الانتقام الاسود بقلم نوني الهواري كاملة

🔥الفصل التاني🔥

الفصل الثاني

جاء عامل التنظيف ونظف الفوضى التي حدثت و نظرة عماد مازالت عالقة في عقل يحيى لكنه حاول ان ينساها ويتجاهل ذلك الشعور الذي شعر به من نظرته التي يملأها التحذير من الذهاب للعمل في الشركة
بعد انتهاء يوم العمل رجع يحيى وزين وهم في طريقهم حكى يحيى على مها ل زين وانها تكفلت بتمن كل شئ تكسر وانها اعطته كارت كي يأتي لشركة والدها

زين بفرح من اجل صديقه ..ايوة ياعم والله لعبت معاك
يحيى نظر له وتنهد براحة وابتسم..ياريت يازين الواحد نفسه في شغلانه زي دي ويرتاح بقى والبت ترتاح هي كمان من شغل العيادة والتعب

زين بادله الابتسامة فهو فعلا سعيد من اجله..ربنا يوفقك بس امانة عليك لما ربنا يديك اوعى تنسى اخوك قالها بصوت صلاح عبد الله في فيلم الشبح
يحيى بضحك على طريقته..وانا اقدر انساك دا انت الخبرة
زين ضحك وربط على كتف صديقه وتكلم بجدية..عارف والله ياصاحبي انك مش هتنساني بس ثبت انت اقدامك الاول وبعدين كلمهم عني
يحيى هز رأسه بهدوء واشار على عينه اليمنى ثم اليسرى..من عنيا
زين نظر له بتسأل..انت هتروح امتى
يحيى اتسعت عيناه بحماس..بفكر اروح بكرة قبل ما نتساني اضرب على الحديد وهو سخن
زين..ربنا يقدملك الخير ياصاحبي
يحيى..يارب
اكملوا طريقهم حتى وصلوا
فتح يحيى الباب ودخل في هدوء وجد امه في غرفتها تكمل عملها وسمع صوت من المطبخ فدخل وجد إلين تحضر الاكل فهي بعد عودتها من العيادة تبدأ في تجهيز الاكل لانه نفس ميعاد عودة يحيى اقترب منها في هدوء واحتضنها من الخلف قال بنبرة عاشقة ..وحشتيني اوي
فزعت إلين عندما لامست يداه خصرها وضمها اليه فصرخت بصوت عالي..عاااا تنفست بهدوء عندما وجدته.. حرام عليك يايحيى كل مرة تخضني كدا
كاد ان يرد عليها لكن قاطعه صوت عفاف اتي من غرفتها..هو انت مش هتبطل حركاتك دي
يحيى وهو يضرب إلين بخفة على رأسها ..عاجبك كدا فضحتينا
إلين..ماهو انت اللي بتخضني وانت عارف انا بخاف
يحيى..ياهبلة ومين يجرأ يدخل شقتنا وكمان يدخل المطبخ
إلين..طب روح عند ماما عفاف وسلم عليها عشان متزعلش منك
لم يرد يحيى
قاطعتهم صوت عفاف الواقفة على باب المطبخ..انتي فاكرة اني ازعل منه عشان بيحبك ياعبيطة دا انتم ولادي وسعادتكم هي سعادتي
تحرك يحيى والين واحتضنوا عفاف
إلين..وانتي عارفة احنا ملناش غيرك
عفاف وعيونها مليئة بالدموع ..وانا مليش غيركم
يحيى وزع نظره بينهم فهو يعرفهم وسوف تبدأ فقرة النكد والبكاء فقال بمرح..لأ والنبي النهاردة مش طلبة غم انا عندي خير حلو اوي يالا يا إلين حضري الاكل وتعالوا عشان احكيلكم اللي حصل انهاردة
حضرت إلين الاكل ووضعته على طاولة وجلسوا يأكلوا ويحيى يحكى لهم كل ما حدث معه بداية من ان احد الشباب اوقعه وتكسرت كل ما كان يحمله ونهاية بأعطاء مها الكارت له
إلين اتسعت عيناها بسعادة وقالت بفرح..ياااه اخيرا شغلانة على مكتب احسن من التعب في المطعم
اما عفاف لم ترتاح للموضوع من الاول لكنها ظلت ساكتة ولم تتكلم لاحظ يحيى ذلك وان وجه امه تغير عندما سمعت الحكاية