الانتقام الاسود بقلم نوني الهواري كاملة

🔥الفصل التاسع🔥

#الانتقام_الاسود

الفصل التاسع
لم يتفاجئ اكمل ان عماد يحب الين لانه لاحظ نظرات عماد ل الين وتعامله معها وخوفه وقلقه عليها لكنه يعرف ايضا انها متزوجة وتحب زوجها كثيرا ولن تحب عماد او تفكر فيه
اكمل نظر له ..بس انت عارف انها متجوزة وبتحب جوزها اوي يعني....
هز عماد رأسه بيأس..عارف انها مش هتحبني ولاحتى هتفكر فيا بس انا مستعد اعمل اي حاجة عشانها
اكمل نظر له نظرة مطولة ..لدرجة دي بتحبها
عماد ابتسم إبتسامة حزينة ..ايوة عشان كدا هبعت الورق اللي يدين صادق ل يحيى عشان يحمي نفسه منهم ويتخلص منهم ويرجع ل الين بسرعة
اكمل نظر له بحزن عليه..انت متأكد انك تقدر تعمل كدا
عماد هز رأسه بهدوء ..ايوة اللي بيحب حد بيحب يشوفه سعيد حتى لو مع غيره انا لما بشوفها بتضحك بحس اني عيل صغير عايز اجري والعب وببقى في قمة سعادتي ولما بشوف دموعها ببقى عايز ادمر الدنيا باللي فيها
في هذا الوقت خرجت الين من الغرفة لكنها لم تسمع كلام عماد
عماد ابتسم لها ابتسامة هادئة ..طب انا هروح اراجع عشان عندي امتحان وميس كرستين حالفة اللي هجيب درجة ضعيفة هتعلقه وانا ناوي اجيب درجة اعلى من البت الاوزعة دي واشار بيده على الين
الين نظرت له بغيظ..هي مين الاوزعة هو انت عشان طويل وعندك عضلات هتفتري على خلق الله
عماد رفع حاجبيه..مش هرد عليكي عشان انا اطول واشطر منك وجرى من امامها بسرعة
الين انطلقت خلفه مسرعة تريد اللحاق به..استنى ياعم القطر انت يابني
ضحكت كرستين على تصرفاتهم كأنهم اطفال صغار ..اد ايه ملين علينا البيت فرح وشقاوة
نظرت ل اكمل وجدته ينظر في اتجاههم بحزن فهو يشعر بأسى على عماد فما اصعب الحب من طرف واحد وخاصة لو كان حبا صادقا دون مقابل
كرستين نظرت له..انت زعلان على عماد هو بيحبها مش كدا
هز أكمل رأسه بحزن بمعنى نعم..ايوة بيحبها فوق ما تتصوري وهيبعت الورق ل يحيى عشان يخلص من صادق وبنته ويرجع ل الين بسرعة
كرستين اتسعت عيناها بذهول ولمعت عيونها بدموع ..يااه لدرجة دي بيحبها ربنا يعينه
.............
**في الحديقة
وصلت الين عند عماد
الين تلتقط انفاسها من اثر الجري..كدا تخليني اجري وراك وانا تعبانة
عماد اقترب منها ونظر لها بخوف وقلق ..تعبانة حاسة بأيه
الين بأبتسامة هادئة ..انت خوفت عليا ياعمدة
عماد انتبه لنفسه..ايوة ما انتي لو جرالك حاجة مش هلاقي حد يناكف فيا وبعدين ايه عمدة دي
الين مطت شفتيها بزعل طفولي..هو انا كل ما ادلع حد يزعل يحيى ادلعه حوحي يزعل وانت عمدة مش عجبك وزعلت
شعر عماد بالغيرة عندما رأي لمعت عيونها عندما ذكرت اسمه رأى حبه يملأ عيونها لكنه فاق لنفسه فهو زوجها وحبيبها ابتسم لها ابتسامة هادئة ..قوليلي يا الين مثلا لو يعني يحيى كان اسمة عماد كنتي هدلعيه تقوليله ايه(فهو يريد ان يعرف كيف كانت تدلعه لو كان حبيبها)
الين بتفكير.. امممممم كنت هقوله عمودي
عمادبضحك..عمودي لأ دي عمدة ارحم روحي يا الين احفظي وذاكري احسن يالا ياماما
حكت الين رأسها..هي عمودي وحشة يالا
ذهبت الين تحت نظرات عماد العاشقة
...............
