#الانتقام_ الاسود
الفصل السابع عشر
في شقة عفاف صباحا سمعت صوت نهى ونادر يتشاجران هي لم تفهم كلامهم لكن صوتهم عالي جدا نزل نادر واغلق الباب بعنف اهتزت جدران البيت وقفت عفاف في شباك المطبخ ونادت على نهى خرجت لها نهى باكية العينين ..نعم ياماما
عفاف..تعالي عيزاكي
هزت نهى رأسها بأيجاب
ما هي الا ثواني وجاءت نهى تحمل الين دخلت شقة عفاف لانها تركت لها الباب مفتوح
نهى عيونها حمراء من اثر البكاء وصوتها حزين..صباح الخير
عفاف نظرت لها ..صباح الخير تعالي
نهى جلست بجانب عفاف التي سألتها..مالك يابنتي بتعيطي ليه
نهى زادت في البكاء..نادر يا ماما اتغير معايا ومش طايق يبص في وشي
نظرت لها عفاف وضحكت استغربت نهى من ضحكها
نهى مطت شفتيها بزعل..انتي بتضحكي ياماما
عفاف نظرت لها ..عنده حق بصي في المرايا ياعين ماما ايه ربطة دماغك دي
نهى..اصل مش بلحق اسرح شعري
عفاف نظرت لها تتفحصها..وعنيكي مالها دبلانة كدا فين الكحل والمسكرا اللي بتحطوها وفين الاحمر والاخضر وايه جلبيت ستك الحاجة اللي انتي لبسها دي
نهى اخفضت نظرها والقت نظرة على نفسها ثم نظرت لها ..والله ياماما مفيش وقت لأي حاجة
عفاف نظرت لها تسألها..هو جوزك فطر ولا لأ
هزت نهى رأسها بالنفي ..لأ نزل زعلان
عفاف نظرت لها بزعل..ليه يابنتي ينزل من غير فطار دا بيحبك والله لو شوفتيه يوم ماكنتي بتولدي كان بيعيط بالدموع يا مفترية
نهى بحزن .ملأ صوتها...هو خلاص مش بيحبني كل شوية يزعق البيت مش نظيف الغسيل مش مغسول مفيش غدا مفيش فطار انتي بتنامي لحد العصر
عفاف اتسعت عيناها بصدمة ..نهار اسوح انتي بتعملي كل دا ومش عايزاه يزعق دا كويس انه صابر عليكي انتي هبلة يابت معنى كدا انك منكدا عليه
نهى تنهدت..يعني اعمل ايه البنت طول الليل صاحية وبتنام لما هو بيصحى فبدخل انام معها وبنصحى العصر مش بلحق اعمل حاجة وبيكون هو جيه من الشغل ويبدا الوصلة
عفاف..ياظالمة واحد جاي من الشغل جعان وتعبان عايز يأكل ويرتاح هو انتي لما كنتي في المدرسة وتروحي متلاقيش اكل كنتي بتعملي ايه
سكتت نهى ونزلت دموعها اكثر
عفاف بأستغراب من بكاءها..انتي بتعيطي ليه تاني
نهى بدموع..اصل امي ماتت قبل ما ادخل المدرسة ولما كنت بروح مرات ابويا كانت مش بترضى تأكلني إلا لما بابا يروح من الشغل بليل
شعرت عفاف بالاسى والحزن عليها ..سامحيني يابنتي مكنش قصدي عمتا اسمعيني وسيبك من كل دا
جوزك بيحبك متخليهوش يبعد عنك بصي ياحبيبتي انتي كدا كدا قعدة طول الليل مع بنتك استغلي الوقت يعني بدل ما تقعدي قدام التليفزيون نظفي بيتك اغسلي اعملي اكل وخلصي كل اللي وراكي قبل ما تنامي وحضري لجوزك ان شاء الله سندوتش يفطر بيه ونامي ولما يرجع كل حاجة كويسة تصحي تسخني الاكل انتي دلوقتي صحيتي وخلاص هاتي العسل دي وروحي انتي خلص اللي وراكي انا عاملة محشي يحيى هيتغدا معايا النهاردة وعاملة حسابكم اعملي انتي حاجة جنبة يالا يابنتي وصلحي جوزك انتو ملكوش غير بعض
نهى احتضنت عفاف..ربنا يخليكي ليا انتي فعلا امي اللي بتخاف عليا
عفاف..طب يالا روحي بسرعة
