#الانتقام_ الاسود
الفصل الثالث عشر
اقترب زين من نادين وعيونه يتطاير منها الشرار ونظر لها نظرة اخافتها وقضب حاجبيه بشدة وقال بغضب..انتي هنا في شركة محترمة ولازم تلتزمي بكدا طول ما انتي فيها اما برا براحتك اعملي اللي انتي عايزاه
اتسعت عيناي نادين بصدمة ماذا يقول هذا المخبول ايعني انها ليست محترمة ولما يقول لها هذا الكلام لم تفعل أي شيء
نظر لها زين و مط جانب شفتيه بأبتسامة ساخرة وقال ..ايه مستغربة اني عرفتك على حقيقتك
نادين قضبت حاجبيها وقد غلبتها دموعها..انا مسمحلكش تكلمني كدا
زين بتهكم..اومال بتسمحي بأيه هااا بصوت عالي
انتفضت نادين على اثر صوته العلي ونبرته المخيفة ..انت ازاي تكلمني كدا انت شوفت مني ايه عشان تقول كدا
زين تنهد بضيق ..للاسف مشوفتش بس سمعت
نادين نظرت له بتسأل..سمعت من مين وازاي حضرتك تسمح لحد انه يحكي عني كذب ويقول عني كلام محصلش
زين بزعل..محدش قال حاجة انا سمعتك بنفسي
نادين حاولت السيطرة على دموعها واخذت نفسا عميقا..طالما حضرتك سمعت وتأكدت بنفسك فأنا اسفة اني ققلت من احترام الشركة ووقفت من مكانها تريد المغادرة
زين بأستغراب ..انتي رايحة فين
نادين تمسح دموعها ..رايحة اخد حاجتي وامشي من هنا
زين بغيرة..طبعا عشان تلحقي البيه اللي بيكح
نادين بغضب من طريقة كلامه ..انا لايمكن اسمح انك..... سكتت نادين وانتبهت لكلام زين انه سمعها وهي تتكلم مع اخيها احمد صاحب العشر سنوات ولكن ما ادهشها لماذا هو غاضب كل هذا الغضب ولماذا يتحدث معها بهذه الطريقة حتى لو كانت على علاقة بأحدهم هل هذا يعني انه بيحبها كما....قالت لنفسها.. اهدي يا نادين يمكن لما سمعك فكر ان كلامك لشاب وانك كدا مش كويسة وهو انسان محترم وعايز موظفينه محترمين فاقت من شرودها على صوت زين
زين..ها سكتي يعني
نظرت له نادين بتحدي..ايوة عشان ألحق البيه اللي بيكح ممكن افهم حضرتك زعلان ليه
صدم زين من كلامها فهي تؤكد ما سمعه
زين زاد غضبه..يعني انتي مش مكسوفة من نفسك وبدل ماتحطي وشك في الارض لأ بتتكلمي بكل ثقة
نادين نظرت له ..ايوة بتكلم بكل ثقة انا معملتش حاجة غلط
زين رفع حاجبه الايسر..اومال ايه الغلط من من وجهة نظرك لما تكوني ومع واحد وبيكح طول الليل
نادين بنبرة هادئة ..وايه الغلط لما اطمئن على اخويا اللي عنده عشر سنين وانه كان نايم جانبي عشان عنده سخونية وكحة ولما نزلت الصبح قولت اتصل واطمئن عليه انا مش فاهمة حضرتك فين الغلط
تغير وجه زين وضحك والابتسامة ملأت وجهه وظهرت سعادة كبيرة في عيناه
استغربت نادين من تغير زين وقالت لنفسها..دا ماله وايه اللي غيره كدا
نادين..ممكن افهم حضرتك بتضحك على ايه
زين بصوت هادي..انا آسف
نادين..ياسلام اسف بكل بساطة بعد كلامك المهين دا كله اسف
زين بأسف..ارجوكي تقبلي اسفي اصل انا شايفك حاجة كبيرة اوي فصعب عليا اني اسمعك بتقولي كلام زي دا وكمان كنت فاكر انه راجل مش طفل وكمان اخوكي
رأت نادين نظرة اسف في عيون زين ونظرة اخرى لم تستطع فهمها
نادين هزت رأسها بهدوء ..حصل خير مفيش مشكلة يازين بيه
زين ابتسم إبتسامة واسعة ..بلاش بيه دي هو انا ممكن اسألك سؤال
نادين..اتفضل
زين..هو انتي عايشة مع مين انت واخوكي
نادين..مع ماما بس هي كمان بتشتغل لان معاش بابا الله يرحمه مش بيكفي
زين..طب ممكن اسألك سؤال شخصي
هزت نادين رأسها بمعنى نعم
زين..هو انتي في حد في حياتك
نادين ابتسمت بخجل..لأمفيش
زين اتسعت ابتسامته ..حلو اوي
نادين بأستغراب ..نعم
زين..لأ مش قصدي انا قصدي عشان تكوني متفرغة للشغل
نادين لاتعرف عنه شئ فأرادت معرفة هل هو متزوج او خاطب او مرتبط
نادين ..وايه المشكلة ما حضرتك متجوز ومخلف ودا مش مأثر على شغلك
زين هز رأسه بالنفي..متجوز ومخلف والله ابدا انا لا متجوز ولا مخلف
نادين نظرت له..ولا خاطب ولا مرتبط
زين نظر لها بحب..ولا خاطب ولا مرتبط
نادين بأبتسامة رائعة ..حلو اوي
نظر لها نظرة حب..نعم
نادين بأحراج..لأ مش قصدي انا قصدي عشان تكون متفرغ لشغلك
ضحك الاثنين وعرف كلا منهم انه يهتم بالاخر ولكن لم يعترف احدهم بشئ
..................
