قمر ليالي النقيب ||باللهجة العراقيه||

: Part 2 :

بارت 2
صلو علي النبي، ❤️

#قمر_ليالي_النقيب
....................................

الصبح اجتمعنا علي الريوك وسفانه معاقبة متكعد ويانا والشغل الاكثر عليها.. هي من طلعنة للزوراء بالعيد شايفها واحد من رايحة للحمامات.. طالب رقمها ويحاجيها.. كايلتله ماعندي موبايل.. المهم هو عرف عنوان الدار وكايللها راح احطلج موبايل على السياج واخذي.. هي ماخذتة وباقية تتواصل ويا بدون علم احد مقنعها انو ينهزمون لان هو ماعندة الامكانية انو يتبناها وكذلك طلع من البصرة واهله عشائر وايضا ميرضون بيها.. فـ هي مقتنعه ومخططين على طلعتنا انو ينهزمون بس الحمد للـهه لگوهم.. المديرة قفلت بعد ماكو طلعة لا صغار ولاكبار.. المهم مشت الايام على هلمنوال.. اجت المدارس واني نجحت بنص السنة بمعدل ٩٦ فرحت بس اكيد المديرة مراح تدخلنا كليات الا اذا اجه احد وتبنانا.. وطبعا اني كاعده بالدار كضيفه لان ممنوع احد يتبناني.. المهم اجت اخر السنة المديرة كانت مسجلتني وية مدرسة حكومي بس اداوم بمدرسة الدار كـ استضافه بس اسمي بغير مدرسة.. فـ كانت سيارة يومية توديني وتجيبني لامتحانات الوزاري  هي وواحد من الحراس ينتضروني برا اخلص والكاها بوجهي بالباب.. تعبت كلش بالسادس.. وجنت منتظرة النتيجة علي احر من الجمر.. اجتـي مس نور وعاطت..
.. ولج جلناررر طالعة النتائج
.. ركضت عليها وكتلها شطالعةة بشريني.
.. كالت تعاي لمكتب المديرة دنشوفها.
.. دخلت لمكتب المديرة وجنت متحمسة ووية طبتي شفت جدو كاعد وويا واحد من خوالي.. صح اول مرا اشوفهم بهلقرب بس اعرفهم ..فد ضجت..وجيت ارجع لو مو النتيجه.دخلت وكلت بنتر
.. مرحبا
هم ردو وكالو مراحب. صاحت المديرة
.. جلنار عزام حكيم .. معدلججج 99وكسورر عفيهه ...
.. هي ذاعت المعدل واني اكمزززز من الفرحة ووية كل درجة تذيعها  اعيطط من فرحتي.. جدو وخالي ضحكو وباركولي رديت عليهم والفرحة مسايعتني.. معدليي يدخلني طبية وهذا حلم حياتي..
رحت للدار بدون حتى ما استأذن واركض والفرحة بكلبي دخلت للبنات وهنا واكفات ينتظرني.. عطتتت 99 ولكممممم.. هم اجو كلهم عليه كبار صغار بفد حضنة.. واول مرا تنزل دموعي من سنين.. بس هاي دموع لفرح واول مرا افرح هيجي بحياتي دخلو المدرسات وباركولي كذلك ويكولون رفعتي روسنا واني اضحكك.. ثاني يوم گعدت الصبح واني الفرحة بعدها بية.. غسلت وشلت شعري وفتحت باب غرفتي ونصدمت..
البناااااتت.. ههييييييييي
الزينة بكل مكان والكيك والحلويات والنفاخ مسويلي حفلة لنجاحي وكذلك قطعنا الكيك واكلنا وتونسنا ونطوني البنات الهداية كان يوم لا يعلى عليه يجنن.. توسلو البنات بالدمديرة انو نطلع رفضت بالاول وبعد الحاح وتواسيل قبلت.. فـ كانت الدنيا صيف كالو نروح للمول.. طلعنا بس 5 بنات البقية مارادو يطلعون لبست فستـان احمر نص ردن قصير للركبة  واني بيضة طلع يخبل حذاء اسود عالي شوي وويا خلخال شعري فتحتة على طوله اكسسوارات بايدي بسيطة جنطة سودة وطلعت.. كملو البنات وطلعنا من الدار وكذلك الحماية بالباب.. رحنا لمول بغداد فترينا وتونسنا واشترينا وعزمتنا لمديرة كذلك علي نجاحي.. شوي واجه واحد من الحماية شايل علبة كال
.. هاي لست جلنار من استاذ بسام..
.. فتحتها جان تخم الماس يخبل انبهرت من جمالة.. بس لو مدري شنو يصير ما اخذة رجعتة بيد الولد وكتلة
