سلطان العشق ﴿الجزء الاول من سلسلة أصابك عشق﴾

الفصل السادس والعشرون

الله يخليك خليك جمبى..
مبقاش فى مساحه لجرح كمان..

انا يمكن اكون صعب شوية..
بحتاج لكلام يدينى أمان..

ماانا شوفت كتير وتعبت كتير
ومريض تفكير عصبى وحساس..

وانا مش محتاج غير قلب كبير
اتونس بيه قدر الإمكان...
فارس قطرية..

ظل قابع بالمشفى امام غرفة العناية يتطلع اليها يفصله عنها ذاك الجاحز الزجاجى الغبي منتظرا اى استجابة منها منتظرها تصحو وتعود لطبيعتها ليستمع لصوتها حتى لو كلفه ذلك عمره هو الآخر ظل على وضعه مترقبا كالطفل الصغير الذي ينتظر عودة امه لتمسك بيده مرة اخرى وتخرجه من ذلك الخوف والظلام الذي يحاوطه لتعود به لبر الأمان ليشعر بيد فعلا تتمسك به ليطالع يده بدهشة وعينين مغروقتين بالدموع ليجد من يمسك يده لم تكن امه بل كانت هى آسيا زوجته كما هو مثبت بالاوراق الرسمية وقفت بجواره تمده بالقوة ولأول مرة يتطلع اليها ليراها الان بصورة اخرى مختلفه يراها ولأول مرة ذات ملامح جميلة هادئة على الرغم من حزنها المرتسم على قسمات وجهها الا انه راى بها ماكانت امه دائما تحدثه عنه براءة قلبها ونقاء روحها وطيبتها وحنانها المتناهى فهى كل ذلك الوقت بجواره لم تكل او تمل منه او حتى تتركه وحيد بحزن كما فعل هو بها بل على العكس كانت معه دائما لاتفارقه ابدا ظلت بجواره طوال الوقت تمده بالقوة والصبر ليسمعها تحدثه باسمه بضعف:-ماتخافش عمتى قوية وهتقوم منها بإذن الله يما دقت عالراس طبول مش دى كلمتها اللى على طول بتقولها لينا..

ليحدثها على بصوت باكى مهموم:- المرادى واقعه جامده غير يااسيا واقعه بكسرة ضهر ملهاش قومه..ده ابنها الكبير كمان البكرى ..

شدت على يده برفق مبتسمة:-هتقوم ان شاءالله هتقوم منها وهتبقى زى الفل وربنا هيصبرها ماهى مش هتسيبنى لوحدى..

وقتها تبادل الأدوار وشد هو على يدها يطالعها بحزن رافضا كلمتها:-وانا روحت فين ماانا مش هسيبك انا جمبك يااسيا، اناوانتى بقينا لبعض خلاص مبقاش لينا غير بعض ، مصيرنا انكتب لبعض وعمرى ماهسيبك يا آسيا زى ما انتى كمان مش هتسبينى..

طالعته وقتها آسيا بحزن والدموع تتجمع بعينيها لتحدث نفسها قائلة:-على عينى فراقك ياعلى بس انت اللى هتسيبنى خلاص، دنيا هترجعلك وهتبقى جمبك وهتعيش متهني وانت اللى هتسيبنى وهرجع لوحدى من غيرك ، عمتى هى اللى باقيلى هى ليا ياعلى من بعدك هى اللى هتصبرنى على فراقك هى اللى منك لكن انت لاء انت لسه قلبك ليها متعلق بيها هى على عينى ياحبيبى على عينى..

وكأنه استمع لها ليحدثها دامعا:-وانا هيبقى ليا مين غيرك يااسيا العالم كله ضدى وسابنى لوحدى مالقتش غيرك جمبى لو انتى بعدتى عنى انا هنهزم وهقع، انتى بقيتى ليا كل حاجه يااسيا اختى وصاحبتى وسندى انا يمكن مش بحبك دلوقتى لكن جوايا ليك مشاعر غريبة عليا مشاعر قلبى بيقولى انك ليا وان انا ليكى يااسيا مهما حصل ومهما طال العمر انا توهت مرة فى بحر غيرك والمرادى انا مش عاوز اتوه تانى عاوز ارسي على برك انتى من غيرك انا مااعرفش ازاى هكون ماتسبنيش يااسيا..