ذهبت نهي واكملت كل شئ وجاءت لتأخذ الين
عفاف بأبتسامة ..البت نايمة روحي انتي ولما تصحى هنادي عليكي روحي غيري هدومك والبسي حاجة تفتح النفس فاهمة يابت
نهى ابتسمت إبتسامة واسعة ..حاضر اروح بسرعة قبل نادر ما يجي
ذهبت نهى وبعد وقت قصير جاء نادر وفتح الباب وهو ينفخ تخيل ان البيت كما تركه في الصباح دخل وجد البيت مرتب ونظيف ورائحته جميلة سمع صوت أتي من المطبخ دخل في هدوء وجد نهي لبسة ملابس رائعة😉😊وشعرها مفرود على ظهرها تحضر الغداء اقترب منها واحتضنها من الخلف وقبل جانب رقبتها بحب وشوق
فزعت نهى..عاااااا خضتني حرام عليك
نادر بحب..سلامتك من الخضة ياعمري بس ايه الحلاوة دي
التفتت نهى له وجدها وضعت بعض اللمسات الخفيفة على وجهها زادت جمالها صفر نادر وقال..ايه دا كله واكل كمان لأ انا كدا هعيط منك
نكزته نهى في كتفه ..لأ متعيطش يالا عشان تتغدا
نادر..لأ انا هأخد دوش انتي هتتغدي كدا وانا اتغدا مبهدل كدا دا حتى عيب حضري انت الغدا يا قمر وانا مش هتأخر
ذهب نادر سريعا للحمام
نهى اتسعت ابتسامتها وقالت لنفسها..عندك حق ياماما لازم الوحدة تيجي على نفسها شوية عشان خاطر جوزها اللي بيحبها
خرج نادر من الحمام وجد نهى تجلس على طاولة الاكل في انتظاره تغدو سويا نادر بأستغراب ..اومال الين فين
نهى..عند ماما عفاف
نادر.. حلو اوي 😘🥰
...............
**في شركة صادق
دخل يحيى مكتب صادق فهو ارسل في طلبه
يحيى يبدو عليه الحزن..خير في حاجة
صادق نظر له..اقعد مالك في ايه
يحيى هز رأسه بهدوء ..ابدا بس حالة مها كل يوم أسوأ من اللي قبله قولي كنت عايزني في ايه
تنهد صادق بحرقة..انا مش عارف الهم اللي انا فيه جاني منين بنتي من جهة والشغل من جهة ايه بس اللي بيحصلي دا
يحيى بهدوء..ايه اللي حصل تاني
صادق مسح على وجهه..الخسارة اللي نازلة على دماغي من كل حتة مصنع الاغذية المجمدة ينقطع عنه الكهرباء وكل المواد اللي في التلاجات باظت وهتترمي(يحيى هو من ارسل فنين لقطع الكهرباء وقال ..دي حاجة بسيطة اصبر)
يحيى اتسعت عيناه بصدمة وكأنه تفاجئ..طب ودا حصل ازاي
صادق..عطل فني يعني قضاء وقدر
شعر صادق بالتعب ..انا حاسس اني تعبان هروح استريح وانت خليك في الشركة يمكن يكون في حاجة مهمة
يحيى هز رأسه بهدوء ..روح انت ولو عوزت حاجة كلمني
خرج صادق من المكتب وجلس يحيى في مكتب صادق لوقت قصير ثم ترك الشركة وذهب الى المصحة ودخل غرفة مها ونظر لها نظرة مشتعلة تحمل الكثير من الغضب والكره يود قتلها بيده فهي دمرت له حياته ابعدته عن حبيبته وصغيرته واخته وصاحبته فهي كل حياته وجعلت منه شخص اخر لايعرفه هي من اوصلته لذلك ولكن ليست هي فقط الملامة وحدها فهو ايضا شارك معها هو من اراد الراحة والفلوس
نظرت له نظرات تائهة وكأنها لاتعرفه
اخرج شئ من جيبه ووضعه امامها ونظر لها وجدها تنظر لذلك الشئ انسحب بهدوء واتجه ناحية الباب والقى نظرة سريعة عليها وجدها تأخذه وتخفيه اسفل وسادتها
ابتسم..كدا انتهت اللعبة
طرق على الباب فتحو له وخرج واغلق الباب عليها
ذهب يحيى ليتغدا مع امه
..........................