**في شركة صادق
دخل يحيى مكتب صادق فهو يريده بشدة وطلبه عدة مرات
يحيى بهدوء..صباح الخير
صادق يبدو عليه التوتر..صباح الخير
يحيى..حضرتك عايزني
صادق اشار له كي يجلس..ايوة اقعد عايز اتكلم معاك
جلس يحيى ونظر ل صادق
صادق مسح وجهه..انا مش عارف الاقيها منين ولا منين
يحيى ببرود..ايه اللي حصل
صادق..دي تاني صفقة تضيع مني الشهر دا انا مش عارف ايه اللي بيحصل دا انا دافع كتير اوي وازاي مترساش عليا في حاجة غلط دا غير مها وحالتها من سئ ل اسوأ انا مش عارف اللي بيحصلي دا كله ليه
يحيى لنفسه..دا كله ليه دا انت وبنتك تستحقو الحرق بس لسة اصبر عليا دا انا هوريك اللي عمرك ما شوفته
فاق من شروده على صوت صادق
صادق بأستغراب ..روحت فين انت مش معايا
يحيى هز رأسه بالنفي ..لا ابدا بس بفكر ياترى مين اللي خد الصفقتين
صادق بنبرة حاقدة..شركة كدا اسمها الزين جروب اعرف بس صاحبها وانا مش هرحمه
خاف يحيى على صديقه فهو من ادخله في هذه اللعبة ولن يكون جزاءه ان يضره صادق
يحيى بهدوء عكس ما بداخله من خوف على صديقه..طب سبلي يومين وانا اعرفلك كل حاجة عن الشركة دي عشان تعرف نقطة ضعفهم ايه رأيك
صادق ظهرت على وجهه ابتسامة خبيثة..خلاص انا هعتمد عليك في الحكاية دي
يحيى..تمام عن اذنك هروح اشوف شغلي
صادق..اتفضل
.......................
**في تركيا
دخل عماد مكتب أكمل بعد ان طرق على الباب
عماد بهدوء ..حضرتك طلبتني
أكمل بتساؤل..ايوة عملت ايه
عماد..زي ما قولت لحضرتك قبل كدا لازم حد يوصل الورق ل زين بنفسه مينفعش ابعته كدا وخلاص عشان كدا انا بستأذن حضرتك ان واحد من رجالتك هنا هو اللي يقوم بالمهمة دي
أكمل..مفيش مشكلة انا هكلف واحد من اكفئ رجالتي وان شاء الله يكون عنده في اقرب وقت
عماد..طب عن اذنك
أكمل..اتفضل
........................
