الانتقام الاسود بقلم نوني الهواري كاملة

🔥الفصل الثاني عشر🔥

الفصل الثاني عشر
لم يكن امام يحيى سوى حل واحد كي يكمل انتقامه ويبعد تفكير صادق عن احضار طبيب لها وفكر في تمثيل دور الزوج المحب لزوجته
يحيى نظر له بحدة وقال بعصبية مصطنعة..انا مراتي مش مجنونة انت عايز تقول انها مش طبيعية انا مش هسمحلك تعمل فيها كدا انا هأخدها وامشي من هنا هي عشان نفسيتها تعبانة محدش يتحملها وبعدين لو انا وأنت مش متحملنها مين يتحملها ها قولي رد عليا قالها بصوت عالي
صادق خاف من انفعاله وقال بنبرة هادئة ..طب اهدى انا مش قصدي انا خايف عليها بس مش اكتر وانت عندك حق احنا لازم نتحملها انا مكنتش فاكر انك بتحبها اوي كدا ومستعد تعمل اي حاجة عشانها
يحيى بأبتسامة مزيفة..طبعا دي مراتي حبيبتي وانا لايمكن اتخلى عنها ابدا
صادق تنهد براحة..طب يايحيى انا كدا ارتحت واطمئنت على مها تقدر تروح تنام وترتاح تصبح على خير
يحيى تنهد براحة كبيرة انه استطاع اقناعه وابتسم له..وانت بخير
.................
مر شهر واشتغلت شركة زين واخذ يحيى بعض الموظفين من بينهم نادر واعلنت الشركة عن طلب سكرتيرة وتقدمت فتيات كثيرات للوظيفة ولكن زين اختار فتاة يبدو عليها انها من اسرة متوسطة وملابسها محترمةواسمها نادين(فتاة جميلة عندها ٢٤سنة عيونها بنية محجبة )
جاءت نادين الشركة بعد ان اتصل بها زين بلغها قبولها في الوظيفة طرقت على الباب ودخلت
نادين بهدوء..السلام عليكم
زين..وعليكم السلام اهلا بيكي معنا هنا في الشركة
نادين بأبتسامة هادئة ..اهلا بحضرتك انا بس عايزة أقول لحضرتك على حاجة مهمة قبل ما أستلم الوظيفة
زين بأستغراب..اتفضلي قولي
نادين بنبرة هادئة واحترام..حضرتك انا مش غير لبسي
زين اتسعت عيناه بأستغراب ..يعني ايه انا مش فاهم
نادين ..يعني طريقة لبسي هتفضل زي ما هي انا مش هقدر اشيل حجابي او البس ضيق او قصير
شعر زين بالراحة وانه اختار صح فهي انسانة محترمة ومهما كانت المغريات والماديات فالانسان عليه التمسك بأخلاقه ومبادئه
نادين بقلق من سكوته فهي تخيلت انه لايعجبه كلامها.. احمم شكل حضرتك مش عجبك كلامي انا اسفة اني ضيعت وقتك
زين بأبتسامة هادئة ..لا ابدا انتي فهمتي غلط انا مطلبتش منك تغيري حاجة واحنا هنا شركة محترمة والسكرتيرة لها عمل تقوم به مش عشان العملاء يتفرجو عليها وهي لبسة ضيق او قصير
نادين شعرت براحة كبيرة ..شكرا لحضرتك
زين بأبتسامة..مفيش شكر في شغل اتفضلي عند المحامي عشان تمضي العقود وتشوفي شغلك
نادين قامت من مكانها ..عن اذنك
زين..اتفضلي
خرجت نادين تحت نظرات زين فهو معجب بأخلاقها
.................
