بارت ١٤
صلو على النبي 💜
#قمر_ليالي_النقيب
بقلم :شهد الدليميي
_________________________
جلنار
..التهينا هذا الاسبوع بتحضيرات العرس
طلعت ويا البنات للسوك
جبت فستانين وحذاء ..
امنه بقت تباب يم بيت الشيخ بأمر من الحجيه علمود ميلتقون هي ومحمد
..يشتاقلها وكذا ..
وهو يگمز متخبل عليها
اخذت بدله بيضه باربي بسيطه
مارادتها ڪُــلش ضخمه وهي هم ناعمه ف تلوكلها
طلبتها بحجاب
اجتي البدله وشكلها يجنن
حجزنا صالون وترتيبات
كالو نسوي حنه للزلم بحديقة بيت الشيخ لان هي ما شاء الله كللش جبيره وتكفي هواي
والنسوان بيناتهن يحتفلن مَـاڪـو غرب
بس العرس حيسووله زفه
وحجزلهم اسد بالحبانيه ٣ايام
اجه يوم الحنه
مارحنا للصالون حتى امنه ماراحت لان بس كرايب جوي مَـاڪـو غرب ومو هواي
بس زلم هواي لان هي بالاصل حنة للزلم
لبست امنه فستان منفوش ذهبي
يشبه البدله
ومكيجتها اني ﭑ ﺣﺣــب سوالف المكياج استاذه بي
واني لبست فستان قصير فوك الركبه
اسود ومنثور علي لمع خفيف ذهبي
ويصير كيمونه اسقيات
بوكتها رزلتني ام وليد وكالت يبرز جسمج وخصوصا اني بيضه
وكعدت اقنعها انو بس نسوان وكذا
عاد سكتت عني
نزلت شعري على طوله
تساوه ويه طول الفستان
مكيياج خفيف بس طوخت حمره ماروني
نزلت اطك بكعبي
والديجي مفتوح وسجى تكمز بالنص
شافتني
وطكيها هلهوله
خلت ڪُــل الكاعدين يلتفتون .. كلها كامت تصلي على النبي
نزلت واني خجلانه ورحت سلمت على نسوان عمامهم وخوالهم ..
يعرفوني همه
رحت على امنه المتوتره والخجلانه
ابتسمتلها ورشيتلها عطر جنت جايبته ويايه
جلنار ..جوعانه اجيبلج شي تاكلي
امنه ..لا مُـــو هسه عيب من الكاعدين
جلنار ..براحتج
عفتها وفتت للمطبخ ادري الولد محد يدخل هسه
شفت ام وليد واكفه على السنك
وجاي تعزل بطاله مي وتحطها بصينيه
عبالي دتوزعها على النسوان
طبيت وعيني عليها
وكلت ..ام وليد جيبي اساعدج
التفت على الواكف بالباب وفاك عيونه ومخنزرر
شهكت ورحت اركض جوه
طبيت للحمام واباوع بالمرايه واهفي على وجهي
عزا العزاني
صخام الصخمني
ولكم شهلفشله
شافني بهذا اللبس المكطم
يول ويلي بعد ما اشوفه وجهي منا لسنه ليكدام
لبسي جان ڪُــلش فاضح
صدري ورجلي
وزنودي
ومن فتت على اساس اتندر واساعد ام وليد
لكيت اسد واكف يم الباب
يمكن المي الهم واجه دياخذه
يبووو على فشلتي يبو
طلعت من الحمام ووودي ﺂبــچيي ..شافتني ام وليد وطكتها ضحكه
واني مبرطمه
ام وليد ..انعل ابليسج على هلدكه ..خليتي اخويه مدوهن يشيل بطل يوكع الثاني ..والعرك ينز من هين وهين
