سلطان العشق ﴿الجزء الاول من سلسلة أصابك عشق﴾

الفصل العشرون

وقفت تتطلع إليه بتوتر تحدثه بصوت هامس:-انت ليه ..ليه مااتجوزتهاش ...

طالعه هو بعدم فهم بالاول ولكنه بعد لحظات فهم ما كانت تتحدث عنه ليقول:-اظن أن الموضوع ده يخصنى ولا..

قاطعته قائلة:-انا مش قصدي اتدخل فى حياتك بس عمتى كانت فهمتنى انك هتتجوز بنت عمك بعد جوازنا بكام يوم بس ده..

ليحدثها ببرود:-مش هيحصل يااسيا جوازى من بنت عمى مش هيحصل..

آسيا:-انا السبب مش كده اكيد هى مارديتش تتجوزك..

قاطعها على بحزم قائلا:-اسيا انسي الموضوع ده خالص وانتى اصلا مالكيش دخل بيه الموضوع كله قسمه ونصيب وانا وهى مش لبعض من الاول..

خفضت اسيا راسها لاسفل بحزن والدموع تتجمع بعينيها وهى تتذكر حديث اخيها عنها وهى تقول:-اصل دى جدمها جدم بؤس وشوم...

وقتها طالعها على بحزن ليجدها تقول:-انا السبب في كل حاجه وحشه بتحصل ياريتنى كنت موت مع امى وهى بتولدنى ياريتنى..

وقتها اشفق على عليها وذهب اليها مترددا ليحتويها بين ذراعيه يحدثها مبتسماً مطمأنها:-اسيا اوعى اسمعك تقولى عن نفسك كده تانى وبعدين صدقينى انتى مالكيش دخل ولاذنب بأى حاجه أبدا الحكاية ملهاش دخل بيكى الحكاية كانت لعبة كانت مجرد لعبة..

ابتعدت عنه آسيا تطالعه بعدم فهم:-يعنى ايه الكلام ده ياعلى..

ابتعد عنها على مبتسما بألم:-يعنى خلاص،المهم سيبك منى انا دلوقتي انتى ناوية على ايه..

آسيا دامعة:-مااعرفش مااعرفش اى حاجه كل حاجه راحت مع بابا الله يرحمه كل احلامى انتهت يوم مامات وسابنى..

ابتسم لها على قائلاً بمرح يناقض حالتهم تلك:-وده ايه أن شاء الله بقى من امتى حياتنا بتقف أو بتنتهى مع اللى راحوا كان زمان كل الناس دى وقفت حياتهم كان زمان الكل مات وانتهى مع اللى راح يابنت خالى،واكبر مثال اهوه احنا ابونا لما مات كان كل حاجه لينا مش ليا انا وعاصم بس لاء لامى كمان وقتها كنا نعمل ايه نوقف حياتنا بالعكس كملنا واخويا درس طب وبقى دكتور اد الدنيا وانا بقيت صحفى الدنيا مابتقفش على اللى راحو يااسيا واظن أن خالى عمره ماهيبقى مرتاح في نومته وهو شايفك مش محققه احلامك ولا سعيده في حياتك...

لتطالعه هى بغرابة ليكمل:-عشان كده انا قدمتلك فى كلية العلوم اللى هنا في اسكندريه يعنى اخدت ورقك من الجامعه فى قنا ونقلتها لهنا وهترجعى تكملى دراستك من جديد وكل اللى وقف يابنت خالى هيرجع لازم تعيشي حياتك وانا هفضل واقف وراكى هحميكى وهساعدك مش هسيبك ابدا لحد اخر يوم في عمري هفضل وراكى سواء كنتى مراتى أو حبيتى تنفصلى عنى..

وقتها طالعته آسيا دامعة مبتسمه له بامتنان دون أن تنطق بحرف ليقول:-اسيا عاوزة اقولك على حاجه مهمه ...