بارت ١٩
صلو على النبي ❤️
#قمر_ليالي_النقيب
بقلم:شهد الدليميي
_____________________
جلنار ..
مرت الايام على نفس الاوضاع مَـاڪـو تغيير
روتين يومي مابي بس الشغل والتعب
يوم من الايام جنت انتضر ابراهيم يجي من المحل
اجه وصبيتله عشه وديتعشى ودك موبايله
جان رقم غريب
رد علي وعكد حاجبه من الصوت
ابراهيم ..نعم
ها هھــلا
بخير نحمد الله ونشكره
منو محمد ؟
لا بلفلوجه بقى
ماقبل يجي ضل غاد
لا ويايه جلنار
يابه شسويله هو ركب ر اسه اله يضل
ايي تزوج
لا اله الا الله يابه منجي تسلم
ايي وشبي الحلاق
واللّٰــھ ماخذ دينار من احد
الشغل مُـــو عيب يابه
ديلا ماشي
الله كريم الله كريم
هلو هلو الله وياك
جلنار .. سد التلفون وشمره وهو عاكد حاجبه
..هاي منو ابراهيم
ابراهيم ..ابوج الحلو
جلنار ..هلوو وشعنده
ابراهيم ..كام يحجي ؏ محمد لان ضل بالفلوجه
ويريدنا نجي
ونوب مدري منين سامع جدي تايريد ينطينا فلوس
المجدي يكول اخذو منو
جلنار ..مُـــو علساس فلوسه قاصره اذا خايف علينا ميدز هو
ابراهيم ..عييبب هذا عزام العصي ششون يحرك جيبه
جلنار ..ههههه واللّٰــھ يالله
جلنار ..مرت يومين جنت راجعه من الصالون ودا اسوي كوب حليب ﭑ ﺣﺣــب اشربه وخاصه الجو بارد
اجتي ام وليد كعدت يمي وبحلكها حجي ومستحيه
جلنار ..گـــولي ام وليد شكو بحلككج حجايه
ام وليد ..ههههه بعد روحي التفهمني اჂ̤ واللّٰــھ يمه رايدتج بحجايه بس خجلانه منج
جلنار .. يمعوده گـــولي غيرها خجلانه شنو تفضلي غردي
ام وليد .. شوفي حبيببه اليوم سندس خابرتنه ناطه بجي تيد تجي اهينهه لان اهلها جو للاعضميه تيد تسلم عليهم جم يوم
وانه مستحيه منج واللّٰــھ فوك السوتو بيج واجيبها ببيتج
بس تبقى امها وابوها ومكدر احرمها منهم مثل محرمها ابو دليم
هسع انه لو ابعد عن امي ساعه اكوم اللوب شحال هي سنين
جلنار .. ضجت ضوجه فوللل ..حسيت راح انفجر بس شسوي هم مابيدي شي ف عاد كلتلها
..لا ؏ بختج تزعليني بحجيج هذا شنو تكولين بيتج
البيت بيتنا كلنا وكلنا دندفع فلوسه وسندس خطاركم ماكدر امنع جيتها واني هم ماختلط بيها لان دوامي
واليجي هھــلا بي ازعل منج اذا عدتيها ونوب خجلانه
ام وليد .. بعد روحي انتي فدوه للكلب الطيب
جلنار .. ابتسمتلها جذب بس اني حيل ماراضيه ؏ جيت سندس
واللّٰــھ هلمرا اذا فكت حلكها ويايه الگحها من البلكونه
واخلص الناس من شرها
صدك واللّٰــھ ثاني يوم من رجعت من الصالون لكيتها فارشه الاكل وكاعده ؏ التلفزيون بالهول والمزبله صايره فول
جلنار .. سلام عليكم
سندس ..وعليكم هھــلا
جلنار .. ام نمر بلا امر عليج ترا اخويه هسه شويه ويجي كومي شيلي غراضج يجي تعبان ويريد ينام
سندس .. يمعوده شنو مندحك تلفزيوون
جلنار .. ماباوعتي طول النهار ورانا اشغال احنه مُـــو فاضين مثلج
سندس ..ايي عاد شون اشغال ..وهزت ايدها
جلنار .. اهمشي كاعده بكرامتي واصرف من فلوسي وماتمنن من احد
عفتها وفتت للغرفه
كلها نايمه غيرت هدومي ورحت لكيتها تلملم يلا همزين تنضف لو تعوفهن هيج من باجر اطردها
شوي واجه برهومي ماراد عشه بسرعه نام فدوه لطوله يتعب حيل
اني هم رحت نمت كعدت ثاني وشفت سندس لابسه عباته كيفت عبالي دترجع بس طلعت هسه دتروح لاهلها من البارحه جايه ومرايحه
اني هم واللّٰــھ بدلت ورحت للصالون
يومين سندس ببيت اهلها
باليوم الثالث اجتي
جنت مثل كل يوم دا اسوي الحليب اشربه
حطيت الكوب ؏ السنك ودا اطلع نستله من الثلاجه
اجتي هي عساس دتغسل من السنك ووكع الكوب ونطش
سندس .. ياااا هذا حليبج عذريني هسع اسويلج غيرو
جلنار.. مُـــو مشكله اني اسوي
سندس .. لا لا حبيبه اني وكعتو اني اسويلج غيرو
جلنار .. يمعوده ميحتاج ماريد
سندس .. لا واللّٰــھ بالحرام اله اسويلج
جلنار .. عفتها ورحت كعدت بالهول مستغربه تصرفها اليوم كله حبيبه وحبيبه بلكي الله هداها من راحت يم امها
شوي واجتي ششايله الكوب وابتسامتها بحلكها
رديتلها الابتسامه واخذت الكوب
شربته طعمه غريب بس عبالي مخدره الجاي طوخ وهيج صاير لان اني اشربه جاي حليب
أنت تقرأ
قمر ليالي النقيب ||باللهجة العراقيه||
Fantasyبيـن انتقامـي واهلـي وحُبـكك.. هل هناك أمل لنكمل؟؟.. روايةة بقلم : شـهد الدليمـيي