شجاج يخيه ماكلتي عزابي وين تروحين من حوبته
ههههههههههههههههه
جلنار ..ام وليد شبيج ..دتتححسيني متقصده واللّٰــھ راح ﺂبــچيي من الفشله
ام وليد ..تكبرين وتنسين هههههههه
عافتني وراحت
طبيت للصاله جان تجرني سجى
وتكول مُـــو عرس اخوج متهزين
عاد اني ذبيت الفشله وراي
وتفننت بالركص
صفنتهم
الركص اعتبره هوايه هلكد ما اتقنه
افر بخصري منا ومنا
وسجى تصور
رحت على امنه كومتها ويايه
وهي صارت طماطه من الخجل
كللشش خجوله امنه
فرت الديجي سرى على اغنيه العكربه
صح قديمه بس تسوي خُــوش واهس للركص
وصدك
لعبت لعب بيها
وسجى تصيح الله حيووو
والفون بيدها
صار وكت العشه
صعدت دا ابدل واساعدهم
اني وعلى الدرج
دك فوني
سجى
التفت منا ومنا مالكيتها
رديت
جلنار ..ها سجاوي
سجى..خيه انه ملتهيه بالمطبخ ..ركضي على الطابق الثالث بالصاله مال خالي
درزن الببسي جيبي ونزلي
جلنار ..يلا بس ابدل واروح
سجى ..مَـاڪـو احد يولي خالو هيانو كدامي تايصب بالعشى للزلم
جلنار ..ديلا ماشي
سديته ونزعت الكعب وصعدت على الدرج اهرول
وصوت الحجل يطكطك
فتحت شقته
تخبل من البروده
شفت الببسي على الميز
شلته وانداريت جان يطب اسد
الحواجب معكوده
ولازم دشداشته متدمره بتشريب مدري شنو
شفته واتصنمت بمكاني
هو رفع راسه عليهه رأسا وعينه مشت على طولي
واستقرت على الحجل
واني ياكلع انشكي وبلعيني
ياربي ليـشـہ المواقف اللي تفشل ويه اسد
نوب لابيه اتحرك واطلع هو يم الباب وصافن
ولابيه ابقى واكفه دينتضروني جوه
تحمحمت وتقدمت بخطوات ترجف
واني كوه شايله درزن الببسي
جلنار ..بس شويه
هو سوالي مكان فتح الباب
دا اطلع
لزم ايدي من الزند
رجفه رجفه سرت بكل جسمي
انداريت علي
باوع بعيوني وكال
.. توكفينو للعگل ..سبحانو للسواج
جلنار ..لو تدوروني منا لباجر متلكوني من الخجل
دكات كلبي يسمعها سابع جار
تركع ركع بصدري
هديت ايده من ايدي وطلعت اركض
مَـاڪـو بس صوت حجلي ينسمع
سمعته تنهد تنهيده شكت صدره
نزلت شمرت الدرزن على الدرج
وصحت وحده من بنات عمهم تاخذه
طبيت ركض للغرفه نزعت هلفستان الاكشر ..
ولبست كلابيه مخصره
اخذتها من المجمع مالتي
حيل مرتبه
بس بيها گصف بقت اخر قياس وجبتها
نزلت واخزر بسجى
وهي ممفتهمه
عرفتها مالها ايد بسالفه اسد عبالي هي دزته لو شو شنو
وياهم بالمطبخ جاي اشتغل ونزل اسد سابح ومبدل
باوعلي وخزرني
واشر مدري شنو
مهتميتله لان مدا افهم شي
هو عافني وطلع والاعصاب تطافر
صبيته عشه للنسوان واني اخذت ماعون وكعدت يم امنه
اوكلها واكل خاف تدمر فستانها والنسوان عيونهم علينا
