#الانتقام_ الاسود
الفصل العاشر
رجع يحيى الفيلا وجد صادق ومها في المكتب يتحدثوا خاف ان تكون مها قالت لابيها على الأوراق التي مضت عليها تراجع ليخرج ولكنه اراد معرفة ماذا يقولون فأقترب من مكان لا يراه احد ولكن يستطيع ان يسمع كل شئ
مها وافقة امام والدها يبدو عليها الصدمة وكأن وقعت مصيبة..الحقني يا بابي الحقني
صادق فزع من شكلها ..في ايه ياحبيبتي ايه اللي حصل مالك
مها ظهر عليها الحزن و تغير صوتها..انا كنت انهاردة عند الدكتور(خاف يحيى ان تكون اكتشفت الحبوب التي يعطيها لها فبلع لعابه بصعوبة وكاد ان يخرج مسرعا لكن اوقفه باقي جملتها)وقالي ان انسى حكاية الحمل نهائي واني لايمكن اكون ام
صادق نظر لها ببرود..وايه الجديد ما انتي عارفة الحكاية دي من فترة طويلة هو الدكتور مش قالك الكلام دا لما كنتي حامل من عماد(شعر يحيى بالاشمئزاز من كلام صادق كيف يكون بهذه الاخلاق ويعرف هذا كله عن ابنته ويساعدها ألهذا الحد فقد رجولته ونخوته وغيرته على اهل بيته ياله من مجتمع راقي مزين ملون من الخارج ومنحط وقذر من الداخل)وقالك ان دي اخر فرصة ليكي عشان تكوني ام وانتي اصرتي تنزليه وقالك كمان انك اجهضتي كم مرة وللاسف الحالة دي ملهاش علاج
مها وضعت يدها على اذنها لاتريد سماع المزيد..اسكوت يابابي ارجوك اسكوت
ربط صادق على كتفها..طب مينفعش اطفال الانابيب والحقن المجهري
مها هزت رأسها بالنفي..لأ لان الرحم ضعيف من كتر الاجهاض ومش هيستحمل يشيل بيبي
صادق بتفكير..خلاص ايه رأيك نأجر واحدة تخلف البيبي اللي نفسك فيه (كاد يحيى ان يغمى عليه من هول ما يسمع أوصل بهم الانحطاط والقذارة لهذه الدرجة )
ها قولتي ايه
مها احمرت عيناها بغيرة..انا لايمكن اسمح ان يحيى يلمس واحدة غيري
صادق بنبرة هادئة. .طب بلاش نخليها بالحقن المجهري ايه رأيك
مها هزت رأسها بالنفي وقالت بحدة..لأ انا مش هسمح ان واحدة تعيش معانا ويهتم بها حتى لو فترة قصيرة مش يمكن يحبها ويخليها عشان خاطر ابنه
صادق تنهد بقلة حيلة ..طب والعمل ايه
مها هزت رأسها بهدوء ..مش عارفة
صادق..هو يحيى عايز عيال سألك عن الحمل
مها..لأ هو متكلمش في الموضوع دا خالص
صادق..خلاص انتي تعابة نفسك ليه
مها..انا اللي عايزة يكون عندي ابن من يحيى انا بحبه اوي يابابي
صادق..بس اللي انتي عايزاه دا ملوش حل
مها..خلاص يابابي اوعى تقول حاجة ل يحيى مش لازم يعرف اني مش بخلف ليسبني وانا مقدرش اعيش من غيره
صادق..حاضر مش هيعرف حاجة بس انتي اهدي
تراجع يحيى خطوتين ثم دخل عليهم عادي كأنه جاء حالا
يحيى بأبتسامة زائفة..مساء الخير
مها/صادق..مساء الخير
مها نظرت له بتساؤل..اتأخرت ليه
يحيى بكذب..ابدا كنت بزور امي وعلى مالقيت مواصلات جيت على طول
مها اتسعت عيناها ..مواصلات ايه انت بتعرف تسوق
يحيى هز رأسه بهدوء ..ايوة بعرف كنا بنأخد عربية أبو واحد صاحبنا وبنتعلم عليها ليه بتسألي
مها نظرت لوالدها..انا جوزي لازم يركب عربية شيك مش يركب مواصلات
صادق بنبرة هادئة ..الجراج برا عنده يختار العربية اللي تعجبه وتبقى تحت امره
مها اتسعت عيناها بغضب..لأ يشتري واحدة جديدة واللي هو يختارها
يحيى اسبل عيناه ببراءة وصوت هادي..لأ عادي مش مهم
مها نظرت لوالدها وقالت بحدة..لأ مهم
صادق يريد ان ينهي الكلام..خلاص يايحيى بكرة روح مع مها واختار عربية وريحها
يحيى بأبتسامة..انا اهم حاجة عندي راحتها
أمسكت مها يد يحيى وسحبته خلفها وقالت..تصبح على خير يابابي
صادق..وانتو بخير دخل صادق المكتب كي يشرب كأس ثم ينام
.................