**في تركيا
في مكتب أكمل دخل عماد بعد ان طرق على الباب واتاه اذن الدخول
عماد بهدوء..صباح الخير
اكمل..صباح الخير
عماد بتساؤل..ها في معلومات جديدة عرفتها حضرتك
اكمل هز رأسه بهدوء ..ايوة في واحد صاحب يحيى اسمه زين فتح شركة كبيرة ويحيى بيقابله في السر من غير ماحد يعرف بس اللي مش فاهمه لما صاحبه غني كدا ويقدر يفتح شركة ليه ماخدش منه تمن الشيك وخلص نفسه من صادق وبنته
عماد رفع اكتافه ومط شفتيه بعدم معرفة ..مش عارف بس حضرتك متأكد انه صاحبه ومحل ثقة
اكمل نظر له نظرة مؤكدة لكلامه..ايوة من طريقة مقابلتهم وانت بتفكر في ايه
عماد تنهد بهدوء ..اصل انا كنت بفكر ازاي ابعت الورق ل يحيى طبعا مش على الشركة او الفيلا لكن دلوقتي هبعت الورق ل زين ايه رأيك
اكمل هز رأسه بتأكيد..فكرة كويسة والشركة دي منافس قوي ل صادق عشان كدا هعقد معهم صفقات كتير عشان الشركة تكبر وكمان هوصي عليهم هناك في مصر
عماد ابتسم ابتسامة هادئة ..كدا كويس جدا عشان يقدرو يواجهو صادق لأنه مش سهل
اكمل.. خلاص انا هبعت حد من شركتنا لعقد الصفقات
عماد..خلاص وانا هبعت الورق مع حد من هنا يوصله ل زين
اكمل..كدا احسن
عماد..طب عن اذن حضرتك تؤمرني بحاجة تانية
اكمل..لا اتفضل
خرج عماد من المكتب وجد الين تمسك بشئ تخفيه وتضمه لصدرها وتتلفت حول نفسها كي لايراها احد
عماد اقترب منها ونظر لها بأستغراب ..انتي يااوزعة سرقتي ايه
الين بخضة..هاااا شوووو اسكوت لحد يسمعك
عماد بصوت واطي..انتي قتلتي مين وسرقتي ايه
الين هزت رأسها بالنفي .. لأ انا مقتلتش حد انا سرقت بس
عماد رفع حاجبه الايسر..سرقتي نهار اسوح سرقتي ايه يخرب بيتك
الين ..تعالا وانا اقولك
خرجت الى الحديقة وعماد خلفها وصلت لطاولة ووضعت عليها ما تضمه
ادمعت عيناي عماد من الضحك عندما رأى ماسرقت.. ايه دا انتي سرقتي سوبر ماركت ايه كميه الشيكولاتة دي كلها
الين اسبلت عيناها ببراءة ومطت شفتيها بزعل طفولي..اعمل ايه ماهما اللي منعني من الشيكولاتة وانا بحبها اوي
عماد تنهد بقلة حيلة ..ياسلام ياختي ومين اللي منعك مش الدكتور عشان جالك حساسية ودا مش كويس عشان البيبي انتي مش عايزة البيبي يكون كويس وبعدين حتى لو مفيش حساسية الكمية دي كلها مش بس تجبلك السكر دا انتي تبقي المرض نفسه اللي يلمسك يجيله السكر
ضحكت الين على طريقة كلامه ..طب بقولك ايه ياعمدة ممكن اطلب منك طلب
عماد ابتسم لها ابتسامة هادئة ..اطلبي
الين..ممكن تأخذ واحدة تأكلها وانا اتفرج عليك
عماد رفع حاجبيه ..انتي هبلة يابت
الين بزعل ربعت يداها امام صدرها..هو لا اكل ولا اتفرج ايه الظلم دا
عماد تنهد بهدوء ..ماشي يا ستي حاضر
اخذ واحدة وفتحها تحت نظرات الين العاشقة لشيكولاتة وقربها من فمه وقضم منها والين تنظر له نظرات تائهة نظرات عاشقة وضعت يدها تسند خدها تتنهد تمنى لو كانت هذه النظرات له وليست لشيكولاتة لم يتحمل نظراتها له ووضعها على الطاولة
الين نظرت له بأستغراب ..مالك مكلتهاش ليه حرام عليك دي حلوة
عماد بحدة..انا اصلا مش بحب الحلو
اخذ نفسا عميقا كي يهدأ قليلا ويحاول السيطرة على نفسه بلع لعابه بصعوبة
عماد اخذ نفسا وزفره بهدوء ..سيبك من الشيكولاتة انا عايزك في موضوع مهم
الين نظرت له بأهتمام ..موضوع ايه
عماد نظر لها يسألها..انتي تعرفي واحد اسمه زين
الين هزت رأسها بإيجاب..ايوة اعرفه دا صاحب يحيى ومتربين مع بعض دا جارنا ماله زين
عماد..لا ابدا اصله فتح شركة كبيرة الفترة اللي فاتت واكمل بيه بيفكر يعمل بزنس معه فقولت اسألك عنه لو تعرفيه لان اكمل بيه بيحب يتعامل مع ناس كويسة وبيحب يمشي صح
