الانتقام الاسود بقلم نوني الهواري كاملة

🔥الفصل الثامن🔥

#الانتقام_الاسود
الفصل الثامن
في صباح احد الايام
دخل يحيى الشركة وجد الاستاذ نادر موظف في الشركة خارج من مكتب صادق وجهه احمر يكاد ينفخر فصادق مهمته ذل من يعمل عنده
يحيى اقترب منه وابتسم له..صباح الخير يا أستاذ نادر
نادر مسح وجهه بيده ليهدأ قليلا..صباح الخير يا أستاذ يحيى
اراد يحيى ان يعرف ما حدث معه وماذا فعل معه صادق
يحيى بهدوء..تحب تشرب معايا فنجان قهوة في مكتبي
نادر ابتسم له...مش عايز اعطلك
يحيى..ولا عطلة ولا حاجة تعالا ياراجل
اخذه الى مكتبه وطلب يحيى القهوة
يحيى نظر له ..مالك شكلك مش طبيعي في حاجة حصلت
نادر تنهد بضيق..والله يا أستاذ يحيى انا مش عارف القيها منين ولا منين
يحيى. طب.احكيلي انا زي اخوك يمكن اقدر اساعدك
نادر اخذ نفس عميق وزفره بهدوء ..ابدا يا سيدي انا متجوز وعايش مع امي وطبعا مش هقولك ان امي حاطة مراتي في رأسها ومراتي حامل وتعبانة وانا بنزل متأخر على ما احل مية مشكلة على الصبح وطبعا بتأخر على الشغل وصادق بيه مايتوصاش في التهزيق والاهانة يعني لا راحة في البيت ولا راحة في الشغل
يحيى جاءت في رأسه فكرة يحل بها مشكلة نادر ويطمئن على امه صحيح هو اوصى زين يزورها كل يوم لكن هي محتاجة حد قريب منها يهتم بها ويكون معها دايما فهو قلق عليها فهو متخيل مقدار حزنها على ماحل بهم
يحيى بهدوء ..طب انا عندي فكرة يارب تعجبك انا بعد الشغل هروح انا وانت لواحد عنده شقة مواصلاتها سهلة لهنا وكمان جارتك ست طيبة اوي ويهمني امرها تخلي بالك منها وهتلاقيها احن من امك عليك
نادر اتسعت عيناه بسعادة فهو لايصدق ان اخيرا حلت مشكلته..يااه دا انا أشيل جميلك على رأسي والله بس ياريت متكنش غالية وعايز خلو وكدا
يحيى.. لأ اطمن مش هيأخد منك حاجة بعد الشغل نروح سوا روح انت عشان تشوف شغلك
نادر..هو في ناس كدا دلوقتي بتعمل حاجة لوجهه الله
أبتسم له..ايوة في
خرج نادر وهو في قمة سعادته اخيرا هيرتاح شوية من المشاكل ويعيش مع زوجته بحرية في هدوء
اما يحيى اخرج هاتفه واتصل على ابو محمد صاحب البيت وكلمه ووعده بمبلغ لتغير العقد وطبعا ابو محمد فرح بالمبلغ ولكن يحيى اخبره الا يخبر امه ان الساكن الجديد من طرفه وافق ابو محمد
.........
بعد العمل ذهب يحيى ونادر وقابلو ابو محمد وانهى يحيى كل شئ واعطى المفتاح ل نادر
ذهب يحيى ليقابل زين
وذهب نادر يحضر زوجته واغراضهم
.........
**عند عفاف
سمعت عفاف صوت في الشقة المقابلة لها خرجت بخطوات بطيئة حزينة فتحت الباب وجدت نهى مرات نادر تحمل بعض الاغراض ونادر يحمل حقيبة كبيرة
عفاف نظرت لهم بأستغراب ..انتو مين
نادر ابتسم لها ..احنا السكان الجداد ياحجة انا نادر ودي نهى مراتي
عفاف بحزن فهذه شقة يحيى والين ولم تتوقع ان يحدث كل هذا وقالت بصوت حزين ..ومين اللي سكنكوا
نادر..ابو محمد صاحب البيت هو اللي سكننا لان يحيى اوصاه لايذكر اسمه امامها وانه من سكنهم
عفاف بحزن..ان شاء الله عتبة خير عليكم يابني وتتهنوا فيها
اقتربت نهى من عفاف فقد اوصاها زوجها ان تهتم بها كما طلب منه يحيى
سلمت عليها نهى بحفاوة..انا امي متوفية من زمان ومرات ابويا كانت مش بترضى اقولها يا ماما وانا اول ما شفتك حبيتك اوي تسمحيلي اقولك يا ماما
وهنا عفاف تذكرت الين وبكت بحرقة على فراقها
نهى اتسعت عيناه بصدمة من بكاءها بهذه الطريقة..انا اسفة مش هقولها تاني
عفاف ربطت على كتفها بحنان..لأ ياحبيبتي قولي ماما بس انا افتكرت بنتي الله يرحمها
نهى شعرت بأسى وحزن ..الله يرحمها
عفاف حاولت الابتسام..طب عن اذنكم ودخلت شقتها واغلقت الباب
نهى عيونها دامعة وصوتها حزين ..ياحرام الست شكلها حزينة اوي ومكسور قلبها على بنتها ربنا يكون في عونها ويصبر قلبها
نادر..عشان كدا استاذ يحيى وصاني عليها خلي بالك منها واتقربي منها
نهى هزت رأسها بهدوء ..حاضر
................
