قمر ليالي النقيب ||باللهجة العراقيه||

: part 21 :

بارت ٢١
صلو على النبي ❤️
#قمر_ليالي_النقيب
بقلم:شهد الدليميي
__________________
جلنار ..

مرت الاشهر وحالتنا النفسيه صفر
بالنا يم اللي بقو
لان الشبكات كطعوها
وماكو اჂ̤ خبر عنهم
محمد وابراهيم كامو يشتغلون ويه الولد
والحمد لله خُــوش وارد
ورا شهر جانو محمد وامنه طالعين
ورجعو
محمد طاير من الفرح
وامنه خجلانهه

محمد .. البشاره يالربع
جلنار .. ها حبيبي شكو
محمد .. ؏ـندჂ̤ الج خبر حلو
جلنار .. حلو ؟ الله ويدك محتاجين نسمع خبر حلو ونفرح
محمد... هههههههههه حتصيرين عمه يولي
جلنار .. يااااااا اللهم صلي على محمدد ياعمريييي فدوه الف مبروك
..وطگيتها هلهوله
محمد.. هههههه حبيبتي يبارك بيج
امنه..يبارك بعمرج يروحي يوم الالج
ام وليد .. ها حبايب شو هلاهل خير اللهم اجعله خير
جلنار .. ڪُــل الخير ام وليد امونه حامل
ام وليد.. يا ماشاء الله بعد عمري بالمبارك بنيتي الولد الصالح ان شاء الله
امنه .. يبارك بعمرج تسلميلي
جلنار .. بوكتها سوينه كيككه واحتفلنا بحمل امونه
ومن يومها دارينها مثل المي اللي بالصينيه
مخليناها تجوس شي
وطايرين بيها
وخطيه هي تستحي
محمد طاير بيها وشايلها بالصلاوات
الله يحفظهم البعض

مرت ٥ او ٦ اشهر
واجنا ماحاسين بيها
امونه دخلت ب٥
وبطنها ڪُــلش جبيره
راحت دسوي سونار ورحت وياها
جنه ڪُــلش فرحانين
صدمتنا ام السونار وهي تكول
..ماما طفلج مشوهه
امنه .. ش شنو دكتوره
جلنار .. شدتحجين انتي
.. حبيبتي حجيت اللي بين يمي بالسونار
تكدرين تنزلي اذا تريدين
امنه.. لا لا شنزله ابني هذا
.. عيني طفلج مشوهه دتفهمين شنو
امنه.. اჂ̤ افهم بس مادام الله كتبلي هيج ما اذبه
جلنار..
طلعنا من ام السونار وامنه فاحطه بجي
واني صافنه
محمد..ها ها بشرو ليـشـہ تبجين حبيبي شبيج
جلنار.. امشي نحجي بالسياره
صعدنا بالسياره ومحمد صافن والقلق اكله ﭑڪــل
محمد..دحجو مُـــو وكعتو كلبي ليـشـہ تبجييين
امنه بشهگه.. محمد .. محمد.. ابنا مشوهه
محمد.. شنووو
جلنار .. حبيبي حمودي الله يعوضك هذا قدر ربك

محمد بقى صافن ويبلعم
شغل السياره ورجعنا
تلكتنا ام وليد وهي تضحك
من شافت وجهنا شلون مكلوب وامنه تبجي باوعت باستغراب
ام وليد..ها يمه ياستار شفيها وجوهكم مغندبه
جلنار .. ام السونار تكول الطفل مشوهه
ام وليد.. يايمه ياستار خـــماا ذبيتي الجاهل يولي
امنه.. لا لا شذبه .. ابني ابني هذا عسا ما يجي بس راس
ام وليد.. سوده عليهه ييمه الله يجبر بخاطرج ويعوضج

جلنار .. يومين وامنه فد مره حالتها النفسيه زفت
اجتي صَــديقتي ام الصالون يمنا
دائما تجي عصريات تسلم ؏ـليهہۧ
ومرات اني امرلها للصالون

طيبه(ام الصالون).. هاي شبيها مرت اخوج شو فد مره وجهه صاير اصفر
جلنار.. طيوبه شكلج .. سوت سونار وطلع طفلها مشوهه
وهذا حالها هي وحمودي سوده ؏ـليهہۧ
طيبه.. يااا داده سوده بوجي .. يم يا سونار سوت
جلنار .. يمم.......
طيبه.. وماخذتوها ؏ غير سونار تتاكدون
جلنار..لا واللّٰــھ هي جانت تعبانه من الخبر وماكدرنا
طيبه.. داده اخذوها اني هم بنت خالتي سوت يمها وسونارها ترا مُـــو مضبوط جوز مابي شي لحالها تحجي
جلنار.. واللّٰــھ مادري هيج تكولين انتي
طيبه.. ايي عمري اني بنت هلمنطقه واعرف وحده وحده
روحو لدكتوره..... مضبوطه١٠٠٪؜ وبضمانتي
جلنار.. وين صايره ..
طيبه.. بالحارثيه بمجمع....
جلنار .. واللّٰــھ لعد اخذها باجر ونشوف
وصدك
ثاني يوم حاجيت محمد وكال بلكي الله
بدلت ورحت ؏ امنه كعدتها جانت نايمه
جلنار.. امونه ..حبي كومي شو
امنه.. ها وين
جلنار.. كومي كومي بدلي
امنه.. وين جلنار مـٰـاليي كيف
جلنار.. دكومي ياعيني فدوه لتحركين كلبي عليج
..كومتها كوه لبستها عبايه ؏ السريع مارضت تبدل
وشغلنا السياره وطلعنا
وهي بس صافنه حتى مالها واهس تسأل
وصلنا للدكتوره ونداريت انزلها
امنه..جلنار هاي وين جايييني ترا روحي بخشمي
جلنار.. دتعاي ياعمري بلكي الله
نزلتها وهي لعبانه نفسها وضايجه
جانت الدكتوره هوايه عليها
بقينا ننتظر
لي وين يالله اجه دورنا
لزمت ايدها وطببتها للدكتوره بعد السلام والكلام كلتلي شبيها
جلنار... دكتوره  اول حمل الها
وسوينه سونار يم .... وتكول طفلها مشوهه
وهي حالتها فد مره
دزوني عليج جماعه كالو مضبوطه واملنا بيج
الدكتوره.. تعاي ماما اصعدي دا اشوف