعرف..
ريام.. بصياح.. بعدج هسه جايه وتدللعين داكول ينغسلللننن هسههه

.. هاي شصاير؟

ريام.. دا اعلمها على الشغل تعرفيها جديدة..

... كلتيلي تعلميها.. وليش هو اليعلم يعلم بالشغل مالتة ؟؟ مو عليج الهدوم؟؟ مشوفيها شكدوتها مال هدوم هاي؟.

.. اي لعد تبقي بلا شغلة بس اكل ونوم..

.. رياموو.. باوعيلي زين.. مينا ما عليج بيها.. تاكل. تنام.. تشتغل.. تلعب.. تموت.. تعيش.. انتي مالج دخل قيد الشعرة.. افتهمتي؟ ..

.. لابلاا.. شوفي عيني مو تشوفين البنات يخافن من عندج.. وستگويتي.. ترا متهزين شعرة مني..

.. بخزرة.. عيدي شكلتي؟.
.. مثل مسمعتي.. متخوفينني.. مو نافخة ريشج وتتباهين بخوالج.. وصارلج صيت..
.. ههههه.. هسة منو جاب طاري خوالي.. شوفي يحلوة بدون خوالي وعمامي اني صيتي عالي.. وانتي مجربتني.. ف جري عدل لا اتصرف وياج غير تصرف..
.. وديلا ماجر عدل.. وشسوين سوي..
.. هه.. اوكي تدللي يحلوة انتي جبتيها لروحج.. وغمزتلها..
.. يعني شنو اتسوين.. مابيدج شي..
.. ضحكت ضحكة مستفزة... ورفعت كف ايدي واباوع علي وحجيت.. كلشي بايدي.. وقبضت علي ونداريتلها بابتسامة مكر..
.. هي سحبت الملابس من مينا وراحت تغسلهن.. ضحكت من كل گلبي.. وكتلها.
.. جري عدل من البداية مرا الخ.. هاي ريام تعيط تصيح وتسوي روحها گويه.. وهي بحجايه ترجف..
كمل اليوم والورا و الورا نفس الروتين.. اجا عيد الاضحى.. متعلمين الدار كل عيد يطلعونها.. لمتنزه او حديقه.. نتنوس ونرجع..
گعدت الصبح.. غسلت.. وجيت ابدل.. طبعا ملابسي مو من اليتصدقون بيها الناس للدار.. خوالي يجون يحطون فلوس يم الامهات اللي.. طبعا بدون ماشوفهم اكيد.. ف اني دائما بالفلوس.. اشتري ملابس للبنات الوياية.. وافرحهم بشي جديد.. المهم كان لبسي.. جامسوت ماروني.. نص ردن.. رفعت شعري الاسود ذيل حصان عالي وصل لنهاية خصري.. حطيت كحل ببطن عيني يبرز لون عيوني الصفر.. حمرة تحديد لشفافي الوردية.. مورد خدود ومسكارا خفيفه لا اكثر.. لبست حذائي العالي.. ووالجنطة وبعض الاكسسوارات الملائمة ويه اللبس.. رشيت عطري وطلعت.. عايدت البنات بالكلام.. طبعي ماحب التحضن والتبوس وهم يدرون.. اجت المس وكالت يلا اجا الكوستر(سياره كبيره)... صعدنا وصارت كعدتي يم الشباك.. نطلقنا للزوراء.. وبنص الطريق والازدحام نگلبت الدنيا وشرطة وحماية.. اثاري طلع مسؤل بالبرلمان ديعبر.. ابتسمت باستهزاء عالفخفخه والمبالغه.. وبنص الازدحام وكفت سيارة البيها النائب يم الشباك.. كنت اتفرج علي الشارع صارلي كومة مطالعه.. نزلت الجامة مال سيارة النائب ولان كانت مضلله مشفت الشخص نزلها ويباوع علية.. انداريت شفتة وضحكت باستهزاء من عرفتة ودرت وجهي.. كالت المديرة..
.. جلنار.. جدج وخوالج..
.. وشسويلهم.. اضربلهم تحيه؟.
.. سكتت من شافت ردي.. وهو احس عينة علية واني بعد ملتفتت كملنا طريقنا وهم يمشون ورانا.. والبنات كلساع يباعون عليهم وعلية.. واني مهتميت.. وصلنا للزوراء ونزلو البنات واني كذلك.. اجا واحد من الحماية مدري شحجه ويا المديرة وعينة عليه.. تقدمت هي ويا وكالت..
..جلنار ماما جدج يريد يشوفج..
.. اني سمعت هيج لو احس صخنت ونطت عيوني.. خزرت الولد.. هو ارتبك.. كتلة شوف حباب.. تروح مثل السباعي على الدزك وتكولة جلنار متقابل غرب.. ومشيت وعفته صافن.. بعدنا بالباب ومن سمعو ردي شخطوا السيارات وراحو.. بس بقت سيارة وحده بيها حماية...