قمر ليالي النقيب ||باللهجة العراقيه||

: تكملة بارت 7:

بارت٩

صلو على النبي ♥️

#قمر_ليالي_النقيب

شهـد الدليمـيي

.............................................

كعدت الصبح علـى الريوگ سكوت بس طگطة المواعين والكلاصات.. بابا يخوط بالاستكان وصافن عليه واني اباوعله ورافعه تك حاجب.. مادري شيريد.. دانية تبتسم باستهزاء وامي عينها بماعونها والولد يتنقلون النضرات بين ذاك وذاك.. اطلق القنبله السيد الوالد خله الكل مصفنينن.. والبعض شامتين!

عزام.. جلنار.. تهيري باجر
جلنار.. اتهيرلـ شنو؟
عزام ببرود.. خطوبتج
جلنار دفعت الكرسي وكمت بصدمة وصحت.. نععععمممم شتفضلت؟؟
عزام.. وقز القرط على هلحس العالي
جلنار.. عوففف حسييي معليكك خطوبتي شنو شارب شي انت؟؟؟؟
عزام.. دحگي يولي.. انه كلت چلمه وما اثنيها.. خطوبتج باجر لابنو لصديقي.. ان فكيتي حلگج لافركو فرك واخليج خرسة طول عمرج.. فهمتي؟؟
جلنار.. صافنه وفاكه عيني عليهم.. تاليها عطت.. واني اكوولل اكولل الحنيه مين تجيكم ورا هلسنين اله اذا اكو مصلحة... من حسبيييي اللله ونعم الوكيل.. والله ما اخذ العار ابن صديقك لو ادري انكتل هنا لو اصخم وجهكم ويا يااا عاراتتت انت اب انت؟ گرت عينك اذا تسمي روحك اب.. ماحسيت اله كام وصلخني براشدي..
عزام.. بتل الكلببب خرا بشيب اهلج هسع افينو الحضج مستهتره تاخذينو وغصبا عليج مو يوگف شغلي علمود حضرت جناب الست جلنار ما تقبلو

جلنار.. ضحكت باستهزاء.. اي كول كول زواجج عمود صفقة.. ولك تبيع بنتك علمود فلوسسس ياطماععع.. يافگر.. والله ما اخذه والله.. تريد تزوج ذيج دانيه اني متبريه منكم ليوم الدين..

دانيه بشماته.. لا لا العفو.. شون انتي اختي الكبيره لازم تزوجين قبلي ما اسمح النفسي ازوج قبل اختي.. عيب عيب

جلنار.. وطبكم طوب والله والله ما ازوجه لو تنطبگ سما على گاع واعله مابخيلك اركبه.. وعفته ورحت للغرفة ارجف من العصبية واسمعه يرعد رعيد بحسه العالي حقدت علي وكرهته الحقير ولا عبالك بنته.. طب ابراهيم ومحمد وامنه وقفلو الباب وراهم حضنوني دفعتهم اكره واحد اليحظن ويطمن ويشفق عليه..

محمد.. اهدي يولي شبيج تراجفين.. باع باع الاعصاب حتنجلطين يول اسمعيني

جلنار.. شتريددد محمد شتريدد عوفوني اكتل روحي واخلص من هل مله.. كلتها ولطمت على وجهي  يطمني ويهديني هو وابراهيم.. امنه ركضت سوت عصير نومي لان ضغطي علگ

إبراهيم.. يولي والله متاخذي واحنه بضهرج وداعت الغالين احرگهم ولا تاخذي

محمد.. جلنار ثقي بالله احنه وياج ما انسالج وكفتج ويايه هسه دوري.. وما ازوجج لهذا السكير علاء

جلنار.. شتسووون يعني شتوسسووون تكتلوو؟

محمد.. مو كلشي بالكتل.. انتي تجهزي باجر والج الصافي