***في تركيا
خرجت الين من المشفى تستند على عماد وكرستين تحمل سليم وركبو السيارة وذهبو الى الفيلا
كان في استقبالهم أكمل فهو يشعر انها فعلا ابنته وهذا حفيده سلم على الين وقبل جبينها..الحمد لله على السلامة ياحبيبتي
الين بأبتسامة هادئة ..الله يسلمك يا بابا
اقترب اكمل من كرستين واخذ الطفل منها كم هو طفل جميل يحمل ملامح والده نفس لون العيون والشعر ولون البشرة فهو نسخة مصغرة من يحيى
أكمل بسعادة وابتسامة واسعة على وجهه ..بسم الله ماشاء الله بس العسل دا مش شبهك
ابتسمت الين بفرح وسعادة ..هو كله ابوه ودي احلى حاجة عشان يفضل يحيى قدامي على طول
اكمل ربط على كتفها في حنان ..هانت كلها فترة بسيطة وهترجعي خلاص
احزن هذا الكلام كرستين ونظرت ل الين..هو انتي هتمشي وتسبيني وتنسيني
الين بعيون دامعة..انا لايمكن انساكي ولا انسى اللي عملتوه معايا بس انا حاسة اني مش هرجع اصلا
نظر لها أكمل يطمنها ..لأ ياحبيبتي ان شاء الله هترجعي قريب متخفيش هانت بس لما ترجعي اوعي تنسينا وتيجي تزورينا دايما
مسحت الين دموعها ..اكيد طبعا بس ارجع قالتها بوجع نابع من داخل قلبها
صعدت الين الى غرفتها برفقة كرستين
نظر اكمل ل عماد..عندي اخبار جديدة
عماد نظر له بأهتمام ..اخبار ايه
اكمل بهدوء ..مها في مصحة للأمراض النفسية وصادق بدأ في النهاية خسارته بالملايين
بلع عماد لعابه بصعوبة..قصدك ان خلاص كلها فترة قصيرة والين ترجع
اكمل هز رأسه بهدوء ..ايوة وانت لو عايز ترجع انا مش همنعك ولو عايز تفضل هنا براحتك انت زي ابني شوف ايه اللي يناسبك
اكتفى عماد بهز رأسه بهدوء ولم يرد
فهم اكمل موقفه ولم يريد الضغط عليه ..روح انت ارتاح شكلك تعبان
رحل عماد من غير ولا كلمة لكنه يشعر بالضيق فكلها فترة بسيطة وستغيب شمس حياته هو يكفيه وجودها تنير حياته حتى وان لم تعرف بحبه هو راضي ان يكون بجانبها اخ وصديق🥺🥺🥺
..................
**في احد الكافيهات بالقاهرة يجلس يحيى ينتظر زين فهو يريد مقابلته
زين بأبتسامة هادئة ..السلام عليكم
يحيى نظر له بأهتمام ..وعليكم السلام عملت ايه
زين رفع اكتافه ومط شفتيه ..والله يابني دا كأنه فص ملح وداب دا الرجالة قالبة عليه مصر كلها ملهوش اثر حتي الصعيد والقرى الصغيرة مش سايبنها والله احنا مش ساكتين بس لحد دلوقتي مفيش جديد حتى اهله ميعرفوش عنه حاجة من وقت طويل اتهيقلي من ساعة ما عرف الزفتة دي وصاحبها
سرح يحيى وشرد بأفكاره
زين نظر له بأستغراب ..ايه ياعم روحت فين انت مش سامعني ولا ايه
يحيى هز رأسه بهدوء ..لأ سمعك بس وسكت مرة اخرى
زين..طب ما تفهمني بتفكر في ايه
يحيى نظر له ..تفتكر يكون سافر برا مصر
زين رفع حاجبيه ..ليه بتقول كدا
يحيى نظر له ووضع يده اسفل ذقنه .. طب فكر كدا معايا
زين حك رأسه ..افكر معاك قول
يحيى تنهد بهدوء ..دلوقتي انت قالب عليه الدنيا ومش لاقيه وكمان الورق اللي جالك من تركيا والورق دا اكيد هو اللي خده لان زي ما قولتلك محدش يقدر يدخل فيلا صادق بسهولة كدا وكمان اكمل اناضول هو عرفنا منين اربط كل دا مع بعض تلاقي ان عماد في تركيا مش في مصر بس ايه عرف عماد على اكمل انا لازم اسافر ل اكمل دا واعرف منه كل حاجة