**في غرفة مها
اخذ يحيى علبة عصير وفتحها ووضع بها الحبوب واعطاها ل مها
يحيى بود زائف..اتفضلي يا قلبي مالك شكلك متوترة في حاجة
اخذت منه العصير ونظرت له..لأ بس هو انت ممكن تسبني
يحيى مط جانب شفتيها بأبتسامة صفراء..انا لايمكن اسيبك ياقلبي اشربي واهدي شوية
شربت مها العصير ونامت وهو ايضا اخذ حباية المنوم وفتح هاتفه ونظر لصور إلين يتفحصها فقد اشتاق اليها ملأت عيونه بدموع على فراقها وتنهد بحزن وقال.. هانت ياحبيبتي حقك هيرجع قريب اوي واغلق هاتفه ونام
................
**في الصباح في تركيا
الين لاتستطيع الذهاب الى الجامعة فهي تشعر بالتعب نزلت بملابس عادية وجدت كرستين واكمل على طاولة الاكل
الين..صباح الخير
كرستين/أكمل..صباح الخير
كرستين بأستغراب ..مش لبسة ليه يا روحي انتي مش رايحة الجامعة انهاردة
الين يبدو عليها التعب..لأ ياماما مش قادرة رأسي تقيلة اوي وعايزة انام دا انا نزلت اقعد معاكم عشان ماانمش تاني
كرستين ابتسمت لها..معلش هو الحمل في الاول كدا وبعد ٣شهور تكوني احسن وتعملي كل حاجة براحتك
الين اتسعت عيناها بصدمة ..يااااه ٣ شهور على الحالة دي دا كتير اوي
في هذا الوقت دخل عماد كي يأخذ الين للجامعة وجدها هكذا
عماد بأبتسامة ..صباح الخير
الكل..صباح الخير
عماد نظر لها..ايه دا انتي مش لبسة ليه
الين بتعب..تعبانة مش قادرة
عماد ..يالا ياكسولة بلاش دلع
الين هزت رأسها بهدوء ..والله مش قادرة
اكمل نظر له..خلاص ياعماد خليها على راحتها هي شكلها تعبانة تذاكر في البيت مش مهم تروح انهاردة
قامت الين من على طاولة الاكل من غير ان تأكل شئ
كرستين بود..طب كلي اي حاجة
الين..مليش نفس انا هتمشى شوية في الجنينة يمكن الهوا يخليني احسن
كرستين نظرت لها بحب..هخليهم يجبولك عصير ماشي يا قلبي
الين بأبتسامة هادئة ..ماشي يا ماما
خرجت الين وخرج خلفها عماد
عماد يسير بجانبها..ممكن اتمشى معاكي
الين هزت رأسها بهدوء ..اه طبعا
مشوا في صمت ولكن الين يبدو عليها الحزن
عماد..مالك زعلانة ليه
الين بصوت حزين..ابدا بس تخيل نفسك فجأة حياتك تتغير ١٨٠درجة والناس اللي طول عمرك معهم يختفو من حياتك ومش عارف هتشوفهم تاني ولا لأ وتظهر ناس تانية اول مرة تشوفهم تنهدت بحزن
انا مش عارفة بكرة هيكون فيه ايه والناس اللي جنبي هيفضلوا جنبي ولا هيختفوا هما كمان وابقى لوحدي انا خايفة اوي
اوقفها ووقف امامها ونظر لها ..انا عمري ما هتخلى عنك ابدا واوعي تخافي طول ما انا عايش على وش الارض