**في فيلا صادق
دخل يحيى متعصب وجد مها في انتظاره على احر من الجمر ما ان رأته
مها قامت من مكانها مسرعة واقتربت منه..يحيى حبيبي كويس انك جيت دلوقتي
يحيى بعصبية..في ايه يامها مالك
مها بتوتر وعدم تركيز..اصل من الصبح وانا عايزة اشرب حاجة من ايدك
نظر لها يحيى وعرف انها خلاص اصبحت ضعيفة يستطيع ان يسحقها بقدمه فهو تعمد اليوم الا يضع لها شئ لتكون جاهزة عند عودته لفعل اي شئ
يحيى ببرود نظر لها..طب ما طلبتيش ليه من الخدامة تعملك اللي انتي عايزاه
مها تمسك يده برجاء..طلبت وشربت كل حاجة بس ملهاش طعم انا عايزة من ايدك انت ارجوك
يحيى مط جانب شفتيها بأبتسامة ساخرة..بس كدا حاضر بس انا مش هتحمل ابوكي كتير
مها بعيون زائغة وعدم تركيز..بابي عمل ايه معاك قولي
يحيى بكذب فصادق لم يفعل له شئ..بيعملني وحش قدام الموظفين عشان كدا انا هسيب الشركة وكمان هسيب البيت واسبل عيناه ببراءة
امسكت مها يده واتسعت عيناها بخوف ان يتركها..انت بتقول ايه لا طبعا انا لايمكن استغنى عنك قولي بس انت عايز ايه وانا اعمله على طول بس ارجوك بلاش تقول انك هتسبني
يحيى ببرود..ولا حاجة ياروحي تمضي هنا بس على الورقتين دول
امسكت مها الاوراق وهي لا ترى اي كلمة وقالت..امضي فين
اشار لها على مكان الامضاء
يحيى..هنا ياقلبي وهنا
مضت مها وبصمت ..كدا كويس
يحيى ابتسم لها ..كويس اوي اروح اجبلك ايه ياعمري تشربيه
مها..اي حاجة من ايدك
يحيى..حاضر
احضر لها كوب من مشروبها المفضل ووضع فيه الحبوب وزاد حبوب الاضطراب النفسي
اخذت الكوب وشربته مرة واحدة شعرت براحة كبيرة
مها تنهدت براحة..مش قولتلك اي حاجة من ايدك لها طعم تاني
اخذ منها الكوب وغسله جيدا
يحيى نظر لها ..طب ياروحي هروح مشوار وارجعلك بسرعة
مها ابتسمت له ..متتأخرش عليا
يحيى..هو انا اقدر باااي
خرج يحيى من الفيلا واخرج هاتفه واتصل على نادر وطلب منه ان يقابله في احد المقاهي
...............