زين رفع حاجبيه ..ياحلاوتك مينفعش طبعا
يحيى مط شفتيه وقلب عيونه ..ليه بقى
زين..تفتكر واحد زي اكمل دا هيقبلك كدا بسهولة
يحيى..ايوة ماهو شكله عارف كل حاجة وإلا مكنش بعت مدير شركته هنا لعقد الصفقات وموصي علينا
زين هز رأسه بهدوء ..ماشي ياسيدي كل كلامك ممكن يكون صح بس هتسافر ازاي هتقول ايه لصادق اصبر شوية نخلص هنا وسافر زي ماانت عايز
يحيى بعصبية..انا خلاص مش قادر حط نفسك مكاني وحس بيا
زين بنبرة هادئة ..والله حاسس بيك وربنا يعينك بس لو انت سافرت دلوقتي هضيع كل حاجة عملتها على الفاضي يعني لو صادق حس بحاجة مش بعيد يسبق هو ويبعت حد يخلص عليه قبل ما نوصله ونعرف منه كل حاجة
يحيى تنهد بقلة حيلة ..عندك حق بس تفتكر ان الين معه هناك ولا هنا ولاقتلها انا خلاص تعبت من كتر التفكير
زين..معلش صبرت كتير اتحمل شوية كمان
هز يحيى رأسه بإجاب
زين..انا عارف انه صعب عليك وعارف ان دماغك فيها مية سؤال وانك خايف يكون وهم وتكون الين ....انا اسف مش قصدي بس كل اللي احنا عارفينه احتمالات مفيش حاجة مؤكدة
يحيى هز رأسه بهدوء ..انا فاهم قصدك وانت عندك حق لازم اللعبة تخلص الاول طب انا تعبت هامشي بقى عايز حاجة
زين..خلي بالك من نفسك وحافظ على هدوءك قدام صادق دي اهم مرحلة خلي بالك
يحيى..ربنا يستر
رحل يحيى تحت نظرات زين..ربنا يعدي الايام اللي جاية على خير بس هي ممكن تكون الين في تركيا مع عماد والله ما انا عارف حاجة ربنا يعينك يايحيى وتخلص الغمة دي على خير
...................
***في فيلا صادق
دخل يحيى وجد صادق يجلس امامه حاسوبه الشخصي يتفحص مواقع التواصل
يحيى بهدوء..مساء الخير
صادق ابعد نظره عن الشاشة ونظر له..مساء الخير
جلس يحيى بالقرب منه وفجأة اتسعت عيناي صادق بصدمة وعدم تصديق..ايه دا ومين اللي عمل كدا
يحيى بأستغراب..في ايه مالك
صادق اشار له على شاشة الحاسوب..تعالا شوف بنفسك
اقترب يحيى منه وجد خبر يحمل صورة ل مها ومكتوب تحتها ابنتة صادق الشناوي في مصحة للأمراض النفسية اخذ يقلب صادق على اكثر من موقع وجد الكثير من المواقع نتشر نفس الخبر
يحيى بأستغراب ..مين اللي نزل الخبر دا اصلا
صادق هز رأسه بالنفي ..مش عارف انا بحاول اعرف مين بس مش ظاهر اي حاجة تعرفنا هو مين
يحيى.. وتفتكر ازاي عرفو واحنا نبهنا على الدكتور ان محدش يعرف (سرح يحيى.. ياترى مين اللي نزل الخبر وعرف منين معناه ان في حد بيرقبنا بس ياترى مين وليه يعمل كدا )
بعد وقت قصير يرن هاتف صادق ويرد
صادق بهدوء ..ايوة انا
اتسعت عيناه بصدمة لا يقدر على الكلام ووقع الهاتف من يده..........
البارت انتهي يارب يكون عجبكوا😍💪؟
فيه قصة حلوة لبنوته جديده هنشرها هنا غلي الواتباد بتاعي ياريت تتابعوها اسمها #صرخة_عشق
هنزل اقتباس ليها قريب
أنت تقرأ
الانتقام الاسود بقلم نوني الهواري كاملة
Misterio / Suspensoالانتقام الاسود دائما ما نحاول الغفران والنسيان ونجاري الحياة لكن ليس سهلا ولايصلح في كل الاحوال فعلى قدر الخطأ يكون العقاب وعلى قدر الاذي والظلم يكون الانتقام
