بارت ٢٧
صلو على النبي ❤️
#قمر_ليالي_النقيب
بقلم :شهد الدليميي
_______________
جلنار ..
شهر مرت
والشيخ عاند الا نرجع
عاد واللّٰــھ توكلنا ؏ الله ولمينا الغراض والهدوم
وطلعنا للفلوجه
طرق وعره ومتنا موت الما وصلنا
طبينا للفلوجه
خرابب ؏ حاله
نشوف المباني والعماير مهدمه
الشوارع مهجووره
تخوف تخوف
وصلنا للفرع
الشقه اللي جنت كاعده بيها قبل واكعه
بيت الشيخ بس طلقات بالواجهه والباب مزرف
ومبيوك منهم التنور ودبات غاز
احنا بيتنا هم
جانت المنطقه الساكنيها مُـــو ڪُــلش متأثره
بس البيت خرابه من الوصاخه والجام المطشر
نزلنا كلمن ؏ بيته
خلينا الغراض بالسياره
الجو بارد نهايه ال١
جهال محمد لزمهم ابراهيم يمه ب سياره
ونزلنا اني ومحمد وامنه
بدينا بالبيت من فوك ليجوه
حركنا ڪُــل الغراض وغسلنا جواهن
وطلعنا الزوالي وفرشناهن
جابو ابو الجام قاس الجامات وكصلنه عليهن وكعدنه كلمن لزم غرفه يشكل الشببابيك
بالمختصر نهلكنا هلااك
صارت ساعه ب٢بليل
ونزلنا الغراض اللي ب سيارات
وعزلناهن وطلعنه اني وابراهيم ؏ الحديقه
مكينه عدنا زيناها لان الثيل صاير زور كد مُـــو طويل
وطبعا ڪُــل هذا شغلنا ونسمي بالرحمن
شمدرينا شزارعين بهلثيل
يجوز بالغراض
بس شون متكولون هي موته لو موتين
وبفضل الله مالكينا شي
كملنا الثيله ورتبناها
ورجعنا ؏ الطرمه جانتت قطع تراب واوساخ لان من انظف كلها ذبيناها بالطرمه
بس تنضيفها اخذ ساعه كامله
وطلعنا ؏ الشارع جان فجر ومحد اكو بالمنطقه احنا اول ناس رجعنه
ابراهيم يمسح واني ارش
وبيت الشيخ هم المي يطلع من جوه بابهم ديغسلون بالبيت
شوي وانفتح بابهم وطلع حميد ووليد شايلين ماسحات ويغسلون ب الصبه والشارع واسد يرشلهم
انتبهلنه وشافني اني واكفه دا ارش جان يصيح وليد وينطي الصونده واجه علينا
والولد يداهرون بي
اسد .. ها يابه هاي لهسعينه كاعدين
ابراهيم..هھــلا ابو دليم اჂ̤ واللّٰــھ نهلكنا هلاك ضل بس الصبه والشارع
اسد.. جيبي الصونده اني اكمل وفوتي جوه
جلنار..باوعتله بعدم رضى ولويت شفتي وتافافت وفتت
واسمعه يكول بهمس انه اعلمج
اكرهه من يتشرط وماسيطر ؏ روحي الا اعاند
بس هسه مكدرت خاف يفشلني ونتخارب
طبيت البيت بارد وكهرباء ؏ المولد المنزلي لان اهل المولده مال منطقه بعدهم ماراجعين وماكو كاز ديشغلو
شغلت الصوبه النفطيه وسويت عشه ؏ سريع وجاي لان ماشتهينا ناكل واحنا ننظف وهسه كرصنا الجوع
شفتهم بعدهم ديغسلون ب شارع طلعت الاكل ب الطرمه وكراسي والميز
وفتحت الباب
جلنار.. ابراهيم اسد تعالو سويت ﭑڪــل
ابراهيم شمر الماسحه واجه ركض سوده عليهه ميت جوع
واسد هم غسل ايده وكعدنا برا
صحت وليد وحميد هم جوي ؏ الواهس صارت لمه حلوه
رغم الجو بارد بس حلو
وخاصا انت بمحافظتك ومدينتك الواحد يريد يشبع من هواها
ومداهر الولد وشقاهم
محمد نام خطيه هلكوهم الجهال بردو وبس يبجون
خلصو ﭑڪــل وسلمو وراحو
لملمت المواعين وغسلتهن وسفطتهن
اجيت لكيت برهم متلفلف
طلعت الصوبه برا وطفيتها
وجيت بطانيتي ودوشكي ونمت يمه بالهول
لان جانت دافيه من الصوبه
واللّٰــھ لل ١١ يالله كعدت ؏ حس اسد بالطرمه
صوته يلعلع
برهم بعده نايم كمت شلت فراشي ولميت كفشتي
غسلت وجهي وصبحت ؏ امنه لكيتها ايد يم الجهال وايد ؏ الريوك
اخذت الجهال منها ونصبتهم كدامي وهم من شافوني طارو وكيفو
تعلمو يكعدون ويصفكون
بقيت العبهم الما كملت ريوك وصبو
طب اسد ومحمد صبحو علينا وكعدو ؏ الريوك
كلها كاعده متأخرا لان نمنا متأخرين
واني كاعده وياهم ومغمضه بعدني مشبعانا نوم
وهمه مسويني تصنيف
خلصنا ريوك وبدينا بالتعزيل لان مالحكنا كلشي البارحه
سفطت الهدوم والغراض الجبناهن
مسحت الاخشاب وكنست البيت
ونضفت الحمامات
الولد صعدو ؏ السطح ديسوون الصحن
وامنه طبخت الغده
والجهال يحبون بين الرجلين
غرفتي جانت مكسوره الجربايه والكنتور باب واحد منهن مخلوع
من انفجار او شي
سوو باب الكنتور الولد
رالجربايه كالو نجيب غيرها
سحبو خط مولد من واحد بعيد لان خطنا اصلا مكطوع
وخلصنا من دوخه المولد المنزلي شكد اكرهه
اسبوع يالله ستقرينا شويه
مرينا ؏ بيت الشيخ لكيت الحجيه ضايجه
كالو اسد مقدم نقل ؏ الموصل
لو اني تخبلت
الوب الوب بس اريد اشوفه
شنو هذا ذاب روحه بالموت كوه
مدري شون تسحبت وصحت سجى كتلها اني صاعده لاسد دا احجي ويا
هي ضلت تدعي يغير رأيه
جنت لابسه تراك فرو وردي
ولافه شعري ذيل حصان وشبشب
صعدت ركض ودكيت الباب واني عافسه خلقتي
فتحلي الباب وهو بس بالشورت
نكلبت طماطه من الخجل
ادري هذا ميبرد ؟
شو اني هلفرو هذا واحس روحي مثلجه
هو من شافني ابتسم وكال
اسد..ياحي الله من جانه
ها حبيبي شتاكيتيلي مُـــو
فوتي فوتي
جلنار..اسد
جيت احجي وياك بموضوع
جنت اسولف ومطيره عيوني ماباوع عليهه
أنت تقرأ
قمر ليالي النقيب ||باللهجة العراقيه||
Fantasyبيـن انتقامـي واهلـي وحُبـكك.. هل هناك أمل لنكمل؟؟.. روايةة بقلم : شـهد الدليمـيي
