قمر ليالي النقيب ||باللهجة العراقيه||

: Part 8 :

بارت ٨

صلـو على النبي ♥️

#قمر_ليالي_النقيب

شهـد الدليمـيي
.......................................

النقيب اسـد.. اسوق بسيارتي بسرعه جنونيه شلشني التلفون كلساع داگه وحده من بنواتنه الوالده متخربطه.. طبگت يم الباب وفتت اهرول دنگت على امي وشلتها بثنين ادي.. وحدرنا للمستشفي انه وام وليد اخيتي..
وصلنا غاد وعطت على الممرض
.. سديهه يولل هينن.
جابها وجا يركض.. خليت امي عليها وركضو بيها.. وكفنا بباب الغرفة وانداريت على ام وليد الجاي تبجي..

... يول ام وليد امي شجاها ماتتخربط هيجيان اله من القهر تحجي شصاير غاد

.. ول يخيي اكو غير العگربة سندس وطلايبها واكفه جنها صل الحيه طول بطول ويا امي ورافعه اصبعها وترادد.. المسيجينه امي من العياط تكربسي واگعي..

النقيب اسـد.. قبضت ايدي بغضب وتحلفت لسندس الچلبه هين.. شواي وطلع الدكتور من الغرفه ركضت عليه..
بشر دكتور الوالده شخبارها.

الدكتور.. الحمد للـهه شيخ اشوه هسعينه ضغطها مرتفع بداية جلطه وتلاحگناها.. بعدوها عن القهر تراها مرا جبيره ماتتحمل... تضل يمكم العافيه..

النقيب اسـد.. الله يعافيك دكتور... فركت وجهي ودخلت يم امي.. لگيتها هسع جاي تصحصح.. ابتسمت ودنگت بستو ل راسها.. سلامات سلامات حجيه الوگعه مو الج بعد روحي

الحجيه.. الله يسلمك وليدي

أسماء.. خوية اسد بالله عليك لاتتمشكل ويه سندس من نحدر ترا امي گلبها خلصان

النقيب اسـد.. كل عگلج ام وليد... ول يربج اذا ما انومها مثل هلنومه ماتسمى اسد

الحجيه.. يمه برضايه عليك زعطوطة متفهم خلها

النقيب اسـد.. ول يمه اي زعطوطة.. مرا جهالها بطولها هي مالزعطوطة..

خلص المغذي لامي.. ونزلناها بعربانه للسيارة.. وصلنا للبيت وگدتها من ايدها وحطيتها بالغرفة وحطيت علاجها.. عفت ام وليد يمها وطلعت.. وگفت بالصاله وناديت

النقيب اسـد.. سندسسسس وله سندسسس المثبورة حدري ههين

جت تركض.. امر ابو دليم 

النقيب اسـد.. انه شكايل گبل ما أولي للدوام؟

َكامت تمتمت وتدير بعيونها.. صفگتها راشدي طفه عينها.. لزمتها من اذنها واعت بيها.. انه مووو كلتت لسانج تگصرينو لو اگصو.. بت الجلاب مالج رداد والله اشمرج على اهلج واشوف الگوا... اليطلع وراج..
سندس امي وامي وامي.. هلمرا راشدي مره الخ اذبحج هين اذا تمشكلتي.. والخلگج ابجيج دم وانعل جلاب اهلج . نگلعييي منا.. هديتها وولت تبجي.. هاي سندس مرت اخوي الجبير ماعندي اخ غيرو.. تزوجها وهي من يومها راعيه مشاكل.. بس جان يضبها وتخاف منو.. مرا جان طالع لبغداد بالشغل ونگلبت السياره بي وتوفى.. اهلها ناس زايعتهم الكاع.. گبل مانخطبها الو ماجن عدنا علم باهلها ..امها تشتغل بالشعوذة وابوها همين.. مارضينا اولاد اخوي يرحون غاد يمهم.. هي صارت الحنينه لو جهالي لو ما اطلع.. ضلت هين.. رادو مني اعقد عليها حتى تضل جوا جنحي.. بوكتها گلبت البيت گلاب عليهم.. وما عقدت عليها وحلفت على القران ما يوم تصير باسمي لو اعرف موتي على عقدها.. هي ستجلبت حتى على امي من يوم وفاة المرحوم.. ومن ارزلها واعيط بيها تكلي مالك حكم عليه.. ادري تيدني اخذها بس لو تفحط ما انولها لبالها.. اهلها حرمتها طبتهم.. وهي هم ماتطلع..