بارت ٤٤
صلو على النبي❤️
#قمر_ليالي_النقيب
بقلم:شهد الدليميي
___________________
جلنار ..ثاني يوم الصبح
كمت من وكت سوينا الريوك ونزلو العرسان
باركنالهم وكعدو ثنينهم هادئين وخجلانين
برهومي يشيل من كدامه ويحط لسرى وهي تستحي حيل من محمد
مع العلم محمد طبعه شقاوجي واليحجي ويا بسرعه يذب ميانه
وراها كمنه ؏ الشغل نضفنا البيت وسوينا الغده
نهلكنا لان البيت وسخ عرس بعد
والبارحه نضفنا خفايف مكدرنا تعبانين
للعصر كلتلهم هاهيه اعفوني اروح لرجلي شتاقيتله
ضحكو ؏ـليهہۧ ودعتهم ووصلني حمودي
جانو نايمين بعدهم صعدت بوجهي للشقه
اسد بالدوام
طلعتلي برموده وسبحت وبدلت
ونمت رأسا تعبانه.
قريب المغرب
احس شي يجكجكني ويدغدغ بركبتي
فتحت تك عين اسد داحس راسه بركبتي ويبوس
ابتسمت ووخرت انداريت ودفنت راسي بصدره
لمني بحضنه وكال
اسد..هي هاي گطعه يولي
مشتاكلج يچلبه
جلنار ..ههههه هو وين رحت اني هيانه بيتنا
اسد .. الغرفه بارده صار يومين مَـاڪـو حضن اختل بي
جلنار ..فتحتله حضني جان بعده بهدوم الدوام
هو ضحك وختل بحضني
راسه ؏ صدري وايده لافها ؏ خصري
وايدي بشعره افليله
بقينا هيج نص ساعه تقريبا
وكمت لان وكت عشه وماكو بس ياسمين
بدلت هدومي ونزلت سلمت عليهم
سالو ؏ سراوي طمنتهم وكمنا ؏ العشه
مر الاسبوع هيج بالشغل الصبح
وبليل ويه اسد وتعاليله
حيل دا اتعب هل ايام احس روحي عبالك شايله طن فوك ضهري
مع العلم هو هذا برنامجي من قبل
مرات حتى اسد اغلس علييه وانام يجي يطركع ويتحرك ويتحارش
واني منطيته اذن الطرشه يكطع نفسه يحضني وينام
اجه عرس سدوره
تعبنا اكثر لان معازيم بيت الشيخ شكددد
مَـاڪـو مكوك بس افتر يوم كامل قبل العرس ماكعدنا
احس ضهري منقسم نصين
ام وليد خلتنا ؏ سيراميك المطبخ والحمام نجلفه
وخطيه ياسمين ايد بالشغل وايد يم بتها
اخر شي كامت تصيح ؏ وليد يالله اخذها وله هو ولايدير بال
اخر شي ساعه ١٢بليل ختمناها غسلنا الكراج اني وياها
وفتحنا الكراسي بالحديقه وكعدنا من التعب
شويه ارتاحينه وكمنا نمنه
ثاني يوم العرس
كمت من الصبح نزلت لكيت الحجيه وام وليد والربع كلها كاعده
مصلين الفجر وباقين
سويت الريوك ووديته تريكنا
اسد ماخذ اجازه اليوم هم طلعو جابو الطبابيخ ونصبوهم يم بيت جيرانه
البيت نضيف بس نصفنا تنضيف فوكه فوكه
وعزلنا التخم ورتبنا حتى يصير مجال
ب١٠ بلشو الطبابيخ بالاكل
والتمو الناس الكرايب
خالات وعمات
سوينا الغده وهم اجوي بنات عمهم وخالهم ويانه ايد بايد يالله لحكنه
بسرعه كملناهم وغسلناهم وصعدنا بدلنا
لبست فستان نيلي ساده حصر ردن طويله
وطوله جوه الركبه بشبر
وفوكا صايه تول ذهبيه وبيها حزام ذهبي من الخصر
سويت توربان ذهبي
ومكياج
ونزلت لكيت كوكه ونمر محد مبدللهم ينسون نفسهم بالاعراس
طلعتلهم ملابس وصعدتهم يمي لبست نمر دشداشه بيضه
بعد عمري ميقبل البسه ممتعودين اني ابدللهم بس بقيت ويا كلمه حلوه اشاقه شويه رخى
حطيتله من عطر اسد كيف وشسورتله شعره
وكوكه لبستها بدله بيضه وحذاء وكويتلها شعرها
شويه مُـــو سرح بي كسرات
ولبستها مني طباكاتت ذهبيه
وحطيتلها عطري وهي مكيفه تركص
شغلتلهم اغاني بالتلفون واصورهم
عاد اخذتهم ونزلت سلمت ؏ الجايين ب ٤ ونص كلها التمت
نزل العريس مبدل
فرحاان اول مره اشوفه هيج
نزل من الدرج هو يهلهل ويتمركص
ويطك اصبع ويهوس
وكلها تضحك ؏ـليهہۧ
عاد طلعنا بلزفه ركضت كبل ؏ سيارة اسد وصعدت كوكه ونمر ويايهً
لان ادري هنا ميهمهم يصعدون باي سياره تعجبهم بالصدر ليورا
وكلت ما احصلي سيارة خاف
عاد شفت ياسمين شايله بتها وحايره لان سيارة وليد يزف ييها اخو
اشرتلها جتي تركض صعدت ويانه
اسد حلو طبعه بالزفه يشغل اغاني ويتونس
وينطينا راحتنا لان سيارته مضلله
وصلنا بيت ام حازم ونزلنا نجيب سدوره
لكيناها جاي تبجي بحجه امي وماريد اعوفها
واحنا نعرف ليـشـہ تبجي
طب حميد باسها براسها ومسح دموعها
وبقت ام حازم تبجي وتوصي بي وهو يكلها نامي وانتي مغمضه
بكلبي كبل عيني
من دتطلع ب الطرمه
تلكاها ابوها وحازم
سلمت عليهم وهي تبجي وابوها كوه لازم دمعته
حازم لزم حميد ويهدد بي وحميد كوه ساكت
ويكوله بعيني وذاك كلساع شامرله حجايه
اخر شي سلم ؏ سدره
وحضنها وصعدوها بالسياره وطلعنا
سدرة ..
