قمر ليالي النقيب ||باللهجة العراقيه||

: Part 17 :

بارت ١٧
صلو على النبي
#قمر_ليالي_النقيب
بقلم:شهدالدليميي

________________
30 ديسمبر 2013م
، بعد أن قامت قوات الأمن بفض مخيم اعتصام في الرمادي وبعد اعتقال نائب مجلس النواب .. وقتل أخيه  والتمثيل بجثته
هي امتداد للاحتجاجات في وسط وشمال العراق والتي انطلقت منذ شهر ديسمبر 2012.
وبعد انسحاب الجيش من محافظة الأنبار في 31 ديسمبر لتهدئة الأوضاع، قام تنظيم (داعش) باحتلال أجزاء من مدينتي الفلوجة والرمادي الواقعتين في محافظة الأنبار ذات الأغلبية السنية، وأعلن التنظيم المناطق المحتلة دولًا مستقله وهذا الاحتلال دفع معظم الجماعات القبلية المسلحة إلى التحالف مع القوات العراقية لإزاحة قوات تنظيم داعش وعمدت الحكومة إلى تجنيد شباب عاطل عن العمل دون تدريب عسكري للمشاركة في القتال الدائر..
وبعد فض الاعتصام أمر رئيس الوزراء نوري المالكي قوات الجيش بالانسحاب من مدن الأنبار وتسليم إدارتها إلى الشرطة المحلية والاتحادية، وأشار بيان صادر عن مكتبه إلى متابعة عمليات الجيش ضد "أوكار القاعدة" في صحراء الأنبار. وقال إن فض الاعتصام جاء استجابة لما قال أنه "كثرة المناشدات من شيوخ العشائر ورجال الدين والحكومة المحلية والتي وصلت حد الاستغاثة

.......................................
جلنار ..
خوف ورهبه وتوتر
مرينا بايام عصيبه من القلق والتفكير
التفكير باخوتي اللي يعاندون ويداومون ببداية دخول الغرابيب
وكلبي يرگع شوك وخوف يم صاحبه 💔
المدارس نسدت
المحلات نصها عزلت
اني اول ماصار هيج بعت حصتي بالمجمع ولميت فلوسي
ومحمد هنا شلع كلبي
يابن الناس
اكعد واسكت لتطلع لتشلع كلبي فوك ماهو مشلوع
هو ميسكت ويعاند ويطلع يشرب جكاير قصدا بالباب
لان سمع هذا الشي يضوجهم
هم بعيدين عن منطقتنا
جانت شوي اأمن من باقي مناطق الفلوجه
لان كلها ناس كبار
بس هم يبقى الواحد يخاف وممطمئن
بالي يم اسد اليل كله ما انامه
بيت الشيخ صار سلوتي بي بلكي اسمع خبر عنه منا منا
هو يخابر الولد ويطمنهم
بس ميحجون كدامي شي
احس روحي تروح من يجيبولي طاري ويحجون بي
هيج هيج
رجفه تصير بكلبي
عيني ماسيطر عليها رأسا تتعلك بشفاف اللي يحجي
تتخربط اوضاعي
صــࢪت مفضوحه
ببدايه شهر الواحد
مر شهر واسد مہَ نزل بقى بالدوام لان يخافون شو شيصير حتى كبل موجودين
اليوم كاعده يم بيت الشيخ بليل
وديحجون بالاوضاع والاخبار اللي مطمن
حجه الشيخ وكال تاخذون هدومكم وتطلعون لو لشمال لو لبغداد
الحجيه ماقبلت
وراسها والف سيف
الحجيه ..بيتي ماعوفه لو ادحگهم هسعين تايقنصون ويفجرو هم ماعرفه تيد تطلعون انتو روحو
الشيخ ..يامره ذكري الله هي ان شاء الله السالفه متطول روحولكم هم سفره غيرو جو بين متهدأ الاوضاع وحياكم
الحجيه .. ابد واللّٰــھ رجلي على رجلك ورجل وليدي ..
يايمه يبو طول الحلو انه اتونس وانت غاد الميخافون الله حواليكم
يبعد عيوني عيونك يمه يالاسد
الشيخ ..حجيه صلي على النبي وخليها تعدي على خير انه هين زلمه وماطلع واعوف كاعي
كلها شجم يوم وترد ن لاتعرقليها حجيه
الحجيه .. عزا علماتلي .. تيدني اروح واعوفك اهينه وحيدك
لا حجي رجلي على رجلك
نموت سوه نعيش سوه
الشيخ .. لا اله الا الله .. يابه شلون ترضينها اعوف كاعي تاياخدونها هذولي
انتي مره يحتاجلج معيل باقيه يمي عليش
هينه
ينزل ابو دليم باجر وهو يقنعج