مر اكثر من شهر لاجديد فيه سوى ان الين بدأت دراستها في الجامعة واكمل وصى عماد ان يوصلها ويهتم بها ولايتركها وبدا هو الاخر في تعلم اللغة التركية مع الين على يد كرستين كانت الين كلما سألت عماد هل توصل لمعلومات عن يحيى يتهرب منها لانه علم ان يحيى قد تزوج مها في نفس يوم سفرهم هو وهي ولايستطيع ان يخبرها بذلك
.............
في صباح يوم جديد في تركية كانت الين مستعدة لذهاب الى الجامعة نزلت الى اسفل وجدت كرستين واكمل على طاولة الاكل
الين بأبتسامة هادئة ..صباح الخير
كرستين واكمل..صباح الخير
كرستين بحب فهي تعودت عليها واحبتها كثيرا..تعالي افطري يا روحي
الين بأبتسامة هادئة ..مش قادرة انا هروح الجامعة
اكمل..طب ياحبيبتي ونادى بصوت عالي على عماد .. خد تالين (فهي سجلها في جواز السفر انها تالين ابنته ومن يومها اصبح هذا اسمها) وخالي بالك منها ياعماد
عماد هز رأسه بهدوء ..حاضر يا اكمل بيه
نظر ل الين وقال اتفضلي
خرجت الين وعماد خلفها الى ان وصلو السيارة فتح لها الباب كي تركب لكنها اغلقت الباب بقوة
الين نظرت له نظرة مطولة فهي تشعر انه يخفي عنها شئ..مش راكبة غير لما ترد عليا
عماد ادعى انه لايفهم قصدها..ارد على ايه بس
الين نظرت له وتنهدت..انت عارف وعموما انا سألتك على يحيى وانت قولت يومين وهتقولي حصل ايه و اهو عدى اكتر من شهر وانا كل ما اسألك تتهرب مني
عماد بأرتباك واضح فهو لا يعرف بما يجيبها..وانا هتهرب ليه
اقتربت منه الين تنظر له بنظرة رجاء..ارجوك ياعماد قولي انت عرفت ايه عشان خاطري ريحني مهما كان اللي عرفته قوله ليا
انزل عماد رأسه للاسفل فهو لايستطيع ان يخفى عنها الحقيقة اكثر من ذلك وفي نفس الوقت لا يعرف رد فعلها اذا عرفت الحقيقة
الين تأكدت مخاوفها ان شئ سيئ قد حدث فنظرت له بأهتمام ..عماد قولي لو سمحت
رفع عماد نظره ونظر اليها تنهد بهدوء. .يحيى اتجوز مها
الين اتسعت عيناها بصدمة من كلامه فهي لاتصدق ما قاله..لأ مش ممكن انت اكيد وصلتك معلومات غلط
عماد نظر لها نظرة تؤكد كلامه..يارتها كانت غلط دا اتجوزها في نفس يوم سفرنا
لم ترد الين بل وقعت بين ذراعيه حملها ودخل بها داخل الفيلا بسرعة ما ان رأته كرستين حتى فزعت وقامت من مكانها مسرعة ..ايه اللي حصل مالها تالين
اكمل بخوف وقلق عليها ..في ايه يا عماد ايه اللي حصل
عماد بتأنيب ضمير..انا قولتلها ان يحيى اتجوز مها
اكمل اتسعت عيناه بغضب ..ليه قولتلها انا مش مأكد عليك ان متقولش لها حاجة
عماد بأسف..هي اللي اصرت تعرف كل حاجة وانا حاولت اتهرب منها لكنها اصرت والله وماعرفتش اعمل ايه
كرستين بعصبية من شجارهم فهذا ليس الوقت المناسب قالت بصوت عالي..خلاص انت وهو هتتكلمو كتير وتسيبو البنت كدا تعالا ياعماد طلعها اوضتها ثم نظرت لزوجها..وانت يا اكمل كلم الدكتور يجي بسرعة
اتصل اكمل بالدكتور وصعد الى اعلى خلفهم يريد ان يطمئن عليها
وضعها عماد على السرير برفق نظر لها عماد وشعر بتأنيب الضمير وكأنه هو من فعل بها هذا
بعد قليل وصل الطبيب خرج عماد واكمل من الغرفة وبقت معها كرستين