الين بأبتسامة هادئة حزينة..انا مش عارفة من غيرك كان حصلي ايه انا بحمد ربنا انك معايا وجنبي
كم شعر بالراحة عندما سمع منها هذا الكلام
عماد ابتسم لها ..طب ممكن بعد لكلام الحلو دا نفطر انا كمان مفطرتش
الين بأبتسامة هادئة ..معلش فعلا مش قادرة
عماد ..عشان خاطري طب قوليلي نفسك في ايه
الين بتفكير..امممممم عارف نفسي في طبق كشري بالدقة والشطة ياااه
نظر لها عماد ورفع حاجبه.. انتي مش حامل في بيبي انتي حامل في معلم وماسك شيشة كمان
ضحكت الين على طريقته..مش انت اللي سألت
حك عماد رأسه ..تصدقي صح انا اللي سألت يارتني ماسألت
جاءت الخادمة ومعها العصير اخذو منها العصير وشربوه
عماد ابتسم لها ابتسامة هادئة ..يالا روحي ذاكري
الين نظرت له ..انت رايح فين
عماد فرح بسؤالها وانها تهتم به..اشوف اكمل بيه لو عايز مني حاجة
الين..عماد انا عايزة حد يفهمني ويشرح لي في مادة مش فاهمة فيها حاجة بس لو الاقي حد يفهمني ويكون بيعرف عربي لاني في التركي ضعيفة
عماد ابتسم لها ابتسامة هادئة ..هاتي كتاب المادة وتعالي بعد ساعة كدا
الين بنظرة بلهاء..هو انت هتعمل ايه بالكتاب
عماد ضحك ..هعمل عليه شوربة ياالين
الين بأستغراب..طب هو انت بتفهم
نظر لها عماد ورفع حاجبه..نعم
الين هزت رأسها بالنفي. .لا.مش قصدي والله انا قصدي هتعرف تفهمني المادة دي
عماد مط جانب شفتيها بأبتسامة ساخرة وقال..والله انا مهندس كمبيوتر ومبرمج كمان بس قلة البخت يا أوختي اعمل ايه
ضحكت الين على طريقته ونست حزنها فهو الوحيد الذي يستطيع اخراجها من حالتها
الين..طب هروح اجيب الكتاب واراجع شوية كلمات عشان افهم بسرعة
احضرت الكتاب وجلست إلين على طاولة في الحديقة تراجع الكلمات وبعد وقت شمت رائحة ليست غريبة عليها انها رائحة طعام نظرت حولها وجدت عماد قادم يحمل صنية بيده وضعها على الطاولة امامها ما ان رأت الطعام
صرخت الين بقرح طفولي ..وااااو كشري
ورفعت عيونها تنظرت لعماد ..مين اللي عمله
عماد اشار على نفسه..انا بس يارب يعجبك
الين بفرح طفل صغير وجد الحلوى..ربنا يخليك ليا يااحلى عمدة في الدنيا
عماد يشعر معها كأنه طفل صغير فهي بتصرفاتها الطفولية تجتاح كل كيانه نظر لها وأبتسم ..طب يالا كلي عشان تجيبي الكتاب وافهمك ماشي
لم ترد الين لان فمها مليئ بالطعام هزت رأسها بإجاب عدت مرات
ضحك عماد على تصرفاتها
................
