سلطان العشق ﴿الجزء الاول من سلسلة أصابك عشق﴾

الفصل الثالث عشر

تطلعت شهد لرمزى بصدمه وهى تراه امامها وهو بتلك الحالة المزرية ولكن كل ذلك لم يجعلها تحن أو تشفق عليه للحظه وعندما حاول أن يقترب منها ابتعدت عنه وصرخت به بحده:-انت ليك عين تيجى لحد هنا انت ايه ماعندكش دم ماعندكش احساس امشي اطلع برا..

رمزى بضعف:-شهد اسمعينى انا جاى عشان..

لتصرخ به شهد مرة أخرى:-اطلع برا ايه مابتفهمش خلاص العامية اللى كانت مغمضه وماشية وراك فتحت خلاص انا مبقتش عاوزة اشوفك فى حياتى مابقتش عاوزة اشوف خيالك حتى انا بكرهك عارف يعنى ايه بكرهك زى ماعلمتنى الحب علمتنى الكره كمان انا بقيييت بكره اطلع برا بقى...

رمزى:-شهد انا ...

جمال بغضب:-هو انت ايه مافيش دم عاوز ايه اكتر من اللى سمعته..

ولكن رمزى لم يعيره اهتمام ليتحدث بعدها لشهد ناظرا لها بندم والدموع تتجمع بعينيه:-انا اسف انا عارف انى مش من حقى انى حتى اتكلم بس انا لسه بحبك..

وقتها تطلعت له شهد باسمه بسخرية وقتها لم يتحمل طلال ذلك،ليتدخل بتلك اللحظة يحدثه بصوت جاهد أن يبدو متماسك وهادئ:-اظن كفاية لحد كده يااستاذ واتفضل من غير مطرود..

وقتها تطلع له رمزى بقوة وهو ينظر اليه بتمعن غاضبا:-وانت مين بقى ان شاء الله عشان تكلمنى كده اصلا ومين سمحلك بده..

جمال بعصبية:-لا بقى ده انت زوتها اوى وهقولهالك لآخر مرة بالذوق اطلع برا بدل ما اطلعك بالعافية..

وكأنه كان يحادث الهواء فوقف يتطلع كلا من رمزى و طلال لبعضهم البعض بنظرات عدوانية ليتحدث رمزى بغضب اعمى:-هو ده بقى اللى جه بديل ليا عيلتك اختارولك ده ..

وقتها لم تتحمل شهد أكثر ورفعت يدها وصفعته على خده بقوة والدموع تنهمر من عينيها بينما وقف الجميع يتطلعوا لها بصدمه غير مصدقين لما حدث لتحدثه صارخه:-اطلع برا بيت القاضي ماينفعش واحد زيك يدنسوا برجله واحد ابن تاجر مخدرات وسلاح ناس مايعرفوش غير الكدب والخيانه والدم انا بحتقر نفسي مليون مرة فى اليوم انى عرفت واحد زيك وانى كنت فاكرة أنى بحبه،كلهم كان عندهم حق ماينفعش ابدا الفلصو يبقى دهب وانت فلصو زيك زى عيلتك بالظبط ماتفرقش عنهم حاجه..

طالعها رمزى بضعف وهو يخبرها:-بس انتى لسه بتحبينى ياشهد وانا عارف ده، امى غلطت لما عملت اللى عملته ده بس والله انا ماكنت اعرف..

تطلعت له شهد باسمه بسخرية وبلحظه وقفت امامه تحدثه:-بجد اه بحبك أو كنت فاكرة ده ،ثم بدأت تدفعه بيدها من صدره للخلف لتخرجه لخارج المنزل تحدثه بغضب:-انا اكتشفت انك بالنسبالي زى قرص المسكن بالظبط دخلت حياتى فى وقت غلط عينى كانت عامية مابتشوفش ولما فتحت اكتشفتك على حقيقتك مزيف حقير وواطى زيك زيهم بالظبط من برا قشرة جميلة ومن جوا سوس ..سوس بيموت اللى يقرب منهم بس الحمدلله انى بعدت عنك قبل ماالسوس ينهشنى انا كمان عشان كده هقولهاك انا المرادى ياابن الشهاوى انسانى وابعد عنى ولو شوفتنى فى طريق امشى فى غيره ماتحاولش تقرب منى لانى مش هرحمك هأذيك واذيتى هتكون بموتك يارمزى سامع بموتك..