مر الوقت ببطئ على عماد الذي يأكل الخوف والقلق قلبه عليها
بعد قليل فتح الباب وخرج الطبيب
سأله اكمل بالتركية..ها يا دكتور هي عاملة ايه
الطبيب..هي كويسة جدا ودي حاجة طبيعية في حالتها مفيش داعي للقلق
لم يفهم عماد و اكمل ماذا يقصد الطبيب انها حاجة طبيعية في حالتها عن اي حالة يتكلم
عماد بخوف وقلق عليها ..يعني ايه حالتها هي عندها ايه بالضبط
الطبيب ابتسم له..انت اكيد جوزها شكلك قلقان عليها عموما مبروك المدام حامل ياريت تهتموا بتغذيتها وحالتها النفسية
نظر عماد ل اكمل وكأنه لا يصدق ما سمع
اكمل نظر لطبيب وابتسم..الله يبارك فيك
اخذ عماد الطبيب كي يوصله للباب واخذ منه ورقة وصفة الدواء كي يحضره
في هذا الوقت اكمل كلم زوجته
اكمل..كرستين شوفي هي عايزة ايه وانا معها في اي قرار هتأخده
كرستين هزت رأسها بهدوء ..حاضر
دخلت كرستين مرة اخرى عند الين
كرستين بأبتسامة حنونة..حاسة بأيه يا حبيبتي
الين ابتسمت إبتسامة هادئة ..الحمد لله بخير انا كويسة ياماما متخافيش
كرستين..انتي سمعتي الدكتور قال ايه
هزت الين رأسها بمعنى نعم..ايوة سمعته
كرستين..شوفي ياحبيبتي اي قرار هتأخديه انا معاكي فيه وهساعدك
فهمت الين مقصدها انها اذا ارادت التخلص من الجنين سوف تساعدها
الين لمعت عيونها بسعادة كبيرة ..انا فرحانة اوي بالحمل وهحافظ عليه لانه الحاجة الوحيدة اللي هتفضل ذكرى من يحيى عارفة يا ماما يحيى بالنسبة لي كل حياتي لكن مش عارفة ازاي هان..... لم تستطيع ان تكمل كلامها من كثرة البكاء
كرستين بحزن..طب اهدي يا حبيبتي عشان اللي في بطنك
وضعت الين يدها برفق على بطنها
الين بدموع تتساقط على خديها بلا توقف وانفاس متقطعة ..ازاي هونت عليه واتجوزها وهو عارف هي كانت هتعمل فيا ايه لولا عماد ساعدني تخيلي لو كانوا كلفوا حد تاني كان حصل فيا ايه ازاي هان عليه حبي ليه ازاي هان عليه عمرنا اللي عشنا سوا واستمرت في البكاء
كان عماد واقفا على باب الغرفة وسمعها واراد ان يخفف عنها طرق على جانب الباب
عماد ابتسم لها ..ها عاملة ايه دلوقتي
مسحت الين دموعها ونظرت له..كويسة الحمد لله
عماد نظر لها ..طب انا عايز اتكلم معاكي
قامت كرستين كي تدعهم يتكلمو بحرية
عماد ..خليكي يامدام كرستين
كرستين..انا هروح أجيب لها اكل وعصير واجبلك عصير ليمون انت كمان
خرجت كرستين من الغرفة
جلس عماد على طرف السرير ونظر لها
وتنهد..الين انا عايز اقولك سامحي يحيى
لم ترد عليه ولكن دموعها هي من اجابته فما يطلبه صعب
تنهد عماد..انتي مش عارفة الناس دي ممكن تعمل ايه انا عارفهم كويس وعارف كمان انهم ممكن يكونو ضغطو عليه ازاي انت فاكرة لما سألتيني لما انا كويس كدا ايه اللي وقعني معهم
هزت الين رأسها..ايوة فاكرة ونظرت له بأهتمام
عماد..انا هقولك بصي ياستي انا وحيد امي وابويا وكانت حالتنا عادية زي ناس كتير ابويا صرف عليا كل قرش كان معه على امل اني اتخرج واشتغل واحسن حالتنا بس طبعا زي ما انتي عارفة الوسطى والمعارف انا كنت التاني على دفعتي وكان المفروض اتعين معيد لكن طبعا ابن الدكتور اللي هو نجح بالغش اولى المهم دورت على شغل وكان لازم يكون عندي سنوات خبرة طب انا اجيب الخبرة منين اذا كان مشتغلتش اصلا