.. كول للاستاذ بسام شكرا بس هديتك ممقبولة.. هو صفن علية. هز راسة واخذ العلبة وراح.. ما احد ادخل من المدرسات لان يعرفون ما احب احد يدخل بحياتي.. وحتى بعض من بنات الدار ميعرفون قصتي شنو.. عبالهم يتيمه حالي حالهم.. هه لو يتيمة احسلي... المهم رجعنا للدار وبدلت جاي اتمدد ودخلت مس شذى..
.. جلنار امي
.. ها مس
.. هذا استاذ بسام على الخط يريد يحاجيج
.. اهوو شنو هلذوق هذا مايعرف وكت نوم اكو واحد يتصل بهيج وقتتت..
.. اخذي َلجج
.. الو
.. اكولج شو انتي فدمرة على شنو شايفة روحج فوك ما اقدرج
.. باستهزاء.. والله على المال والحلال العندي شايفه روحي..
.. شنو ترجعين الهدية هاي فوگ متكيفين عليها وانتي وين لاگية هيج شي ونوب سويتيني ماعندي ذوق ولج اني بسام ال.. تجي وحدة بكد الفصمة هيج تحاجييني
كان يحجي ومعصب واني ابتسم باستهزاء
.. عيني بسام ال.. هذا صيتك وفلوسك على نفسك مو عليه والهدية اللي من عندك ماريدها ولا اتشرف اخذها وبعدين شحجي احجي بكيفي هذا لساني وهذا صوتي يعجبك اهلا وسهلا ميعجبك لتتصل بعد
.. اني اعلمج ولج اله اندمج
.. استعجل وندمني لان اني متحلفة قبلكم وسديتة بوجه ووديت الفون بصالة وطفيت الضوة ونمت.. انشغلنا بهذا الأسبوع نودع دانة بنية ويانة عمرها 13 سنة اخذوها عائلة ميصير عدهم جهال وهم كبار بالعمر فرادوها تعينهم بكبرتهم.. بيوم الراحت بي شبعوا البنات بجي ولطم عليها وهي هم خطية متعودة علينا اني حظنتها وطمنتها واخذوها وراحت.. تطلع منا احسن الها من هل حبسة والمدرسات والمديرة يوم زينات عشرة لا طبعا اني كلش ردت اسجل كلية واحقق حلمي.. فـ كلت احجي ويا المديرة
.. مس ممكن احاجيج شوي
.. هاجلنار كولي
.. مس اريد اقدم للكلية راح يقفلون التقديمات وتروح علية السنة
.. بابا انتي شبيج غير اهلج ميقبلون
.. اهَوو مس يا اهل ذولة اني اريد اقدمم
.. ماكو تقديم جدج ابو ابوج ميرضا يكول ماعدنا بنات يكملن هاهي
.. ياااا وهذا منين طلعلي وشوكت اذكرني
.. جدج حكيم ال.. شبيج
.. يوووو هذا بعدة عايش والله عبالي سلمها
.. هههههه لا بعده عايش واظاهر شافوا نتيجتج وعرفوا راح تكملين وسبقوج
.. اهووو عاد صاروا براسي اهل هسه.. گبر كون يلمهم كلهم فد لمة وعفتها وكمت ادردم گطيعة لا شايفتة ولا شايفني بس اسمع بي ويتأمر وصاير الجد الحريص الحنون هذا بيا زمن عايش ماكو بنات تكمل والله يالله من عصر الجاهلية ذولة امده حظي الاغبر اللي خله اسمي ويه اسمهم اخخ بس لو الزمه اله اكطع النفس عنه مثل مكطع حلمي ومخلاني اكمل يلا يجي يوم خما يبقى بس على الخمط والغش من اخذة ربي
كعدت بالصالة وادردم والبنات من شافوني مفولة من العصبية وادردم ما احد حاجاني بحرف لان اليحجي اعيط بي
ضليت اليوم كله على فد عصبية وادعي على هذا جدي المصون من كون گبر وبصفة شرطي وكلما يريط يطلع يهفة بكرك ويرجعة
حطو العشاء وما اكلت مسدودة نفسي رحت لفيت راسي ونمت من الضوجة والعصبية..

ورا يومين اجوي للدار اخر اثنين اتوقعهم يجون.. ليش جيتو وفتحتو جروحي 💔 مو كوة سديتهن وهم ترجتون تلجموهن

______________________

نهايـةة البارت

ان شاء اللـهه يكون عجبكم
وحتبده احداث الرواية وحياة جلنار الغامضة من البارت الثالث

نلتقي في البارت القادم ❤️في امان الله

#قمر_ليالي_النقيب
بقلم:شهـد الدليمـيي 🖤