حجت وحده من نسوان عمامهم
..ههه اول مره ادحگ الجنه والحمايه متصافيات
جلنار ..ياا خاله على بختج شعندي غير امونه غير مرة الغالي واختي
..عسى ربي يحفضجن يمه ويديمجن خوات طول العمر
جلنار ..اميين من حلكج لباب السمه
خلصنا ﭑڪــل ورتبنا المطبخ ..نسوان نصهم راحو
هم جوي من العصر
بليل تقريبا ب ٨
كالو بدت حنة الزلم
لان احنا عشيناهم من وكت
صعدنا كلنا يم الشبابيك فوك
واباوع فدوه اخوتي
حمودي وابراهيم شلون هيبه وجمال بالدشداشه
هناااك
وتروح عيني على الساحرها
لابس دشداشته الكريمي واليشماغ لافه لفة خليلجه
ولابس حزام السلاح
ولازم راس الجوبي
ذاك اللعب الحلو الاخذ كلبي
بنات عمومته وخواله مبقت وحده متغزلت بي
وكلبي يصيح يول عيونجن هذا مالتي
هيج هيج من الله نزرع حبه بداخلي
ضحكته دوى لجروحي
صافنه بي وهو يحجي ويه صديقه ويضحك
فجأة ضحك ضحكه قويه
سلب روح روحي بيها ..هو وديضحك رفع راسه وايده على بطنه
شافنه تغيرت ملامحه وخزرنا
طفرنا كلنا ختلنا بغرفة الحجيه وكعدنا عقال
اخذت امنه وساعدتها تبدل وتغسل
وبقينا اني وياها نعزل بالملابس اللي حتاخذهن للسياحيه
راحو نسوان عمامهم
وبقو بس خوات اسد وبناتهم
لمينا البنات وسوينه حمله تنضيف من الطابق الثاني ليجوه
هلكنا هلكنا
طب الولد وشافونا مخبوصين
صاح وليد
..الله يساعدهم. ..هايابه محتاجات عامل هيانو ابراهيم تايساعدجن
جلنار ..رفعت راسي شفت ابراهيم واكف ويباوع عليه
متصالحنا لهسه
لان اول ما اجه هو وي الولد ف متواجهنا
واني شايله علي اكثر من محمد
لان هو لا بالسالفه ولا عليها
درت وجهي ودا اطلع وهو صاح
..اكفي جلنار
عفته وسويت نفسي مہ سمعته ومشيت لغرفة الحجيه
لكيت الحبايب كاعدات
كعدت وياهم وسالفه منا سالفه منا
عاد لليل حيل جوي الولد طبو سلم ابراهيم على الحجيه وعينه مني
جيت دا اكوم واعوف المكان
جان يجي يركض ولزم ايدي
ابراهيم ..اكفي يولي جنو
الحجيه ..يمه اسمعيلو لخيج لاتضلون متخاربين انتو اخوه
جلنار ..لا حجيه اني عرفت اوادمي زين .. بشدتي اللي تكولين عنهم اخواني طلبتهم وماوكفولي
ماعتب على محمد ذاك العتب لانو نكول باله مشوش
ومافرزن الصح من الغلط
بس ابراهيم شعنده .. تلفون ماذكرني
رساله مادزلي
ابراهيم ..يولي واللّٰــھ جنت ماخذ على خاطري منج لان عبالي انتي الفتنتي على محمد .. هذا نزار ووليد جدامج يوميه اخابرهم واسألهم عنج
نزار .. ايي واللّٰــھ خيتي ..سمط اب ابويه بالاتصالات
جلنار .. لا هاهيه بعد ..اني اجمع فلوسي السنه واطلع برا العراق .
