بارت ٢٤
صلو على النبي ❤️
#قمر_ليالي_النقيب
بقلم :شهد الدليمي
__________
جلنار..
هوسه ودوخه كلها صارت بعد سقوط الرمادي
ناس رحبت بالحشد
وناس رفضته
اللي رفضو جانت مطالبهم بسيطه وهي تحقيق مطالب وحقوق
اهل السنُه في العراق
والحقوق هي حفظ كرامة اهل السُنه في بلدهم
وتسليح اهل السُنه للخلاص مُـــن داعش على ايديهم
والحكومه الله يسلمها
الاطرش يسمع وهي متسمع
وبوسط هاي البلبله والزعزعه
داعش استفادت هواي
ومنها باول دخولها للمحافظه سيطرت على السدود
ومنها سدة الرمادي
غلقو المي
جف الشط
كامت تعبر سياراتهم بدون لاجسور ولاهم يحزنون
واحب اكولها بصريح العباره
داعش جان عدهم ذكاء وخطط
احسن من خطط حكومتنا وسياسينا
سقوط الرمادي بايد داعش
احد اسبابها هي القطاعات العسكريه المرابطه بمقر عمليات الانبار
انسحبو بشكل جماعي اللى غرب المحافظه
اჂ̤ القوات العراقيه لم تستسلم في الرمادي
لكن واجهت مشاكل قبل فتره
الرمادي سقطت اداريا بعد انسحاب الشرطه الاتحاديه ممن المجمع الحكومي
بس جنا نقنع نفسنا
ونكول عسا ولعل
لكن عسكريا الجيش والقوات المسلحه العراقيه ماتركت موقعها
وماخلتت للتنظيم منفذ للعبور الى الكرمه او الفلوجه او بغداد
وايضا الفلوجه بقت لان هواي من اهلها وعشائرها
ماتركت بيوتهم
بغض النضر عن الاشاعات اللي طلعت انو العشائر ولائها لداعش
اهل الفلوجه ماتركو ارضهم الا من دخلو لتحرير المحافظه سلموها للجيش
وطلعو وناس اعرفهم حتى بالتحرير بقو صامدينن وماعافو بيوتهم وساعدو جهاز مكافحة الارهاب بهواي شغلات
ومننكر ونكول اكو ضعفاء نفوس ومراهقين غسلو عقولهم داعش وانضمو للتنظيم
لان كلنا نعرف شلون جانت داعش عدها طرق لاقناع وغسل عقول ويستغلون الشباب المراهقين بهذا الشي ويستغلون الدين غطاء لتوسعهم ولاقناع الناس
واللي يدخل للتنظيم بعد ميفيده الندم
تعبنا واحنا نشوف ڪُــل واحد يحجي شكل
اسد نقطعت اخباره
وكذلك الشيخ وحازم
وتشوفون اوضاع البيت المتزعزعه والمتوتره من القلق والخوف
تدمرنا دمار
اصعب شي الانتظار
٣ مرات دخلت للمستشفى من ورا ضغطي
ما ﭑڪــل ولا اجرع العسل
ويهبط ؏ـندჂ̤ الضغط واوكع واله بمغذي يالله اصحى
الحجيه نتهت
ضحكه بعد متمر لبيتنا وهذا كله احنا منعرف عنهم خبر
كل هذا ونكول الحمد لله
اكو ناس جابو ولدها ملفوفه بعلم
الله يبعد عن احبابنا السوء
ويحميهم وين ماكانو
مر ؏ سقوط الرمادي شهر
واحنا بنفس دوختتنا
شبكات نهائيا انقطعت باالانبار
وكعو شكو برج للنت والاتصالات
والديقلقنا اكثر النت
كلها تحجي شكل ومواقع التواصل كلها ماعدها سالفه غير ماتو ولدنا
ونشر فديوات للقتال والخراب اللي بالمحافظه
نشوفها ننضغط نفسيا اكثر
واحنا منا شونه
انطفت ڪُــل فرحه بالبيت
نادرا متلكي المبتسم
وورا ابتسامته اشكال القهر
بايامها احس صار بيه توحد كد ما اعزل نفسي
يجون يكعدون يمي يسولفون يحجون
يريدون ميخلوني افكر بس مَـاڪـو
من اشوف احد دخل الغرفه اغطي راسي واسوي روحي نايمه
يطلع اكعد واصفن
وكمية الافكار والقلق النفسي اليجيني
ڪَلـســآ؏ اتخيل شكل
زوج ام حازم وام نزار تطوعو للقتال ونزلو للانبار
والولد كلها كبت تـــࢪيد تروح
والحجيه دكت ولطمت بوكتها
ووكعت وحلفت عليهم بس يطلعون تكتل نفسها
احنا بضيم اسد اللي منعرف اخباره
ونوب يرحون همه
كلناا نعرف منو جاب داعش
ويكدر بكل الطرق كدامه انو يقضون عليهم
بس حسبي الله ونعم الوكيل
حكومتنا تـــࢪيد تزيد الاوضاع سوء حتى يكومون يبجون ويلطمون يم امريكا دتجي هي تقاتل لو تدزلهم تعزيزات دييحصلون شكم فلس
لعبه سياسه قذره
دم شهدائنه الراحو كلها بركبتهم ومنسامحهم الى يوم الدين
أنت تقرأ
قمر ليالي النقيب ||باللهجة العراقيه||
Fantasyبيـن انتقامـي واهلـي وحُبـكك.. هل هناك أمل لنكمل؟؟.. روايةة بقلم : شـهد الدليمـيي
