قمر ليالي النقيب ||باللهجة العراقيه||

: بارت مفاجئ :

بارت ٣٧
صلو على النبي❤️
#قمر_ليالي_النقيب
بقلم:شهد الدليميي

__________________

جلنار ...صعدت ورا العشه
قبل اسد للغرفه
بدلت سيت نوم اسود فاضح
وحجولي
مكياج هادئ بس طوخت الحمره
حضرت تعلوله كرزات وفواكه وحلويات
وعمرت النركيله
حطيتهم كدام التلفزيون ب صاله
ودرت التلفزيون ؏ فلم عربي قديم
ورمشت الاسد
شويه وصعد
رحتله واني حافيه وحجولي يطركعن
وشايله برموده وفانيله بايدي
نزعته الكلابيه بدون كلام
ولبسته الفانيله ونطيته البرموده هو يلبسها
لان بعدني استحي منه
وديت كلابيتها بالغساله
وكعد وكعدت بحضنه
وجريت النركيله يمي
ادخن وهو بباوعلي بتك عين

اسد..احنا شكلنا
مُـــو مَـاڪـو نركيله

جلنار..بلي اكو يروحي

اسد..لا يكيفي ..مُـــو زين عليج
ذبيها يلا وبعد ماريدها بالسهره

جلنار.. اخر مره

اسد..لا حبيبي شو دجيبيها

جلنار..اخذها مني وكعد هو يدخن
ضربته ؏ صدره
ونزلت من حضنه بزعل
وهو يدخن ممهتم
واني اباوعله بحسره
كمت جبت ماعون الكرزات
وحطيته بحضني واكرز واباوع للتلفزيون
مد ايده دياخذ
ضربته ؏ ايده ووخرت الماعون

اسد..ها
طگن فيوزاتج

جلنار..اჂ̤

اسد..خير ان شاء الله
دجيبي الكرزات بنيتي ورانا تعب

جلنار..ما مانطيك

اسد ..هاي ؏ـليهہۧ الما ؟

حلنار..اييي

اسد..عجل خُــوش شو دتعاي

جلنار .. حصرني بينه وبين اليده مال قنفه
ويدغدغني واني اغار من هل حركه
متت ضحك
اخذ ماعون الكرزات بعد ما انطش نصه بالگع

وكعدني بحضنه وحصرني برجليه
ويشرب نريكله ويباوعلي ويضحك
واني احاول افك نفسي ماكدرً
شبعته بوكسات ؏ صدره
وهو ياجبل ميهزك ريح
يزيد بضحكاته اكثر
اخر شي
صفنت وتقربت ؏ـليهہۧ ؏ كيفي
واتنفس بوجه
وعيني بعينه
هو كام يبلعم
ورخى
بسته بوسه خفيفه بشفايفه
وكعت رجليه واتقدم ديبوسني عفته وكمت واني اضحك
وهو منتهي يفرك بوجهه ويستغفر
كام لحيله واني انهزمت للمطبخ اضحك
طفى الجمرات والنركيله والتلفزيون
ويباوعلي بتك عين
اجه ؏ـليهہۧ للمطبخ سديت الباب
دفعه وفات شالني وعضني من ركبتي حيل
خلاني اعيط
فات للغرفه وشمرني  ؏ الجربايه

اسد ..هسع اعلمج شلون تتوكحين وبعدها تنهزمين

جلنار..تقرب ؏ـليهہۧ واني امرغل روحي بالجربايه منا ومنا
وخربانه ضحك ؏ـليهہۧ
نفسه قوي وكوه لازم نفسه
اخر شي لزمني وعصر رجليه بين رجليه
وباسني
واخذني لعالمنه الخاص
ولمني بحضنه ونمنا