ضحك عماد وضحكت الين
المهم ياستي ابويا اتحايل على المدير بتاعه في الشغل وباس الايدين وتحمل كل اهانة عشان يشوفلي شغل والراجل مشكور جابلي شغل جرسون في النادي
نظرت له الين بدهشة ..جرسون
عماد..اه والله جرسون و بالوسطى كمان تخيلي المهم مها كانت هي واصحابها دايما في النادي وانا كنت بقدم لهم الطلبات كانت بتعاملني كويس يعني بقشيش بالميات وانا زي الاهبل فرحان لحد ما في يوم سألتني عن مؤهلي واني اشتغل عند ابوها في الشركة وطبعا انا زي العبيط ما صدقت ورحت ومضيت شيك بمبلغ كبير جدا اهلي من الاول كانوا بيحذروني وان الموضوع مش طبيعي لكن انا كنت غبي مش شايف غير المرتب والوظيفة والراحة
نظرت له الين نظرة غريبة
عماد استغرب نظرتها له..انتي بتبصلي كدا ليه
الين مطت شفتيها ورفعت حاجبيها ..ابدا اصل كلام اهلك نفس كلام ماما عفاف وكلامك وتفكيرك نفس كلام وتفكير يحيى
عماد ضحك..قصدك نفس الغباء المهم ياستي بدأت تتقرب مني بس انا كنت ضعيف مش زي يحيى واتجاوبت معها وكنت فرحان اوي ان وحدة زي دي من عيلة كبيرة وابوها رجل اعمال بصتلي وحبتني وعيشت معهم في الفيلا وكان في الوقت دا ابوها بيمضيني على ورق وصفقات ويقولي عشان اكبرك ولما تتجوز بنتي تكون من مستواها وانا طبعا اهبل مش عارف انه بيمضيني على صفقات مشبوهة بس لحد ما في يوم رجعت الفيلا لقيت الدكتور نازل من عندها سألت الخدامة هو في ايه قالتلي ان المدام حامل فرحت اوي وطلعت اجري على فوق فرحان وقولتلها مبروك يا حبيبتي قالتلي مبروك على ايه قولتلها على الحمل احنا لازم نتجوز حالا قالتلي انت مجنون انا اتجوزك انت قولتلها ايوة عشان ابني ورد ابوها اللي مش لاقي وصف ليه غير انه محتتتتترم يالا المهم قالي مفيش بيبي الدكتور نزله طبعا انا اتصدمت مكنتش متخيل انها تقتل ابنها وابوها طردني من الفيلا وان الهانم ملت مني وخلاني اشتغل عندهم بودي جارد ولما رفضت هددني بالشيكات والورق اللي معه اللي مش بس يسجني بها لا ممكن يعدمني كمان تخيلي الذل اني اكون معها واشوفها مع واحد تاني نفس الكلام ونفس الحركات اللي كانت بتعملها معايا وكمان بتعاملني بأهانة وذل
الين..ليه ماحولتش ترجع لأهلك
عماد..مقدرتش احط عيني في عينهم انا لما بابوص في المرايا بشوف اد ايه انا واطي وحقير
الين هزت رأسها بالنفي وابتسمت له..لأ متقولش على نفسك كدا انت انسان كويس بس كانت في غشاوة على عينك مقدرتش تشوف حقيقتهم كويس
عماد ابتسم لها..انا حكيت لك كل دا عشان تحاولي تسامحي يحيى
الين.هزت رأسها بهدوء .حاضر هحاول
في هذا الوقت دخلت كرستين معها صنية بها اكل وعصير ومدتها ل الين
كرستين..يالا ياحبيبتي كلي
وقف عماد..يالا كلي بسرعة عشان تراجعي الكلمات ميس كرستين عاملة لينا امتحان انهاردة وانا ناوي اكون اشطر منك
الين..لأ انا حافظة كويس
عماد..لما نشوف عن اذنكم
خرج عماد من الغرفة وجد امامه اكمل
اكمل..انت بتحبها
عماد..احممم انا...
نظر له اكمل نظرة مطولة
عماد.هز رأسه بهدوء. .ايوة بحبها.......