بارت ٧
صلو على النبي 💜
#قمر_ليالي_النقيب
شهـد الدليميي
مر شهـر والبيت هدوء بهالشهر تعلمت سياقة من محمد وصرت اطلع بس اله وياي واحد من الحمايه "يخافون اشرد" امي جانت منبها عليه من يجون صديقاتها لو احترگ ما اطلع يمهم.. ودانية تكشخ وتلبس وتنزل يمهم .. اني سويتها عناد احب استفزهم.. لبسـت فستان عدل اسود للرگبه وردان طويله وبي فتحة صغيره من جهـة الصدر.. وويا اكسسوارات وترانشوز ابيض رفعت شعري كعكه ونزلت خصل من گداام مكياج بسيط وعطري والجنطـةة وطلعت للصالة الگاعدين بيها.. سويت نفسي ما ادري اكو احد طبيت واني مستعجلة
جلنار.. ماما اريد سويج السيارة معز... اعتذر ما ادري اكو ضيوف.. مرحبا
النسوان.. مراحب
حجت وحده اعرفها مرت نائب كلش اسمه مرموق ومعروف اسمها نهاد
نهـاد.. اللهم صلي على النبي.. هذي بنتج نور؟
نور.. ههه اي جلنار جبيرتي
نهـاد.. ماشاء الله على هلجمال الله يحرسج
جلنار بابتسامة.. شكرا
ميسم (صديقة امي).. هي هاي بنتج اللي ل گلتي مرا تدرس خارج العراق ومتتواجد بالبيت هل منشوفها؟
نور. هه ايي ايي هي تحب الدراسة وتحب تطور روحها برا
نهـاد.. حبيبتي الموفقية يارب اي صف؟
جلنار.. انـي بس ابتسم وارفع بحاجبي ع الجذب واو طلعت اني طالعة الخارج العراق ومدري.. وهو اني عيشتي بوابة بغداد مشفتها اله من اجوي ياخذوني.. حدي الزوراء والكورنيش وبالسنه حسنة للمول
من سألت المريه جاوبت.. خلصت سادس علمي.. وصارتلي ضروف وأجلت السنه
نهـاد.. سادس؟؟ شكد معدلج؟
جلنـار.. 99
نهـاد.. يا ما شاء الله.. تقريبا مثل معدل انوسي ( ابنها) جاب 98.9
نور.. ايي حبي بس شيفيد شو احنا لاشايفيها مثل البشر هاي دندونتي حبيبتي شكد خدومة لو عدها امتحانات الدنيا تعوفها وتكوم وياي اذا ردتها بشغله
نهـاد.. اي صح الخدومة مرغوبه.. بس والله اني افضل تنتبه لدراستها احسن مثل اختها..
نور.. ههه يمعوده هي تاليتها تتزوج قابل راح تنطي للرجال شهادة على الغده
نهـاد.. لا لا بالعكس مو كل رجال هيج فكره.. اني عندي انوسي يكولي ماما اني ماريد تختاريلي زوجة بالمستقبل للطبخ والكنس.. اريدها قريبة من افكاري من محيطي ومن نفس عقلي وتفكيري..... نهت كلامها وتباع لجلنار بابتسامة حست بيها دانية ونار الغريه شبت بيها
جلنار بكلبي.. والله حجيه مبين انوسي هذا دلوعج من الماما مالته هنيالي محيطة شون محيط هو عابت وخفت
أنت تقرأ
قمر ليالي النقيب ||باللهجة العراقيه||
Fantasyبيـن انتقامـي واهلـي وحُبـكك.. هل هناك أمل لنكمل؟؟.. روايةة بقلم : شـهد الدليمـيي