كاعده بالسياره وايدو بايدي
وفرحان كلساع يعصرها ويدحكلي
وانه مادحكت نظره بعينو
اصدقائو يداهرو من الجامات وهو يتمركصلهم
ادحك كلها فرحانه ومتونسه
وانه العروس !
؏ خشمي جايه وصلنا لليت جدي
وكعدنا ناس شكد عبالك مَـاڪـو احد بس انه
ادري عروس قابل شنو
بس ادير وجهي الكي وحده صافنه وتبسبس لو العروس كمر ملكه جمال هم يطلعن بيها عيب
عاد صحت خالتي وطلعت حجه بلاعيمي وخليتها تصعدني للغرفه من وكت
ويايه سجاوي وخالة ام نزار
نزعت البدله ولبست دشداشه قصيره نص ردن
جبرتني خاله اله البسها لان حلفت مالبس سيت النوم
كعدو يسولفون ويطمنوني ومدري شنو
وهم ميدرون لو ﭑ؏ـــرف اكتل روحي وماخلي يجيسني اليوم
ڪُــل البالي ماخلي يشوفني وانه البس هيج لو شو شيصير وكلت هسه من تطلع خاله اكوم ابدل
بس حضي الاكشر
وره العشه تيسوون الجوبي
وجان يصعد تايبدل دشداشتو
خاله وسجى باركولو ونزلو
وانه روحي صارت بخشمي
هو يدحكلي ويبتسم احسو يتونس من يشوفني ضايجه
بس انسد الباب وطلعو
همس رأسا
حميد .. كمممر يولي بالله العضيم ماعرفتج
اروح فدوه ونذر
سدرة.. بدون تفاهم
عبالك مُـــو. غازلني وهو رجلي تحارش بيه
خزرته خزره
وهو طك ضحك عليهه كمت رأسا عفته وفتت للحمام تاميشوفني انوب
سمعت طكت الباب
عرفته طلع عاد طلعت
بدلت تراك مستور
ولفيت راسي وتمددت
ماكدر انام صوت الديجي
والاغاني برا
لل٨ تقريبا سمعت حسو زفو
ختلت ليجاي عن الباب ليشوفوني
عاد هو فتح الباب وفات
دحكلي خاتله ابتسم
طلعت بدون كلام
واتمددت ؏ جربايه ونطيتو ضهري
اباوعلو من المرايه الكدامي
بدل هدومو وهو يدحكلي
صعدت سجى جايبه العشه
صاحني اتعشه
واللّٰــھ مُـــو وكت دلع جنت جوعانه كمت كعدت ويا
اكلت شويه وغسلت
وهو هم
صاح سجاوي اخذت الصينيه
فتح التلفزيون انه جنت متمدده ومرجيه راسي ؏ تاج الجربايه
اجه بصفي ولمني بحضنه
راسا دفعته وكمت من مكاني
هو استغفر ودار وجه خازرني
وانه خازرتو
حميد .. شمسويلج انه
هلكمتي جن مكروصه
تعاي حدري
سدره .. ما امن بعد بيك
كوم حدر نام هينه انه انام ؏ الجربايه
حميد .. لاعليج الله !
خاف ماترضين .. سدره لاتخبلين علينا تالي الليل
تعاي ياحبيبي واللّٰـه تعبان وراحتي يمج
سدرة .. حميد انسى ننام سوه ؏ نفس الجربايه
خليك
انه انام هينه
كمت فرشت بالگع
ودا اتمدد هو كام يتأفأف نزل ونام بالگع
واني رجعت ؏ الجربايه
ادحكلو روحو بخشمو
عجل شعبالو شيريد
لل ١١ تقريبا
كام سبح ولبس دشداشتو
وطلع ؏ السطح رمه
وحتى جوه مانزل اشرلهم من فوك تعبان انام
جا طفه الضوه وعاكد حاجبو
ولف راسو ونام
يتبع ..
عمري ﭑ؏ـــرف البارت صغير مريضه اليوم كوة كتبت ١٠٠٠ كلمة
اعذروني ♥️
__________
نهاية البارت
في امان الله
شهد الدليميي ♥️
أنت تقرأ
قمر ليالي النقيب ||باللهجة العراقيه||
Fantasyبيـن انتقامـي واهلـي وحُبـكك.. هل هناك أمل لنكمل؟؟.. روايةة بقلم : شـهد الدليمـيي
