بارت ٢٨
صلو على النبي
#قمر_ليالي_النقيب
بقلم :شهد الدليميي
______________
جلنار ..
لساني ميبطل دعاء انو اسد ميروح
والحمد لله ربي استجاب دعائي
من خابرتني سروو وهي تبشرني رفضو نقله
طرت من الفرح
بنفس اليوم هو اجه لبيتنا
ويحجي ويه الولد بصوت عالي قصدا ديسمعني
؏ انو رفضو
واني كاعده بالمطبخ ولاطلعتله
الاسبوع كله يوميه هو يمنا
واني مشوفته وجهي
لان ردت مصلحته وهو كاعد يرزلني
خلي هسه
خابرتني سجاوي وكلتلي ع عقدها ورادت مني اروح وياها للصالون ماكلت لا
فساتين ؏ـندჂ̤ مشتريتهن من جنا ببغداد واربيل ملابستهن
والمحلات هنا مُـــو كلها مفتحه ف ماطلعت
اجه يوم العقد رحت وياها ؏ نفس الصالون اللي اخذنا امنه عليهه بعرسهم
جانو هستوهم راجعين
وشغلهم مرتب ومجربيهم
وصدك واللّٰــھ طلعتنا مُـــو احنا
حطيت شال طويل ؏ جتفي وراسي لان استحيت اروح مفرعه عليهم ومكياجي
رجعت ويه سجى لبيت عمها
وشوي وجوي بيت الشيخ
سلمت عليهم لان صارلي سبوع مرايحتلهم
واخذت عموري جانت ملبستهم امنه قوط طالعين ينكرطون
طلعت حركتي وضوجتي بالركص اني وسدره ابدعنا
عقدو بعد روحي وجانت فرحتهم متنوصف
شوي وكالو يلا دنرجع
ام وليد بقت يم سجى للعرس
كلها تحضرت وطلعت
واني بقيت للاخير الشال مالتي ضاع
لي وين يالله لكيته
باوعت ؏ سيارات كلها مقبطه
ضليت افر براسي ادور سياره مالكيت
محمد مدري وين مولي ولا يكول ﭑخــتيي اني اعلمه
شفت سياره ستاركس جانو جايين بيها من بيت عم اسد
ف توجهت دا اصعد بيها
وكفني صوت سدره وهي تصيح
..وله جلنار هين هاي سياره فارغه حدري بيها
جلنار.. صديت شفت سياره من سيارات بيت الشيخ ماعرفتها مال منو لان كلهن يتشابهن فارغه مابيها احد
واللّٰــھ ماصدكت كبل فتحت باب الصدر وكعدت
احسن من ما انحشك بالستاركس
صاده وجهي ؏ جامه واباوع عليهم يصفكون ويهلهلون وحازم فرحته مينيطها لاحد
درت ؏ فتحت الباب مال سايق واسد صعد وابتسامته شاكه حلكه
اسد .. يا حي الله من محدر بسيارتي
اسفرت وانوررت ست جلنار
جلنار..فكيت عيني وانداريت ؏ سيارة اللي كاعده بيها سدره
تضحك وتباوع علينه وتنزل براسها
عرفتها الكلبه هي دزتني
مارديت ؏ـليهہۧ بس تافافت
حركو السيارات وهو وياهم
جر ايدي وخلاها بايده وحطها ؏ الگير مال سياره
حاولت اوخرها بس هو ضاغط عليها حيل
ومعلي الاغاني ومنطلق ويغني وياها
ويجعص بايدي ويباوعلي
جان مشغل حسام الرسام
جتني الصبح
"خيو بنت الديره
خيو حلوه صغيره
خيو ياضحكتها
خيو يامشيتها
خيو جنها طويره
لك خيو جفوف العدها
خيو ورگاة الخس
خيووو دورة محبس
دورة محبس
خيو الشفة العدها
خيوو بنت الديره
أنت تقرأ
قمر ليالي النقيب ||باللهجة العراقيه||
Fantasyبيـن انتقامـي واهلـي وحُبـكك.. هل هناك أمل لنكمل؟؟.. روايةة بقلم : شـهد الدليمـيي