حميد ..
ماعرف شنوه شعوري .
ندم ، قهر ، تملك .
جوري تختلف جذريا عن قبل الزواج .. ابدا ماجانت هيج
هسه متغيره .
كال امك كال اختك
وموتها من سدره
وين ما اكو سالفه طايحه حظها كالت هاي سدره .
وسدره انه اعرفها ..بت خالتي وربينا سوه عشرت عمر ..مايطلع منها العيبه
اجذب اذا اكول ما متندم ؏ زواجي من جوري
لا واللّٰــھ متندم بكد شعر راسي
لو مُـــو الله رزقني بطفل ببطنها والا جان ماكدرت اكمل وياها
تزوج خالي
ونكلبت الايه ؏ جلنار
شلبست جلنار وشأكلت جلنار وشتغزل خالك بجلنار وشكال خالك
صرعتني صرع
غيرتها مُـــو طبيعيه لو تشوف جلنار مصبغه اضفرها تروح تركض هي هم تصبغ
مرات افوت بالصدفه اسمعها تحجيلهن اشياء وكلام بينه ماصاير ابدا
جنت اكول خاف انه مقصر وياها بشي
مامنطيها حقها ما مدلعها
كمت اهتملها اكثر
وما الاكي منها غير الصد وتعبانه ومالي خلك
اهتمامها بنفسها قل عن العاده
جانت قبل من نلتقي ببغداد ذيج الكشخه والعطر يفوح
هسه ابد
تغيرت جذرري
وكلها وكلت يجوز بسبب الحمل تعبانه
وانطيتها عذرها
اكثر من مره اسمعها تتجاوز ؏ خواتي
ماكول خواتي انبياء لا سجى متسكتلها
بس امي وسرى فقيرات
ميردنها
وهي استوحشت عليهم
ضربتها !
ورزلتها
ومافاد ترجع نفس الكره
وصلت الحجي لامها وكلتلها حاجيها لان تعبت
وكالت حاضر وتدلل وشتريد يصير وهي حامل وراعي ضروفها
وهرموناتها تتغير وهلسوالف
لعبت بعقلي وقرتله غزاله
رحت راضيتها وصالحتها ومترضى اله بشي ثكيل
مثلا كلاده ذهب
تلفون جديد
غرض جديد غالي
مع العلم هم من عائله متمكنه مُـــو اكول ماعدهم
بس هم اجاريها واكول اني ؏ـندჂ̤ ومرتي هي تستاهل ما اقصر وياها
الما مره كعدت الصبح راسي يوجعني
وتعبان ومريض لان البارحه سبحت وضربني هوه السبلت
رحت للمحل
ماكدرت شويه وترخصت وطلعت
جانت الساعه ١٠ تقريبا اهلي كلهم بالمطبخ وناس بالهول
جوري مَـاڪـو
سالتهم كالو راحت للدكتوره
استغربت ليـشـہ ماكالتلي
بعدين انطيتها العذر يجوز نست
فتت للحمام بالغرفه واخذت ملابسي كلت ابدل هناك خاف هم استبرد اذا طلعت بالمنشفه
سبحت وكملت
وجاي البس بهدومي
وسمعت الباب نفكت
وصوت حوري شمرت روحها  ؏ جربايه
كملت لبسي بدون ما احجي شي
بعدين سمعتها حجت

جوري ..الو ها يمه
ايي وليت للدكتوره هاي ثالث وحده تكلي ميصير عندج اطفال
حضييي الفكر شسوي كليلي اني كايله لهذوله العله اني حامل
اذا درو اجذب عليهم يتخبلون ونوب يسمعوني ماخلف
الا يزوجون حميد ذوله اهم شي عدهم الخلفه
شسوي
لا لا يمه انتي وخططج التعبانه اذا كلتلهم يطلعوني اكبر جذابه
باعي من تجيني الدوره
اخلي من تجي هاي سدره هنا
تنزل من الدرج واني انزل كدامها واوكع نفسي
واكول هي وكعتي ودا انزف
وعود انطي للدكتوره فلوس اقشمرهم انو سقطت
وسدره السبب واني اطلع منها مثل الشعره من العجين

يتبعع
بارت صغيروني مفاجئ
ماحبيت اخجل البنوته اللي طلبت وكتبته الخاطرها 🌚❤️
صوتو لو اسويها عشاير ؟
في امان الله. ❤️
شهد الدليميي