**بعد عدة ايام في شركة زين دخل رجل يبدو عليه الوقار والهيبة طويل جسمه رياضي يلبس بدلة سوداء
الرجل..السلام عليكم
نادين..وعليكم السلام اؤمر يافندم
الرجل..عايز أقابل زين بيه
نادين..في ميعاد
الرجل..لأ بس دي مسألة مهمة جدا تخص يحيى بيه لو سمحتي بلغيه
نادين..حاضر لحظة واحدة
دخلت نادين لمكتب زين بعد ان طرقت على الباب
نادين..في واحد عايز يقابل حضرتك يازين بيه
زين..مين الراجل دا في ميعاد
نادين..لأ بس هو مصر يقابل حضرتك
زين..اعتذري له انا مش فاضي
نادين..حاضر
التفتت كي تخرج لكنها تذكرت شئ ورجعت مرة اخرى
نادين..ايوة بس هو قال انه عايزك في حاجة مهمة تخص يحيى بيه
زين انتفض من مكانه عندما سمع اسم يحيى..يحيى هو قالك تخص يحيى
نادين بأستغراب مما فعل..ايوة هو قال كدا بس هو مين يحيى بيه دا
زين..مش وقته اقولك بعدين خليه يدخل بسرعة
نادين..حاضر
خرجت نادين واشارت لرجل ..انفضل زين بيه في انتظارك
دخل الرجل بعد ان طرق على الباب
الرجل..السلام عليكم
زين..وعليكم السلام اتفضل
جلس الرجل ومد الملف ل زين
نظر زين بأستغراب للملف ثم لرجل
زين..ايه دا
الرجل..حضرتك دي امانة لأستاذ يحيى ارجو منك توصلها ليه
زين..انا مش فاهم حاجة
الرجل..صدقني انا معنديش معلومات انا كل مهمتي اني اوصل الورق دا من تركيا لحضرتك
زين..طب الورق دا فيه ايه
الرجل..صدقني انا معرفش ومعنديش اوامر اني افتحه وانا اكيد مفتحتش الملف
زين..طب مين اللي بعته
الرجل..دي كمان مقدرش اقولك انا اسف عن اذنك
خرج الرجل تحت نظرات زين الذي يشعر بغرابة الموقف أمسك الملف وفتحه وجد الكثير من الاوراق التي تدين صادق استغرب بشدة.. ياترى مين عايز يساعد يحيى ويخلص من صادق
اتصل بيحيى ليقابله في اسرع وقت واتفقا على المقابلة في شقة عفاف فهو ائمن مكان
......................
وصل يحيى عند امه وجدها تحمل الين بنت نادر
يحيى..السلام عليكم
عفاف بأبتسامة حانية..وعليكم السلام عامل ايه يا حبيبي
يحيى بادلها الابتسامة..الحمد لله بخير بس بدأت اغير من البنت دي كل ما جي القيكي شيلها وبتلعبيها
نظرت له عفاف وضحكت..ما بدرب على ما يجي البيه
استغرب يحيى من كلام امه..بيه مين
عفاف بسعادة كبيرة ظهرت في عيونها..هو انا مقولتش لك انه ولد
يحيى اغمض عيناه وفتحها وشعر بالخوف على امه ..ولد ايه بس يا امي انتي احوالك اليومين دول مش عجباني هو انا اللي بعمله في الناس هيطلع عليا
عفاف خبطته على كتفه برفق ..بس ياأهبل انت فكرني اتجننت بكرة تعرف اني مكشوف عني الحجاب وان شاء الله ربنا مش هيخذلني ابدا انا عارفة هو عرفني كل حاجة عشان قلبي يرتاح
يحيى تنهد بقلق على امه..طب ياامي اللي يريحك
في هذا الوقت جاء زين وسلم عليهم
زين شعر ان يحيى غير طبيعي ..مالك يابني شكلك مش عجبني
يحيى تنهد بقلة حيلة ..ابدا امي انا خايف عليها اوي
زين نظر ناحية عفاف التي تظهر السعادة على وجهها ثم نظر ل يحيى..ليه ماهي ماشاء الله زي الفل وبتضحك دا حتى من يوم ما اتصلحت معها وهي رجعت زي الاول واحسن
يحيى تنهد بحزن..ماهو دا اللي قلقني عليها هي كانت حزينة على الين ولكن دلوقتي يتقول كلام غريب
زين بأستغراب ..غريب ازاي يعني
يحيى نظر له..هي من يوم ما عرفت ان انا والين ...سكت يحيى كيف يقول لصاحبه ما حدث بينهم
فهم زين قصد يحيى
زين..هو انت حصل حاجة بينك انت والين