إلين اتسعت عيناها بأستغراب..زين فتح شركة انت اكيد وصلتك معلومات غلط اكيد زين واحد تاني مش صاحب يحيى
عماد..ليه بتقولي كدا ايه المشكلة ان زين صاحب يحيى يفتح شركة
الين..ابدا اصل زين زينا كدا
عماد بتساؤل..زينا ازاي يعني
الين..يعني مستواه المادي زي وزيك وزي يحيى الناس العادية دا كان شغال مع يحيى في المطعم وكان طالع عينه عشان يصرف على امه واخواته البنات اصل عنده اختين وما جوزهم إلا بطلوع الروح يقوم يفتح شركة ازاي بس
سرح عماد فتوقعه كان صحيح ان يحيى هو من فتح الشركة وبأسم صاحبه حتى لايعرف احد
الين..ها روحت فين
عماد..لا ابدا معاكي طب قوليلي هو زين دا علاقته ايه ب يحيى
الين..علاقتهم كويسة جدا زين صاحبه واخوه ملهومش غير بعض
عماد شعر براحة كبيرة..طب كدا تمام
الين تريد معرفة فيما يفكر..هو في حاجة
عماد..لا ابدا مفيش
الين..طب بقولك ايه ياعمدة خد الشيكولاتة دي رجعها مكانها لحسن انا خايفة ارجعها حد يشوفني
عماد رفع حاجبيه..ياسلام ياختي اقوم ارجعها انا وحد يشوفني
جاء صوت كرستين من خلفهم..لا انت ولا هي انا اللي هرجعهم
انتفض الاثنين من مكانهم
عماد..مدام كرستين
الين..ماما
كرستين..انا شوفتك و انتي بتخديهم وكنت هزعل اوي لو كلتي منها لكن لما شوفت عماد قولت اكيد مش هيخليكي تأكلي منها
الين ببراءة طفولية..دا حتى مرضيش يأكلي واحدة
ضحكت كرستين..يأكلك واحدة معلش ياستي اكلك انا ولاتزعلي
الين نظرت لعماد ..شوفت ماما الطيبة مش انت
عماد مسح وجهه بيده..معلش انا شرير الفيلم
الين نظرت له وقالت بجدية..عماد ممكن اجيب كتاب المادة اللي عندي فيها امتحان بعد بكرة عشان تفهمني
عماد ابتسم لها ابتسامة هادئة ..خلي بالك انتي بتستغليني
الين بأبتسامة هادئة ..معلش ياعمدة اصل انت شرحك ممتاز انت المفروض تدرس بدل دكتور كفتة دا محدش بيفهم منه حاجة
عماد ضحك على طريقة كلامها ..طب يالمضة روحي هاتي الكتاب وتعالي
الين بفرح..شكرا يااحلى عمدة
ذهبت الين تحت نظرات عماد وكرستين تتابع وتشعر بالحزن على عماد فهو فعلا يحبها نظر عماد ل كرستين وجدها تنظر له بحزن
عماد استغرب نظرتها له..في حاجة يامدام كرستين
هزت كرستين رأسها بالنفي..لأ مفيش بس انا حاسة بيك
توتر عماد من كلامها ترى ماذا تقصد..انا مش فاهم حاجة حضرتك تقصدي ايه
كرستين بحزن واضح من ملامحها ونبرة صوتها..انا عارفة انك بتحبها بس للاسف هي...
قاطعها عماد يتنهد بهدوء..انا عارف انها متجوزة وبتحب جوزها ولايمكن تحب غيره يمكن هو دا اللي شدني ليها اخلاصها له يمكن لو واحدة تانية في مكانها بعد ماعرفت انه اتجوز وكمان من واحدة كانت عايزة تقتلها كانت كرهته لكن اللي بيحب حد بجد ميقدرش يكره حبيبه القلب دا عجيب منقدرش نتحكم فيه و نوجه يحب مين ويختار مين وحتى لو الشخص اللي بنحبه مش هو المناسب لينا بردو مش بنقدر نبعد عنه
ابتسمت كرستين وربطت على كتفه..ربنا يعينك انا عارفة انك في موقف صعب
جاءت الين ومعها الكتاب واخذت كرستين الشيكولاتة
كرستين..انا هأخد دول طبعا محدش عايزهم
الين هزت رأسها بالنفي ..لأ خلاص مش هأكل شيكولاتة تاني خالص عشان البيبي ربنا يصبرني
وضعت الكتاب امام عماد
الين نظرت له..يالا ياعمدة
عماد بجدية متصنعة..في واحدة تقول ل استاذها عمدة
الين بأسف..انا اسفة يا أستاذ عمدة مش هقول عمدة حاف تاني كويس كدا
ضحك عماد كما لم يضحك من قبل فهي رجعت به ل ايام ما كان برئ نقي لم تلوثه الحياة بزينتها الكاذبة المزيفة ولا جريه وراء الراحة والمال
عماد هز رأسه بهدوء ..ايوة كدا اوعي تنسي
اخذ الكتاب وبدأ يشرح لها
..................
