سلطان العشق ﴿الجزء الاول من سلسلة أصابك عشق﴾

الفصل الاول

فى إحدى المناطق الراقية بفيلا
(رحيم عبد الرحمن القاضى)..

كانت تهبط السلالم بخفة وهدوء خوفا من أن يراها احد ويبدا باستجوابها تحديدا وهى نفسها كانت رافضة لما تفعله الآن ولكنها كانت مرغمه على ذلك وعندما كانت تهبط آخر سلم وجدت والدتها امامها(هنا سالم نصار) سيده بأواخر العقد الرابع من عمرها بيضاء البشرة ولديها زوج من العيون الخضراء الداكنه وشعرها بندقى اللون بشوشه الوجه وطيبة القلب..

وقفت هنا امام ابنتها تطالعها بغرابة:-لتحدثها باسمه:-ممكن اعرف حضرتك يااستاذة لابسة كده وخارجه على فين دلوقتي وخصوصا انك معندكيش محاضرات زى ماقولتى الصبح لباباكى ياست شهد..

حدثتها شهد بهدوء:-ولا حاجه خارجه اشم هوا ولاانا متحدد اقامتى ياماما..

شهد رحيم القاضى فتاة باواخر العقد الثانى من عمرها طويلة القامه ممشوقة القوام هادئة الملامح لديها انف مستقيم، بيضاء البشرة ،ولديها زوج من العيون الخضراء الداكنه ورثتها عن امها وشعر بندقى اللون طويل وناعم تخرجت شهد من كلية الاقتصاد والعلوم السياسة وهى تمتهن التدريس تعمل كمعيدة بالجامعه بعد ان حصلت على الماجستير بدرجه امتياز تؤمن بحرية المرأة وضرورة عملها ودائما ماكانت على خلاف مع اخيها الاكبر حول ذلك...

حدثتها هنا بروية وهدوء باسمه:-لاياحبيبتى مش متحدد اقامتك ولا حاجه بس انا عاوزة اعرف انتى رايحه فين يعنى عشان اخلى الاسطى سيد يوصلك ..

شهد بعصبية:-اه وياريت كمان لو يستنانى ويجبنى لحد هنا عشان ماحدش يخطفنى هو انا عيلة صغيره ياماما..

هنا:-لاء بس انا عاملة على مصلحتك..

شهد:-اطمنى انا عارفه مصلحتى كويس..

هنا:-تمام ياشهد اخرجى بس حاولى ترجعى بدري وارجوكى تاخدي بالك من نفسك تمام..

شهد باسمه :-حاضر ياحبيبتي اطمنى انا اعرف اخد بالى كويس من نفسي ومش هتاخر وماتقلقيش عليا ده أنا بنت القاضي اسما ونسبا سلام ياجميل..لتقبل يدها وتخرج مسرعه من المنزل وهى تتنفس براحه،بينما وقفت هنا تتطلع امامها بقلق وقلة حيلة لتاتى من ورائها(حكمت) التى تعمل بالمنزل سيدة تماثلها بالعمر قصيرة القامه ذو بشرة خمرية وعيون سوداء وشعر اسود اللون ....

حكمت بلوم:-بردوا سبتيها تخرج ياست هانم طب كنتى خلى الاسطى سيد يروح وراها ولا يوصلها..

لتزفر هنا بضيق لتقول:-ماينفعش ياحكمت ماانتى عارفة شهد عنيدة ازاى ولو كنت عملت كده ماكنتش هتسكت..

حكمت:-بس ياهانم انتى عارفة هى رايحه فين وهتقابل مين..

هنا:-ماهى المصيبة انى عارفه بس لازم اسكت واعمل نفسي مااعرفش عشان ماتعندش وخصوصاً ان البيه هو كمان مش ساكت وبيزن..