بعد قليل جاء نادر وجد يحيى ينتظره
نادر..السلام عليكم اتأخرت عليك يا يحيى بيه (الكل في الشركة عرف ان يحيى تزوج مها)
يحيى..وعليكم السلام لأ متأخرتش انا لسة جاي حالا ومية مرة قولتلك بطل تقولي يحيى بيه
نادر هز رأسه بهدوء ..حاضر يافندم
يحيى تنهد بضيق..ييييه انت متعرفش تقول يحيى ما انا بقولك نادر اخرج يحيى مبلغ كبير من المال ومده ل نادر
نظر نادر للفلوس ثم رفع نظره الى يحيى
نادر بأستغراب ..ايه دا
يحيى..انت شايف ايه
نادر..انا عارف انها فلوس انا قصدي ليه
يحيى..اه الفلوس دي مش عشانك الفلوس دي نصها للبيبي اللي جاي تجبله سرير ولبس وشوية حاجات والنص التاني لست عفاف بس من غير ما تعرف
نادر لم يفهم قصده..ازاي من غير ما تعرف
يحيى..يعني تدفع لها فاتورة النور المية الغاز تجيب لها حاجة اكل
نادر هز رأسه بالنفي..مش هترضى دا انا مراتي عملت اكلة وبعتت لها طبق تاني يوم عملت هي اكل وبعتت لينا اكل انا ومراتي دي ست عفوفة النفس اوي ومش بتقبل حاجة من حد
يحيى يعرف امه جيدا وانها فعلا لن تقبل
يحيى بفكر كيف يصل لها المال دون ان تعرف..خلاص خلي مراتك تحط الفلوس في الشقة في مكان مداري بس مش مداري اوي من غير ما تعرف
نادر هز رأسه بهدوء ..حاضر والله احنا معها دي ست طيبة اوي ومراتي طول النهار عندها بس ياحرام حزنها كل يوم بيزيد على ولادها ربنا يصبرها ويرحمهم
سكت يحيى ولم يرد لكن وجهه تغير للحزن وعيونه لمعت بها دمعة
نادر شعر بحزنه..مالك يا يحيى في حاجة
يحيى بحزن..لأ ابدا اصل ابن الست دي كان صاحبي
نادر..طب ليه مش بتزورها دا في واحد اسمه زين بيزورها كل يوم هو كمان كان صاحب ابنها
يحيى زاد حزنه وتغير صوته ..اصل انا السبب في موته وفي كل اللي حصلها
نادر اتسعت عيناه بصدمة من كاامه..معقولة انت السبب
يحيى هز رأسه بأسى..ايوة انا اخدته شغلانة معايا ووقع ومات وحاسس اني انا اللي قتلته يارتني ما وديته
نادر يحاول ان يخفف عنه..بس دا عمره هون على نفسك
اعطاه يحيى الفلوس..تقدر تتفضل انت دلوقتي
نادر قام من مكانه ..طب عن اذنك
يحيى بهدوء..اتفضل
ذهب نادر ونزلت الدمعة المعلقة في عين يحيى مسحها سريعا وظل ينتظر زين فهو اتصل به واراد مقابلته
زين..السلام عليكم
يحيى..وعليكم السلام
زين..عامل ايه
يحيى..زي ما انت شايف عايش المهم بص انا عايزك في موضوع مهم
زين..موضوع ايه يا صاحبي
يحيى..بص ياسيدي انا بكرة الصبح هروح البنك واسحب رصيد مها كله وهعطيك فلوس عشان نفتح الشركة اللي هقضي بها على صادق والباقي هفتح به حساب تاني
زين..ايوة بس انا مش بفهم في الشركات
يحيى..متقلقش في موظفين كويسين في الشركة عند صادق هخليهم يشتغلو عنك ايه رأيك
زين..طلما كدا تمام قولي اعمل ايه بالضبط وانا اعمله
يحيى..في محامي كويس انا كلمته وهو هيعمل كل حاجة عشان يأسس الشركة وانت المدير وتحت ايدك الموظفين والمهندسين وترتاح من شغل المطعم
زين..بس تفتكر ان صادق هيسكت لما يعرف انك سحبت كل رصيد بنته
يحيى مط شفتيه بلامبالاة..اكيد مش هيسكت بس انا ناوي ادي مدير البنك مبلغ محترم عشان ميقولش ل صادق وبعدين الايام اللي جاية مش هديله فرصة يفكر فأي حاجة
زين بخوف وقلق عليه..خلي بالك من نفسك دا تعبان ممكن يسكت يسكت ويقوم مرة واحدة
يحيى..يعني هيعمل ايه اكتر من اللي عمله انا مبقتش بخاف هو اللي لازم يخاف.......