بارت ١٨
صلو على النبي ❤️
#قمر_ليالي_النقيب
بقلم:شهد الدليميي
____________________________
فتت للبيت واني ما اسيطر على حلگي
مشرع من الضحك والفرحه
ياربي لعد هلشهر هذا اللي تعذبت بي كله
طلعت اني معشوكتهه !
ويهنيالي واللّٰــھ
طبيت من المطبخ دا ادخل للصاله
وجان الكي سندس بباب المطبخ
تباوعلي والحقد ذاكك مبين على عيونها
احس ودها تاكلني ﭑڪــل
تعديتها وفتت بدون ماحجي شي ماريد اغث نفسي
طبيت وام وليد والحجيه يباوعولي ومبتسمات
عرفتهن يدرن والخجل استحلني
ترخصت منهم بحجه الم هدومي
اخذت امنه وطلعت والفرحه مُـــو سايعتني
رجعت لملمت هدومي وغراضي
وشايله هم هلكبره بكلبي
شلون اعوف اخويه وحده هنا
ياربي احفظهم بعينك اللي متنام بجاه كلمن اله جاه جواك
كملت هدومي وكمت على غراض ابراهيم
لملمتهن حتى خاف يفكر يبقى
اننطي منوم واسحله
هيج جان تفكيري بوقتها
ابراهيم اكدرله
بس محمد عنادي بشكل
ومتهور وميفكر مرتين وعصبي نار فلهذا ماريد اخلي
بس مابليد حيله
اجوي بليل واني اتوسل بمحمد وابجي
وهو راسه والف سيف
لو حجاره هم جان تزحزحت من كد مبجيت وتوسلت
بس هذا محمد مُـــو جديده عليه شلع كلبي
اليل كله مانمت ولاغمضتلي عين
اذن الفجر كمت صليت وتحضرت
لان كالو ورا الصلاه نطلع
جبروني البس شال لان لاسامح الله خاف نصادف الغرابيب بطريقنا
حتى ميحاسبون
لان فرضو الخمار هم ببعض المناطق اللي استحلوها
لبست كله اسود عبالك ميتلي واحد
كمت كعدت ابراهيم ديبدل
كعد ضايجج حيل هم على محمد وهم على انو راد يبقى بس محد خلى
بدلنا وطلعت امنه تجرجر بجنطها وتبجي
وتتوسل بمحمد
شگت كلبي
بعدها عروس مامرت بس شهرين او اقل ؏ زواجهم
وعافت رجلها بنص الموت
اجه ويانا لبيت الشيخ وهو جكاره ورا جكاره
ادري بي مقهور ويحمس بروحه
بس ميكدر يعوف المكان
وصلنا ولكيناهم متجهزين وديصعدون الجنط
طلعنا ٣سيارات يادوب كفتنا
من دنصعد
حضنت محمد وانهاريت بالبجي
واتوسل بي لاخر لحضات بلكي يجي ويانه
بعدني ويطمني وابتسامته بوجه
بس عيونه مليانه دموع
وهناك
وطلع الماخذ كلبي
يباوعلنا وهمه هلكبره
وكعت عيونه القلقه
على عيوني المتروسه دموع
ابتسملي وودعني بعيونه
واني بعد ماسيطر على دموعي
شلال
منا اخويه
ومنا حبيبي
ومنا محافظتي
ايي محافظتي اللي عشت بيها اكثر من ٥ اشهر
احلا اشهر بحياتي
صعد صارت كعدتي يم الشباك
وعيني على محمد واسد اللي واكف بصفه
اباوع عليهم ثنينهم الجكاره بحلكم ومقهورين
تحركت السياره ومشت
لو داست على كلبي من مشت
محمد ماكدر فات جوه رأسا
بقت عيني على اسد وابجي
ويمي امنه نايمه على جتفي وتبجي
اباوع الحجيه كتلت روحها بالبجي
على ابنها ورجلها وحفيدها
وبيتها اللي عاشت بي سنين ومنين
ومحافظتها اللي اني سكنت ٥ اشهر وابجي عليها
شحال هي ساكنه بيها دهر
من ولادتها وزواجها وزواج ولدها واحفادها
اباوع على الشوارع
تصفر
مابيها بشر هاي الفلوجه الحلوه اللي من يكول الله واكبر
الدنيا كلها تطلع
من اللي عدهم مدارس
وع اشغالهم
هسه مَـاڪـو كلشي
بعض البنايات المتهدمه
لان جانت الحرب بعدها خفيفه وطلعنا مجرد اطلاقات ناريه
وانفجارات بسيطه
وطلعتنا ؏ انو شهر ونرجع
هم ونسه
وهم الما تخلص هلبلبه
ماتصورنا راح يصير هيج بهاي المحافظه الحلوه
رجيت راسي على الجامه
ردت انام مثل امنه اللي غفت ؏ جتفي
ماكدرت
قلق وتفكير
نحر راسي نحر
صادفتنا كم سيطره بس ماجانو متشددين ڪُــلش لان بعدها بالبدايه
طلعنا لبغداد اسد عنده شقه هناك
لان هم بيت الشيخ هم عدهم شغل ببغداد ودائما الولد يرحون هناك
بعد مده من الطريق وصلنا المحافظتي الثانيه
اللي عشت بيها سنين بالميتم