**في القاهرة
سحب يحيى رصيد مها كاملا وفتح حساب اخر بأسمه واعطى مدير البنك مبلغ كبير حتى لا يخبر احد بعدها ذهب مع مها الى معرض السيارات حتى يختار سيارة وبالفعل اختار سيارة فخمة غالية الثمن
رحب صاحب المعرض ب يحيى ومها وطلب منهم ان يشربو القهوة معه في مكتبه وافق يحيى ومها
صاحب المعرض..فينك يامها هانم ليكي فترة مغيرتيش عربيتك
مها..لأ العربية كويسة مش عايزة اغيرها المهم خلص العقود عشان يحيى يمضي ونمشي
صاحب المعرض..حاضر مش هعطلكم بس الدفع بشيك (خاف يحيى ان تكتب مها الشيك ويكتشفو انه سحب الرصيد)
مها..لأ ابعت حد من عندك يأخد الفلوس من الشركة من عند بابي
صاحب المعرض..اللي تؤمري به
مضى يحيى العقود واخذو السيارة وطلب من صاحب المعرض ان يحضرو سيارة مها الى الفيلا
اتصل صاحب المعرض بصادق
صاحب المعرض..اهلا صادق بيه عامل ايه
صادق..بخير قولي جتلك مها وجوزها
صاحب المعرض..ايوة جات الهانم وخدو العربية والعقود والهانم طلبت مني ان الفاتورة ابعتها لحضرتك على الشركة
صادق لا يريد ان يزعج ابنته فما بها يكفي
صادق بنبرة هادئة ..مفيش مشكلة ابعت حد من عندك يأخد المبلغ المطلوب
صاحب المعرض..حضرتك من احسن الناس اللي اتعملت معهم انا تحت امرك ساعة ويكون عندك
صادق..طب يالا سلام
صاحب المعرض..مع السلامة ياباشا
...............
اخذ يحيى مها كي يوصلها للفيلا ركبت معه السيارة الجديدة وصلو الى الفيلا
يحيى نظر لها ...انزلي ياقلبي انا ساعة وجاي على طول
مها..لأ تعالا نشرب حاجة عشان خاطري
يحيى هز رأسه بهدوء ..حاضر
نزل يحيى معها واعد لها قهوة وحط فيها حبوب الاضطراب النفسي اكتر من الحبوب المخدرة وشربت وغسل الفنجان وذهب
..............
اتصل يحيى على زين ليقابله
جاء اليه زين وجده شارد الذهن
وضع زين يده على كتف يحيى
زين..ايه ياعم سرحان في ايه
انتبه يحيى..اهلا زين ماما عاملة ايه
زين ..كويسة الحمد لله
يحيى بصوت حزين ..وحشتيني اوي نفسي اشوفها
زين نظر له ..طب ماتروح تشوفها
يحيى..مش عارف رد فعلها هيكون ايه
زين بحدة فما يفعله يحيى في بعده عن امه غلط..يكون زي ما يكون امك الحزن مالي قلبها اوي دا لولا الراجل ومراته اللي انت سكنته في الشقة مش عارف كان حصلها ايه
يحيى تنهد بحزن..نفسي اترمى في حضنها واعيط نفسي في يوم من ايام ما كانت فضحنا انا والين تنهد بحرقة وقال انا تعبان اوي يازين
زين يشعر بالحزن على صديقه..ربنا يخلصك على خير وترجع بقى
يحيى..ياريت بس انا حاسس ان مبقاش فيها رجوع بقولك يازين عملت ايه انت والمحامي بعد ماعطيتك الفلوس
زين..كله تمام متقلقش كلها كام يوم وتكون الشركة جاهزة
يحيى..تمام وانا هبعتلك الموظفين اللي قولتلك عليهم
زين..تمام
يحيى..طب انا همشي دلوقتي
زين..طب خلي بالك من نفسك
هز يحيى رأسه بإجاب ورحل وذهب زين الى منزله
...........
**في الليل عند عفاف
سمعت صوت طرقات عنيفة على باب شقتها
فزعت وقالت لنفسها..يارب استر ياترى مين جاي الساعة دي وكمان بيخبط كدا
عفاف.بصوت عالى..طيب يا اللي على الباب جاية اهو
اقتربت من الباب..مين اللي بيخبط
سمعت صوت نادر..انا نادر افتحي يا امي متخفيش
فتحت الباب وجدت نادر يرتجف خوفا ومتوتر وشكله غير طبيعي وكأن وقعت مصيبة
عفاف بخوف من شكله..في ايه يابني مالك
نادر بتوتر وفزع..الحقيني ياامي ارجوكي.......
أنت تقرأ
الانتقام الاسود بقلم نوني الهواري كاملة
Tajemnica / Thrillerالانتقام الاسود دائما ما نحاول الغفران والنسيان ونجاري الحياة لكن ليس سهلا ولايصلح في كل الاحوال فعلى قدر الخطأ يكون العقاب وعلى قدر الاذي والظلم يكون الانتقام
