سلطان العشق ﴿الجزء الاول من سلسلة أصابك عشق﴾

الفصل التاسع والعشرون

وصل للمصنع ليرى ماحدث به من تلفيات لينقذ ما يمكن إنقاذه ليجد كل شئ متدمر فلقد احترق المصنع الجديد بالكامل ولم يبقى منه غير الرماد والخراب يحاوطهم ذلك المصنع الذي كان ينوى ان يصبح أكبر مصنع لتصنيع وتجميع السيارات بالجمهورية بل بالبلاد باكملها ، مصنع يعمل به اكثر من ملايين العمال ويكون اول مصنع مصرى يصنع سيارة مصرية عليها اسم عائلته اسم المصرى وكان قد إنتهى من تجهيزه بالكامل بالفعل وحتى انه كان قد نوى على افتتاحه بأقرب وقت ولكن الان تحطمت تلك الآمال والأحلام وضاعت وسط الرماد والخراب الذي حل به ليقف بمنتصف المكان يتطلع الي ماصار وهو يشعر بالحزن والغضب معا لما حدث...

حينعا كان يقف امير وبلال بجواره على بعد خطوات منه يتحدث مع رجال المباحث ليفهم منهم ماحدث ..

ليسمع احدهم يخبره:-من خلال المعاينة المبدأية للمكان فالحريق ده ..

استبقه امير يخبره:-بفعل فاعل صح..

اومأ له باسف ليبتسم بلال له بسخرية:-كنت متأكد من ده ماهو المصنع مش هيولع كده لوحده اكيد حد هو السبب فى الدمار اللى حل ده ...

ليحدثهم احد المحققين بالواقعة بتساؤل:-حضراتكم بتتهموا حد فى اللى حصل او ليكم عداوة مع حد وبتشكوا انه هو اللى عملها..

وقبل ان ينطق بلال بحرف استمعوا طلال يخبرهم بهدوء قائلا:-لاء مافيش حد بنتهموا ولا فى حتى عداوة لينا مع حد يافندم اللى حصل ده قضاء وقدر ربنا بقى يعوض علينا ..

طالعه وقتها بلال بصدمة وهو يدير وجه مبتعدا والغضب يتملكه وقتها نظر امير لبلال بحزن فهو يعلم مايعانيه الان فهو قدر ذاقه وعاشه لسنوات..

بينما اومأ له المحقق يحدثهم بهدوء:-تمام احنا خلصنا المعاينة والفحص المبدأى دلوقتى والعينات هتروح للطب الجنائي ونتأكد وهنبقى عاوزين حضراتكم تشرفونا فى النيابة بكرا او بعده بالكتير عشان نخلص التحقيق ..

وقتها بلال لم يتحمل ليحدثهم بغيظ ساخرا: -هو احنا كمان هيتحقق معانا يعنى مصنعنا خرب واتحرق وكمان..

تدخل وقتها كرم يحدثهم باسما بضعف:-دى إجراءات قانونية واحنا فاهمين معلش اعذرونا يعنى اللى احنا فيه ده مش سهل ابدا وان شاء الله هنكون متواجدين بكرا فى النيابة..

اومأ لهم رجال المباحث بتفهم ليرحلوا ليتركوهم يقفوا الاربع يطالعوا ما حدث بأسف وأسي ..

زفر كرم بضيق وقتها وهو يتطلع لاخيه: -ممكن تهدى شوية الامور دى مابتتحلش بالعصبية ولا النرفزة الناس بيشوفوا شغلهم يعنى مالهمش دخل بان مصنعنا اتحرق ولا حصله اللى حصله هو بيعملوا شغلهم..

ليحدثهم بلال بغضب صارخا:-ومادام بيعملوا شغلهم انا نفسي افهم ليه كلنا عارفين مين ورا اللى حصل ده وبردوا بنسكت مبلغناهمش باللى حصل ليه وانكرنا ليه ماقولناش مين اللى حرق المصنع ليه....