**في شركة زين
مرت الايام وبدأ زين يتعلق ب نادين وشعر بالانجذاب ناحيتها لكن لا يعلم هل هي تشعر بنفس شعوره ام لا
في صباح احد الايام جاء زين الى مكتبه سمع صوت نادين تتحدث في الهاتف وتضحك بصوت عالي فأردا معرفة ماذا تقول ومع من تتحدث ظل واقفا عند الباب فهو خلفها وهي لا تراه
نادين بصوت عذب وجميل ..ايوة يا حبيبي عامل ايه دلوقتي
.....
نادين بنبرة هادئة ..شربت حاجة سخنة زي ما قلتلك
....
نادين..طب ياقلبي ارتاح انت النهاردة ومتنزلش وانا مش هتأخر هاجي على طول
......
نادين بضحك ..لا مش هزوغ من الشغل دا المدير بتاعنا صعب أوي اخلص شغلي واجي اجبلك حاجة معايا
......
نادين بحب واضح في صوتها..تعب ايه بس دا انا لو اطول اديك عنيا مش هتأخر
......
نادين..ويخليك ليا يارب وميحرمنيش منك ابدا ها قولي اجبلك ايه
......
نادين بقلق ..بس كدا حاضر بقولك ايه اوعى تقعد في البلكونة انت بتكح وصوت كحتك منيمنيش امبارح
.....
نادين ..لأ مش قصدي ازعجتني ايه بس انا خايفة عليك
.......
نادين..دا انت احلى حاجة في حياتي ياخواتي على الكلام الحلو دا كله انا لما اجي هكلك
......
نادين...اضحك اضحك شوف مين هيخلصك من ايدي
......
نادين..سلام يا عمري
صدم زين من كلام نادين دخل وعيونه تكاد تخرج من مكانها من شدة الغضب
زين نظر لها نظرة غصب وقال بعصبية..صباح الخير
نادين وقفت..صباح الخير يافندم
دخل زين الى مكتبه واغلق الباب خلفه بقوة
نادين لنفسها..دا ماله شكله متعصب كدا ليه وانا مالي بس شكله يجنن حتى وهو متعصب استغفر الله العظيم ايه اللي انا بقوله دا انا اسكت واشوف شغلي احسن
***في مكتب زين
زين يتحرك مثل الاسد الحبيس ويكلم نفسه
زين..انت مالك هي حرة تعمل اللي هي عايزاه
نفسه..يعني ايه حرة دي شغالة عندي
زين..وان كانت شغالة عندك ايه اللي مزعلك
نفسه..زعلني انها محترمة ازاي تعمل كدا
زين..ما يمكن جوزها
نفسه..لا هي قالت انها انسة
زين..يمكن خطبها
نفسه..ازاي تكلم خطبها بالوقاحة دي وبعدين كحته اللي مخلتهاش تنام يعني كان نايم معها
زين..وانت مالك انت ليك شغلها وبس وهي مقصرتش في الشغل يبقى ملناش دعوة
نفسه..يعني ايه ملناش دعوة دا انا عايز اكسر دماغها
زين..وليه دا كله هو انت بتحبها
نفسه..لأ مش بحبها بس لازم تتربى عشان متعملش عليا شريفة ومش هغير لبسي ولا اشيل حجابي يقلد صوتها
زين..انا مش فاهم انت قاهر نفسك ليه انت متأكد انك مش بتحبها
نفسه..مش عارف
زين..اومال مين اللي يعرف
سكت زين قليلا ..انا شكلي اتجننت وبكلم نفسي منك لله يانادين
رفع زين سماعة الهاتف الداخلي واتصل على نادين
زين بغضب واضح في صوته..تعالي وهاتي الورق اللي عايز يتمضى
نادين..حاضر يا فندم
نادين لنفسها..اه منك زين مش عارفة هتجنني ليه بفكر فيك كتير دا انا حتى مش عارفة انت متجوز ولا خاطب ولا مرتبط تنهدت اه شكلي اتجننت رسمي وبكلم نفسي اما اروح اوديله الورق شكله متعصب اوي النهاردة
طرقت الباب ودخلت ووضعت الاوراق على المكتب
نادين..الاوراق يافندم
نظر لها زين نظرة مشتعلة لو كانت النظرات تحرق وتقتل لحرقها وقتلها في مكانها لم تفهم نادين لماذا ينظر لها هكذا
زين بغضب واضح ..اقعدي
نادين جلست بخوف فشكله لا يبشر بخير وقالت بتوتر..ف ف في حاجة يافندم
وقف زين من على مكتبه واقترب منها .......