منها الحلوه ومنها المره
وصلنا للشقه جانت بالمنصور
منطقه مرتبه وحلوه
والشقه بعد احلا
بس صغيرونه
غرفتين وصاله ومطبخ
واحنا ماشاء الله
فيلق كامل .. احس روحي بنص هدومي
هم الناس منيلهم مكان حتى اجينه احنا عاله عليهم
بس الشهاده لله
ماواحد حسسني بشي خطيه ويحسبون حسابنه قبل حسابهم
بس ببقى عضم البني ادم ثگيل
ضلو ؏ ﭑتـــصال ويه اسد
من تلفون الثريا
لان الشبكات شبه نقطعت بالانبار
يومين مرت
واحنا وهم متضايقين جدا
الحمام سرا يلزمون عليه
لان عوائل هوايه
بيت ام وليد
وام نزار
وام حازم
وسندس وجهالها
والحجيه
واحنا
وكلهم عائلتهم جبيره وازواجهم
وازواج اخوات اسد مُـــو من النوع اللي طلعو ويدورون
لاكعدو وسكتو
كلمن خاف ؏ فلوسه ونام عليهم
لزمت ابراهيم وطلعت فلوس حصتي مال مجمع
جانت خير من الله
وعنديي فلوس شغلي مال ٤ اشهر تقريبا
هم زينه تعينا وشغل ابراهيم بالمطعم فلس على فلس لمت مبلغ صغير ومبلغ ثاني ضميته
كتله دورلي على شقه لو غرفه وحده وبيها حمام
هم اخذها لان ياستار ياربي البشر استغلالين
ماصدكو سمعو هيج اللي عنده بيت لو شقه
كبل صعد ايجاره وصارت عزيزه
طلع خطيه وحده
وماكال لاحد لان اذا نكوللهم ميخلونا واذا حيل حيل
هم ينطونا الفلوس
شالو مسؤليتنا حيل واني لو اموت من الجوع ما اخذ فلس من بشر
اجه العصر وكال لكيت شقه
بس تعبانه شويه هول صغير وممر بي المطبخ ؏ جه والحمام
وغرفه صغيره جوه
المطبخ ميكفي بس شخص واحد يطب بي كد مُـــو صغير والغراض هم حتاخذ مكان
جانت بالاعضمييه وطابق ثالث
من كايله مهجرين كوه كوه مسوي ايجاره ٤٠٠
هم نعمه
وكال لكيت شغل ويه حلاق هم مفتح جديد ورايد عامل
وابراهيم خُــوش يعرف بسوالف الحلاقه
حتى قبل منتهجر بييت الشبخ هناك هو يحلق للولد
حجيت ويه وليد باعتبار هو ابو الانه
ماقبل ومنو يكول واللّٰــھ يكول
احنا نطلع وانتو تبقون
سوده عليهه واللّٰــھ افضالهم مانساها لاخر يوم بعمري
كوه كوه قنعته
كتله اذا احد يريد يجي ويانه هھــلا بي
لان كلنا دنشوف المكان شكد ضيق
محد قبل توسلت بيهم توسل
كوه كوه خلو سجى وسرى واخوهم حميد يجون ويانه
ردت عالجت من ام وليد تجي مارضت وكالت ماعوف امي
حميد هم خطيه مُـــو ذيج الفلوس عنده لان مجمعهن ديزوج وصارت هيج الاوضاع
هم عدهم شغل بالفلوجه
محلات غذائيه كبار وخوش يجيهم منه وارد
وهسه ؏ اساس ديحولوها هنا بس بعدهم
نطونا فراشات
عدهم جانت زايده لان ڪُــل عائله جابت فراشها وموجود بالشقه هم فراش
اخذتهن واللّٰــھ ورحنا ثاني يوم احنا والبنات
نضفنا الشقه ورتبناها
وابو الايجار راد مال ٣ اشهر ليكدام
تخبلت منين اجيب الفلوس
احسها دتنسد بوجهي من كل الجهات
توسل بي ابراهيم ماقبل
عاد لبست عباتي ونزلت علي
جلنار .. سلام عليكم حجي
هو باوعلي ودنك راسه جان رجال كبير
وعنده هاي العماره بيها ٣ شقق
رد السلام
جلنار .. حجي ڪـــول يالله شنو ايجار ٣ اشهر دتشوفنا مهجرين وكوه دنلم الفلس
وعائلتنا جبيره والشقه ڪُــلش صغيره اصلا مُـــو. مال ٤٠٠ بس من الوزه اخذناها
خافو ربكم احنا هم اخوانكم وبعازة الفلس
الله عليك لو صاير بيكم الصار بينا
اهل الانبار هم هيج يسوون بيكم
الحجي .. لا واللّٰــھ بنتي معروفين بكرمكم بس شون متعرفين اني هم صاحب عائله واريد اصرف عليهم
جلنار .. رحم الله والديك .. حجي اخذها مني كلمه راس بالايجار منتأخر عنكم يوم واحد ڪُــل راس شهر بايدي اجيب الفلوس
بس ڪـــول يالله ومشينا وخلي شهر بشهره ترا هم الله ميرضاها
أنت تقرأ
قمر ليالي النقيب ||باللهجة العراقيه||
Fantasyبيـن انتقامـي واهلـي وحُبـكك.. هل هناك أمل لنكمل؟؟.. روايةة بقلم : شـهد الدليمـيي
