بارت ٩
صلـو على النبي ♥️
#قمر_ليالي_النقيب
بقلم:شهـد الدليمـيي
...........................................................
جلنار..
كعدت الصبح وطلعنا اني وام وليد للسوك اشتريت طباخ وكاونتر صغار.. السنك موجود بالشقه اخذت جربايه وكنتور بابين وميز ابو المرايه جيت اخذ فراش ماقبلت ام وليد كالت امشي ومعليج.. ودينا الغراض للشقه واني من البارحة غسلتها ومسحتها ورتبتها.. صفطت الغراض وشوي وطبت الحجيه وبناتها ناس جايبه دواشك ناس جايبه بردات وثلاجة صغيره وسبلت صدگ دمعت عيني يعني مصار يومين اكثر من عرفوني وحسبوني منهم وبيهم.. رتبنا الشقه اني والبنات صارت تخبل.. شوي وطب اسد شايل بلازما..
اسد.. يالله.. احم سلام عليكم
.. وعليكم السلام.. شنو هاي عيني اسد والله خجلتوني
اسد.. عليش الخجل ول يابه حدري حدري اختاري مكان تانعلگها..
جلنار.. حطيتها بنص الصاله وعلگوها هو والولد وربطوها بالصحن فوك..
الحجيه.. ها يمه يالله تانروح مضل وكت دتهيرن العشه
جلنار.. والله متطلعون الا تتعشون يمي
ام حازم.. هههه اركدي ييمه هسع تعيبانه انتي عود عزمينه
جلنار.. لا والله قابل شراح اسوي هوا كله من برا.. رحت جبت فلوس وانطيته لنزار ودزيت ع مشاوي.. تعشينا وخلصنا وترخصو وراحو بقت يمي سجاوي كالت اساعدج.. لليل احنا نرتب بالغراض ونسفط ونمسح تعبنا ونمنا جفي.. كعدت الصبح قبلها لبست شي طويل ع التراك ونزلت ع الماركت الجوا الشقه.. اخذت بيض ونساتل وبسكت وجاي وعصاير وصعدت لكيت سجى هستوها تصحصح
جلنار.. صح النوم
سجى.. صح بدنج خيه.. وين جنتي محدره
جلنار.. نزلت ع الماركت جبت نمنيمات.. ترا ريوكنا نساتل ماعندي لا غاز ولادهن عذريني
سجى.. يا يولي عليش جبتي جان رحنا غادي يم اهلنه تريكنا وردينا
جلنار.. توني دا ارد عليها وندك باب الشقة رحت فتحتها جان حازم ابن فاطمة.. جايب صينية ريوك..
حازم.. اصباح النور خيتي.. هاج الف عافية
جلنار.. ياااا شنو هل زحمة تسلم مو جبت من الماركت
طلعت سجى وهي تلف بشالها.. حيووو ابن خالتي كتلنا الجوع وههلمصگوعة تيد توكلنا نساتل ميرمن العضم
حازم.. هههههههه عليش يابة ترا بيوتنا مفتحه دفعي الباب وفوتي ستنگي الاكل ومحد يگلج وين تيدين
سجى.. والله كلتلها.. بس راسها يابس
جلنار.. يبوو عليكم اكلتوني بكشوري.. فوت حازم تريك ويانه
أنت تقرأ
قمر ليالي النقيب ||باللهجة العراقيه||
Fantasyبيـن انتقامـي واهلـي وحُبـكك.. هل هناك أمل لنكمل؟؟.. روايةة بقلم : شـهد الدليمـيي
