الانتقام الاسود بقلم نوني الهواري كاملة

🔥الفصل التالت🔥

الفصل الثالث
مر اسبوع لا جديد فيه سوى محاولات مها التقرب من يحيى بملابسها الضيقة التي تظهر اكثر ما تخفي ووضع يدها على صدره اوعلى ركبته دون تجاوب منه فهو يعاملها بأحترام ويتحمل ما تفعله على ان هذه هي طبيعة الطبقة الراقية التعامل بحرية زائدة في كل شئ الى ان جاء ذلك اليوم دخل يحيى مكتبه ومعه كروت الدعوة فهو طبع كروت عرسه على إلين كلم السكرتيرة يسأل على مها وصادق كي يعزمهم فهو يرى انهم اصحاب فضل كبير عليه وكان رد السكرتيرة ان مها في مكتب والدها ذهب يحيى الى مكتب صادق وطرق الباب ودخل بعد ان سمع اذن الدخول

يحيى بأبتسامة هادئة ..صباح الخير
صادق/مها..صباح النور
صادق..تعالا يايحيى كنا لسة في سيرتك مها بتشكر فيك اوي وفي شغلك
يحيى..شكرا دا كله من ذوقك يا فندم وياريت تسمحولي اني اعزمكم على فرحي يوم الخميس ان شاء الله ومد يده بالكرت

اشتعلت عيون مها غضبا ونظرت لوالدها
صادق بهدوء..جواز كدا على طول مفيش خطوبة
يحيى..احنا مخطوبين طول عمرنا وخلاص جهزنا كل حاجة
صادق فكر بسرعة ..بس مش هينفع انت الاسبوع اللي جاي كله مسافر الساحل مع مها عشان تستلموا القرية السياحية الجديدة
يحيى اختفت الابتسامة من على وجهه..ايوة يافندم بس
صادق بأبتسامة صفراء..مفيش بس لازم تأجل الفرح لان اكيد مش هينفع تتجوز انهاردة وتسافر بكرة وكمان تقعد اسبوع بعيد عن العروسة ولا ايه وبعدين دا اسبوع مش اكتر
يحيى بيأس هز رأسه بهدوء ..حاضر يافندم
ابتسمت مها وتغير وجهها بسعادة لان والدها نجح في تأجيل العرس
يحيى..طب عن اذنكم
صادق..اتفضل
خرج يحيى واغلق الباب خلفه
مها قامت من مكانها واقتربت من والدها ..يتجوز ارجوك يابابي اتصرف انا لو اتجوز انا ممكن اموت نفسي
صادق بنبرة هادئة يحاول تهدئتها..طب اهدي انتي بس وانا هشوف هعمل ايه
مها نفخت خديها بضيق..انا هروح النادي مش قادرة اقعد في الشركة
صادق..طيب روحي انتي وسوقي على مهلك وخدي عماد معاكي
مها بعصبية..لأ مش عايزة اشوف وش الزفت دا
صادق ..براحتك
خرجت مها من مكتب والدها وهي تفكر ماذا تفعل فهو مجرد اسبوع لابد ان يكون ملكها في اقرب وقت
امسك صادق هاتفه واتصل بشخص وانتظر الرد
صادق.. اسمعني كويس في واحد اسمه يحيى سليم ساكن في ...عايزك تجبلي تاريخه كله في خلال ساعتين
الشخص..اوامرك ياباشا
اغلق صادق هاتفه
صادق لنفسه..مها بتحبه يعني اكيد هتعقل ويتصلح حالها لازم يكون لها بأي طريقة انا مش هضيع الفرصة دي
...................

دخل يحيى مكتبه حزين ويفكر ماذا يقول لامه والين كيف له ان يكسر فرحتهم ويأجل العرس ورد فعل إلين انه مسافر مع مها اسبوع الساحل هل هتقتنع انه شغل ام ان غيرة المرأة تسيطر عليها اتصل على زين كي يجد حل معه
يحيى..السلام عليكم
زين..وعليكم السلام اهلا بالعريس
يحيى..عريس ايه وزفت ايه انت كمان
زين..في ايه يابني انت مش فرحك يوم الخميس تبقى عريس
يحيى..يابني اسمعني وحكى له ماحدث
زين..اوبا ايه الوقعة دي طب مفيش حد يسافر غيرك
يحيى..لأ مفيش انا اللي لازم اسافر
زين..طب وانت هتقول لأمك و إلين ازاي
يحيى..يا دي النيلة اومال انا مكلمك ليه عشان تقولي اعمل ايه
زين..مفيش حل غير انك تقولهم وكويس انكم موزعتوش الكروت وتحاول تمتص غضب إلين
يحيى..دا انا خايف من امي اكتر من إلين
زين..خلاص قولهم ان دا شغل ماينفعش يتأجل اما الجواز في ايدينا وبعدين هو اسبوع مش كتير يعني
يحيى..صح كلامك يالا سلام
زين..مع السلامة
اكمل يحيى عمله وذهب إلى منزله يقدم رجل ويؤخر رجل لا يدري كيف يفتح معهم الموضوع فتح الباب ودخل في هدوء وجد امه والين في غرفة والدته فهي ترتدي فستان الفرح وامه تقوم ببعض التعديلات عليه نظر اليها بحب كم تبدو جميلة وكم تمنى ان يراها بهذا الفستان فاق من شروده كيف سيخبرها بتأجيل العرس تراجع خطوتين فهم لم ينتبهوا له