ماريدلي لا اخ ولا ام ولا اب
بعيده وسعيده
محمد ..ايي مُـــو هي بكيفج
جلنار ..طبعا بكيفي لعد بكيف منو يمه ؟
المهم مُـــو حجينه هذا
اترخص اني ورايه كعده باجر
ابراهيم .. تعاي جاي متطلعين من هين الا نتصالح
جلنار ..ابراهيم عوفني مـٰـاليي خلك هسه
ابراهيم ..هششش تعاي وياي
جرني ويا للحديقه
وراح لسيارته طلع منها علبه صغيره واجا
فتحها وطلع منها كلاده
ذهب ..منقوش بيها اسم الشيخه وحرفي بالانكليزي
صديت وجهي عنه
وكتله متقنعني بهلسوالف
هو ضحك
واندار لبسنياها
وكال
شفتها يم صايغ باربيل بس جان بيها حرف s
وكتله اريد منها على حرف G
وسوالي وجبتها وجيتج نتمنى منج ترضين عاد
جلنار ..كتلك متقنعني بهيج سوالف
ابراهيم ..يابه وداعت هلعيون الحلوه اسف ومتنعاد
شكم جلنار عنديي اني
ونوب تزعل مني
يويل حالي
جلنار ..ضربته على صدره
متعيدوها مُـــو
ابراهيم ..جلنار يمكن هلموقف صار من الله حتى نعرف الويانا والضدنا
ماجذب عليج
واكولها طك بطك
ماشكينا بدانيه ولو قيد الشعره
لان تربينا وياها وجنا نحسبها بتنا
مُـــو اختنا
بس طلعت غداره وام مصلحه
وهسه عرفنا اوادمنا على كولتج
يلا حبيبي عوفي هلسوالف امشي يم العالم
جلنار ..لا اريد ارجع لبيتي دا انام
ابراهيم ..لا يولي شقتج راح نروح نسهر بيها تايودع العزوبيه محمد
جلنار ..لا بلا ومنو نطاكم الاذن تروحون
اسد ..اني
ندارينا ثنينه على اسد اللي اجه مناك
رفعتله حاجبي
..وانت شو تقرر عني ..عم وليد خال بنيه؟
قهقه بصوت عالي وايده على بطنه والجكاره بين اصابعه
اسد ..يولي هذا المثل مالنا مين لاكفتو
جلنار .. هههه سمعت سجى تكوله ولگفته
اسد ..ديلا يابه طبي لا يلگفج البرد ترا الجو تغير
جلنار .. ايي بس اروح اجيب هدومي مل باجر واجي
اسد .. عجل امشي اروح وياج اريد اشتري من المحل
جلنار ..يلا ..ابراهيم فات واحنا رحنا تمشينا
وساكتين بس صوت النفس من يسحبه من الجكاره
كال اني مُـــو أشرتلج اليوم على دشداشتج الكصيفة
ليـشـہ لهسع مامغيرتها
جلنار ..مافهمتك من اشرت ومو كصيفه حيل
اسد ..يابه يا مُـــو كصيفه مُـــو ذاك خصرج يلوف هين وهين و استغفر الله
سكت ماكمل واني هم سكتت مناقشت
طبيت لغرفتي وهو بقى بالصاله
شلت فستاني جنت حاطته بنايلون ومعلكته
وجبت حذائي
جنطه صغيره لميت بيها مكياجي واكسسواراتي
وشلتهن بعلاكه
والفستان بايدي
طلعت وسديت غرفتي
هو كال قفليها
طلعتلهم فراشات ومخاد وبطانيات خاف يحتاجوها
وقفلتها
التفت علييه وضيگ عيونه وهو عينه على الفستان حجه
اسد ..اشو بلا تادحك فستانج شلونو
جلنار .. اني هم ماكلت لا ..فتحته من النايلونه وشوفتهيا
جان فستاني ڪُــلش مرتب
طويل مخصر على الجسم وضيق ولونه ماروني
الصدر على شكل قلب
ودلع
والردن صلوخ بس تنزل عن الجتف يعني تصير على الزند مهدله
وبي دناديش ذهبيه بالردن
والحزام هم ذهبي ورفيع
جلنار بابتسامه ..ها حلو
هو باوعله وايده على لحيته
جان يتنهد ويكول
..ترا ضيك ومشلتح
جلنار ..ايي عادي هو بس نسوان وبالزفه احط شال على جتفي
رفعلي تك حاجب وابتسامه جانبيه على وجه
اسد ..ومنهو الكالج ترحين بالزفه يمه
جلنار ..ماحتاج احد يكولي اني اكول النفسي ..ولو تحجي منا لباجر اروح حتى اذا عفتوني ورحتو الحككم بسيارتي معليه
اسد ..ههههههههههه نعل ابليسج گويه تسويها
يلا يابه لانتأخر امشي
نزلنا هو اخذ جكاير من المحل الجوايه ومشينا للبيت ركضت فوك لغرفة البنات بسرعه سبحت وتلفلفت ونمت
أنت تقرأ
قمر ليالي النقيب ||باللهجة العراقيه||
Fantasyبيـن انتقامـي واهلـي وحُبـكك.. هل هناك أمل لنكمل؟؟.. روايةة بقلم : شـهد الدليمـيي
