أنت تقرأ

قمر ليالي النقيب ||باللهجة العراقيه||

Fantasy

بيـن انتقامـي واهلـي وحُبـكك.. هل هناك أمل لنكمل؟؟.. روايةة بقلم : شـهد الدليمـيي

#اسد #انتقام #جلنار

: part 12 :

11K 623 5 
                                    

                                              
بارت١٢
صلو على النبي❤️
#قمر_ليالي_النقيب 
بقلم:شهد الدليميي ..
..........................
صحيت واني بالمستشفى والمغذي بايدي ..سجى على يسرتي غافيه واسد يم الشباك ..انتبهلي تحركت اجه عليه والقلق والخوف بعيونه

                          
اسد ..ها الحمد لله على السلامه يابه وكعتي كلبي عليج اا قصدي كلوبنا 

                          
جلنار ..الله يسلمك ..شنو شصار

                          
اسد ..البارحه بليل صخنتي وحرنا شلون ننزل حرارتج ..شوي واغمى عليج وجبناج للمستشفى ..طلع عندج هبوط وفقر دم 

                          
جلنار ..هزيت واسي. باي وتنهدت ..شوكت نطلع 

                          
اسد ..هسه بس يخلص السيروم نطلع ..

                          
جلنار ..انتظرنا الماخلص السيروم واجه الطبيب فحصني وكتبلي علاجات وابر وهم سيروم ثاني يصير مالح ..كال خاف يصير عندج هبوط حاد نوب ..تشكرنا وطلعنا من المستشفى والدوخه براسي اتوجى على سجى واسد كدامنه وكلساع ينادر عليه ..بباب المستشفى وشفت طبكت سياره ونزل منها محمد ..

                          
محمد .. احم الحمد لله على سلامتج 

                          
جلنار ..هزيت راسي ب اჂ̤ لان ماكدر احجي وهو ضل عيونه تتفحصني بقلق ..عفته يحجي ويه اسد ومشيت عبرت من يم السياره شفت امنه كاعده ..نزلت تركض عليه وحضنتني 

                          
امنه ..لتصدكين بيوم اني اشك بيج ..عمري مشفت الراحه من دخلت بيت ابوج غير بالشهر اللي جيتي بي اقسم بالله ﭑخــتيي حسبتج وما شاكه بيج قيد الشعره ..واعذري لمحمد ترا اعصابه متوتره ومجاي يكدر يفكر ..واللّٰــھ لو شوفي جنا ببغداد بس خابره اسد بليل وكاله اختك بالمستشفى اجا طايررر عليج ..

                          
جلنار ..امنه وغلاتهم عندي اني لاحاجيه ولامخابره ..ولج هو اني شوكعني غير حركة كلبي عليكم امشي لبيتي فدوه لعمرج قنعي محمد 

                          
امنه ..ميقبل واللّٰـه هو اخذ فلوس عنده حنأجر شقه ببغداد ونكعد 

                          
جلنار ..ولج ياشقه الايجارات تكص كص.. اني راح ارجع لبيت اهلي وانتو اخذو شقتي 

                          
امنه ..ايااااج جلنار اياااااج ..وداعت محمد اللي ماعندي اغلا منه يكتلج خلاص ابوج ..استري على نفسج ياعيني 

                          
جلنار ..شسوي با امنه تعبت اقرب الناس ميصدكون بيه عشت عمري بدون اخوه وسند هسه من صار عنديي اخوه يرحون 
هو تاليتنا نموت واذا منيتي على ايد عزام هاهيه ماكدر اغير هلشي 

                          
امنه ..بداعت محمد وابراهيم وكل من غالي عندج لتروحين وداعتج يجي يوم ومحمد يعرف من الحجه وبوكتها حيتندم اني مصدكتج عمري ..هذا محمد جاي يلا من رخصتج ..

                          
جلنار ..الله وياج ..مشيت واني اتوجى على سجى بدون ما اندار على محمد صعدت بالسياره واجه اسد شغل وهو يتنهد .. رجيت راسي على الكشن وصافنه على الجامه ..شفت السياره طبكت يم بيت الشيخ معارضت لان مابيه اسولف واعاند وهم محتاجه حضن ﺂبــچيي يمه  نزلت وياهم وطببوني يم الحجيه اللي تلكتني بخوف
قمر ليالي النقيب ||باللهجة العراقيه||حيث تعيش القصص. اكتشف الآن