يحيى هز رأسه بهدوء ..ايوة وهي من ساعة ماعرفت وهي اتغيرت كدا زي ما انت شايفها انا كنت فاكر انها هتزعل وتتعصب بس بالعكس فرحانة وسعيدة انا مش فاهم حاجة
زين رفع حاجبيه ..هو انهاردة يوم الحاجات الغريبة
يحيى مط جانب شفتيه..في ايه تاني
زين..ابدا في واحد جاني الشركة انهاردة وعطاني دا
مد زين الملف ليحيى
نظر يحيى للملف ثم نظر ل زين
يحيى..ايه دا
زين..افتحه وانت تعرف بنفسك
اخذ يحيى منه الملف وفتحه
اتسعت عيناي يحيى...مين اللي جاب الورق دا
زين..هتصدق لو قولتلك معرفش الراجل اللي جابه معرفش اسمه وقالي ان مهمته توصيل الملف من تركيا ليا ومني ليك طبعا
يحيى اتسعت عيناه بأستغراب ..تركيا ايه وصله لهناك بس دي فرصة وجت ليا عشان اخلص من صادق
زين..طب انت هتشيل الورق دا فين
يحيى..الورق هيفضل معاك لحد ما نقدمو للنيابة لاني لو سبته هنا احتمال يكتشفو ضياعه وانا عايز ابعد امي عن اي حاجة
زين..طب انا هاخد الورق وارجع الشركة
يحيى بأستغراب..ترجع الشركة ليه دي الساعة ٤
زين حك رأسه..ها اصل لسة عندي شغل
يحيى نظر له نظرة مطولة ..انت متأكد
زين بتوتر..انت بتبصلي كدا ليه
يحيى..اصل شايف في عنيك نظرة كدا يعني
زين..يعني ايه
يحيى رفع حاجبيه ..نظرة عينيك فيها لمعة وبعدين مش دي الشركة اللي مكنتش عايز تشتغل فيها ايه اللي حصل وغيرك وخلاك تحبها
زين بأبتسامة..اقولك الحق انا عمري ما حسيت الاحساس دا قبل كدا
يحيى..اللي هو ايه
زين..اصل نادين
يحيى..اه قولتلي نادين بس انت عايز منها ايه
زين..يعني هكون عايز منها ايه انت عارفني انا مش بتاع الحاجات دي انا هتقدم لها واتجوزها
يحيى..الف مبروك ربنا يسعدك
زين..ربنا يخليك ليا ياصاحبي
يحيى..بس قولي انت هتتجوز فين
زين..يعني ايه هتجوز فين
يحيى..الشقة ياناصح
زين.. تصدق صح دا انا نسيت حكاية الشقة
يحيى..ولا يهمك خد فلوس من الشركة واشتري شقة في مكان كويس دا انت مدير شركة الزين جروب
زين..لا طبعا انا مش هأخد ولا مليم من الشركة
يحيى..ياابني افهم انت عارف مرتبك كام دا انت بمرتب كام شهر تجيب احسن شقة وبعدين انت مخدتش ولا مليم من يوم ما اشتغلت في الشركة دا حقك وبعدين انت اخويا وانا مليش غيرك
زين..خلاص يبقى تيجي معايا وانا بشتريها
يحيى..لأ يا خفيف اخطب وهي تختار معاك بس اوعى تنسى تقولها انت ساكن فين
زين..اكيد هقولها على كل حاجة
يحيى بصدمة..كل حاجة ايه الله يخرب بيتك
زين..لأ انت فهمت غلط يعني هقول لها انا شغال في الشركة مش صاحبها واني ماسك الشركة عشان صاحبها مسافر وكدا كدا هي متعرفش شكلك وانا...
قاطعه يحيى..وانت تشتغل معايا ولا هتسبني لوحدي
زين..انا مقدرش اسيبك دا انت اخويا هات الورق خليني ارجع الشركة واحطه في الخزنة ايه رأيك
يحيى..كدا احسن محدش هيفكر ان الورق في الشركة
زين..يالا سلام
يحيى..مع السلامة
رحل زين وظل يحيى ينظر لأمه ويراقبها وسمعها وهي تتكلم مع البنت الصغيرة
عفاف..تفتكري هي في الشهر الكام الخامس ولا السادس
نظر يحيى لأمه بحزن فهو يشفق عليها وانه السبب فيما حدث لها
يحيى..سامحيني ياامي انا السبب في اللي حصلك انا لازم اجيب لها دكتور......
أنت تقرأ
الانتقام الاسود بقلم نوني الهواري كاملة
Mystery / Thrillerالانتقام الاسود دائما ما نحاول الغفران والنسيان ونجاري الحياة لكن ليس سهلا ولايصلح في كل الاحوال فعلى قدر الخطأ يكون العقاب وعلى قدر الاذي والظلم يكون الانتقام
